Ms Dior;10472842:
الموظفه ربه البيت الصراحه دوامها 24 ساعه !! وتتعب دبل على ربات البيوت .. يعني في حالتها لازم تييب خدامه حق شغل البيت فقط ( التنظيف والترتيب وغسل الثياب وكوايهم ) اما باقي الواجبات تظل مثل ما هي لانها ام وزوجه وهي المسؤوله عن بيتها .. من تربيه وعنايه بالطفل والاهتمام بالزوج والطبخ وادارة البيت ..
وجذي بتنحل مشكله التعب والضغط الي عليها .. وبتتفرغ حق نفسها وزوجها وطفلها..
مشكورة اختي عالمداخلة الحلوة
انتي موظفة بعد خيو ؟
اني حاليا للحين ماافكر اجيب شغالة في الوقت الحالي
بس لو بفكر اجيب بجيبها حق الوالدة الله يحفظها وطول في عمرها
بس ماادري لما تصير الدراسة مع لعيال يمكن احتاج وقتها لشغالة !
بس حبيت اقولج انه انا لحد الحين ما لقيت لي شغاله ( جاري البحث ) وادعي لي اخلص امورها بسرعه..
انا ما اضغط على نفسي اول شي ارتاح بعدين اكمل شغل البيت .. وبروحه شغل البيت متعه وحلو بس ياخذ من الوقت والطاقه .. وانا الصراحه ابي اوفرها حق نفسي وولدي وزوجي..
بس الضغط يزيد مع زياده اليهال في البيت .. وانا اشدد على الي عندها اكثر من طفل انها تييب خدامه ..
افضل لها ولصحتها ..
بس تبين اهون عليج كلما انجزتي شي في البيت استانسي على روحج والله انا جذي مهونه على نفسي وافرح روحي اذا خلصت شغل البيت وطلعت من البيت وادري انه ما علي شغل كلش.. اكون مرتاحه .
موضوعج صراحه حلو وودي اسولف فيه معاج لي باجر ههههههه ..
اكيد بطالع ردود خواتي وردودج..وان شاء الله نستفيد ونهون على بعض .. ونلقا حلول حق بعض ..
ربي يسهل على كل خواتي الموظفات ويعينهم .. واجر وعافيه ان شاء الله
اسعدتني مشاركتش مس ديور :o
نفس تفكيري أحاول اخلص الشغل كله قبل لا أطلع
واحاول بعد ما أنام الا ومخلصة الشغل تقريبا
ولما ارجع اول ماافكر فيه الشغل بعدين اريح :tongue: اي راحة عاد
ومساكين الجهال تعودوا على الوضع
بقولج بسمه اطفالي انا حاليا ما افكر اييب غير ولدي الله يحفظه .. لان بيصير ضغط علي وما بقدر اوفق بين شغل وزوج وانا واولاد وتربيتهم تربيه صحيحه وتدريسهم .. طبعا لازم الطفل ياخذ تربيه وتدريس باكمل وجه ..
وانتي تحتاجينها حق شغل البيت .. بتوفرين وقت ترتاحين فيه وتجابلين اعيالج ودروسهم..
ولازم تحطين لج قاعده حق اعيالج .. اذا يه سن دراستهم.. اول ما يرجعون البيت قبل لا يجي وقت الغدا يخلصون واجباتهم ..
بعد الغدا الشغاله تشيل وتنظف وانتي حزتها اخذي قيلوله بالصاله .. واعيالج اكيد بيكونون حواليج شجعيهم وابتدي عطيهم دروسهم .. وشوفي ريلج في شنو شاطر اي ماده خلي اهوه المسؤول عنها ..
ومن يجي المغرب انتي مخلصه منهم واهمه مخلصين يبتدون يلعبون ويستانسون وبالعكس في يهال اذكيا وشطار يخلصون العصر قبل المغرب .. والنوم المفروض الساعه 7 ونص بالكثير 8 نايمين ..
ان شاء الله كل شي يصير تمام بس صدقيني لازم شغاله عشان تقريبا وقتج الي بالبيت بس لعيالج وريلج وانتي..
