رابطة امهات واطفال مصر لشهر ذوالقعدة 1430"كل عام وأنتم بخير"

ازيك يا ام اللولي

ايه اللي مصحيكي بدري كده ولا اسه منمتيش

لسة منمتش والله يا أميرة

عبدالله صحي الساعة 3 ولسة نايم دلوقتي

هدخل أنام لي شوية وربنا يسهل ... أصلي لما بنام بالنهار بصحى تعبانة أوي

انتي عاملة ايه؟؟ وأخبار حمزة ايه؟؟

أم حموودى القمر;10500187:
كتكوتة ازيك انا هارد بالنيابة عن ام معاذ هى من المنصورة وانا كمان ياقمر اى خدمة؟؟

تسلمي يا جميلة، لا انا كنت بسأل عادي اصلي مكنتش اعرف، انا بدخل اتابعكم بقالي حبة كده عشان استفيد منكم بردو، واتفاجات بقي لما لقيت ام معاذ بتقول علي بليلة اجا، فقلت الله هي من هناك بردو، اصل بنات المنصورة هنا كتير اوي، وانا بابايا من هناك، وكان بقالي سنين مروحتي، بس روحنا من كام شهر، فقريبتي كانت بتقولنا علي البليلة دي بس مروحناش بس يظهر فعلا طلعت مشهورة وحلوة اوي، هي كانت بتقولنا كده. :D
المرة الجاية ان شاء الله لما نروح هابقي اجربها، احنا جربنا الحواووشي بس من واحد بردو هناك قالتلنا انه حلو اوي قدام مدخل البلد بتاعتنا، اصل انا العيلة هناك في جزء في المنصورة نفسها وفي جزء في البلد.

تصبي علي خير يا مي
هو فعلا نوم الصبح ده مش بيكون مريح
يلا بقي كله يهون علشان اللولي

انا وحمزه تمام الحمد لله

ايه لسه مفيش حد فيكم حمل
هي واحده بس فيكم تحمل وكله هيبقي واها علي طول

انا كمان من المنصوره يا كتكوته

بس مجربتش البليله اللي في اجا دي خالص بس اسمع انها حلوه
اصل هي في بلد اسمها اجا في طريق القاهره للمنصوره بس قريبه شويه من المنصوره

UM Hamzaa;10502142:
انا كمان من المنصوره يا كتكوته

بس مجربتش البليله اللي في اجا دي خالص بس اسمع انها حلوه
اصل هي في بلد اسمها اجا في طريق القاهره للمنصوره بس قريبه شويه من المنصوره

ايوة فعلا بس دي قريبة اوي علي فكرة مش كتير انا كنت فاكرة ان البلد بتاعتنا او اجا دي او القري كلها اللي تابعة للمنصورة هاتبقي مشوار بينها وبين المدينة لو حبينا نروح بين هنا وهناك، بس مخدناش وقت خالص بالعربي، كنا عمالين نتجول، طيب لو جربتيها ابقي قوليلي بليز حلوة فعلا ومميزة ولا ايه، عشان ابقي اجربها المرة الجاية ان شاءالله.
انا قرايبي اللي في المنصورة ساكنين عند المحافظة وفيه جزء تاني في اماكن تانية بس نسيت اساميهم دلوقتي عشان معدناش علي غير دول وكنا بايتين هناك.

fazloka;10500784:
اه فعلا يا بنات لازم يكون العضو لتحت
اول ما ولدت برضو كان التسريب كتير وافتكرت ان نوع البامبرز نفسه مش كويس بعد كدة جارتتي قالتلي عالموضوع ده من ساعتها فعلا التسريب قل اوي

انا بقى كنت عايزة اسأل على حاجة انا رحت مكتب الصحة وادوني حبوب منع الحمل اللي ما بتأثرش عالرضاعة حد يعرف دي كويسة ولا ايه؟؟
وبالنسبة للحقن حد يعرف عنها خاحة؟؟\
انا عارفة ان احسن وسيلة هية اللوب بس انا طلعت جبانة زياده عن اللزوم ورحت مرتين عشان اركبه وماعرفتش
مجرد ما الدكتورة بتيجي تفتح الرحم من جوة بقفش بس من غير قصدي والموضوع ده بجد خانقني اوي ومش عارفة ايه حله
وقالولي ان حل الموضوع ده اني اتخدر عشان اركبه بس انا حاسة ان حرام اكلف جوزي حاجة زي كدة يعني احنا لسة خارجين من ولادة وعقيقة وكدة
معلش رغيت كتير بس ما بصدق الاقي وقت اكلمكوا

