رابطة امهات واطفال مصر لشهر ذوالقعدة 1430"كل عام وأنتم بخير"

ربنا يعيننا والله

إن شاء الله لينا الجنة

مامة البنت قال ايه ... حاطة فازات إزاز كبيرة كده على الأرض ... طبعا علشان بنتها محترمة وبنت ناس مش بتحاول تلعب في الفازة

أما بقى الوحش بتاعي اللي لسة داخل الشقة من 10 دقايق أول حاجة عملها قام رايح شايل الفازة وعايز يمشي بيها ... وقضيت اليوم كله عمالة أجري وراه

المصيبة إن عبدالله مش زي باقي الأطفال ... يعني مش بيخاف انه في مكان جديد أو ناس أول مرة يشوفهم ... لأ هو منطلق دائما وأبدا كده مع نفسه ... وأنا اللي مفضوحة في أنحاء الوطن العربي :(:(

*Om Mo3az*;10537761:
تسميع ايه يامي
قرآن
؟

إن شاء الله يا إيمان

انتو رحتو فيييييييييين
مي انتي مشيتي

السلام عليكم
ازيك يا ايمو انتي ومي ربنا يارب يكتبلك اللي فيه الخير وبفرح قلبك انتي ومي ان شاء الله
انا ان شاء الله ناويه انزل بكره واشتري تحليل لان جوزي مش موجود انهارده
وربنا يعمل اللي فيه الخير ياااااااااااااارب

ام حمزه تسلمى ياقمر على الرد على وان شاء الله حاول الاقيها


سالى الف مبروك على الحمل ياقمر يارب تقومى بالسلامه على فكره انا سالت

عليكى النهارده وسلمت عليكى فى تجمع الحوامل

مى ربنا يكرمك فى ابنك ياحبيبتى انتى كمان سلمت عليكى النهارده فى تجمع الحوامل


يابنات بالنسبه للكلام عن الحمل هو القيصرى تقدر تفكر فى الحمل امتى ؟ عشان الجرح

وبالنسبه للبيرود انا والده من 3 شهور ومجتليش كده معناه ايه طبيعى ولا ممكن مجيش

عشان الرضاعه وبالنسبه للوب انا بقالى شهر ونص بينقط دم والدوا مش نافع فى حد حصله كده؟

انا اسفه على الرغى بس يارب يابنات تردوا عليا ضرورى

هههههههههههههههه عاملة زيي يا مي والله لما بروح عند حد بفضل اجري ورا معاذ وخايفة ليكسر حاجة
وصاحبتك دي تحفة اوي
تحمد ربنا ان الفازة لسة سليمة والبنوتة مش بتحاول تلعب فيها تبقى شقية ازاي يعني
ربنا يهديهالها كمان وكمان يا رب

انا كان عندي واحدة عالارض برضو معاذ وهو لسة بيبدا يقف كان يروح يسند عليها عشان يقف وطبعا اتكسرت مع ان شكلها كان حلو اوي ومخلي الصالة منظرها حلو بس خلاص بقى احنا دلوقتي مش بتوع مناظر ولا مظاهر في الشقة ههههههههههههه


ما شاء الله كويس انك بتحفظي والله انا بقى مش عارفة ارجع للحفظ تاني انا براجع بس وبطعا برضو مش زي الاول بس نفسي احفظ ومش عارفة
الله المستعان

ام سلمي فييييييييينك ازيك زاي سلمي اخبارها اااااااايه
بصي يا ستي اللوب بينقط بيقي الافضل تروحي للدكتوره او تتصلي بيها

هوبا ازيك ياقمر وحشانى

يارب خير ياحبيبتى وان شاء الله تكونى حامل

ربنا يرزق الجميع ان شاء الله

اهلا يا عروس منورة
طبعا البيريود عادي جداااااااااا انها ماتجيش مع الرضاعة وده طبيعي ماتقلقيش
اما اللوب بقى مش عارفة الصراحة انا ركبته والحمدلله ماحصلش حاجة من دي وكان شغال معايا كويس لحد ما شلته الحمدلله
بس الافضل انك تروحي للدكتر اللي متابعة معاه احسن لاقدر الله يكون بداية نزيف ولا حاجة
لاني اللوب مش كويس في حكاية النزيف دي وبتحصل كتير بعد الشر عنك يارب
المفروض تطمني احسن يعني عشان ترتاحي

ربنا يخليكي يا هوبا يارب وابقي طمنينا اول ما تعملي الاختبار وان شاء الله تكوني حامل

يارب ان شاء الله لو فيه الخير ليا يااااااااااااارب
وانتي وحشاني اخبار سلمي ايه معاكي دلوقتي

hoba555;10537786:
السلام عليكم
ازيك يا ايمو انتي ومي ربنا يارب يكتبلك اللي فيه الخير وبفرح قلبك انتي ومي ان شاء الله
انا ان شاء الله ناويه انزل بكره واشتري تحليل لان جوزي مش موجود انهارده
وربنا يعمل اللي فيه الخير ياااااااااااااارب

أول حاجة تعمليها بعد ما تقري النتيجة وقبل أي حاجة تانية تدلخي تكتبي تقرير مفصل ... وإن شاء الله تطلعي حامل وعايزين صورة التحليل كمان:D

