عطورات عرووس تعآلو نسآعد بعض....

هلا فيك اختي ولاف مبروك مقدما

بالنسبه لي اخذت حول 15 قارورة عطر :) استغربت من البنات الي يقولون 3 و 4 عطور

الي كانو توووووب وعجبو زوجي هي الي بقول لك عليها ومازلت للحين استعملهم وكثير يسالوني عنهم

عطر ستيلا القديم الي لونه بنفسجي غامق روووووووووووووعه سعره 380
عطر مس ديور سعره 400
عطر انجل من لانكوم 280
عطر كوكو شانيل 380
عطر بربري قولد بس للاسف الشركه ماعاد تنزله
عطر اليي جاني هديه
عطر سينما هديه
عطر بلاك اكس اس هديه
طقم من زهور الريف اسمه كامليا هذا شي يطير العقل ريحته
حجر من سيد جنيد مو متذكره سعره
مخلط شمس من اجمل 125 ريال بس يستاهل اكثر
دهن عود من عبدالصمد القرشي 300 ريال
دهن عود من الرصاصي 700 ريال حرامي خمني فيها
مسك ابيض او مسك العروس مثل مايسمونه من عبدالصمد القرشي 90 ريال اعتقد لاني ماخذه من اكثر من شي موب متذكره بس مايزيد عن 100 ريال هذا ضروري تاخذينه
بخاخات للجسم بريحة التفاح والفانلياا لبعد الترويش

هذي الي متذكرتهم والي انصحك فيهم لانهم فادوني بصراحه

في عطر جديد يااااااااااااااخذ العقل عطر عروس بصراحه ان شاء الله ابي اروح اجيبه كان توه نازل في باريس غاليري اسمه اديل من جيرلان صراحه عطر مدددمر بس غالي الصغير 480 والكبير 580 :) بس يستااااهل بقووه انصحك فيه تخلينه ليوم عرسك

المشكله ماحبيت امر ولا ارد
لانه انا ابغا من يساعدني عشان تجهيزاتي
وانا عندي لك عطر حلووه

هيدي ريحتها تعجبني وانا بستخدمها

تبغي نصيحتي لاتكثري عطور يعني جيبيلك اربعه عطورات فرنسية كفاية وبقي من ميزانية العطور في حسابك لأن بعدين ممكن تطلع عطور جديدة فتضطري انك تستخدمي اللي عندك وكمان مع الوقت ممكن يتغير ريحة العطور اللي شاريتها ..وانتبهي تفكي العطور كلها من علبها بس افتحي العطر اللي راح تستخدميه ..عشان بتروح ريحته لو فتحتيه ..

أنا اشتريت اربعة عطور فرنسية واثنين جوني هدايا ولما جيت اشتريهم قعدت أسال بالنت واسال البنات والمتزوجات وصدع راسي من كثر ماقالولي فرحت اسأل عن أكثر شي عجب الناس وكثير منه ماعجبني وبالأخير اشتريت اللي حبيت ريحته ..

بالنسبة للعطور العربية طبعا دهن العود وجاني هدية واشتريت مخلط من سيد جنيد اسمه هوينه وفيه مخلط دلال من باقيس

واكتشفت مكان عنده العطور الفرنسية المركزة في هيئة زيوت وممكن يعمل المسحات واللوشن والعطر منها وممكن تآخذينها بالتولة وسعرها معقول جدا ..بس الأفضل ان الوحدة تشتريها لما يقرب الفرح ..

بالنسبة للبخور جدتي الله يحفظها عملت لي خلطة أبخر فيها ملابسي وبيتي ..وابوي خلط مجموعة من البخور من بانافع للعطور وخلطهم مع بعض وطلع رائع جدا ..وعندي دخون أصلي الوالدة كسرته لي الله يحفظها وطبعا الدخون الاصلي للشعر يكون واللي مو اصلي يكون للملابس والبيت عشان مايبيض الشعر ..

