بحرينية ملتزمة;10612533:انزين بنات.... بغيت رايكم في شي قبل ما آسويه
ريلي المحترم بعد ما كان واعدني انه ما بيطلع الا في الويك اند والتزم بهالشي -غصباً عنه لظروف شغل- مدة مآدري اسبوعين مآدري ثلاثة، احين هالاسبوع طالع لي بفنتك يديد، ما يرجع البيت الا ثمان ونص، يعني طلعته من الفير لي ثمان ونص الليل!!!
اهوه ايكمل شغله العصر او المغرب، وعقبها ايروح القهوة ايدخن وايشيش -مع انه واعدني انه بيتركه- ويقعد معا ربعه، ولين شبع منهم تفرغ وياني.... كلها ساعتين ويرجع يرقد حق يوم ثاني...
آنه لحد اليوم امطنشته ومخليته على كيييييييييفه ولا فتحت له هالموضوع، واهوه تمادى اكثر واكثر والأخ مآخذ راحته........
أمس حصاصي اتقول انه الرياييل ولا يدرون في عمرهم اذا غلطوا، واهوه ولا على باله هالموضوع، ولا عنده فيها...
فهل آكلمه في الموضوع، يعني اذا بآكلمه ما بآلومه ولا شي، بس بآبين له اني عارفه شيسوي ومب نايمة على اوداني.... بس ابي آعرف ليش ايسوي جذي
لحد ايقول لي سوي له جو والا اهتمي فيه والا والا.... اهوه من تعطينه من هالاشياء عباله ميتة عليه حدي فيستحلي ايسوي اللي خاطره فيه ولا يفتكر فيني.....فغيرت اسلوبي معاه واتبعت التطنيش بدون دلع، يعني معاملة عااادية..........لكن اشلون آوصل له الفكرة؟؟؟
اهوه احين مسؤول، مب مثل قبل يطلع ويدخل على كيفه وقت اللي يبي، البيت محتاج اشياء هاي غير اني امجابلة اربع اطوف لحد ما حضرته يرجع، لكنه لي احين مب راضي يستوعب هالشي...... اشلون بنات آفهمه؟؟؟؟؟
احين بآروح عندي شغلة، وبآرجع عقب اشوي ان شاء الله.... في انتظار رآيكم
الله يعينج خيو .. صراحة هالرجال يبي لهم حرق
الأحسن .. عشان ترتاحين وتوصلين له تعبج من هالموضوع
المواجهة
قعدي وياه لين رجع .. قعدة مصارحة
قولي له إن هالشي مضايقج ومتعب نفسيتج
يعني مو طفاية طول النهار مشغول عني في شغلك إلا بعد لين طلعت تقضي معظم الوقت مع ربعك ...!
أنا محتاجتك في البيت تقعد معاي وتنسولف ونقضي وقت حلو .. البيت محتاج أشياء خل نطلع نجيبهم و... هالأشياء اللي تخليه شوي يستحي ويخجل من تصرفاته ...!
الله ايسر اموركم حبابة ويهديه
زوز البحرين;10612535:
الله يعطيش على قد صبرش يا فرس
هلا خلف جبدي
الحمد لله اني اسال عنكم
سألت عنش العافية خيوتي
تسلمين
عذاب;10612544:
كلمتين هم
اذا الحب موجود خلاص
بس بشرط الحب مو من طرف واحد من الطرفين
و ما ادري شلون زوجش بعد ما ادري انتي كيفش صراحة
اسال شيخ يفهم في هالسوالف احنا تفكيرنه ما يوصل بعيد على قدنه
و اذا تبغين شيخ يفهم في هالسوالف قولي وبعطيش رقم اوكي خيو :)
كلمت من خيو ...؟
اهلي اهله .. الكل يعرف اللي صاير بينا
وبصراحة ما ظل شي ما سويته عشان يعقل ويستوي آدمي .. بس ما منه فايدة
ورحم الله والديش اذا تعرفين شيخ بيساعدني غير عن اللي ساعدوني قبل
طرشي لي رقمه وعلى الله التوفيق