لتسوق ذكي : مرة أخرى رخيص وقوي لأمهات البحرين

رقووومة .. الموضوع عمل ضجة اعلامية في منتدى عروس خخخخ اذا مو في النت بكبره ! عفية عليش !


المهم ..

كبت الحلو مثل كبت صدوق .. !

لكن بعدد اقل في الملابس أكيد .. !

اممم و بصراحة شي بخاطري نطق و قال OoOoh what is this !!! لما شفت الثياب المتراكمة !


الحمدلله ان كثير منها مأخوذ بسعر مخفض .. و يلبسهم حمود بالهنا .

فيه شغلهة بتلاحظينها او ممكن لاحظتينها ، هي انه استهلاكنا لملابس الحلوين صارت تقل كلما مرت الشهور .. يعني قبل سنة بالضبط كنت ابدل له ثيابه مرتين باليوم ، الحين خلاص البسه و ما احتاج الى تبديله .. عشان جذي الثياب تظل نظيفة و ارجع البسه اياهم يوم ثاني ، و بعض الثياب تكون ضحية ما تتلبس الا قليل .. !

بهالعمر اطفالنا خلاص فهمو انه ملتزمين يخلون الثياب نظيفة و يحافظوون عليها .. احيانا اوقف اقابل كبت ولدي و اشوق القمصان على بعض ( مهووسة قمصان - اقمصة ) و يجيني احباط لأنه اتملل منهم و خاطري في الوان و اشكال مختلفة و يرتفع مستوى الاحباط لأنه مافي مجال لشراء جدد لأني سويت ستوب خلاص ماله لزووم للجديد . لكن يرجع ينخفض مستوى الاحباط لما اتذكر انه عندي ولد ثاني بيلبسهم لما يكبر ان شاء الله يعني مو خاسرتهم .. ! ههههه مأساة !

في النهاية قول ااووووفففف و اسكر الكبت ، موقف يتكرر كل يومين و ترك ! بدون مبالغه !


و لما نطلع للسوق ، على اساس طالعه شوبينق لي بس ، امر عن خاطري على ملابس الاطفال و يعجبني قميص و اشيله و الثاني و الثالث و بنطلون وياهم .. بعدين لما اخلص و اروح الكيشر بنص طريقي اوقف اطالعهم و اتذكر الكبت و ارجعهم و انطلق للكيشر ، بينما راسي يفتر ورا لا اراديا حتى اطالعهم من بعيد و خاطري فيهم .. !


عذاب .. لكن استمتع لما اطلع من المجمع و ماعندي اكياس فيهم ثياب للحلوين .. !


اما للصغير قاعدة استفيد وااااجد من ملابس ولدي الكبير .. يعني 80 % من ملابس سيدون الصغير هي ملابس اخوه لما كان بعمره !
و لأنه هالعمر بسرعه يكبرون اشتري دائما من ( ماكس ، سناء ، مشوار ) اما البديات استغل تخفيضات مذركير .. !

ادري قلت قصة حياتي بس للفائدة !




اما عن كلامكم عن شراء الماركات .. ماعندي اضافة على كلام رقم .. هذا رأيي 100 % .. و لا و 1000 لا لهوس الماركات !

نسييييييت اقول لكم مشترياتكم حليوة كلش .. عليهم بالعافية الزغااار !


و امس رحت مشوار ( كرزكان و م حمد ) و بيرفكت جينز و النهر الابيض ..


و الحصيلة بس لي لأنه لا جديد في مشوار .. و للأسف البلوزات القطنية برقبة اللي في النهر الابيض ما فيه ابدا ابدااا و اني ابيهم :(

و بيرفكت جينز لقيت عندهم بلوزات قطنية كلش حليوة و مرتبة ماركة سيرجنت ميجور لونها ازرق سماوي منقط بأسود بس حسيتها بنوتية اكثر !

اللي شافتهم تعطيني رايها هل بنوتية او يتراوى لي !

بينك بوكس عندي حماس له لكن الظروف ابت ان لا اذهب هههه ،، ان شاء الله قريب .