مرررررة استفدت منكم صراحه موضوع يجننن

بصراااااااااااحه انا مستغربه من البنااات اللي يقولون اخذي اربع او خمس عطورات ... والله مايكفي وفشيله تروحين للناس ماعندك الا اربع عطورات .. انا قاعده اجهز لزواجي .. اقل شي يمكن اخذه من العطورات هو حدود 21 عطر تخيلي تكون التسريحه فاضيه .. وبعدين الوحده ماهي بقاعده من اول يوم تشتري عطور ..
عشان كذا بنضري البنت لازم تكثر في العطور والكريمات ..انا لي رجعه مع العطورات اللي افكر اشتريها واللي بيكون اولها الين ...

ام باااااك هذي من احلى العطور اللي مجربه وريحتهااااااااا خيال ..


وهذاااااااااااا خياااااااااااااااااااال بس هاه كل ماتخذين اللون القامج كل ماكان احلى ومركز ..

ووووبعد
























ترا اللي حطيتهم كلهم يقولون الزووووووووووود عندي يعني مو اي كلاااااااااااااااااااااام انا بشتريهم ان شاء الله لتجهيزاتي .. واذا فيه شي جديد ترا لي عووووده .....

//


عن عن نفسي آحلى عطر مر علي ومآلقيت نفسسه اللي هو

( العآذريه ) من المآجد سج سج سج عذآآآب ولآ يقآوم رشيه وخليه يبرد وتعآلي شوفي الريحه والحلو فيه
يبقى معآج فتره طووووووووووووويله مآآآيروح

وهم من الماآجد عطر ( عبير , الوسمي , ريما ) كلها خفيفه وتصلح للبيت والطلعآآت وروعه


آما العطور الفرنسيه منها وآآآآآآآجد


اللي هو



شيسيدو زن < ختيير

فلور بومب < عذآآآب

قوتشي فلور < يجنن

ربوتو كفآلآ < ثقيل بس حلوو

وعطورآت فكتوريا سكرت كلها حلوووه عندج OH LA LA حده حلو

وعندج توم فورد قووي حيل ويصدع الرآس بس خليه يبرد وتبخري معآه تعالي شمي الريحه مووو صجج

نينه ريشي التفآحه < صج قديم بس يجنننن

ايدول آرمني

قوتشي فريش

واللي ناوية اشتريه وماشريته آهو جوسي كوتر رووووووووووووووووعه شميته عند رفيجتي حدده ابدآآع

هذي العطور اللي آستخدمتها وحدهآآ حلوووووه وآن تذكرت بعد رآح اقول لج




اي سسح وفي مسك من عند القرشي اللي هو مسك العروس انا السرآحه ماعجبني وبالنت هني حيل يمدحون فيه بسس كلش ماعجبني كآنه سآآبونه

تبين الاحلى مسك الزهور عندهم احلى وآحلى ى ى







هذي سوره كل العطور بس نينة ريشي مخلس من زمان وقآطته هو وفكتوريا آمآ وايدول أختي آخذته تتعطر منه ماسورته هههههههههه

يسلموووووووووو
مشكوووووووورة

يعطيك العافيه ...

مشكووره حبيبتي فديتني
افدتيني كثير
بانتظار الباقي يسعدون

اخذي 3 عطور فرنسيه و2 دهن عود ومسك العروس

عيوني بوصفلج وصف لان ماعرف انزل صور وهذي عطورات اختي بعرسها بس جنااااااااان والعطر ترى اكثر شي يطلعه البخور ... عطر "لي" بنفسجي كروي الشكل+ عطر لاكوست اللي غطاه فضي+ عطر سالوران الوردي+ فالنتينيو الاحمر اللي عليه علامة صح+فلور بومب+عطر كوكو شانيل بصراحه احس اللي ماتشتريه موعروس+ برادا رووووعه عن تجربة:)+عطر ستيلا+ديور إدكت ونصيحه اخذي مجموعة الفراوله كاملة من بودي شوب لانها تفيدج حيل اللي هي زبده للجسم+مرطب شفايف+سبري جسم+عطر جسم وترى المجموعات حيييل تفيدج اللي نفس مجموعات بودي شوب اللي تجي بطعم ونكهه ولاتنسيني من دعاج اني اتزوج ثامر:)

أي شي تحتاجينه وتبين تستفسرين طرشيلي عالخاص ياعيوني وانا تحت امرج أعينج و أعاونج:$