ياربي صبرني :(

انا عندي مشكله وصار لي فتره متضايقه منها ...وكنت خايفه افضفض واتكلم ويوصل الكلام لأهل زوجي ويعاتبوني ويعادوني لأني اتكلم عنهم في النت
بس انا ولامره ذكرت أسماء ومحد يعرفني انا من في الحقيقه ولا اسمي الحقيقي وكتبت من قبل

http://forums.3roos.com/t468044.html

بصراحه انا انجرحت جرح كبير من عمتي (ام زوجي ) اللي رح اتزوجه بعد 29 يوم ... ماقلت لزوجي اللي صار بس امس في الليل تذكرت اللي صار وتضايقت مع ان الموضوع صار له فتره طويله ..


اللي صار ان بعد 3 شهور من الملكه كنت في بيت زوجي بيت اهله ... وكانوا رايحين بيت اهل عمتي .. وقالتلي تعالي معانا ومايصير و اهم ماشافوك غير بالحفله ... المهم انا قررت اروح فرحت ولبست عباتي ومسكت شنطتي ونزلت ... شوي الا عمتي تركض رايحه فوق وقالتلي تعالي معاي .. رحت وشفتها ماسكه صابونه دوف وقالتلي غسلي وجهك.... غسلت وجهي بعدين قالت خلي الرغوه تطلع غسلي زين وغسلت زين بعدين قالتلي روحي الغرفه حطي مكياج.. انا ماكنت حامله مكياج بالشنطه لاني ما احب المكياج ولاعمري حطيت مكياج وانا ادري اني بطلع (لاني ما اتغطى علشان كذا ما احط مكياج ) المهم انا حسيت نفسي زباله حسيت اني وحش قبيح وعمتي متفشله مني وماتبي اهلها يشوفوني على طبيعتي ... جلست اصيح في الحمام .. مسحت دموعي ورحت الغرفه احط مكياج .. المهم حطيت كريم اساس خفيف وبس ودخل زوجي وشافني وقاللي ماله داعي هالاشياء انتي حلوه مثل ما انتي ... قلت له انت ماتدري ليش انا اسوي كذا لو تدري مالمتني قال لي ليش ؟؟ فكرت اقول او لاء خفت انه يتزاعل مع امه وسكتت ماقلت شي وبعدين طلعنا واول مارجعت البيت ضليت اصيح لحد مانمت:confused:


وفي سالفه مشابهه صارت وانجرحت انا واختي بعد... هالسنه على وقت العيد اختي قررت انها تسافر معاي انا واخوي .. انا كنت متردده ومومتحمسه بس قررت اني اروح اغير جو المهم كنا بنروح تركيا وقلنا حق عمتي وكانت عاديه لحد ماكلمت يوم ثاني الصباح تسأل: البنات بيتحجبون ؟؟ قالت امي اكيد ليش سمعتي شي مثلا؟؟ قالت لاء مايصير ان البنات مايتحجبون ومايصير يحطون مكياج ومايصير يلبسون حجابات ملونه!!!!لايروحون ثواب صيامهم مع العلم ان احنا بغض النظر عن الحلال والحرام مانحب الالوان الفاقعه كل الالوان الباهته والغامقه !!
ومع العلم ان عمتي وبنتها لما سافروا السنه الماضيه العمره كانت عمتي لابسه حجاب زيتي وبنتها ماتروح الابشنطه مكياجها حتى في السفر صحيح ماتحط طول الوقت بس انها تحط مكياج وتتلثم وانا احس ان هذا الشي فيه لفت للنظر وانا ذكرت في اكثر من مره ان انا وخواتي مانحب المكياج اختي عملها مختلط علشان كذا ماتحط مكياج غير في قعدات البنات و الزواجات وغيره لان انا وخواتي مانغطي وجهنا ..ننتمي لمذهب مايحرم كشف الوجهه اذا كان الوجه خال من الزينه علشان كذا نطلع من البيت ووجهنا مغسول مافيه شي ولاشعره منا طالعه
اما بالنسبه للحجابات الملونه انا مومقتنعه فيها معقوله خواتنا اللي من الدول العربيه الثانيه اللي يلبسون حجابات ملونه مايحصلون على اجر؟؟ بصراحه هذي الاشياء اللي تكره الانسان في الالتزام لما الناس تحط عقد في كل شي وتتكلم وكأن الله ظالم (استغفر الله) بس والله حرام اللي يصير:(
حتى موضوع الالتزام اللي الى اليوم مافهمته قالت عمتي لامي لازم بنتك تصير ملتزمه؟؟؟؟ انا اصلي واصوم واتصدق حالي حال الناس ؟؟؟ مافهمت ولا ابي افهم
كلمت زوجي وقلت له انا وياك متفاهمين على كل شي وبصراحه انا ما احب الحنه اصير مجنونه اعاند... وما احب احد يقعد يعيد ويزيد اتضايق وهذا شي بيني وبينك ماحد له دخل ....
قال لي انا بتكلم معاهم ومابخلي احد يتدخل بس للأسف مانفع لانه كلمهم مره ولما تكرر الوضع ما حبيت اقول له كل مره يصير موقف معاهم!! ..


