[ ميګ آٻ حلوﯢوﯢومۃ , كولكشڹ متكامڸ ..

.

.

.

{ المجموعة الثانية ~ْ

وهي الأرواج & الجلوسات

أنا بشكل عام حاكرة نفسي بدرجات وألوان معينة

وما فيني الجرآة أغيرها أو أبدلها إلا نادراً ههههههههه

لأني أعرف الدرجات المناسبة لي بالضبط

وياما خذيت ألوان تطلع مب فن علي نهائياً

إما تسمر لوني أو تفتحني بزودة .. وأكره الميك آب بكبره على حساب اللون بس!..

لذلك وايد حذرة في سالفة الأرواج & الجلوسات

وميولي اكثر شي للأرواج .. أتشرى فيهم بالهبل!..

يالله نبدأ :



( كولكشن ماركة " ميبلين " , أحب أرواجهم خفيفة + نعومية )



هاللون غريب وحلو !..

جامع بين الأورنج & الفوشي / رقمه : 170

هههه شلون تصير ؟!..

بس في الصورة مب واضحة ذاك الزود

وهذي صورة توضيحية من النت .. للون الروج عالشفايف :




*



اللون الأورنج الهادىء مع شويه شايني - لمعة -

رقمه / 110

وهذي أقرب مثال للون الروج عالشفايف :



*



إحدى درجات الأحمر اللحمي الغامقة .. ولكن هاادئة & ناايس

رقمه / 180

للآسف ما لقيت مثال مقارب له من النت

*



الوردي الباهت

رقمه / 60

وهذي أقرب مثال للون الروج عالشفايف :



-



( كولكشن ماركة " ماكس فاكتر " , أرواج قوية وثابتة وايد , وريحتها عذاب ودج تاكلينها )



درجة غامقة من الوردي !..

رقمه / 325

*



اللون العنابي القاتم .. وعلى فكرة موضة شتاء 2009

الألوان الغامقة مثل , درجات الماروني - دم الغزال - , درجات البني .. إلخ

رقمه / 550

وهذي أقرب مثال للون الجلوس عالشفايف :



*



الأحمر .. حبيب قلبي !..

وايد أحب الروج الأحمر , وخصوصاً بلأعراس

لأن له زهوة في الميك آب

وخصوصاً الستايل الستيني [ و ا ا ا ا و ]

رقمه / 560

وهذي أقرب مثال للون الجلوس عالشفايف :



-



( كولكشن " مكياجي " , أعشق أرواج هالماركة , لأنها متنوعة وترطيبها عالي .. وأحتار شنو أخذ من عندهم )

*



اللون الأحمر .. وتحديداً لون الكرز , وايد أحبه

رقمه / 09 أو 60 مب متآكدة

وهذي أقرب مثال للون الروج عالشفايف :



*



اللون الخربزي , - المشمشي - أو - البطيخي -

وايد نعومي & نااايس

رقمه / 12

وهذي أقرب مثال للون الروج عالشفايف :



*



إحدى درجات الوردي ..,

رقمه : 09 .. من مجموعة " MINX " الجديدة

وهذي أقرب مثال للون الروج عالشفايف :



*



الفوشي .,

في الصورة طالع اللون باهت

بس في الواقع أهو من قلب ( فووووشي ) هههه

رقمه : 12 .. أيضاً من مجموعة " MINX " الجديدة

وهذي أقرب مثال للون الروج عالشفايف :



-



( كولكشن ال 3 قطع من ماركة " Beauty Pearl " .. الروج & جلوس بلمعة & جلوس عادي )

حبيت أرواج الماركة عموماً

*



هاللون فظيع وحلو بصراحة

وفي نفس الوقت غريب ولا أدري شنهي درجته

هو شي ليلكي هادىء , هو لحمي غامق .. بس حلو عموماً

أهديت القطعة الثالثة ( الجلوس الشايني ) إلى صديقتي

رقمه / 204

*



أحمر , إنما غير خالص !..

أحمر مايل للبرتقالي بشكل كبير

رقمه / 14

وهذي أقرب مثال للون الروج عالشفايف :



-



( كولكشن ماركة " نيفيا " , مب باب الصدفة هههه إن كل مرة أشتري من عندهم درجات الوردي وتكون متشابهة ولا أنتبه !.. )

هالماركة بشكل عام أحبها , والروج & الجلوسات كلمة روعة قليلة عليهم , أفكر أشتري ألوان أكثر

ههههههه وأعتقد بعد برجع أخذ الوردي !..

*



وردي نعومييييي

رقمه / 21

وهذي أقرب مثال للون الروج عالشفايف :



*



الجلوسات .,

وردية بس بدرجات متفاوتة + واحد بشايني & الثاني عادي

إلي على اليمين = 92 , واليسار = 27

-



( من كل بستان زهرة .. جلوسات من ماركات مختلفة وبدرجات متنوعة , بعضها بشايني , والآخر عادي )

*



من ماركة ( مبروك ) .,

درجة من الوردي .. مع لمعة !..

