سؤال عن المنطقه الحساسه

om Abul 17-10-2009 6 رد 1,200 مشاهدة
o
مرحبا بنووتات شلوونكم

اول مره اكتب موضووع في هالقسم وان شاء الله ما يكون الاخير:wink::wink:

المهم ان شاء الله عقب 3 اسابيع عرسي وانا الحمدلله اعتني في منطقتي الحساسه بشكل منتظم .. وو مثل ماقلت عرسي جريب فابي طريقه لتعطير لمنطقه الحسااسه

وانا خذت لي مسك العروسه من القرشي مادري شلون استخدمه ومادري ينفع حق هالمنطقه او لا

بليز ساعدووني متحيره شاسوي :ss::ss:
ا
مرحبا

انا مادري اذا كان ينفع للمنطقه الحساسه اولا

بس فيه عندهم بعد جحر مسك او مسك حجر

للمنطقه الحساسه تصلح اكثر
ش


اللي استخدمته من عند القرشي مسك الطهاره


وانا استخدمه احط كم نقطه بقطن وامسح بيها المنطقه بس ماقربهم تحت يعني من فوق والجوانب بس
ان شاء الله البنات يفيدوكي اكثر


ح
هلا اختي ،،

اول شي مبروك على الزواج
ثاني شغلة قبل ما اقوولج عن اي شي لازم تعرفين ان هالمنطقة حساسة والي يناسبج ما يناسب غيرج
يعني بكيفج تبين تجربين او لا بس الاهم ان تسوين بحث على قوقل وتشوفين نتايج البنات ..

المهم بشكل عام تقدرين تستخدمين كذا شغلة :

1- مسك الطهارة الاسود السائل من عبد الصمد القرشي
دامج مش متزوجة حطي منه نقطة على اصبعج وامسحي بيه اثر الدم
ملاحظة: لا تدخلين صبعج داخل بس من برى مسحة على خفيف

اذا تزوجتي بعدين دخلي منه داخل مقدار نقطة بس لانه يحرق


2- لا تستخدمين المسك الحجر او المكعبات مال عبد الصمد القرشي لتعطير المنطقة الحساسة
هذلين تحطينهم في دواليب الملابس للتعطير او الخزائن او المطبخ او الحمام جذي يعني للمنزل

3- مسك العروسة مال عبد الصمد القرشي تقدرين تحطين منه على منطقة الافخاد من الداخل او تحت الابط او على الملابس او على الجسم (لا يستخدم على المنطقة الحساسة)

3- دهن العوود تحطين منه قطرات على الملابس الداخلية او بين الافخاد من الداخل

4- تقدرين تبخرين الملابس الداخلية وتعطيرنها وتحطينها داخل كيس بلاستيك على اساس الريحة ما ترووح

5- والاهم استخدمي غسول طبي من الصيدلية 3 مرات بالاسبوع
و الملح الخشن بعد كل دورة

هذي النصايح سمعتها من بنات في المنتديات وما جربتها كلها .. بس اذا فدتج ادعيلي بالزوج الصالح
o
الف شكر لكم كلكم

حكايه غرام: الله يرزقج الزوج الصالح يااارب
[
ماعندي فكرة بس لاتستخدمي الحجر وقبل لاتتزوجي تقدرين تطحنينه وتحطينه في ماء ورد وتاخذين منه
ماء المسك في قطنة وتمررينها ع المنطقة كامل بعد كل استخدام للحمام أو بعد الدورة أو بعد ازالة الشعر بيومين
وبعد زيت جنين القمح مرة حلو لوحده يفتح البشرة
وانتبهي تجففي المنطقة بعد كل استخدام للحمام حتى مايكون منطقة رطبة مساعدة ع تكاثر البكتيريا
واستخدمي غسول مخصص للمنطقة وفوط يومية
تغسلي مرتين يومياً وغيري الفوط مرتين ع الاقل يومياً

هذي صورتهم



وحاولي قبل النوم بعد تغسلي المنطقة ولاتلبسي شي
البسي بس شورت واسع خفيف خارجي حتى تتهوى المنطقة وماتسمر
وبعد استخدمي فوط اولويز للمنطقة الحساسة لانها ماتسبب حساسية او اسمرار
واذا ودك تشدي المنطقة الحساسة من الخارج
استخدمي بخاخ زيت جونسون باللوز والصويا مرة حلوو وعن تجربة
بالتوفيق اختي :) والله يتمم لك ع خير ان شاء الله
س
مشآء آلله آلبنآت مآقصروآ ..

ومبروك حبيبتي .. وآلله يتمم زوآجج ع خيرر
X