الشي الثاني اللي مضايقني موضوع السكن... ان الوالد (الله يرجعه بالسلامه) كان شرطه الوحيد انه اسكن في مكان لحالي ومن قبل ماتتم الخطوبه وهم يتكلمون انهم بيبنون شقه منفصله وقريبه لبيتهم بحكم ان زوجي يشتغل 12 ساعه و6 ايام بالاسبوع بتملل لحالي احسن شي يكون السكن قريب لأهله خاصه ان انا من منطقه ثانيه وبيت اهلي بعيد مره 20 دقيقه بالسياره..المهم باقي 29 يوم على الزواج والشقه اللي يقولون عنها ماشفناها...
المشكله ان زوجي مثل ماذكرت مشغول يعني الدوام ماخذ ثلاث ارباع وقته واليوم اللي يكون فاضي يكون عنده جامعه علشان كذا مسلم امور الشقه لأهله وأهله قمه في البرود ... المهم ان قررنا نقعد في غرفه زوجي نعدلها ونسنعها على ماتجهز الشقه وبعدين يصير خير مع ان ابوي ممكن يسوي سالفه ويتكلم مع عمي لان هذا مو اتفاقهم بس انا مو حابه اسوي مشاكل لاني بصراحه مبسوطه مع زوجي و احبه وما ابي شي يخليه يزعل مني او يصير حساسيات بيني وبينه... المهم ان من الحين امه وخواته يخططون على من اللي بياخذ الغرفه لمانطلع؟؟؟ اخته اللي اصغر منه علشان كذا اهله كلهم راحوا معانا محلات الاثاث علشان اخته تختار الطقم حق النوم ... تخيلوا انحرمت من ابسط حق من حقوقي اني اختار طقم النوم بحجه انه مؤقت طبعا زوجي حطوه تحت الامر الواقع قالو له انت ماتعرف في سوالف الحريم خلي زوجتك تختار وبعدين اختاروا طقم السرير حقه صغير اصغر من السرير حقي اللي في بيت اهلي وزوجي اخذني على جنب قاللي اذا مو عاجبك قولي انا بوقف معاك قلت له بصراحه انا عارفه ان اذا قلت لاء بيسمعوني محاضره عن انك انت على طول مشغول ومابيمديني احصل طقم بهالمواصفات ووووو...المهم قاللي حطي في بالك ان هالوضع مؤقت وبعدين في شقتنا بنسوي اللي نبيه وماحد بيتحكم وبنجي نختار من نفسنا ...المهم عدى اليوم على خير واشترى زوجي الطقم اللي هم يبونه على اساس ان كل شي في شقتنا بيكون جديد واختياراتنا الحين محدوده لأن غرفه زوجي صغيره ومايمدي ينحط فيها شي بس انا تضايقت لان الفرش اللي اخترته(اللحاف والمخدات زالشراشف) طبعا كان مقاس كبير وكان فخم وحلو وفيه كرستال سوارفسكي وكنت اتمنى انه يكون حق اول ليله بس للاسف مايمديني احقق هالرغبه اللي عندي واللي قهرني بعد ان عمتي توها مركبه ستاير في الغرفه لونهم برتقالي وزيتي وقالتلي اذا بتشترين فرشه دوري برتقاليه او زيتيه وانا بصراحه تعبت على مالقيتهم و اساسا في واحد موصيه عليه من برا شغل ايد بس ما اقول غير قهررر والله قهرررر... المهم انا من قبل قلت لهم انا ما ابي طقم جديد في غرفه زوجي حطولي مرايه (لان مافي تسريحه) بس عمتي رفضت واصرت على الطقم الجديد وقالت وش بتقول الناس لما تعرف ان ماجبنا طقم جديد قلت لها ما له داعي الناس تعرف قولو جبنا طقم مادام بتجيبون طقم جديد للشقه قالت مابيشوفوا سياره الاثاث ومابيصدقوا قلت لها انا ما ابي شي جديد غير بالشقه والحين النتيجه ان الطقم مو من اختياري ولاعاجبني ويمكن الغرفه ماتكفي اساسا...


الشي الثالث... اغراضي .. غرفه زوجي استخدمتها اخته المنفصله عن زوجها وحطت فيها كل اغراضها ... مثلا الخزانه فيها طقم قدور :rolleyes:وشراشف وطقم كاسات وصحون وتوستر حق الخبز وووووو:eek:
غير الاشياء اللي تحت السرير ... قبل اسبوعين رحت هناك وفتحت الخزانه علشان ارتبها واجيب اغراضي؟؟؟ بس كل الاشياء كانت هناك... مابقى وقت وانا ماعندي استعداد بعد الزواج بكم شهر اروح ارجع ديرتي واجيب اغراضي وارتبهم واتعب نفسي ابي كل شي جاهز من الحين!! كلمت زوجي قبل يومين وسألته وقال انه لما قال حق اخته تشيل اغراضها راحت غرفتها تصيح وبعدين شوي جت امه وعطته محاضره عن مراعاه مشاعر اخته ... قال انا بعد بتزوج لازم تراعيني مايصير اتفشل قدام زوجتي واهلها ان مافي مكان في غرفتي حق اغراضي ... ولحد الحين ماصار شي
امس كنت اسأل اختي وش تتوقعين لازم اسوي والله تعبانه نفسيا وكل ليله انام بدموعي قالت لي روحي وشيلي الاغراض وحطيها على الارض وبعدين حطي اغراضك مكانها و اكيد بيشيلون اغراضهم في النهايه الغرفه الحين صارت غرفتك المفروض ماتستحين
المهم امي قالت انا بشوف طريقه .. كلمتهم وعمتي سألت كيف حالكم امي قالت والله كتفي يألمني قعدت اساعد بنتي تحط اغراضها في الشنط تجهزهم لان زوجها قال بلا دلاعه يلاجهزي اغراضك وبنتي ماحبت تزعل زوجها ...
امي تقول ان عمتي تغير صوتها وقالت اي احنا قلنا بنجهز غرفه الولد هالاسبوع ...
بس قلبي كان قابضني وخايفه من اشياء واجد .. اطباعهم غير اطباعي .. ادري مالي دخل فيهم ماعلي غير من زوجي وانا وياه متفقين على كل شي ونتشابه في اطباعنا .. انا مو متعوده اني ما ادق الباب قبل ما ادخل على احد الغرفه بس اهم دائما يدخلون بدون مايطقون الباب
انا احب في اللبس البساطه اهم مايملى عينهم الناعم واذا الشي مافيه ترتر وكرستال معناته مايسوى :ss:
مع ان مثلا انا وخواتي نشتري الالماس اما عمتي تستكثر تدفع في الالماس تقول الزركون نفس الشي ... وتستخسر تشتري شنط ماركات وانا خواتي متعودين على الماركات (الحمد لله زوجي توه هداني شنطه ديور) يعني هالطبيعه مو فيه :)
مايحبون يكتمون الاخبار يعني تحب تتكلم في التفاصيل وتقول اشياء خاصه الى ناس غير مقربين وانا هالطبيعه ابدا مو فيني .... ويحبون المفاخره واحنا سوينا واحنا جبنا لكن عمتي مره عجبتها شنطه من شنطي وسألتني من وين وبكم ولما سمعت 500 ريال قالت الشنطه حدها 300 ريال !! قلت لها انا اشتري شنطه في السنه واحيانا يمضي وقت وما اشتري ما احب المبالغه ولا بالضروره الشنطه نفس الجزمه(وانتو بكرامه) ونفس العبايه انا هالشي عادي عندي

بس انا بالنسبه لهم ممكن افشلهم في اي لحظه وماشغلتهم غير ينتقدوني ويشهد الله ان ذوقي يعجب اغلب الناس وان اللي محلي لبسهم اجسامهم ماشاء الله عليهم اما اللبس لحاله مو حلو بصراحه !!

انا خايفه ما اتفق معاهم خصوصا ان ما ادري لحد الحين متى بيبدى الشغل في الشقه وبصراحه مو حابه اخرب العلاقات اكثر من كذا ابي انتقل بأسرع وقت وفي نفس الوقت ما ابي اشتكي لزوجي كل شوي ما له ذنب اخرب مزاجه :(

شسوي ؟؟؟ ساعدوني وادعولي :16:

اختكم ميم

!!!