الحمدلله الذى لا يحمد على مكروه سواه

حبيبتي ما فيني احكيلك غير الله يرحمها يا رب بواسع رحته ويدخلها فسيح جناته,,

والله يجعل ايامك الجاية احسن واحسن وما بكون نصيبك غير السعادة يا رب,,

استغفر الله وادعي وان شاء الله ربنا بفرجها

اميرة يا حبيبتى انتى بأيدك تخرجى من اللى انتى فيه لآنك مش الوحيدة اللى فقدت امها دة فى ناس بعد الشر بيفقدوا الاتنين و بيدوقوا معنى اليتم بجد و يمكن عشان انتى مش قادرة تطلعى نفسك من الحزن على مامتك والدك بدأ يحس انه مش معوضكم و مش فارق معاكم و طبيعى جدا هيدور على الحنان عند ناس تانية

الحاجة التانية مهما كان باباكى متشدد فانتى ان شاء الله ايام و تتجوزى و تلبسى اللى انتى عايزاة و تخرجى و تيجى براحتك حتى هيبقى طعمها احلى صدقينى و اهل خطيبك لو حتى بيفتروا فدة بردو مش سببه انك ملكيش ام تقلك و توعيكى زى ما بتقولي و لازم تبطلى تفكرى انك منبوذة او مغلوبة على امرك بسبب وفاة والدتك الله يرحمها انتى بجد الموضوع أثر عليكى جامد و انا طبعا عذراكى مفيش اغلى من الام بس اللهم لا اعتراض و الدنيا احنا فيها ايام معدودة و الدنيا الحقيقة هى الدايمة لينا فى الاخرة و فى الجنة مع اللى بنحبهم يارب

بكرة لما تتجوزى و تخلفى ان شاء الله كلللللل حاجة هتختلف معاكى لآن حبك لاولادك هيخليكى مش عايزة من الدنيا حاجة غيرهم من حنان و حب و ضحك و كل ما فقدتيه هتعوضيه بأذن الله بس بجد نصيحتى اخرجى من اللى انتى فيه و قولى الحمد لله انا احسن من غيرى فى حاجات كتير

شكرا ليكم قوى بجد الردود كلها اكتر من روعه فى اقناعها
حتى الردود اللىحسيتهم جايين عليا شويه استفدت منها .......

عاارفه انكم زهقتوا منى لكن والله غصب عنى متفتكروش انى نكديه وانى غاويه نكد؟؟
بالعكس
انا بعد اللى مريت بيه ده نفسى قوى ارجع اضحك واضحك بأعلى صوت ومن القلب كمان هو حد يكره يفرح؟؟
لكن والله تعبانه بجد ضغوووووووووووووووووووووووووووط كتييييييييره قوى محطوطه فيها مقدرش احكيها ولا حابه افتكرها كلها ..........
يمكن لان كل حلجه حصلت جت ورا بعضها ؟؟
او يمكن لانى مش حاسسه بالامان ؟؟
او يمكن لاحساسى بالوحده؟؟
او يمكن لانى مش حاسه انه خطيبى بيحبنى الحب اللى يعوضنى عن اللى فات ويدينى الامان او انا كمان مش عارفه احبه ؟؟
او يمكن خايفه احبه؟؟
مش عارفه والله
يمكن لان كل حبايبى مش جمبى؟؟ يعنى اقرب الناس ليا مش معايا (باستثناء ماما الله يرحمها) يعنى تقريبا اخويا الكبير ومراته وولادهم اللى انا مربياهم سافروا قبل موت ماما باسبوع
وطبعا عارفين مشاكل اخوات اللى كنت مخطوباله ده وانى برضه كنت بحبهم قوى والموضوع انتهى رسمى قبل موت ماما باسبوع .........
يمكن لان حتى انتمتى اتخلت عنى من 3 يوم عزا ماما؟؟
يمكن لانى اكتشفت بدرى انه بابا نسى ماما وبيدور على واحده تانيه ؟؟
او لانى اكتشفت ان كل اصحاب ماما الله يرحمها حتى الغلابه اللى كانت بتعطف عليهم نسيونى بعد موتها واتخلوا عنى حتى فى الايام اللى عارفين انها صعبه عليا وانا لوحدى؟؟
برغم انهم كانوا على طول عندنا لكن مراعوش العشره !

