تعالي فضفضي و كتبي شنو الموقف المحرج اللي مريتي فيه بسبب سمنتك

بالتوفيق ياقمر
مشكووووووووووورة

يختي انا ابي اعرف هالناس ماعندهم احساس
يمكن بشتريه هديه لناس مب لازم لي

حقودين

ههههههههههههههههههه
و انا ادور على موضوع اضعته طلعلي هذا الموضوع

ياريت تعطونى رجيم او شلون انتم تخسسو في نفسكماو خطتكم كيف انا اريد ان اشترك معاكم

المـواقف المحرجـه اللي جـآتني كثيييرة ,

لـدرجة اني انعـزلت عن النـآس بشكل واضـح , صـرت مااحـب اجلس مع احـد ,

صـرت افضل العـزلـه على الاختـلاط بـ احد , والسبب [ جسمـي وسمنتي المفرطـة ] !

مجرد مـ أسمع بس ان في منـآسبه بنروحهـآ , او تجمـع , او بنروح زيـآرة ,

( يـاويلي يضيق صدري واحـآتي التعليقـآت اللي راح تجيني من هالمنـآسبة ) !

واحـآول اني اتهـرب بـ اي طريقـة , علشـآن بس مـ اطلع واروح امـآكن ويجينـي كلام انا في غنى عنـه .

واحيـآنا تصيب واحيـآنا تخيب ( يعني اوقـآت يفيد العذر ولا اطلع , واحيـآنا لا انجبر اروح ) ,

وطبعـآ بجيكمـ بالتعليقـآت اللي تجيني ,

عندي ابوي ( الله يخليه لي ويحفظه ) ,,

بشكل شبه يوميـآ تقريبـآ ( ضعفي . تراك سمنتي اكـثر من قبل .. )

واذا جا يوم ماتغديت او ماتعشيت .. يقول لي احسن لاتأكلين

( صـرت مااحب اجلس واكل قدام ابوي ابدا ) ,

, نجي لـ اهلي

اختي الكبيره ( يالله نحفي علشان تتزوجين , الشبآب مايبغون دبـة ) < اكثر شي يضآيقني

خآلاتي ( يالله نحفي نحفي .. واحس يناظرون في جسمي بشكل مقرف ) < لاحول ولاقوة الا بالله العلي العظيم .

اهل عمامي ( نحفي مو حلو عليك السمنة ) ,

وهـآتك كلام ونقزت .. غير اني كرهت السوق كره مو طبيعي والسبب مافي شي على مقاسي من اللي يعجبني .

بـ ختصـآر صرت انسآنه منعزله عن العالم الخارجي .. وغير نظرات النـآس لي اللي احسهآ تكرهني بنفسي .

وكاني انسانه جايه ( من الفضـآء الخـآرجي ) ,

احس اني جالسه اعيـش ايـآم صعبه وحيآتي صعبه والسبب السمنه اللي اعـآني منهآ ,

مااقول لكم اني ماجربت من قبل اني انحف .. نعم جربت وفعلا نحفت ..

وكل مره انحف وبعدين ارجع بعدهـآ اضعاف مضاعفه ..

يعني سـآبقـآ كنت بالكثير 90 ,, الحـين وزني وصل 110 < لاحول ولا قوة الا بالله العلي العظيم .

اليوم قررت اني انحف ( وان شاء الله راح تكون رشآقـة دائمـة ) .

واكثر الاسبـآب اللي من جد محطميتني .. تأخر الزواج . صـآر عمري 26 ولسـه ماتزوجت .

اللي كبري عندهم أطفـآل .. ( اللهم لك الحمد يارب )

كنت اتمنى ولد خالتي زوج لي ويارب يكون من نصيبي يارب .. [ عندي امـل كبير بالله ] .

بس يقولون اهو رافضك يقول انك سمينه ودبة .. علشآن كذا قررت اني انحف واغير من نفسي وشكلي ..

ابغي اصير انسانه الكل ينبهر بجمآل جسمهـآ وشكلهـآ وانـآقتها ..

والله كريـم يـآرب العـآلمين ..