انتي شرايج؟
مس ديوور حلو كلامش وعين الصواب
بس حاليا الوضع كلش مايسمح اجيب شغالة :ss:
ادعي لينا يثبتونا ويعطونا راتب عدل ،، بعدين يصير خير
لان فعلا ماتجي المغرب الا الطاقة مخلصة
الله المعين
ان شاء الله الامور تتيسر ..
يمكن تواجدي في الموضوع غريب ، لان للحين ما تزوجت ( مخطوبة ) وما اشتغل ( طالبة )
بس يمكن اقدر افيدكم ،، اذا كنتين ربة بيت + موظفة حاولي تقعدين الصبح ويا صلاة الفجر ..
تصلين وتشربي حليب وتبدأين في التنظيف من 4 الفجر إلى 6 الصبح ( ساعتين ) بتقدرين تنظفين فيها وتسوين الفطور ..
( بعض الامهات يسوون الغدى ويحطونه في الثلاجة \ وبعضهم يجهزون كل شي ويخلونه لرجعتهم يبدأون يسوونه )
بعد الساعة 6 ابدأي في ايقاظ الاطفال والزوج وبيكون كل شي نظيف ومرتب لهم ..
عقب ماترجعين من الدوام .. صح بتكونين تعبانه من الشغل + تنظيف البيت الصبح ،،
بس عالاقل بتشوفين كل شي نظيف وماعليش الا الغدا .. تغدوا ونامو لكم عالاقل ساعة ..
العصر ابدأو يومكم في الواجبات المنزلية وانتين كملي واجباتش .. وتقدرين المغرب تسوين لش زيارات او تسوق ..
الليل حاولي مع الاطفال من الساعة 7 او 8 تخلينهم ينامون وبعدين انتين نامي عالاقل عالساعة 9 او 10 ..
اكيد كلامي مو مرتب كتبته عالسريع .. بس كنت امبي افيدكم ،،
علامة استفهام شرفتي الموضوع
والله يسعدك ونفرح بيوم زواجش يارب ويوم توظيفش
ونصائح حلوة ومرتبة
بس عني اني مااحب أنام الظهر اخاف كل مايجني نوم في الليل حتى لو كانت غفوة !:ss:
والشي الثاني ان لو فكرت اخد قيلولة اكيد الكتاكيت بنامون فيها وبجديه النظام بيتخربط فوق تحت :D
على العموم تسلمين ع النصايح (a)
آآآآآآآآآآآآآآآآآآآآخ جيتي على الجرح ههههههههه
أنا ربه بيت و طالبه جامعيه مو موظفه بس نفس الشي نفس التعب بالذات في الصباح وأغيرلها الحفاض
( الله يكرمكم) وهي نايمه وأوديها عند عمتي( أم زوجي ) ساكنه قبالي
وأرجع احيانا 3 مافي نوم لأنها تكون شبعت نوم وأحيانا انام ساعه وأصحى على الشغل
من طبيخ وغسيل وكوي ........................الخ
تسلمي على الموضوع
الشي مو سهل ابدا ابدا عن جد تعب في تعب في تعب
وصعب الموازنة
ترجعين من الشغل تبين تنامين لج على السرير وتذكرين ان وراج اشغال البيت واولادج الي مشتاقين لج اول ماترجعين من الشغل ينطرونج ولا تبين تقعدين مع ريلج
تسلمين غاليتي بسمة اطفالي وربي يسمع منج دعائج عاجل غير اجل تدرين خيوو شنو مخوفني الحين اذا اشتغل وزامات الشغل امي من لها ؟؟؟؟ خصوصا الله يطول في عمرها عندها سكري وهشاشة عظام يعني الله يعنها على مابتلها يعني تخيلي ما تطلع من البيت لانها مشي كلش ماتقدر تمشي وايد زيارات ماتروح لانها ماتقدر تقعد وايد انا حاليا اللي اقدر عليه اسويه صح بروحي بس ماعليه يعني لو توظفت اخوي ولد خبرج مايحطون يدهم في شي وانا الوحيدة بالبيت والله اطلع ومخي كله عند امي اخاف يصيدها شي افكر اجيب شغالة بس عندي اخو شاب 18 سنة وغيري جذي ماحب وجود احد غريب بينا احس بيتنا كله على المكشوف مادري وين اطق براسي
وايد هذرت بس ويش اسوي غير ادعي من ربي انه يوفقني ويخلصني من همومي
صراااحة انا بعد حمدت ربي انه ما صار لي مجال اتوظف لان اكثر شي احاتي بنتي ان من بيجودها وخاصة ان بيت امي بعيد عن بيتنا وعمتي ما تقدر اجودهاااا وابدا ما اامن اخليها في الحضانات وهي بهالسن وهي اوردي ما تحب احد غريب فعن جد الله يعين الامهات الوظفات ويالله كل تاخيرة فيها خيرة والحمد للله رب العالمين......
