roslish;10715575:
يا بنات حد عنده فكرة عن برنامج الترحيب بلااعضاء الجدد في اورفليم بمناسبة الكريسماس؟ العضوية مجانية و هدايا فظيعة كدة عند الشراء ب 100 نقطة؟ حد بئة يفهمني المموضوع من اوله لاني مش عارفة اتعامل خاااااالص..يعني ايه نقطة دي و تطلع ايه و بتتحسب ازاي؟ و كمان العضوية مجانية دي يعني اخد ورقي و اروح و اعمل اوردر و كدة و خلاصو لا لازم الاوردر يبئة ب 100 نقطة علشان العضوية تبئة مجانية؟
بوصي يا قمر برنامج الترحيب في ديسمبر مختلف بمعنى
لما تشتركي وتعملي 100 نقطة والنقطة بتختلف ممكن تكون ب 3 ج وممكن تكون ب 3.25 وممكن تكون ب 3.5 بس غالبا نقول ب 3 جنيه يبقى 100 نقطة ب 300 جنيه
لما تعملي طلبيه بالقيمة دي يبقى العضوية هتاخديها مجاني مش هتدفعي قيمة الاشتراك ال 30 جنيه دا غير انك هتدخلي في برنامج الترحيب وأول شهر هتكون هديتك منتجات هتختاريها تكون بقيمة 150 جنية بسعر العضو يعني حوالي 200 جنيه سعر بروشور ولكن المنتجات اللي هتختاري منها الهدايا مش في البروشور العادي لا دول هيعملو بروشور تاني مخصص للعضوات الجدد يختارو منه الهدايا بالقيمة المحدده
كده خلصنا من أول شهر ... تاني شهر لو عملتي 100 نقطة يعني 300 جنيه مشتريات هتاخدي هدايا بقيمة 250 جنية عضوية يعني تقريبا 320 جنية بروشور والمنتجات هتختاريها من بروشور خاص بردو هينزل
الشهر التالت والاخير لو عملتي 100 نقطة يعني حوالي 300 جنية مشتريات هتختاري منتجات بقيمة 300 جنية عضوية يعني حوالي 390 جنيه بروشور وبردو المنتجات هتنزل في بروشور مخصص تختاري منها
يبقى بدل ما هما بيدوكي هدايا فارضينها عليكي لا هما ادوكي مبلغ وبروشور تختاري منه منتجات بالقيمة المحدده ليكي
وللعلم ال 100 نقطة اللي المفروض تعمليها مش شرط تعمليها في اوردر واحد لا انتي ممكن تكمليهم خلال الشهر كله عادي جدا
ولو مثلا اشتركتي واول اوردر مش كملتي 100 نقطة طبعا هتدفعي 30 جنية حق العضوية بس لو قبل ما يخلص الشهر انتي كملتي ال 100 نقطة من حقك تستردي ال 30 جنية حق العضوية لانها هتكون مجانا ليكي
دا كان شرح بسيط للنظام وبرنامج الترحيب المخصص لشهر ديسمبر
اتمنى اكون قدرت اشرحلك ولو في اي سؤال اسألي على راحتك
وعيد سعيد :DF: