رابطة امهات واطفال مصر لشهر ذوالقعدة 1430"كل عام وأنتم بخير"

ربنا يهديهملنا يارب كل بناتنا وولادنا ويبارك فيهم

هدى هجرب مووضع التجويع ده شويه بس كانت الدكتورة فعلا قالتلى هيا فى الاول لما بتجوع اديها عشان اللبن عندى يزيد وهيا لسه بتاخد حبه قليله بس فعلا لما بتاخد كميه بعد جوع بتهدا كلامك صححححححح

موضوع تكرع ده بتقوم نايمالى ومبلحقش بس لقيته بيعملها مغص وتقوم تعيط فبقيت اعمله
الوايبس ظريف بتزود نظافه وريحتها حلوة انا بستخدمها بس مش كل مرة بس بيكون بعد مامسح بمية دافية طبعا لانى خايفه عليها اوديها الحمام تبرد فبغيرلها فى القوضه

قولولى هو امتى اقدر اديها مية؟ ولا مش مهمه ؟

قولولى كمان الطبيعى البسها قد ايه فى الجو ده ؟

توتى هههههههه ضحكتينى اه همه ملهمش غير فى الارشادات وبس ربنا يصبرنا هيا الحكايه ناقصاهم خاصة الفترة الاولانيه دى الواحد بيبقا عاوز دعم نفسى كده مش استفزاز بس نقول ايه

ههه :) ربنا يصبرنا على اجوازتنا :)
الوايبس انا بستخدمها برضو يا مارول بس بمسح بيها الكيكى الاول وبعدين اشطف على الحوض دة دلوقتى لان مايا ماشاء الله بتاكل والكيكى بتاعها رحتو وشكلو يععععع لازم يتمسح الاول


بالنسبة للمية ممكن تدى لما تبتدى تاكل اى وقت بئة انتى هتبتدى الاكل فية 4 ولا 6 زى ماتحبي تغلى المية وتبرديها


بنات ادعو لجوزى ميسافرش تانى
انا جوزى بيشتغل في الجزائر :ss:
بس الحمد لله هو في اجازة من قبل الماتش
طلعو انهاردة على شركتة هناك وقطعو الملفات وسرقو الاب توبات بتاعة الشركة
واليومين اللى فاتو كانو بيحدفو طوب على الاستراحة بتاعتهم
ومدير شركتهم قفل الشركة وهينقلوهم لفنادق علشان يستخبوو :rolleyes:

طيب ده لسه بدرى على موضوع الميه

ربنا معاكو ياتوتى وميروحش ان شاء الله الى بيحصل هناك ده اسمه هبل واستهبال
ربنا يحفظ الى هناك وميروحش

توتى ازيك عادى لولو كده برضه لو جعانه مبتعيطش لو عايزه تنام بتصوت وبيقولولى عادى

هدى الدكاتره بيقولوا اول فتره كل ماتجوع رضعيها لسه شويه على تنظيم الرضاعه

صحيح كنت عاوزة اسالكو بتستعملو ايه كريم بعد التغيير عشان الجلد؟ انا بستعمل بيبى كريم ريحته حلوة بس هو مفروض كل مره احطلها؟؟
وكمان دوا كده للمغص سايمثيكون نقط بديهولها لما احس ان الموضوع موضوع مغص مش جوع

وعندى سؤال بقا لكل الى جربو القيصرى البطن رجعت طبيعيه بعد قد ايه؟

يارب يهدى الجزائريين يارررررب يافرحة اليهود فينا

toty858;10645742:
سالى مبروك لسلفتك عقبالك انتى كمان ماتقوميلنا بالسلامة

هدى ومارول بلاش في الاول كدة ترضعو كل 3 ساعات حاولو ترضعو كل شوية علشان اللبن يزيد في صدركو وبعدين نظموا حوار التلات ساعات دول

والاجواز دول عملين نفسهم فلاحيث من غير داعي انا جوزى مسافر من ومايا شهر وانا اللى كنت معها الاربع شهور التانيين وجاى يتفلحث متشلهاش متحطهاش اكلى رضعي غيري عندها مغص البنت عاوزة تستحمى في شمع في ودنها ضوافرها طويلها جنب صوباع رجلها في وساخة اديها ماية اكليها مانجة !!!! لما خلاص هلزقو في الحيطة علشان يسكت :)




سالاد ازيك يا بنتى فينك غايبة لية وحشتينا
مى الله يكرمها اتصلت بيا امبارح تتطمن عليها هيا كويسة الحمد لله بس عبدالله شاغلها شوية ربنا يباركلها فيه



هدى عندك حق الوايبس مش كويسة انك تعتمدى عليها ومايا اد لولى انا كنت بشطفها بماية دافية وقطن لانها لسة بتعمل كيكى خفيف ومن غير ريحة خصصيلها طبق غويط بلاستيك وحطى فية شوية ماية دافية وقطعي القطن وبلية في الماية وامسحيلها وفي الاخر نشفيها كويس وشطفيها مرة واحدة في اليوم مثلا على الحوض

جوزك بيدخل فى اللى مالوش فيه زى جوزى لما هططططططططططططططق :mad:

ازيك يا كلمة وداع عاملة اية انتى والنونو القمر ماشاء الله

مارول انا للمغص كنت جايبالها ماء غريب بس من برة علشان اللى هنا مغشوش وقبلها كنت بديلها دوا تانى حلو اوى اسمو اكوا فيرا


كريم التسلخات كنت جايبة زنك اوليف جميل لو فية تسلخ جامد لاقدر الله دكتاكورت بتستخدمية لغاية مايروح ويومين بعدية وتوقفي على طول
بس بصراحة انا الحمد لله مش بحتاجلهم خالص

أجمل ايام العمر;10646408:
جوزك بيدخل فى اللى مالوش فيه زى جوزى لما هططططططططططططططق :mad:

كلهم كدة وفاكرين نفسهم بيفهمو احسن مننا
امبارح كان شايل مايا واتشقلبت منة على وشها على الكنبة


ولو انا بشيلها حسبي ايديها حرام عليكى

ههههه ياتوتى وهدى
ربنا يصبرنا
انا من بعد وعمال يقولى متعوديهاش على الشيل بقوله مش عارفه ناام يقولى ظبطيلها نومها خدى بالك منها وهكزا لما بقيت هطق منه وانا اصلا القيصرى والجرح مظبطنى معرفش همه جابوا خبرتهم الفظيعه دى منين ولا بيفتوا وخلاص

بيفتوا اكييييييييييد
يابنتى انا جوزى اكبر منى ب 4 سنين بس
دايما يعاملنى انة اكبر منى ب40 سنة وبالتالى هو بيفهم اكتر منى في التربية
ههههه

وانا بستخدم زى توتى بالظبط اكوا فيرا وماء غريب من بره مش من مصر وزنك اوليف

ازيك ياهدهوده عامله ايه مع بلبه

بقولكم هو البامبرز كويس ولا فى انواع احسن منه ؟
بما انكم فتره مجربين

انا بقى حماتى اللى بتفقع مرارتى هى تقلعها وتلبسها هى او بناتها تسكت لكن انا حاسبي يايمان مش كده بالراحه
وهكذا بقى حاسبي ايديها حاسبي وشها حاسبي حاسبي حاسبي لما اتخنقت
اخر حاجه لما البنت تسخن اعمليلها كمدات لو حتها لامتحمهاش ولو محمتهاش لاحميها
البنت الجو ساقع تقللها اتقلها والجو يغير واروحلهم متقلالها تبقى عايزانى اخففلها وتقولى تاقلمى على الجو ولما مره اشترتلها ترنج شتوى تقولى اعملى حسابك لو تاقلتلها مش هتخففى
واختكم ماورهاش غير حاضر

بصى كل جلد ليه النوع اللى بيريحه لو لاحظتى ان نوع بيعملها تسلخات غيريه علطول

toty858;10645750:
بنات مايا بتجيلها حالةة غريبة خلاص جننتنى
البنت هادية ومؤدبة جدا ومش بتحب العياط حتى لو جعانة
بس بتيجى بليل قبل معاد النوم تعيط جامد اوى وبتكون شبعانة وشاربة ماية او عصير ورضعة ومغيرة مش عارفة مالها الموضوع دة بقالو اكتر من 15 يوم كل يم نفس الموال حد عندو تفسير؟؟؟؟؟