رقمه / 11

وهذي أقرب مثال للون الجلوس عالشفايف :



*



من ماركة ( لوريال )

اللون اليلكي الهادىء .,

رقمه / 201

وهذي أقرب مثال للون الجلوس عالشفايف :



*



أذكر شريته من بوتيك , بضاعته كلها من " تايلند " , وحتى راعية المحل تايلندية وكانت بضاعتها كلها ناايس

هذي الجلوس قسمين ( أحمر & وردي ) توفيري

*



من ماركة ( ريفلون ) .,

أيضاً إحدى درجات الوردي

رقمه / 14

وهذي أقرب مثال للون الجلوس عالشفايف :



*



درجة حلوة .,

من الخربزي مع شايني !..

وهذي أقرب مثال للون الجلوس عالشفايف :



-



من ماركة ( GOSH ) .. روج بلون روعة

أحمر القاتم

رقمه / 139

وهذي أقرب مثال للون الروج عالشفايف :



-



حبيب الكل!.

مرطب ( Labello )

عندي 3 نكهات

وايد أحبه وأستخدمه بكثرة وبشكل يومي تقريباً

*



محدد الشفايف .,

عندي لون واحد فقط

وهو لون طبيعي نوعاً ما

ليلكي خفيف

ويتماشى مع كل روج أستخدمه

لون ناجرال جداً .. ويعجبنييييييييييي


*

وبسسسس,

أنتهيت من مجموعتي الثانية

و راجعة لكم مع باقي المجموعات !..

[MARK="FF0000"][ رجاءاً .. رجاءاً .. لحد يرد على الموضوع إلا بعد ما أنتهي منه .. ما أبي الموضوع يخترب ] [/MARK]

بليز بنااااات , :angry:


.

.

.

.

.

.

{ المجموعة الثالثة ~ْ

وهي مكس " البلاشرات & الفرش & الكحلة & الكونسيلر .. إلخ " .,

يعني بحط لكم , كل ما تبقى من مكياجي :B_wink:

*



البودرة!..

أنا ما أستخدم كريم أساس & بودرة حرة !.. :no:

أستخدم البودرة المضغوطة

وأستخدم من ماركة ( مكياجي )

تغطيتها نعومية ومخملية و روووووووعة .. وثابتة ومناسبة جداً على بشرتي وتعطيني لون ناجرال مب أوفر

والأحلى سعرها جداً مناسب :up:

6 أو 7 دينار!..

تتوزع طبعاً بإسفنجة الماي ,

*



من ( ماك )

بلاشر وردي روعة ,

ما لقيت عليه رقم أنما الأسم , يمكن رقمه على العلبة - الكرتون - ومن زمااان ودعت ههههه :dd:

BREEZY



وأيضاً من ( ماك )

للآسف في الصورة اللون طالع باهت :sad:

لكن!..

في الصج الدرجة وايد حلوة

درجة من درجات الأورنج الفاتحة

PEACHES

*



بلاشر أحمر كريمي من ( مكياجي )

وعموماً أنا ما احب أستخدم البلاشر الكريمي !..

لذلك مب ذاك الزود بنظري

وكنت مضطرة أخذه لأني أحتاج هاللون في أحيان كثيرة :sm229:

رقمه / 04

*



درجة مميزة وهادئة من الليكي مع شايني .,

وأيضاً من ( مكياجي )

رقمه / 03

*



درجة من البرونزي مع شايني

وأيضاً من ( مكياجي )

رقمه / 07

*



الواضح في الصورة إن اللون مايل للأورنج شوي .,

لكن درجته غريبة

شي دمج مع الوردي & الأورنج .. ومايل أكثر إلى الوردي

حبيتتتته !.. :sm240:

*



من ( مكياجي ) المجموعة الجديدة " MINX "

خذيت هالدرجة الحلوة

أنا طلبت منها شي خربزي - مشمشي - ناعم

وطلعت لي هاللون , قلت لها بس هذي .. بني ؟!.. :icon9:

إلا تقول إهو لونه جذي بس في الإستخدام يكون خربزي وفعلاً !.. :yes:

روووووعة

رقمه / 01

-



هذي الكحلة " البودرة " لرسم الحواجب في الأساس

وفي منها لونين ( بني & أسود )

طبعاً أنا شريت الأسود

لكن!..

ما أستخدمه في كل الوقت لرسم حواجبي , إنما لرسم الكحلة

وفعلاً روعة وغاامق & ثااابت

وهذي سر يعني هههههه :baaa2:

كل من يشوف كحلتي يسآلني شنو تستخدمين ؟!.. :bleh:

وكل عسبالهم بودرة كحل عادية أو كحل سائل !..