بصى انا زيك كده بالظبط يفزلوكه ولما يفكروا يكشفوا عليا اصلآ بلاقى نفسى ضغطى وطى وتعباااااااااااااااانه واعصابى مشدوده وتقعد الدكتوره تقولى اهدى وتقعد تهدى فيا حتى ساعت الكشف الدكتوره بعد الكشف فضلت ماسكه ايدى وتقولى خلاص اهدى ولا كانى طفله صغيره بس اتحملت على نفسى وركبته علشان الحبوب لو لغبطى يوم بتنزل دم فكتر وجود الدم عملى احباط وخصوصآ فى صيام رمضان تقريبآ صمت نص الشهر بس وبعدين قالولى انها بتخزن المايه فبتخن وانا خلاص اتنفخت بما فيه الكفايه الحمد لله فاستحملت وجوعها شويه بس الحمد لله وانا ركبته فى الصحه برضه

toty858;10501020:
ازيكم يا بنات
مبروك الجزء الجديد يارب دايما متجمعين


فزلوكة بصي انا زيك كدة
الدكتور كتبلى على حبوب اللى بتتاخد مع الرضاعة وناس كتير خوفتنى وقالتلى بتعمل نقط دم في اوقات متفرقة من الشهر وفعلا مكنتش هاخدها وكنت هستخدم الواقي بس خفت لايحصل غلطة واحمل طبعا مايا هتظلم علشان الرضاعة
اخدت الحبوب اهوة بقالى 5 ايام وعادى محصليش حاجة :)
وباذن الله قبل ما انوى الحمل كدة ابئة ابطلها

انا اعرف ناس بتنظم ومبتاخدش اى حاجه ونفسى اعمل كده بس اعتقد صعب

أم حموودى القمر;10499233:
مبروك الجزء الجديد
انا جيت من عند ماما
زهقت بس هرجع تانى برضه ههههههههههه
جوزى مخنوق منى وقاعد يقولى انتى قاعدة تتنططى من هنا لهنا

جوزى بيقولى كده برضه انا بكلمكم من عند ماما دلؤقتى ولما بروح يومين وبرجع جرى


ام معاز ازيك وحشاااااااااااااااااانى وازى معاز القمر انا شفت صوره على الفيس بوك ماشاء الله عليه ربنا يحفظه وماتفكريش تقصيله شعره تانى انا عملتلك اضافه
ونهى عامله ايه هى واللومى صديقة بنتى
وازيك ياامة الله وازى اللولى جوز صاحبة بنتى

لا يا كتكوته انا مش هجربها دلوقتي خالص لاني في الامارات

ام معاذ بقي تبقي تقولنا

تست امممممم

اممممممممم

اممممممممم

مها شغاله تجريب فينا ولا ايه؟

http://forums.3roos.com/t490453.html

صوتو لحمووووووووووووووووووودى رقم 17 نفسى يكسب اوىىىىىىى

يلاهووووووووووووووووووووووووووى

صوت اهو ياسالى
هههههههههههههههههههههههه

السلااااااااااااااااااااااام عليكم ورحمته وبركاااااته
وحشتوووووووووووووووووووووووووووووووووني جداااااااا
واشتقتلكم كتير
ازي الكتاكيت الحلووووين
متشكرة قوووووي للي سال عليه او ساب رسالة بجد انبسطت اول ما دخلت وقريتهم
وكان رنكم ليه بيبسطني جداااا وبحس ان ليه عيله ربنا يخليكم ويكرمكم في اولادكم

السلام عليكم
مبرووووووووك الجزء الجديد

كنت عايزة حل للامساك المزمن اللى عند زيزو

لما بديلوه جاست ريج بيرجع لطبيعته بس مجرد ما اوقفه بيجيله الامساك تانى ومش بيعمل خالص الا لو اديتلوه لبوس جليسرين ويفضل يحزق ويعيط

ياريت اللى عنده جل يساعدنى

انا نسيييييييييييييييت اقول مبروك الجزء الجديد وكل سنة وانتم طيبين وبخير
معلش متاخرة

أم حموودى القمر;10499233:
مبروك الجزء الجديد
انا جيت من عند ماما
زهقت بس هرجع تانى برضه ههههههههههه
جوزى مخنوق منى وقاعد يقولى انتى قاعدة تتنططى من هنا لهنا

ازيك يا سالي حمدالله على السلامة
خلي بالك شكلكو كده مش ناويين تيجو لي مها مستنياكي لما تستقري في شقتك بس مش باين لك استقرار يا سالي
محمود عامل ايه انهرده لسة تعبان وعنده اسهال ولا خلاص

CuTie KaTkOoTa;10500109:
ام معاذ هو انتي من المنصورة.

