ربة بيت وموظفة؟؟ حياش اهنيه

80AMONA;10511444:
الموضوع عجيب كلش

انا ربة منزل وفي نفس الوقت اشتغل بس احس روحي واجد مقصرة في بيتي فأحس نفسي حاليا محتاجة خدامة الي بالساعات لاني ما ابغي خدامة تسكن عندي لاني توني في بداية حياتنا واول بيبي فحبيت اسأل خواتي الي تعرف خدامة ام ساعات في منطقة توبلي او مدينة عيسى وزينة تلحقني وتنقذني بها

ارجووووووووكم ساعدوني محتاجتنها ظروري

amoraaaa;10511551:
يا هلا أخت بسمة بصراحة موضوعك حلو المهم طبعا أنه أذا كنتى متوزجة وعندك عيال فبيتك وعيالك ألزم بس إذا كانت امكانات المعيشة صعبة ومحتاجة جدا ممكن ترتبين أمورك بس إذا زوجك مقتدر بالافضل بيتك وعيالك وراحت بالك بصراحة .

ترنيمة شاعر;10512830:

سلام شخباركم

اخ ماني قادرة قاعدة اكتب وفيني نومة صدق تعب بس الحمد لله على النعمة
طبعا اختكم ما تعرف اتسوي لها برنامج ثابت للتنظيف بس يوم الجمعة دائما اخصصه للتنظيف العالمي كنس وغسييل ملابس وكوي وغيرها يعني لازم قعدة من الصبح علشان اروح بيت عمي اتغدى (يعني ماصار يوم اجازة )ويوم السبت احاول اكمل باقي الاغراض اشوه ان بتي للحين صغيره فما اتوصخ الشقة الله ايعينى اذا كبرت بس بتي بعد اتغربلني في ناحيه ان اذا قمت من صوبها حتى لو عندها العاب تبتدي المناحة فقمت اخليها في (الجالوسة) واوديها وياي المطبخ وش انسوي بعد
والله يعين الجميع
ملاحظات:
-ارجع من الشغل سيدة بيت ابوي لانها عند امي اتغدى واقعد وياها اشوي اسبحها وايصير خاطري اتنام علشان اني بعد انام وياها والعصر اروح الشقة( شقتنا في منطقة بعيدة عن بيت ابوي قرابة ثلث ساعة).
- العلاقات الاجتماعية كانت اكثر قبل ما اولد كنت احب الهياته واحب اروح المجمعات الحين قلت.
-احس اني مقصره وياها ما العب وياها واجد.

اخيرا مو بس طبيعة الحياة الصعبة فرضت علينا ان احنا نشتغل يمكن لو ما اشتغلنا حسينا ابروتين قاتل التنويع امر مطلوب ثانيا الحين الامهات معظمهم يشتغلون يعني لاتخافون اولادنا ما بيطلعون امعقدين لانهم ناقصين حنان:D.

لاتنسون افيدونا ابخبراتكم.

بنت BH;10516694:
صراحة احس الموضوع صعب شغل وربة بيت

اني كنت اشتغل من 8 الى 5 قبل الحمل ومن عرفت روحي حامل فنشت (و تنسيت على المكان)

بس افكر اشتغل اذا كبرت البنوتة

الله يعين ويعين الجميع

ilshj;10518845:
لحد يتكلم لو ما امي جان الحين اني ضايعه مع ان عمتي ما تقصر بس احسها ما تعرف للجهال
اخد علوي لمي وطلعتي لين بروح بداية الايام حق ساعه الرضاعه تخلص الساعه واني فس الطريق (اكيد تصير من ساعه ونص لساعتين احيانا) لكن الله يخلي مديري متعاون وياي
الحين قسمت وقتي بدل ما اطلع الساعه اربع وفي نص اليوم ساعه الرضاعه اخدها نهاية الدوام واطلع الساعه 3 غير الصبح دايما اداوم ثمان ونص او تسع
اصلي المغرب واروح شقتي ركيض اسوي روحي اكفض واشغل الغساله واجهز شنطة علوي ليوم الثاني وعلوي يا عند ابوه يلعب او عند عماته تحت يلعب (عمر علوي 5 شهور)
وبالنسبة للسهر حدث ولا حرج في الشغل سجود على الكيبوووووووورد

OM Y&A;10519356:
والله الله يعينا صعبة إن الوحده فينا تكون زوجة+أم+موظفة
والله ما يجي الليل وفينا طاقة..وإنسي يكون عندش وقت لروحش
ودي أعطي أولادي وبيتي و زوجي حقهم كامل بس مو قادره
شغل البيت ما يخلص والجهال يبي ليهم من يعتني فيهم..
بس الظروف صارت تجبرنا ان احنا نشتغل..

أحيانا أقعد بس أدور على مواضيع عن تنظيم الوقت وأسأل
اللي في مثل حالتي شلون يقدرون يوفقون بين الشغل البيت والأولاد.

OM Y&A;10544313:
مشكورة أختي بسمه أطفالي على التعقيب..

الله يعطيش الصحه العافية إنشاء الله..أني مشكلتي ولدي الصغير
من أرجع من الشغل يشبص فيني ما يهدني وما ينام إلا وقت اللي
كلنا أنام..إذا أقعد أجفس الثياب هو ينفرهم من صوب ثاني..أنشر وهو على كتفي
ساعات أطبخ وهو على كتفي..وأحيانا أكوي وهو على كتفي ومن الصبح قبل ما يرن المنبه هو يقوم..واجد هالكني الله يحفظه عكس أخته هذيك مقابله التلفزيون وتفرفر فهالقنوات ساعه طيور الجنه ساعه براعم

بسمة أطفالي;10472624:

ام رسيل باين من توقيعش ان انتي حامل والحلوة رسيل ماشاء الله عمرها 8أشهر

الله ييعنينش ان شاء الله والله يحفظ لش البنوتة يارب

خصوصا لما يكون الشغل زامات كل يوم غير بصير صعب على المرأة

وشغلتك حلوة :wink: ياللا صوري لنا كتاكيتنا مجانا :D

بالتوفيق ام رسيل والله يخلي لش الأهل