فن الفكرة!.,

وأنا أستخدم الريشة الخاصة برسم الكحلة وضابط الموضوع معااي ,

وأتفنن برسم كحلتي :smile:

-



هذي " البجمنت " , أو اللمعة الحرة .. السادة

روعة بصراحة

عندي درجتين , الأبيض الصدفي & الذهبي!.. :shiny:

-



هذي أعواد القطن .. مفيدة جداً حق تنظيف أي بقايا & زوائد

أو شي أعتفس وتبغين تعدلينه .. أيضاً ممتازة

وعندي منه علبتين!.. :thumbs:

-



الكونسيلر ..,

هذي من " ميبلين " .. وتغطيته جداً ثقيلة

ومناسبة وايد لهالاتي السوداء وخصوصاً في الأعراس والمناسبات

رقمه / 03

*



هذي الكونسيلر .,

من ماركة ( برجواز )

خفيف وايد .. ومناسب للأيام العادية

وخصوصاً وقت النهار , كون تغطيته شبه ناجرال

-



الماسكرا !..

بالنسبة لي شي مهم جداً & أساسي

ومالي غنى عنها

لأنها تعطي جمالية كبيرة للعين :21_209:

وأنا الحمد لله رموشي تساعد أخذ أي ماسكرا وما أحكر روحي بشي معين

سواء للكتثيف أو للتطويل .. إلخ

ودوم أخليها .. كأنها كحل , سواء كنت بالميك آب أو بدونه :sa32:

*



من ماركة ( ماكس فاكتر )

الماسكرا الذهبية , خفيفة & حلوة

وتناسب وايد الأيام العادية

كونها مجرد تعطي تغطية وتغليفة حلوة للرموش !..

*



من ماركة ( كلارنس )

الماسكرا الفضية

وايد نايس بصراحة , وأنصح فيها :yes:

تطول وتكثف الرموش .. ويكونون طبيعين وحلوين بشكل كبير (y)

*



من ماركة ( لوريال )

ومن فرشاة الماسكرا .. واضحة إستخدامها

أنا دوم أستخدمها للأعراس والمناسبات

لأن - ما شاء الله - تسوي الرموش كأنها تركيب

تكثف وايد مب شوي & تقوسهم وتعطيهم طول رهيييييب :clap:

أنصح فيها بقوة للمناسبات

بس عيبها إن يبي لها دقيقة أو دقيقتين علما تجف وتثبت من زود ما هي ثقيلة

يعني ما تجف أول ما تخليها على طول :shy:

*



صورة جماعية .. للفرش & المنظف

أنا كل فرشي من " ماك + مكياجي " , ودائماً أستخدم منظف ( ماك ) للفرش

لكن!..

كان مخلص من عندي وأضطريت أشتري الموجود منظف " مكياجي "

و للآسف تندمت وااااااااايد :poster_ban:

لأن فرق السما والأرض بصراحة

منظف .. ماك , مجرد أغمس الفرشاة في المحلول وأفركها شوي وتصير نظيفة وكأنها جديدة :cool2:

إما [ مكياجي ] تنظيفه يلوع الجبد

كأنج تغسلين صحون !.. :dd:

لازم تطلعين الرغوة بيدج وبتفركين لين ما تطلع روح الفرشاة وتنظف !!!!!!!!!

عكس ( ماك ) إلي بثواني تصير الفرشاة نظيفة وايد بلا فرك وبلا مضيعة وقت

رغم فرق السعر ,

أنصح بقوة .. بمنظف ( ماك ) :up:

+

الفرش .,

تقريباً صار لي أزيد من سنة ونص عندي مجموعة فرش ( ماك )

ولله الحمد بعدها جديدة وقوية

وما تغيرت

يعني ماكو أحسن وأفضل من الفرش تبعهم !..

رغم إن سعرهم أوفر بصراحة

أنا خذيت تقريباً 5 قطع .. أو 6 قطع بحوالي 70 دينار وشوي !.. :schmoll:

وفرش ( مكياجي )

زوينة ولا بآس فيها طبعاً

بس لا تقارن بماك !..

*



( فرش مكياج العيون )

*



( فرش الحواجب & العيون )

*



( فرشة توزيع البلاشر & فرشاة الجلوس والروج & فرشاة تنظيف بقايا الآيشادو )

-



( الكحل القلم & السائل )

أتعبببببب وأنا أقول سواد فاااااااااحم .. وثبااااااات .. وما أقدر أستغني عنهم :tears:

الكحل القلم من ماركة ( برجواز ) , والكحل السائل .. شبه بلاستيكي إلي يجف بسرعة ويكون فاحم جداً

من ماركة ( Florelle )

وهذي صورة موضحة من النت :



وعندهم أيضاً كحل قلم فاحم جداً و ثابت & سعره رخيص .. بس أنا ما أستغني ولا أبدل " برجواز "

وهذي صورته للي حابه تشتريه :



*

إن شاء الله يعجبكم موضوعي

وما أبي منكم إلا دعوة صادقة من القلب ( للتفريج عن همي )

وإلي تحب موضوعي .. يسلم قلبها , وعن جد فديتها , إذا قيمتني :21_201:

يفرحني ويسعدني تقييمكم :21_184:

-

[MARK="FF0000"]تنبيه أخير :[/MARK]

ما أقبل .. ولا أحلل .. أي وحدة تنقل موضوعي لمنتدى ثاني :no:

لأنه مجهودي الشخصي , وحصرياً على { عروس }

وإلي بتنقل موضوعي بأي شكل من الأشكال .. في ذمتها :mad2:

.

.

.