يومياتي مع ريجيم دشتي

سمااء انتي اللحين بأي مرحلة من الرجيم .

الله يوفق اللي بيبدأوا ان شاء الله
و هاذي هديه مني لكم (g)


بس عندي بعض الملاحظات للي بيبدأوا لازم يحطوها في بالهم ضرووووووري منشان لا يتحبطوا من أول اسبوع :


# أول يوم بتحسي بجووووووووووووووع و خموووووووووول كأنك مريضه بالضبط
# ثاني يوم بيجيك صداع بس خفيف و ممكن يستمر بعد 3 أو 4 أيام
# بعد 3 يوم تقريبا بتقل شهيتك للأكل من جهة و بيتضآل احساس الجوع من جهة ثانيه
# بعد 5 أيام من تطبيق النظام بتحسي بخففففففه حتى لو وزنك مانزل الا كيلومو مثل قبل كأنك بالعه طابوقه >>>>خخخخخ


يعني أول اسبوع يبغى اله شوية صبررر


أشياء هامه :
- شرب الفيتامينات يوميا
- شرب 3 -4 لتر ماء يوميا

ملاحظه هامة :
اللي تخل بالنظام خصوصا لو أكلت حلا أو شوكولاته راح يثبت الوزن يومين

وشنو انواع هالفيتامينات؟؟

هلا نور الورد ... أنا الحين في آخر يوم من اول اسبوع من المرحلة الأولى طبعا
و الله يقدرني ان شاء الله و استمر على هالمرحلة بعد اسبوع

الفيتامينات اللي ناخذها لها عدة أسماء بس انتي روحي الصيدلي و قولي له ابغي
multivitamin ملتي فيتامين

و هاذي ان شاء الله تعوضنا عن نقص الفواكه و الخضار

مشكورة سماااء وان شاء الله ابدأ الرجيم على خير .. اليوم جربت صادني صداع نصفي خصوصا اني ما انام زين فقلت أأجل الرجيم لين ما تفتح الروضات علشان يعتدل النوم معاااي .

ودي اشارك معاكم

هالريجيم حلووو

ببدا من تاريخ 21_10_2009

وان شاء الله خير

طبعا مع الرياضة

هلا فيكم خواتي ... اللي حابة تبدأ ويانا حياها الله ... بس يبالكم اشوي صبر ... انا اليوم صار لي 5 يوم وباذن الله ناوية اكمل بعد اسبوع في المرحله الاولى وعقبها بنتقل للثانية ان شاء الله بس اختي سماء بادية قبلي بكم يوم ......

اليوم تريقت برجر لحم مع حبة جبن كيري خخخخخخخخخخخخخخخ مليت كل يوم بيض بيض بس الحمد لله على كل حال .... والغدى ان شاء الله ناشف سمج مع سلطه ...

وزين ذكرتيني اختي سماء بالنسبة لحبوب الفيتامنات لي الحين ما خذتهم ... ان شاء الله جريب باخذهم وبالتوفيق ان شاء الله لكل العضوات

يا بنات

انا استخدم هذا الفيتامين ومرتاحة علية وااايد



فادني واااايد

وما يزيد الوزن :)

موووفقين ان شاء الله

ثانكس حبوبة على الصورة :)

ربنا يوفقك

العفوو اختي

حاضريين :)

بنات بغيت اسألكم

في هالريجيم

يصير اشرب عصير ليموون بدون سكر ؟؟

اللي اعرفه يصير الليمون بس ما تكثرين منه لأنه يعتبر من الفواكه

هلا فيج سماء .. ما شاء الله انتي الحين في اي اسبوع ؟؟؟؟

انا بعدني في المرحله الاولى ... بس الصراحه ما اشوف منه فايده ما اعرف ليش ما يركب علي هذا الرجيم مع اني اتبعه بحذافيره .... غريبة يا اختي اليوم صار لي 11 يوم بس ما نزل وزني الا تقريبا 1 كيلو .... حتى ياني احباط منه ما اعرف ليش ااااااااااااااااافففففف ....

وانتي ما شاء الله شو مسوية مع الرجيم هذا ؟؟؟ لاني اشوف الشريط ما شاء الله نزلتي 4 ك تقريبا .... بالتوفيق ان شاء الله حبيبتي

رووز يبي له وقت

كل جسم يخلتف عن بعض

واصلي وان شاء الله فيه نتايج حلووووة

ان شاء الله اقدر اصبر .... بس في النهاية للصبر حدوووووووووووووووووووووود *_^

ثانكس حبيبتي

هلا حبيبتي روز

أنا توني مخلصة الاسبوع الثاني
و من بكره ببتدي في الاسبوع الثالث
و شكلي بواصل في المرحلة الأولى بعد اسبوعين
مع اني طفشت و ربي من الحرمان
دايم نفسي لايعه من الأكل

و بالنسبة للنزول يختلف من جسم الى جسم
بس اذا ما تمارسي الرياضه حاولي تتحركين شوي منشان تكسري هالثبات

احاول اني اتحرك ... في الدوام واحيانا امشي بعد ... بس ما ادري شو فيه جسمي ما ينزل ااااااااااااففففف