حليب اس 26 اللي مجربته على نونتها تعلمني ؟؟

اهلين حبيبتي
البيبي يرضع طبيعي او صناعي بس؟

انا استخدم اس 26 والصراحه الحمدالله ويه بنتي اوكي

شوفي اولا المراضع في الاسبوع مره حطيه بماي دافي ويه ملح

ولين 60 بس ملعقه من الحليب بعد هب تترسينه كله

ولازم الماي اللي تستخدمينه اتخلينه ع النار لمده 10 دقائق عسب يكون صالح للبيبي

يعني اتاكدي من الماي والمراضع وكمية الحليب

وسلامتج يالغاليه والله يحفظ لج بنتج

green garden;10468867:
اهلين حبيبتي
البيبي يرضع طبيعي او صناعي بس؟

الاثنين حبيبتي

عزيزتي حليب اس 26 معروف انه ثقيل ع المعدة و يسبب امساك و مش كل طفل يتلاءم معاه و يتقبله انتي شوفي لو سبب لها امساك وقفيه صحيح هو يسمن الطفل لكن شو الفايدة مع الامساك و الغازات أخت زوجي تستعمله لبنتها أشوفه دهني كثير و ما شاء الله البنت مليانة لكن صدقيني مو بصحة و احسها تمرض كتير يعني لا تقولي بس أريد بنتي تسمن و بس أنا عن نفسي أنصحك بحليب بيبيلاك خفيف ع المعدة جدا و لايسوي اي امساك و لا غازات و تلاحظين الفرق بشكل الحليب بعد تحضيره من حيث اللون و بعد دهون واجد أقل مقارنة باس26 و لاتهملي الرضاعة الطبيعية أبدا عزيزتي شو ما كان الحليب الصناعي مناعة البيبي ماياخذها الا منك

إذا بنتك تعاني من الامساك مالك الا حليب بلميل بلس وربي الحليب ذا روووووووووووعة
عن تجررررربة

في اس 26 نوع ثاني للتحسسس و الامساك جربيه اختي

لا تذكريني فيه بنتي كانت تزوع من حلجها وخشمها وااااااايد ثجيل وكريه

انا كنت اعطيه ولدي

وبعدين فجأه كرهه

سألت الدكتورة وعطتني بليميل بلس

احسه كويس بس ماشريته له

صرت اسوي له اشياء مفيده في البيت

زي التمر وحلبه وهالأشياء احسن

**جودي**;10469452:
انا كنت اعطيه ولدي

وبعدين فجأه كرهه

سألت الدكتورة وعطتني بليميل بلس

احسه كويس بس ماشريته له

صرت اسوي له اشياء مفيده في البيت

زي التمر وحلبه وهالأشياء احسن

هالأشياء أكيد روعة و مفيدة بس حبيبتي لا تغني عن الحليب أبدا للطفل الا اذا كان يرضع طبيعي

أنا أستخدمه لبنتي وليومك ذي أستخدمه بس من كم يوم دخلت المرحلة الثانية والرضاعات الليلية للحين منه عشان أتدرج مع المرحلة الثانية..

شوفي هو صج ثقيل.. أنا عطيته بنتي أم شهر وبنفس الوقت أعطيها طبيعي.. كانت أوكي وعقب صادها إمساك وقمنا غيرنا نوعين حليب بس عفسها زيادة ورجعنا له يعني ماظن الإمساك من هالحليب لأن عقب مارجعنا نعطيها رد بطنها عادي.. يعني يمكن منه ويمكن من أسباب ثانية..

أنا بشكل عام مرتاحة منه..

عادي مو ثقيل بالعكس احسه واجد خفيف ولا يسبب غازات
اللي لاحظته كلكم تستخدمون لاطفالكم حليب بيبيلاك !!!
وبيبيلاك معروف انه يوصف للاطفال اللي فيهم حساسية من اللاكتوز
معقولة اطفالكم كلهم فيهم حساسية ؟

هالحليب رووووووعه وممتاز انا استخدمته لبنتي ومازلت استخدمه

الصراحه الدكتور نصحني بهالحليب وانا مرتاحه و مستمره لحد الحين ^^

اهلين دريم ويب
ممكن الامساك من الرضاعة الطبيعية
لازم تتاكدي انك تشربي سوائل كفاية وتاكلي روب زبادي
ادا انتي عندك امساك تاكدي ان البيبي عنده من حليبك
وطبعا ممكن يكون السبب من الحليب الصناعي زي مانتي قلتي بس حبيت انبهك
وماتشوفون شر
تحياتي

هديل;10470695:
عادي مو ثقيل بالعكس احسه واجد خفيف ولا يسبب غازات
اللي لاحظته كلكم تستخدمون لاطفالكم حليب بيبيلاك !!!
وبيبيلاك معروف انه يوصف للاطفال اللي فيهم حساسية من اللاكتوز
معقولة اطفالكم كلهم فيهم حساسية ؟

لا حبيبتي البيبيلاك منه انواع منه العادي و منه نوع بدون لاكتوز للأطفال الي يتحسسون من اللاكتوز يعني ييجي انواع

ولدي استخدم له بليميل بلس


لكن بما انك تعطيها الصناعي قليل جدا الا هو بس رضعه بيكون الامساك مو منه


اكيد انتي تعاني من الامساك وادا عالجتي نفسك منه بتشوي ان ميوس بيصير بطنها عادي


لان ولدي كان معاه امساك وكنت انا بعد اعاني من الامساك كثرت من اكل الالياف وشرب الماي


وتحسنت وانعكس على ولدي وتحسن

محد يستخدم نان ؟؟

شرايكم فيه ؟؟


انا استخدم 26 ومرتاحة عليه بس ما يمتن عيالي مادري ليش

انا استخدمه لبنتي مرتاحه عليه بس وزنها قليل ما زاد ابدددد

كنت اعطيها بيبيلاك ما كانت تنام من الغازات وبس تصيح
غيرته لاس 26 الحمدلله ارتاحت عليه

بس وزنها ما زاد عليه!!!

وكل طفل له حليب يناسبه مو كل الاطفال مثل بعض

تقبلي مروري

فعلا أغلب الأطفال اس 26 يسبب لهم غازات وإمساك جربي رونالاك فعلا يسمن والغازات قليله وتحسين ممكن يخرجها الطفل بسهوله مو زي 26اس أحسها موت
الله يخلي عيالنا ويصلحهم يارب