ام علاوووي;10541921:
اهللين بناات ..
انا اليوم رحت انصار جاليري وعالللم زحمه مووت ..!!
اخذت فكره عن المكان الاسعاار وطلعناا ..
زحمه موووت ..!!

رحنا الصبح تقريباً الساعة 11 دخلنا للألعاب، ولعبنا هدوي شوي، بعدين طلعنا للدور الثاني القسم اللي فيه الملابس والإكسسوارات، بس مررررررررة زحمة، وزوجي يبغى يرجع عشان يروح للدوام، قال خلينا نطلع ونجي مرة ثانية، أخذنا فكرة عن المجمع، بس حسيت أسعار الملابس النسائية غالية شوي، يعني في سناء وماكس نلاقي أحلى وأرخص(y)

أم مرااام;10549582:
أم هاادي
نوورتي البحرين و الله
و بانتظاار التقرير و المشترياات
و ان شااء الله مرة ثاانية نعطيج تقرير مفصل
للأسف ماا شفت استفساارج !!

مشكورة أختي أم مرام، والبحرين منورة بأهلها الطيبين، وإن شاء الله أنتظر الكميرا تخلص شحن وأصور مشترياتي من البحرين في هاليومين اللي راحوا.

أم مرااام;10549877:
أم هدووي
حلووة المشترياات
ذووق و أنااقة
ملبووس العاافية ع البطل

تسلمي أختي والله يعافيش إن شاء الله.
وصدقيني أختي تعلمت اشياء واجد من عندكم، وخصوصاً من هالموضوع اللي أكثر من رائع(y)

مشترياتكم حلوه واسعارهم احلى واحلى


عندنا في السعوديه فيه مثل مشترياتكم لكن اسعارنا اعلى


لان اكثر من مره انزل شيء من الملابس ويقولو الاخوات اخدوه من مشوار


واسعارنا تبدى من 10 وفوق


وادا فضيت بصور مشتريات الرخيصه لكن من السعوديه

ربيعيه;10550228:
مشترياتكم حلوه واسعارهم احلى واحلى
عندنا في السعوديه فيه مثل مشترياتكم لكن اسعارنا اعلى
لان اكثر من مره انزل شيء من الملابس ويقولو الاخوات اخدوه من مشوار
واسعارنا تبدى من 10 وفوق
وادا فضيت بصور مشتريات الرخيصه لكن من السعوديه

صدقتي أختي ربيعية، وهذا اللي خلاني هالمرة لما رحت البحرين أصر إني أروح للمحلات اللي يشتروا منها خواتنا في البحرين، وخصوصاً البلوزة المخططة اللي عرضتها وحدة من البنات الإسبوع اللي فات، قالت إنها أخذتها بدينار، وعندنا يبيعوها بدينارين:confused:، يعني الضعف ياخذوا علينا:mad:

ضحكني الكاركتيوور ..!!
وحسيته يناسب بعض عقوول الماركات ..
وقلت اشاركم فيه خخخ ..

رقم;10549473:
أني بعد شغالة فشار لا :o حتى كبت كتكوتي ما نجى وصورته بكبره :tongue:

في الواقع يمكن يكون فشار ما أدري

ويمكن يكون عشان أقول أن مو معناته إن احنا ندور الرخيص أن احنا بخلة ... بالعكس أكو فينا مثل حلاتي مبذرين ويشترون لصغارهم فوق حاجتهم لكن الحمد لله مو مهووسين ماركات موعد نزول الكلوكشن الجديد

ممكن أحد يقرأ كلامنا ويقول اللي ما يطول العنب .... وأن كل المبررات اللي ذكرت لأن أحنا مو قادرين أو مو حابين نصرف على لبس صغارنا

