كل ما تريدين معرفتة عن منتجات اوريفليم ( الجزء الثاني )

الحب هو الحياة;10603572:
لا مش حينفع حجز لازم تكملى ال 50 نقطةو بعدين تتطلبيها وان شاء الله تكون موجودة

لما بتعملى اوردر بتاخدى بتاع الشهر التالى

ميرسي يا قمر(f)
بس انا قصدي اعمل 50 نقطه و لو مش موجوده تتحجز ولا مفيش حجز حتى لو عملت ال 50؟
طب افرض معندهمش ماسكرا اصلا خلصت


و يا بنات احلى برفان رجالي نازل ايه
و عايزه قوي مش خفيف

*GOGO*;10609677:
ازيكم يا بنات انا جديدة معاكم في التجمع ده بس قديمة في المنتدي
المهم بقي عاوزة اسئلكم علي شوية حاجات و يارب تفيدوني
انا بقالي كام سنة بستخدم البودرة المائية الزفت دي و بجد حاسة وشي باظ
انا قبل كده ماكنتش بحط بودر خالص
لكن بعد استخدام البودرة المائية مابقتش اعرف اخرج من غير بودر حتي لو مش هحط اي ميكب تاني لاني بحس وشي باهت و كل حته لون
جربت استخدم فاونديسين و جبت واحد من ايفون لكن ماعرفتش استخدمه
دلوقتي بقي عاوزة حد يقولي علي حاجة كويسة بدل البودرة المائية الزفت دي
عاوزة حاجة توحد لون البشرة و تبقي ناتورال لوك كده و طبعا تكون سهاة الاستخدام
سمعت كذا حد منكم بيتكلم عن اللوز بودر ياريت تقولولي ايه نظامها و بتستخدم لوحدهاو لا لازم مع فاونديشين
و طريقة استخدامها ولو في حاجو غيرها اوك بش بجد نفسي ابطل البودرة المائية دي ربنا يخليكوا

كمان عاوزة كريم حلو لوشي يرجعله رونقه و يشيل الحبوب و اثارها لاني حاسة بشرتي تعبانه و مجهده جدا

بالنسبة للحاجات اللي استخدمتها من اوريفليم و عجبتني فانا مشتركة بقالي 3 سنين وجربت كذا حاجة مش بستغني عنهم
الكحل طبعا بكل الوانه
كريم الايدي و الاظافر اللي لونه بيج ده
الفوت كريم الحجم الجامبو ههههه
روج باور شاين
ماسكرا كيرل اللي لونها نبيتي و ماسكرا جورداني جولد اللي كلها دهبي
سيلك اند كاشمير هاند كريم
مجموعة ديفين الزرقا كلها تحفة البرفيوم و الكريم و الرول اون و السبراي و البودرة
بودرة فولار تحفة بحب ريحتها جدا و برفيوم ميس او الينك تحفة بجد بس صغير اوي
مش فاكرة حاجة تاني لو افتكرت هقولكم

ابعدى عن البودرة المائية وهاتى بودرة وكريم اساس اما اماندا بودرة وكريم اساس
او ماكس فكتور او بودرة فلومار
من اورفليم كريم اساس جوردانى والبودرة لوس بودر من اورفليم بيوتى
وميرسى على عرض تجربتك ياقمر

manona_00;10609768:

ميرسي يا توتى على الصور بتاعه العروض الداخليه

شبطت طبعا فى حجات كتير بس الميزانيه خرمت معايا :confused: عشان من يوم ما اشتركت وانا نازلة شرا

المهم فى الاخر رسيت انى جبت كريم القدم لمامتى بس وشكلى هقلبه منها :D انا عندى الفضى المفروض انه اغلى ومخصوص للكعب ومبيعملش اى حاجه خالص (n)(n)

اه وجبت لصحابى روج فيجنز مع انه مكنش عاجبنى بس لما جربوه طلعت الوانه حلوة جدا جدا ورقيقه بس انا جبت من البروشور عادى مش من بتاع العرض