دعـواتكم لي يـآبنـآت .. والله ينحفكم انتوا كمـآن

( لاني عـآرفه شعور الوحده لم تكون سمينه ) , لانه مو بس يأثر على نفسنـآ حتى على حيـآتنا ..

احس حيـآتنـآ كلهـآ تتعطل وتتوقف عند حد معين ..

ان شاء الله راح تكون انطلاقه جيده في هالسنه يـآرب ..

رآح اكون من رواد هالموضوع للتشجيع ..

ماعليج منهم صدقيني سوي صحن كبير من سلطه الفاكهه

وكلما تجوعين روحي طلعي لج شوي واكليه


بتشوفين روحج شبعانه ومافي اكل يضر وان شاء الله يصير من نصيبج صدقيني هو المحظوظ




(:

الله يغربل المتن :schmoll:

جيت اقرا عشان استحي على دمي

والله ما في بالي مواقف حاليا

بس بضعف عشان لا تصيدني هيك مواقف :schmoll:

الله المستعان

وانا زيك نفسي انقص 5 كيلو بس بصحة وعافية

الله يوفقنا على نزول اوزانا بصحه وعافيه يارب

هههههههههههههه
موضوع محرج بنفسه
واسؤ مو قف يوم كان عندنا فرح لقريبه لنا ونزلت اشتري فستان المهم رحت تقريبا لعشر مولات وما حصلت فستان على مقاسي
بس كنت قبل ما ارجع البيت اتعشى في المول نفسه
وكان ولد اخوي الله يحفظه يقولي ما استفدتي من الروحات الا من المطاعم
وكان يقولي تقريبا 10 مطاعم رحناها وما توفقنا في فستان مناسب
يقصد اننا رحنا 10 اسواااق ههههههههههه

الله ينحفكم بصحه وعافيه يارب العالمين

يوووه بنات
لما شفت عنوان الموضوع كنت ببكي :'(
ياااااااا كثر المواقف الي صارت لي وتصير

انا دخلت الجامعة ووزني 63 وتخرجت ووزني 91 والحين وصل 94 رغم اني ما تخرجت إلا من 7 شهور
من وانا صغيرة دبة ولما كنت بأول ثانوي كان وزني 75 وجاتني حالة نفسية غريبة صرت أتقزز من حاجة اسمها لحم بطريقة غريبة ونفسيتي انسدت ع الآخر بسبب معلومة تعلمتها في الأحياء :|
المهم وزني كان ينقص إلى درجة اهلي أخذوني مستشفى أفحص عن السكري لأن العائلة ثلاثة أرباعها فيهم السكري بس الحمد لله طلعت سليمة
أول ما دخلت الجامعة كنت بروحي لا صديقة ولا أحد
والدراسة كانت صدمة
ووزني كان يزيد بدون ما أنتبه
لحد ما يوم مسكتني بنت تكون خالة زميلتي قدام البنات في المصلى
ومسكت خصري تقولي يا ربي كيف صرتي دبة :badly:
والله حسيت الدنيا تدور تدور تدور وكرهت البنت
وبدل لا أنحف صرت أزيد وأزيد

وفي العيلة الكل كان يمدح جسمي لما وصلت الـ63
بس لما بدأت أمتن ما أحد قال شيء
غير مرة كانت كل العيلة جالسة وعمي طلب مني حاجة وأنا واقفة
قال بصوت عالي وش صار فيك .. صرتي دبة ^o)
بغيت أموت وقتها
ومن يومها كل ما شفت عمي أتهرب لأنه يسمعني كلمة أمر من الثانية
يقولي ليه ما تلبسي جينز مثل البنات .. أكيد ما في قياسك
هو كل بناته ضعاف

أختي كل يوم تسمعني ضعفي ضعفي ترى ما أحد بيخطبك :-#
وعمري الحين 23 وانا ما افكر في الموضوع بس يضايقني لما تذكره
وامي كل ما جلسنا ع طاولة الأكل تتأمل صحني وتضحك
ولما ما أكل تقولي ترى أكلك نص الليل رغم إني ما آكل غير وقت العشاء

مرة كنت رايحة عرس بنت عمي .. وقبل لا يجوا الناس
كانت جدتي وعماتي جالسين
والكل كاشخ ولابس وأنا لابسة حاجة بسيطة
قالت لي ليش لابسة مثل العجائز :'( والكل شاف علي

يا كثر المواقف :(

لا دخل لي بالموضوع,ولكن تأثرت كثيراً بمعاناتكن..