بس أكو الكلام وأكي الصور وبعدها كل واحد حر يستنتج على كيفه الأسباب

مافهمتين قصدي
كنت اقصد الي يشترون مو لشي بس علشان الماركات فهم يفوشرون :o

هذيان

بلى خيو فهمت قصدش

بس من عبارتش حبيت أوضح أكثر فكرتي وبديت بمزاح لا غير

ماشاء الله عليكم

الله يعطيكم الخيرات دايما وتاخذون الي بخاطركم

عجبني الموضوع وتسلم ايد صاحبته وايادكم وايد افدتونا


لنا عوده ان شاء الله

موضوع رائع وذكي طالع على صاحبته :wink:

أولا : أني أشارككم نفس القناعات لايهمني اسم ماركة ولا أقيم شي على أنه كشخة لأن ماركة بل معاييري في التقييم هي (الشكل وجودة التصنيع والمقاس في اللبس)

ثانيا: لايعلم الكثيرين ممن يدمنون على الماركات أنهم وببساطة أصبحوا مندوبين لتسويق اسم هذه الماركة العالمية أو تلك (يعني بالعامي ولدي يسوي دعاية للاسم العالمي ) بس مو يعطونه فلوس يأخذون منه مبلغ وقدره بعد .

ثالثا : كل سلعة أو خدمة الواحد يحصل عليها مقابل قيمة يدفعها فهل من المعقول أن قيمة قميص 18 دينار ..:eek: ، حتى لو حرير طبيعي .. لا أكيد السالفة فيها إن :rolleyes: ..!! السالفة أني اشتري قميص + شي ؟؟ :sm229:
من الشاطرة تعرف وش هذا الشي ؟؟ :sm229:


الشي هو الاسم (اسم الماركة طبعا )
يعني ببساطة أني رايحة المجمع الفلاني أدور قميص حصلت هذا العرض (قميص +اسم)=18 دينار قيمة القميص 8 و10 قيمة اسم الماركة القميص اوكي بلبسه والاسم انزين شلون اطلع قيمته :sm229: ... رجعنا للموضوع اللى تطرقوا ليه خواتي "الفشار" حسب لغتنا الدارجة وهو التفاخر والتباهي ، يعني هي في بالها مايصير دافعه قيمة الاسم لازم الناس تدري عشان تحس ان هي حللته .. انزين من اللى قال لش روحي من الاساس ؟؟ وترى هذا كله صراع داخلي نفسي بحت وهو توق النفس الانسانية للكمال <<< بس مو احنا يختي اللى ندور كمالنا في ثياب ما ثياب ..
وعرض ثاني قميص (بدون اسم )<<<<<<<< اوووووه حتى هذا ماركة :wink: ، يعني قميص من محل عادي ب8 دينار بتلبس القميص وانتهى الموضوع ولا بتدش في متاهات نفسية وعقلية وصراعات داخلية وغيره.

لفته : قد يضطر أحد منا الى خيار شيء ماركة لجودته ولأنه الخيار الوحيد ولكن موضوعنا عن الذين يكون معيارهم أو الشيء الذي على اساسه شراءه هو هل هو ماركة أو لا؟
والذين ينتقصون ويستصغرون أن يشترى أحدهم ملابس بدينار ودينارين وحتى لو نفس القطعة بالضبط اللى في المجمع الفلاني ب10 دينار شوفوا الولاء للشركة <<< :eek:

بيس ان شاء الله ماعورت راسكم :)

رقم

ما شاء الله عليش .. كلامج عين العقل
بس صراحة اللي نسويه في روحنا وفي الكبت جنووون

كبت ولدي بالضبط مثل كبت ولدج .. وبعد عناء الجرد طبعا ما يتغير شي .. بس النفسية تتعب لأن واجد من الثياب ولدي ما لبسهم وصغرو عليه

جنون الشراء حق الولد الأول "هباله" بس شيفيد الندم عقب تراكم الثياب وخسارتها

بس انا صراحة ما اتحسف .. لأني اطلع الثياب للفقراء والمحتاجين سواء عندنا في الديرة او نطرشهم بره على الاقل ناس تلبسهم وتفرح بهم ونكسب اجر عن حطتهم بدون فايدة