كنت بفكر اجيب اوبتيمالز بتاع التفتيح بس برضه خفت من حكايه التفتيح دى :ss:

ايه رايكم فى غسول اوبتمالز بتاع البشره الجافه والتونر بتاع كل انواع البشرة ولا اجيب الصبار تانى ؟؟ وهم حجمهم اد ايه ؟؟

الماسكرا شكلها عليا عجب صحابى اوى يعنى بتطول وبتعمل التفاف بشكل جميل بس انا كان نفسى ف حاجه بتكثف فى نفس الوقت

يا بنات ايه اللى احسن فى ترطيب الجسم لوشن زى سيلك ساتين كده ولا البدى كريم بتاع البرفيم انا متفرقش معايا الريحه المهم الترطيب ولا استنى ميلك اند هنى ولا اجيب جونسون كان بيرطب اوى بس كنت بحس لما احطه انى لسه مقطعه بصل:ss::ss:

معلش طولت عليكم :o

العفو ياقمر خليكى فى مجموعة الصبار طالما بشترتك حساسة وكمان خلى بالك دلوقتى فيه تغيير جو والجو جنان والبشرة بتتغير بس بتختلف من بنت لبنت انا بتقلب مختلطة جافة هههه بس ارحم من الصيف مختلطة دهنية

اللوشن اخف وملمسه جميل وبيتمص بسرعة لكن كريم الجسم بيكون اتقل ودهنى بس حلو طبعا لانه بيثت ريحة البرفام

manona_00;10610222:

معلش يا انوش

اوبتيمالز البشره العاديه لونه ايه ؟؟

اصل انا عايزة اشوف ايه المتاح البروشور الجاى عشان اجيبه قبل ما بتاعى يخلص عشان مبطلش استعمله

العنب ملهوش تونر لو جبته اجيب معاه تونر ايه؟؟

واللافندر ده انا مشوفتهوش من يوم ما بدات اجيب كتالوجاتهم

بصى دى الحجات اللى كنت بفكر فيها و لسه مختارتش

1- غسول وتونر العنب نازل دلوقتى

2- الغسول واللوشن بتوع بيور سكين مع انى جبت الكريم وحاسه ان عادى يعنى قلت يمكن عشان لوحده

3-غسول وتونر التوت ومعاهم كريم نازلين الشهر الجاى ب56 جنيه على 200 جنيه بروشور

4- مجموعه الصبار

5- بقول لو احتارت اوى مش هجيب من اورفليم خالص واجيب من بره :D

مجموعة الافندر هيه اللى نازلة الشهر الحاى بعرص 56 جنيه على مشتريات ب 200 جنيه
انا رايى خلكيى فى الصبار ياقمر

mariam87;10610749:

ميرسي يا قمر(f)
بس انا قصدي اعمل 50 نقطه و لو مش موجوده تتحجز ولا مفيش حجز حتى لو عملت ال 50؟
طب افرض معندهمش ماسكرا اصلا خلصت


و يا بنات احلى برفان رجالي نازل ايه
و عايزه قوي مش خفيف

بعد ماتعملى 50 نقطة لو المنتج نفع يتحجز حيتحجزان شاء الله
احلى برفام رجالى فى اورفليم سول وسيجنتشر جميلة

ميرسي للقمرات اللي ردوا عليا ....يعني داوقتي انا استقرت اني اجيب كريم الاساس جورداني و اللوس بودر بيوتي
بس خايفة من حاجة انوش قلتي ان اللوس بودر ممكن مش تعجبني عشان مش تغطيه قويه فبصراحة محتارة
ياريت تفيدوني بسرعة عشان لو كده الحق اجيبها لا اخرها يوم 13 لانها تقرا مش نازلة في البرشور الجديد صح؟؟