أسأل الله أن يرزق كل واحدة منكن جسماً سليماً وقواماً معتدلاً..

ولي تعليق بسيط على أكثر المشاركات:

تألمت كثيراً عندما قرأت من أكثر من واحدة ترغب في (النحف) لأجل أن تخطب!!لماذا نعقد كل الآمال على الخلق؟ ولماذا نصنع المستحيلات من أجل الخلق؟
لماذا لا تفكرين في نفسك وصحتك وسعادتك قبل تفكيرك بالخطاب؟
وعلام الحزن خوفاً من الحرمان من الزواج؟

ثقوا بأن من كتب الله لها الزواج ستتزوج سمينة كانت أو رشيقة أو حتى (عظمة)!!

والله أعرف واحدة من أسمن ما رأيت في حياتي-الحمد لله الذي عافانا مما ابتلاها الله به وفضلنا على كثير ممن خلق تفضيلا- تزوجت قبل كل صديقاتها, وعزمتني على زواجها وللأسف لم أحضر لأني كنت مسافرة,لكني قابلتها بعد ذلك في حفل زواج إحدى الصديقات وكانت مسرورة جداً,ويعجبني فيها ثقتها التامة بنفسها وبجسمها ولم تحاول إنقاص وزنها قبل زواجها ولا (كيلو واحد),وسبحان الله الشاب الذي تقدم لها كان ولازال يعشقها ويعشق جسمها!! أسأل الله أن يديم عليهما السعادة ..
يعني المسألة مسألة أرزاق وتسخير ولا تحتاج إلى هم وحزن وضيق,وقصة تلك الصديقة من أعجب ما رأيت في حياتي..

وفقكن الله ويسر أموركن ورزقكن ما تتمنين من حيث لا تحتسبن..

يارب من هالناس

مايراعون طيب شنو نسوي والله تعبت قسم بالله

ما اشتهي اطالع روحي


):



صبرا جميل والله المستعان

انا صارلي كم موقف

معنه ما كنت واااااايد وااااااايد دبه لدرجه ملفته للنظر لا اكثر وزن وصلتله كان 79 وكنت وقتها بالجامعه


بذكر بعد المواقف الى اذكرها

كان عرس بنت خالتى شافتنى عمتى بالعرس كنت واقفه مدخل القاعه عند الاستقبال دخلت عمتى من اهل زوجها الى تقولي الفستان حلوو بس لو كنتى اضعف بيطلع يجنن عليج:thumbs_down:

وموقف ثاني انه صديقاتي الى امشي معاهم دائما كلهم ضعاااااااف كلهم اوزانهم من 45 الى 50 بس انا الوحيده :thumbs_down: كنت وايد اتدمر لين اطلع معاهم مكان ونتسوق

من جد احنا نحزن كله عاملينا طنازه و سخريه

غير كذا تلقي ناس ينظرو لقمتك وصحنك كم اكلتي
انا كنت ما احب اطلع انا ووجي وبنتي مع زملاء زوجي و زوجاتهم كانو كلهم نحاف مره و انا شكلي غلط بينهم كنت كل مره اطلع عذر عشان ما اطلع وياهم

و موقف لما كنت في الثانويه وزني كان 63 بس من الارداف كبيره شوي و كنت في جمعه و ناس كثير عاد في وحده بنت صغير تجري خلفي تصفق في يدها و تقول طمبيزه طمبيزه وانا اقلها اسكتي خايفه احد يسمعها

المهم البنت الان كبرت قبل فتره شفتها و اقلها اش قالت لي غير انها تاثرت مره وكانت شوي و تبكي برغم كنت احكيلها وانا اضحك
هم يضحك وهم يبكي



و الان قررت اغير حياتي برجيم نقاطي سر رشاقتي

شكرا لمشارتكم و تعليقاتكم

الله يضعف الجميع بصحة و عافية اميين