وفوق هذا كله نقول الحمد لله رب العالمين

أم علااوووي

ههههههه

حلووو الكاريكااتير

مسكيييينة بيفضحهااا خخخ

بسمة أمل البحرين
بالعافية على الاميرات حلوووووة مشترياتهم

mo0omo
عوافي على البطل حلوين واسعارهم (y)

هديل
حلووووين وذوق واسعارهم أحلى .. عوافي على الاميرات

شاعرية
بالعافية على الأبطال روعة سعر وشكل وجودة

فطوووم
مشترياتك من أنصار جاليري روعة وأسعارها أروع ... أني مريت على قسم الأطفال مرور الكرام عشان ما أفكر مجرد تفكير آخذ شيء للبطل ولو ب 200 فلس لأنه متشبع وزود

قنوت
ذوووق ثياب ولد العم ... عوافي


أم هادي
كالعادة ثياب البطل روعة ملبوس العوافي ... حبيت القميص الأبيض جداً

أم علاوي
الكاركتير روووووووووعة ع الجرح تمام

شخباركم عرايس
كنت متابعتنكم من خلف الكواليس بس يوم جفت كلامكم عن الماركات ما قدت قلت لازم ارد لان فى قلبي كم كلمه متعبه نفسيتى
الحمد لله انى احوالى الماديه ميسورة اقدر اخد الغالى والرخيص بس ما احب اخد غالى واجد لان احس جنون انى اخد الى ولد عمره سنه او اقل مثلا قميص بعشرة او فوق او اى شئ من الثياب ....
حمواتى على طول ياخدون من الماركات مايحبون يروحون ياخدون من مشوار وغيره كم مرة مرة حمى راحت معاهم وجوا ماخلوا شئ الا قالوه عن مشوار وكل قعداتهم عن الماركات,, زارا ونكست ودبنهامز ’’ ولو يجوفون على اولادنا شئ ويسالونه من وين وبكم ونقول لهم الوانهم تتغير تصدقون بناتهم الحين جدى كلامهم كل عن الماركات وما يرضون يلبسون اى شئ تصدقون بنت حماتى الصغيرة عمرها 11 سنه لو تشتري لها امها شئ من السوق المتنقله تتطر تجدب عليها ومتقولها انها من السوق علشان تلبسها ما تقطها ماتبي الا من زارا ومونسون احسها بصراحه سخافه
وسمحوا لى طولت عليكم

السلام عليكم

كثر الكلام هنا عن الرخيص والقوي وهذا مايحبه اغلبية المشترين سواء اكانوا ممن يبحثون عن الماركة ام عن الاناقة خخخ ولكن
بقي امر واحد لم تتركوا لنا المجال نحن كذلك للشراء, :tongue: في كل مرة اذهب للتسوق الى هذه الاماكن التي تشترون منها لا ارى سوى غبارها..
خففوا له من المشتريات بالخصوص اللي عندهم بنوتات :D الظاهر انتون اللي تخلصون البضاعة اللي تنزل :tongue: وماتخلون لنا مجال للتسوق الذكي..
كلمة اخيرة ان الله لا يحب المبذرين...

! أنثى !;10549998:


و بيرفكت جينز لقيت عندهم بلوزات قطنية كلش حليوة و مرتبة ماركة سيرجنت ميجور لونها ازرق سماوي منقط بأسود بس حسيتها بنوتية اكثر !

اللي شافتهم تعطيني رايها هل بنوتية او يتراوى لي !

.

شفتها جداً حبيتها حلوة وراقية (y)

بس بنوتية واضحة للأسف :(

! أنثى !;10549918:




اما للصغير قاعدة استفيد وااااجد من ملابس ولدي الكبير .. يعني 80 % من ملابس سيدون الصغير هي ملابس اخوه لما كان بعمره !
!

آحلى شي ان الصغير يلبس ثياب الكبير ... اتمني اجيب بنوته عقب ريم عشان بس تلبس ثيابها المكدسه....