و عاوزة يا جماعة مجوهة كريم كويسة لوشي استخدم ايه؟؟؟

بنااااااااااات انا عايزة اشترك فى اورفيليم ايه المطلوب

هتروحى الفرع يا قمر القريب ليكى وهتديهم صورة البطاقة وهتملى ورقة البيانات وممكن يطلبوا عضو راعى ساعتها لازم يبقى معاكى اسم عضو والكود بتاعه تشتركى تحته

meroo012;10613607:
بنااااااااااات انا عايزة اشترك فى اورفيليم ايه المطلوب

المطلوب يا قمر صورة بطاقة و 30 جنية و رقم عضوة تشتركي تحتها ممكن لو تحبي اديكي رقمي

*GOGO*;10612983:
ميرسي للقمرات اللي ردوا عليا ....يعني داوقتي انا استقرت اني اجيب كريم الاساس جورداني و اللوس بودر بيوتي
بس خايفة من حاجة انوش قلتي ان اللوس بودر ممكن مش تعجبني عشان مش تغطيه قويه فبصراحة محتارة
ياريت تفيدوني بسرعة عشان لو كده الحق اجيبها لا اخرها يوم 13 لانها تقرا مش نازلة في البرشور الجديد صح؟؟

و عاوزة يا جماعة مجوهة كريم كويسة لوشي استخدم ايه؟؟؟

قوليلنا نوع بشرتك ايه ياقمر

meroo012;10613607:
بنااااااااااات انا عايزة اشترك فى اورفيليم ايه المطلوب

صورة للبطاقة وش وضهر و 30 جنية حق العضوية وكود واسم عضو في اوريفليم
هتروحي تقوليلهم عايزة اعمل العضوية هيدوكي استماره هتملي البيانات اللي فيها وتسلميهم الاستمارة وصورة البطاقة وال 30 ج وبس كده ياقمر بتكوني عملتي العضوية
بالنسبة للعضو الراعي بتاخدي كود واسم اي حد مشترك في اوريفليم لو عايزة انا ممكن ابعتلك بتاعي

أنوش;10613755:
قوليلنا نوع بشرتك ايه ياقمر

بشرتي كانت عادية بس من فترة كده بقي فيها مناطق دهنية فتقريبا كده هي مختلطة
وياريت يا جميله تردي عليا في موضوع اللوز بودر عشان الحق اجيبها وربنا يخليكي
ويايت حد يقولي هيا نازلة في الكتالوج الجديد اللي هيبدأ من 14-11

*GOGO*;10613833:
بشرتي كانت عادية بس من فترة كده بقي فيها مناطق دهنية فتقريبا كده هي مختلطة
وياريت يا جميله تردي عليا في موضوع اللوز بودر عشان الحق اجيبها وربنا يخليكي
ويايت حد يقولي هيا نازلة في الكتالوج الجديد اللي هيبدأ من 14-11

بوصي انسب مجموعة لبشرتك هي اوبتمالز الخضرا ودي نازل منها كريم الليل وكريم النهار في البروشور الجاي و على فكرة التونر والغسول والاسكرب من نفس المجموعة تحفة

بالنسبة للوس بودر لا مش موجودة الشهر الجاي هي بئالها 3 شهور بتنزل ورا بعض
اللوس زي ما قلتلك مش بتعمل تغطيه هي بتقفل اللمعان وبس واصلا هي لونها كلير يعني شفافة ملهاش اي لوووون ولا اي تأثير لا تفتح ولا تغمق
من رأيي خليكي في الكومباكت لانك اتعودتي عالتغطيه القوية والاقرب للبودرة المائية هي الكومباكت

مشكوره

أنوش;10614016:
بوصي انسب مجموعة لبشرتك هي اوبتمالز الخضرا ودي نازل منها كريم الليل وكريم النهار في البروشور الجاي و على فكرة التونر والغسول والاسكرب من نفس المجموعة تحفة

بالنسبة للوس بودر لا مش موجودة الشهر الجاي هي بئالها 3 شهور بتنزل ورا بعض
اللوس زي ما قلتلك مش بتعمل تغطيه هي بتقفل اللمعان وبس واصلا هي لونها كلير يعني شفافة ملهاش اي لوووون ولا اي تأثير لا تفتح ولا تغمق
من رأيي خليكي في الكومباكت لانك اتعودتي عالتغطيه القوية والاقرب للبودرة المائية هي الكومباكت