الله يكون في عونكم أمهات
شكرااااااااا بسومه على فتح هالموضوع
أنا ربة منزل +أم
والحمد لله مااشتغل كفايه علي شغل البيت ومقابل ولدي او لوكت موظفه مابقدر اوفق بين البيت والزوج والطفل ,عندي طفل واحد بس عن عشره مطفشني عدل مااكمل من شغل البيت الا بطلعت الروح ...
السلام عليكم
صباح الخير بنات
مشكورة بسووومه موضوعش وايد حلوو ومهم في نفس الوقت
أني عن نفسي صار لي تقريبا 3 سنوات ونص اشتغل وآآآآآآخ على الشغل كل يوم اقول بفنش
صراحه وايد تعب ان تكونين أم لبيبيات وتشتغلين وربه منزل ولا تنسين الزوج الله يساعدنه صراحه يوم بنتي صغيرة كنت كل يوم أخليها عند عمتي لين ما كبرت شوي وجبت حمود وبعدين صار حمود اخليه مع حماتي وزهور اوديها الى امي وشقتي في الطابق الثاني يعني كل يوم اسوي رياضه الصباح هههههههه انزل حمود أوديه الى حماتي في الطابق الثاني بس من درج ثاني وبعدين انزل زهور واوديها السياره والحين ان شاء الله قريب بنتي بتروح الروضه يعني يبي ليي اقعد من وكت علشان تسبيحها وتلبيسها ومزاج الجهال اول ما يقعدون من النوم زفت يعني يبي لي ساعه وشوي حق زهور بس وبعدين اوصلها الروضه
والله يساعد كل الامهات العاملات
وتستاهلين التقييم خيووو
سواليف ليل;10474417:
آآآآآآآآآآآآآآآآآآآآخ جيتي على الجرح ههههههههه
أنا ربه بيت و طالبه جامعيه مو موظفه بس نفس الشي نفس التعب بالذات في الصباح وأغيرلها الحفاض
( الله يكرمكم) وهي نايمه وأوديها عند عمتي( أم زوجي ) ساكنه قبالي
وأرجع احيانا 3 مافي نوم لأنها تكون شبعت نوم وأحيانا انام ساعه وأصحى على الشغل
من طبيخ وغسيل وكوي ........................الخ
تسلمي على الموضوع
الله يعطيش العافية ان شاء الله
والله يحفظ لش البنوتة وخلي لش ام زوجش يارب
شرفتي الموضوع
ام علاوي;10475611:
الشي مو سهل ابدا ابدا عن جد تعب في تعب في تعب
وصعب الموازنة
ترجعين من الشغل تبين تنامين لج على السرير وتذكرين ان وراج اشغال البيت واولادج الي مشتاقين لج اول ماترجعين من الشغل ينطرونج ولا تبين تقعدين مع ريلج
صح كلامش الله يعين الجميع ان شاء الله
الله يحفظ لش البطل وتوقمي بالسلامة ان شاء الله
شرفتي الموضوع
وجوه الخير;10475959:
تسلمين غاليتي بسمة اطفالي وربي يسمع منج دعائج عاجل غير اجل تدرين خيوو شنو مخوفني الحين اذا اشتغل وزامات الشغل امي من لها ؟؟؟؟ خصوصا الله يطول في عمرها عندها سكري وهشاشة عظام يعني الله يعنها على مابتلها يعني تخيلي ما تطلع من البيت لانها مشي كلش ماتقدر تمشي وايد زيارات ماتروح لانها ماتقدر تقعد وايد انا حاليا اللي اقدر عليه اسويه صح بروحي بس ماعليه يعني لو توظفت اخوي ولد خبرج مايحطون يدهم في شي وانا الوحيدة بالبيت والله اطلع ومخي كله عند امي اخاف يصيدها شي افكر اجيب شغالة بس عندي اخو شاب 18 سنة وغيري جذي ماحب وجود احد غريب بينا احس بيتنا كله على المكشوف مادري وين اطق براسي