آنثى.... شفت صوره صدوق وعرفتش من كثر الشبه بينش وبينه ... كنتين ويايي في المدرسه وتقريبا من نفس الديره :)

موضوع رائع ومفيد في نفس الوقت

بالنسبة لي حاطة في بالي اني مااشتري شي بتاتا لاولادي حاليا لانهم مكتفييين بقوه شتوي وصيفي

بالنسبة للشتوي صغيري عنده كمية لا بأس بها من تخفيضات العام الماضي

وهو واخوه عندهم اقمصه صيفية واااااجد قلت بطقمها مع بلوزات ساده بكم من تحت واريح نفسي وخصوصا ان

الشتا قصير

ملابس اطفالكم كلهم حلويييين وكشوخين بالعافية عليهم

ومو كل اللي يلبس ماركة وغالي صار لبس اطفاله حلو يعني الشراء بالمقام الاول يعتمد على الذوق الحلو وحسن التنسيق سواء كان ب 5 او 1000

واتوقع ان احنا كلنا الحريم من يصير عندنا بيبي خلاص نركز عليه وننسى انفسنا في الشراء

من قبل فترة كنت افرز جزم ولدي الصغير واكتشفت ان عنده 4 جزم لونهم كحلي وجلست افكر وحده كفاية لو بدل 3 ماخذه له الوان ماعنده مثلهم افضل بس الوحده من تدخل السوق يصير على عيونها غشاوة ههههه

بس الحمد لله الحين قمت ادقق في هالامور والفضل يعود للقمر رقوووم وافكارها الذكية مشكورة جدا جدا ورحم الله والديش والله يهدي لش حمووود ان شاء الله تشوفيه في اعلى المناصب دعوة صادقة ومن قلب

اذا فضيت بنزل لكم صورة خزانة اولادي

شيئاً فشيئاً يقترب موضوعنا بجزئه الجديد من الاغلاق ... بعد أقل من عشرة أيام على فتحه

الجميل في هذا الجزء أنه لم يقتصر فقط على عرض المشتريات وأسماء المحال ... بل تطرقنا لتجاربنا وتناقشنا في مواضيع تشعبت لأمور هامة ، وتعلمنا أشياء كثيرة منها أن ليس بالضرورة أن يحمل الأجمل اسم ماركة معروفة

و إن بالإمكان شراء نفس المنتجات بقيمة تصل للنصف إن لم يكن أكثر هبوطاً إن انتظرنا " في حالة عدم الاضطرار " قليلاً فضريبة الاسم وتوقيت النزول تحذف في النهاية غالباً

وعرفنا كيف يكون التسوق ذكياً فعلا فهو ليس بالضرورة التسوق بأسعار منخفضة وجوة عالية لكنه التسوق الانتقائي الاحتياجي
ومرض هوس الشراء لا يقل سوءاً عن هوس الماركات

.................

ربما يختلف البعض معنا ولا يوافقنا الرأي لكن هذا المنظر في كل مرة أدخل فيها للموضوع يسعدني جداً

يتصفح الموضوع حالياً: 17 (12 عضو و 5 ضيف) ‏رقم*, ‏اسيرة زمانها, ‏@قنوت@, ‏زهور العيد, ‏UM QASEM, ‏HMHN, ‏ماركة بحرينية, ‏العيون الحائره

.........

الموضوع يلاقي إقبالا جيداً ولو للإطلاع فقط ولامس شيئاً في نفوس الكثيرين وخاطب العقول

وبات الكثيرات منا شيئاً فشيئاً بدلا من أن يخجلوا من انخفاض سعر شيء ما يعلنونه في ثقة وزهو حميد

وأتمنى أن يتحول الموضوع ولو على نطاق ضيق لظاهرة كما تحولت الماركات لظاهرة

اي نسيت اقول لكم ان عندي هوس في شراء الاحذية لاطفالي هههههههه لدرجة ان لو اوريكم اياهم تنصدمون

بس ان شاء الله اقدر امسك نفسي عن التشري لاني مسوية مقاطعة ويا السوق