طب معلش يا جميل انا هزهقك
انا اصلي حابة ابطل البودر اصلا عشان وشي و اقلل الميكب عشان كده فكرت في اللوز باودر عشان عاوزه حاجة بس تظبط وشي مش لاوم لون يعني عاوز يكون اللوك ناتورال و كاني مش حاطة حاجة
كمان انا شفت في البورموشن الللوز كلير في منها درجتين ايه الفرق بينهم؟؟؟
و ايه احسن نوع كومباكت ممكن اجيبه و يناسب بشرتي
و شكرا ليكي انا تعباكي معايا

السلام عليكم

زي ما وعدتكم جبتلكم صور علب الميك اب م اورفليم عشان لو عجبتكم الفكرة تستنوا علبة راس السنة

أول واحدة اشترتها و دي رسميا علبة شهر العسل هههههههه






و هي مفتوحة اول دور






و هي مفتوحة تاني دور






و هي مفتوحة تالت دور بس الصورة اغمقت مني شوية





و اسفة على حجم الصور مش عارفة تتصغر ازاي و اول مرة انزل صور

يتبع

*GOGO*;10614210:
طب معلش يا جميل انا هزهقك
انا اصلي حابة ابطل البودر اصلا عشان وشي و اقلل الميكب عشان كده فكرت في اللوز باودر عشان عاوزه حاجة بس تظبط وشي مش لاوم لون يعني عاوز يكون اللوك ناتورال و كاني مش حاطة حاجة
كمان انا شفت في البورموشن الللوز كلير في منها درجتين ايه الفرق بينهم؟؟؟
و ايه احسن نوع كومباكت ممكن اجيبه و يناسب بشرتي
و شكرا ليكي انا تعباكي معايا

لا ياقمر مفيش زهق ولا حاجة بالعكس
بوصي مادمتي عايزة حاجة ناتشورال وكأنك مش حاطة حاجة يبقى اللوس حلوة مع كريم الاساس جيورداني
بالنسبة للدرجات بتاعة البودر الكلير دي اللي بتناسب الابيضين والقمحاويات زي الدرجة البورسلين في اساس جيورداني
اما الدرجة التانية من البودر هي شفافة بردو بس غامقة للسمر اوي فا مش هتناسبك
بالنسبة للكومباكت انا مش جربتها قبل كده بس البنات بيشكرو في فلورمار او جولدن روز

تاني علبة






مفتوحة اول دور






مفتوحة تاني دور






مفتوحة تالت دور






يتبع اخر علبة

amaladel

ماشاءالله جميلة ياقمر متبعينك احنا كملي ^_^

العلبة الاخيرة دورين بس






الدور الاول






الدور التاني






و صورة اخيرة للعلب التلاتة مفتوحين جنب بعض






يا رب اكون افدتكم

هاي انوش يا سكرة، يا رب تكون عجبتك يا جميلة

شوفي الميزة ان الالوان مختلفة خالص في كل علبة فعندي تنوع هايل و الكواليتي بتاعة الشادو و الليب ستيك هايلة و كمان البلاشر و البودرات درجات متنوعة و هايلة و الكحل روعة بجد و طبعا زي ما انتي شايفة العلبة الاخيرة انا واكلة الليب ستيك بتاعها تقريبا ههههههههههههه

amaladel;10614345:
هاي انوش يا سكرة، يا رب تكون عجبتك يا جميلة

شوفي الميزة ان الالوان مختلفة خالص في كل علبة فعندي تنوع هايل و الكواليتي بتاعة الشادو و الليب ستيك هايلة و كمان البلاشر و البودرات درجات متنوعة و هايلة و الكحل روعة بجد و طبعا زي ما انتي شايفة العلبة الاخيرة انا واكلة الليب ستيك بتاعها تقريبا ههههههههههههه

ماشاءالله ياقمر حلوين جدا
والروجات الوانهم جميلة ماشاءالله
تتهني بيهم وعقبال ما تزوديهم ^_^
تستحقي تقييم حلو زيك