وايد هذرت بس ويش اسوي غير ادعي من ربي انه يوفقني ويخلصني من همومي
الله يعينش اختي والله يعطي الماما الصحة والعافية وطول عمرهاا
أجر وعافية وان شاء الله
شرفتي الموضوع غاليتي
أم حواري;10477542:
صراااحة انا بعد حمدت ربي انه ما صار لي مجال اتوظف لان اكثر شي احاتي بنتي ان من بيجودها وخاصة ان بيت امي بعيد عن بيتنا وعمتي ما تقدر اجودهاااا وابدا ما اامن اخليها في الحضانات وهي بهالسن وهي اوردي ما تحب احد غريب فعن جد الله يعين الامهات الوظفات ويالله كل تاخيرة فيها خيرة والحمد للله رب العالمين......
فعلا اختي وهذا اللي كنت اقول كل تأخيرة فيها خيرها
بس حطس في بالش متى ماتحصلي الوظيفة المناسبة بتلاقي كل شي ميسر من رب العالمين
الله يرزقش بالوظيفة المناسبة غاليتي
شرفتي الموضوع
اسيرة زمانها;10478204:
الله يكون في عونكم أمهات
شكرااااااااا بسومه على فتح هالموضوع
أنا ربة منزل +أم
والحمد لله مااشتغل كفايه علي شغل البيت ومقابل ولدي او لوكت موظفه مابقدر اوفق بين البيت والزوج والطفل ,عندي طفل واحد بس عن عشره مطفشني عدل مااكمل من شغل البيت الا بطلعت الروح ...
الله يحفظ لش البطل
يعني ماتفكري في الشغل ابد ؟
توتة 84;10478373:
السلام عليكم
صباح الخير بنات
مشكورة بسووومه موضوعش وايد حلوو ومهم في نفس الوقت
أني عن نفسي صار لي تقريبا 3 سنوات ونص اشتغل وآآآآآآخ على الشغل كل يوم اقول بفنش
صراحه وايد تعب ان تكونين أم لبيبيات وتشتغلين وربه منزل ولا تنسين الزوج الله يساعدنه صراحه يوم بنتي صغيرة كنت كل يوم أخليها عند عمتي لين ما كبرت شوي وجبت حمود وبعدين صار حمود اخليه مع حماتي وزهور اوديها الى امي وشقتي في الطابق الثاني يعني كل يوم اسوي رياضه الصباح هههههههه انزل حمود أوديه الى حماتي في الطابق الثاني بس من درج ثاني وبعدين انزل زهور واوديها السياره والحين ان شاء الله قريب بنتي بتروح الروضه يعني يبي ليي اقعد من وكت علشان تسبيحها وتلبيسها ومزاج الجهال اول ما يقعدون من النوم زفت يعني يبي لي ساعه وشوي حق زهور بس وبعدين اوصلها الروضه
والله يساعد كل الامهات العاملات
وتستاهلين التقييم خيووو
صح الله يعنيا اكثر شي نعاني منه نقل الأطفال في الصباح ،، مساكين يتخربط نظام نومهم !
بس بعد ماننكر نعمة من رب العالمين هالوظيفة
الله يخلي الكتاكيت ،، وان شاء الله يارب الأزواج يتفهموا الوضع :D
تسلمين توتة ع التقييم