اه يا جميل انا من المنصورة

أمةالله;10499733:
تصدقي عمري ما فكرت في الموضوع ده

أنا بحس إن لفوق يبقى أريح له

بس مش بركز بقفل وخلاص :)

هههههههههههههههه
انا كمان عمري ما ركزت في الموضوع ده خالص

fazloka;10500784:
اه فعلا يا بنات لازم يكون العضو لتحت
اول ما ولدت برضو كان التسريب كتير وافتكرت ان نوع البامبرز نفسه مش كويس بعد كدة جارتتي قالتلي عالموضوع ده من ساعتها فعلا التسريب قل اوي

انا بقى كنت عايزة اسأل على حاجة انا رحت مكتب الصحة وادوني حبوب منع الحمل اللي ما بتأثرش عالرضاعة حد يعرف دي كويسة ولا ايه؟؟
وبالنسبة للحقن حد يعرف عنها خاحة؟؟\
انا عارفة ان احسن وسيلة هية اللوب بس انا طلعت جبانة زياده عن اللزوم ورحت مرتين عشان اركبه وماعرفتش
مجرد ما الدكتورة بتيجي تفتح الرحم من جوة بقفش بس من غير قصدي والموضوع ده بجد خانقني اوي ومش عارفة ايه حله
وقالولي ان حل الموضوع ده اني اتخدر عشان اركبه بس انا حاسة ان حرام اكلف جوزي حاجة زي كدة يعني احنا لسة خارجين من ولادة وعقيقة وكدة
معلش رغيت كتير بس ما بصدق الاقي وقت اكلمكوا

ازيك يا فزلوكة
عارفة انا كنت مرعوبة جدااااااااااااا يوم ما كنت هركب اللوب والله لدرجة ان قبلها بيوم مانمتش ولا ثانية واحدة طول الليل وكنت بعيط من الخوف كنت حاسة اني هولد تاني وهتعب زي تعب الولادة كده
بس الحمدلله الدكتورة كانت ايدها خفيفة جداااااااااااااا وخلصت في ثواني لدرجة اني ماكنتش مصدقة قلت لها خلاص هو كده ركب وكنت مستغربة اوي قالت لي اه وعمالة تضحك عليا
الحمدلله ماحستش باي حاجة خاااااااااااااااااالص
بس انتي لازم تجمدي قلبك شوية وان شاء الله يعدي على خير وماتحسيش بالم

ياسمين100 100;10501144:
السلام عليكم ازيكم ياامهات مبروك الجزء الجديد

ياسمينا زيك فينك يا بنتي مختفية فين
وازي البنات والبيبي والحمل عاملين ايه

CuTie KaTkOoTa;10502013:
تسلمي يا جميلة، لا انا كنت بسأل عادي اصلي مكنتش اعرف، انا بدخل اتابعكم بقالي حبة كده عشان استفيد منكم بردو، واتفاجات بقي لما لقيت ام معاذ بتقول علي بليلة اجا، فقلت الله هي من هناك بردو، اصل بنات المنصورة هنا كتير اوي، وانا بابايا من هناك، وكان بقالي سنين مروحتي، بس روحنا من كام شهر، فقريبتي كانت بتقولنا علي البليلة دي بس مروحناش بس يظهر فعلا طلعت مشهورة وحلوة اوي، هي كانت بتقولنا كده. :D
المرة الجاية ان شاء الله لما نروح هابقي اجربها، احنا جربنا الحواووشي بس من واحد بردو هناك قالتلنا انه حلو اوي قدام مدخل البلد بتاعتنا، اصل انا العيلة هناك في جزء في المنصورة نفسها وفي جزء في البلد.

CuTie KaTkOoTa;10502195:
ايوة فعلا بس دي قريبة اوي علي فكرة مش كتير انا كنت فاكرة ان البلد بتاعتنا او اجا دي او القري كلها اللي تابعة للمنصورة هاتبقي مشوار بينها وبين المدينة لو حبينا نروح بين هنا وهناك، بس مخدناش وقت خالص بالعربي، كنا عمالين نتجول، طيب لو جربتيها ابقي قوليلي بليز حلوة فعلا ومميزة ولا ايه، عشان ابقي اجربها المرة الجاية ان شاءالله.
انا قرايبي اللي في المنصورة ساكنين عند المحافظة وفيه جزء تاني في اماكن تانية بس نسيت اساميهم دلوقتي عشان معدناش علي غير دول وكنا بايتين هناك.

هههههههههههههههه
احنا رحنا اجا امبارح واكلنا بليلة كانت فسحة حلوة وطبعا يعني طعمها تحفففففففففففة جدااااااااااااا
انا اكلتها قبل كده جوزي كان بيجيبها البيت تيك اواي بس انا اول مرة اروح اجا اصلا
المشوار اخد تقريبا نص ساعة بالعربية او ساعة الا تلت بالكتير يعني

انا المحافظة قريبة مني اوي على فكرة انا في ش قناة السويس لو تعرفيه الشارع الواسع اللي بعد المحافظة على طول