انصدمت فى كتير
واكتشفت انى فشلت انى اسعد نفسى واسعد اللى معايا لانه مبقاش حاجه جوايا حلوه اديهاله
وخايفه اقرب من اهله خصوصا بعد ماحاولت وبرضه مفيش فايده (تنكيييييييين قوى ) وبيرسموا نفسهم عليا
يعنى اتعزمت عندهم فى رمضان عاملونى كأنى عايشه معاهم عادى وسايبينى قاعده لوحدى ولا حد بيوجهلى كلمه يعنى مفيش مراعاه انى مكسوفه او انى غريبه او انى من يوم الفرح مقابلتهومش غير مرره واحده بس وبرضه ولا كأنى قاعده ولا بيحسسونى بفرحه كأنى مكنتش لاقيه الجواز وهم اللى هيحلولى الازمه ..........

والله حاجات كتير قوى كمان حاسه انه اهل الزوج بالذات (او من اللى قابلتهم) لازم الواحده تكون عامله حدود لحد ماتكتشف شخصياتهم يعنى تدرسهم واحد واحد وبعدين تحدد يستاهلوا ولا لآ وفى الفتره دى برضه تبين احسن ماعندها ..................

كمان بفكر لنفسى لوحدى ومش عارفه اكمل باقى حاجتى مفيش حد معايا .....حتى خالتوا:( مشغوله بجهاز بنتها ولا بتسألنى عامله ايه فى جهازى برغم انه جوازى بعد شهر ..............

والمشكله بقى يابنات انى نزلت حجزت الفرش مع حمايا وحماتى وجوزى
طبعا رخموا عليا كالعاده وبجد المرره دى مقدرتش اكتم احساسى انهم مش عايزين اجيب كل الحاجات على زوقى لازم يعملوا حاجه كده فى النص وجم فى اكتر اوضه كان نفسى فيها وعاجبانى ومرضيوش يجيبوها :(

وبجد انا زعلانه قوى دلوقتى ومش عارفه اعمل ايه والعلاقه بينى وبين خطيبى مش كويسه متخانقين من يوم الحجز الصبح واحنا مش طايقين بعض مش عارفه ليه ومش مبسوطه وقلقانه وكل مانتكلم مع بعض نتخانق لان اهله مش راضيين يجددوا الشقه ليا وحاسه انه كل حاجه بايظه كده ده غير انه فى حاجات فى شخصيته مدايقانى قوى وخايفه يفضل كده (يعنى حاساه مستهتر لا مبالى ) لانه للاسف كان دلوع قوى وانا مبحبش كده... والمشكله دلوقتى انى مش عارفه حاسه انى مش سعيده معاه وبرضه مش عايزه انهى الموضوع لانه كتب كتاب وهنا فى مصر صعب ومش حلو ان الواحده موضوعها ميتمش بعد كتب الكتاب ولو من غير كتب كتاب انا انخطبت كذا مرره يعنى كله وحش فى حقى .,,,, ربنا بقى قادر يحللى مشاكلى دى .........

محتاره قوى وزعلانه

اولا الله يرحم امج ويصبرج على مصيبتج ..
ثانيا حبيبتي انتي مو ملزومه تكونين عنده مثل الخادمه يشعم فيج ويخانقج هذي البدايه من اولها يعني بعدين ماتدرين شو يصير ...
ثالث شي اني مو قاصرج شي ابدا واذا على ابوج ادعي ان الله يهديه واكثري من الاستغفار صدقيني ربي رايج يفرج همج .. والله يكون في عونج !!!!!!!!!!!

اميرة يا حبيبتى زى ما قولتلك فى ردى اللى فات انت ملكيش ضهر غير نفسك يعنى لازم تبقى قويه
على كل الناس بالنسبه لاهل جوزك يمكن امكانياتهم ماتسمحش بتوضيب الشقه او غيرانين
انا بس عايزه اقول طنشيهم وبعد الجواز ياما هتغيرى فى بيتك بالنسبه لجوزك كل الولاد فى المرحله دى بيبقو عصبين واغبيه ومش بيراعو الست بعد الجواز بايدك تخليه خاتم فى صباعك بس اهم حاجه حدودددددد
لازم يكون فى حدود مع أهله ومن غير كسوف ده حقك يعنى لو حبو يتدخلو تقولى لا بصراحه