عروووس جديد;10537789:
ام حمزه تسلمى ياقمر على الرد على وان شاء الله حاول الاقيها


سالى الف مبروك على الحمل ياقمر يارب تقومى بالسلامه على فكره انا سالت

عليكى النهارده وسلمت عليكى فى تجمع الحوامل

مى ربنا يكرمك فى ابنك ياحبيبتى انتى كمان سلمت عليكى النهارده فى تجمع الحوامل


يابنات بالنسبه للكلام عن الحمل هو القيصرى تقدر تفكر فى الحمل امتى ؟ عشان الجرح

وبالنسبه للبيرود انا والده من 3 شهور ومجتليش كده معناه ايه طبيعى ولا ممكن مجيش

عشان الرضاعه وبالنسبه للوب انا بقالى شهر ونص بينقط دم والدوا مش نافع فى حد حصله كده؟

انا اسفه على الرغى بس يارب يابنات تردوا عليا ضرورى

ربنا يكرمك يا قمر ويبارك لك في سلومة :)

بالنسبة للحمل التاني ده يعتمد انتي ولدتي قيصري أصلا ليه ... لو كنتي عملتي كشف النسا والحوض حجمه كويس بس ولدتي قيصري علشان البيبي راسه فوق أو لأي سبب تاني ملوش علاقة بمقاس الحوض ... معظم الدكاترة هتقول لك مش قبل سنتين ... بس غالبا حتى لو استنيتي سنتين هيولدوكي برضه قيصري ... زي ما حصل مع يميم ... فانتي لو موضوع الولادة القيصري مش فارق معاكي ... أنا دكتورتي قالت لي ممكن بعد 6 شهور ... بس طبعا انتي خدي وقت تعوضي فيه الحديد والكالسيوم لأن الحمل التاني لو علطول بيكون أصعب على الجسم من الأولاني

ان شاء الله بكره اطمنكم هصحي بدري وانزل الصيدليه

هوبا سلمى الحمدلله تمام مطلعه عينى بس كل ماحد يكلمها تصوت وتعيط ههههه

انا روحت للدكتوره وادتنى دوا وقالتلى لو منفعش هنشيله ودكتوره تانيه قالتلى لا استنى

شهرين وبعدين نفكر بعدها هتشيليه ولا لا وقالتلى امشى على دايسينون على طول

*Om Mo3az*;10537797:
هههههههههههههههه عاملة زيي يا مي والله لما بروح عند حد بفضل اجري ورا معاذ وخايفة ليكسر حاجة
وصاحبتك دي تحفة اوي
تحمد ربنا ان الفازة لسة سليمة والبنوتة مش بتحاول تلعب فيها تبقى شقية ازاي يعني
ربنا يهديهالها كمان وكمان يا رب

انا كان عندي واحدة عالارض برضو معاذ وهو لسة بيبدا يقف كان يروح يسند عليها عشان يقف وطبعا اتكسرت مع ان شكلها كان حلو اوي ومخلي الصالة منظرها حلو بس خلاص بقى احنا دلوقتي مش بتوع مناظر ولا مظاهر في الشقة ههههههههههههه


ما شاء الله كويس انك بتحفظي والله انا بقى مش عارفة ارجع للحفظ تاني انا براجع بس وبطعا برضو مش زي الاول بس نفسي احفظ ومش عارفة
الله المستعان

والله يا إيمان المحفظة دي بتروح لحماتي وبناتها

أنا كنت بحضر معاهم من وأنا حامل ... بس الحمل بعيد عنك بيجيب تخلف وكنت بتلخبط كتير واكتئب واعيط إني مش بسمع حلو فقالت لي طيب نستنى لبعد الولادة ... وبعد الولادة عينك ما تشوف إلا النور بقى لسة يا دوب أهو بحالو أبتدي حتة حتة وربنا يعين على الاستمرار

هههههههههه ماشي يا مي ان شاء الله بكره بيقي عندك التقرير يا فندم ههههههههه
انا مش عايزه احبطك يا عروس بس مشفتش حد ولد قيصري وبعدها طبيعي
لان فيها مخاطره بعد الشر عليكي
هوبي غايبه ليها فتره

عروس خلي بالك بيبقى فيه ناس اللوب مش ينفع معاها فيه اجسام مش بتتقبله
وخليكي مع دكتورة واحدة بس عشان افكارك ماتتشتتش وتبقي عارفة انتي هتعملي ايه

انا كنت بحفظ قران وانا مخطوبه قبل ما اتجوز
بشهرين كده
والسنه اللي فاتت حاولت اعيد عليهم وخليت جوزي يسمع الي حفظاه وبعدين نسيييييييييييت كل حاجه مش عارفه ليه

hoba555;10537822:
هههههههههه ماشي يا مي ان شاء الله بكره بيقي عندك التقرير يا فندم ههههههههه
انا مش عايزه احبطك يا عروس بس مشفتش حد ولد قيصري وبعدها طبيعي
لان فيها مخاطره بعد الشر عليكي
هوبي غايبه ليها فتره

على رأيك إلا لو فاجئت الدكتور وولدت قبل ما يحدد لها معاد للعملية ... بس معظمهم بيخافوا يسيبوا الواحدة تولد طبيعي

انا هقوم بقى يا بنات همسح الميك اب وانام
مافيش حد يستااااااااااااااااااااهل
انا غلطانة اصلا اني بتزوق والله

ام معاذ ومى تسلموا على الرد مشكورييييييييين

وبصراحه موضوع اللوب ده انا بتلكك مش عايزه اشيله فعشان كده باخد الدوا ومطنشه

لان مفيش وسيله احسن منه بصراحه بس الله المستعان ان شاء الله

بنات تعرفوا اقدر اجيب لعب السرير منين ولو تعرفوا سعرها معلش انا هرياكم اسئله

مصدقت اكون عند ماما واكلمكم وكمان لو فى العاب تانيه لسنها قولولى عليها وتسلموااااا