اسالى الدكتور ياتوتى يمكن بتطلع سنان ياقمر وربنا يرزق زوجك ان

شاء الله بشغل هنا وميسافرش تانى

marool;10646389:
صحيح كنت عاوزة اسالكو بتستعملو ايه كريم بعد التغيير عشان الجلد؟ انا بستعمل بيبى كريم ريحته حلوة بس هو مفروض كل مره احطلها؟؟
وكمان دوا كده للمغص سايمثيكون نقط بديهولها لما احس ان الموضوع موضوع مغص مش جوع

وعندى سؤال بقا لكل الى جربو القيصرى البطن رجعت طبيعيه بعد قد ايه؟

مارول انا فعلا بعمل زى ماتوتى قالتلك بالظبط بدى لسلمى نفس الادويه بس بدل الدكتاتورت بحط كيناكومب وبديها ماء غريب واكوافيرا

وزنك اوليف بس بصراحه غيرت الزنك وبقيت احط فزلين و ساعات زيت

جونسون

toty858;10646422:
ازيك يا كلمة وداع عاملة اية انتى والنونو القمر ماشاء الله

مارول انا للمغص كنت جايبالها ماء غريب بس من برة علشان اللى هنا مغشوش وقبلها كنت بديلها دوا تانى حلو اوى اسمو اكوا فيرا


كريم التسلخات كنت جايبة زنك اوليف جميل لو فية تسلخ جامد لاقدر الله دكتاكورت بتستخدمية لغاية مايروح ويومين بعدية وتوقفي على طول
بس بصراحة انا الحمد لله مش بحتاجلهم خالص

فعلا ياتوتى انا بدى لسلمى نفس الادويه ماعادا الدكتاتورت بحط كيناكومب

بجد ميرسسسسى لكل الى ردو عليا قمرايه قمرايه

محدش قالى من الى ولدو قيصرى ومنهم توتى ططبعا البطن بتقعد اد ايه على ماتروح كده شويه ووالرحم يرجع لمكانه ؟
وفعلا الرضاعه بتخسس ؟ يعنى فى امل ى الزيادة الى حصلت فى الحمل دى ولا ايه؟

وبالنسبه للتتينه ايه رايكم فيها انا عاوزه استخدمها شويه كده لما تكون عاوزاها تسكت شويه او مش وقت رضاعه وناس بيقولولى بلاش ايه رايكم محتاره؟

طبعا هيا نايمه ومديانى فرصه اقعد واسالكم ده عشان هنبتدى السهره كمان شويه لحد الصبح بقا يارب ياكريم :-)

marool;10646966:
بجد ميرسسسسى لكل الى ردو عليا قمرايه قمرايه

محدش قالى من الى ولدو قيصرى ومنهم توتى ططبعا البطن بتقعد اد ايه على ماتروح كده شويه ووالرحم يرجع لمكانه ؟
وفعلا الرضاعه بتخسس ؟ يعنى فى امل ى الزيادة الى حصلت فى الحمل دى ولا ايه؟

وبالنسبه للتتينه ايه رايكم فيها انا عاوزه استخدمها شويه كده لما تكون عاوزاها تسكت شويه او مش وقت رضاعه وناس بيقولولى بلاش ايه رايكم محتاره؟

طبعا هيا نايمه ومديانى فرصه اقعد واسالكم ده عشان هنبتدى السهره كمان شويه لحد الصبح بقا يارب ياكريم :-)

ازيك يا مارول و مبروك النونه الجديده ربنا يباركلك فيها و يخليهالك
بصى يا ستى البطن بتبتدى ترجع تدريجى يعنى بعد 15 يوم كده ان شاء الله و ممكن اقل
و بالنسبه لزيادة الوزن بتاعة الحمل فيه و فيه
فى ناس بتخس و ناس بتتخن بس الاغلبيه بيخسوا
انا خسيت جدا جدا عن قبل الحمل كمان :(:(:(
و ربنا معاكى فى الكام شهر الاولنيين دول على ما تظبط نومها :D