التجمع الثاني للحوامل اللاتي يلدن في شهر 3 (مارس- اذار) 2010

شخباركم بنات وحشتوووووووني اليوم

الحلم الأزرق;10551473:

صباح الفل والياسمين عليكم يا حوامل


اليوم بنتي أول يوم دوام بالروضة مستانسه فديته وان بعد مستانسه حسيتها صارت كبيرة الله يحفظها

بالنسبة للحمل بنات ان بعد صاير نومي قليل دائما اقعد في الليل هذا غير الأحلام المزعجة وفي شي ثاني بعد بنات أمخوفني تنزل علي إفرازات لونها أخضر وسمكية وعلى طول واحيانا ينزل ماي هذا شي طبيعي اولا طمنوني بنات الله يطمنكم

جوفي عمري انا تنزل علي افرازات صفراء سميكة وهي عادية من الحمل لان الحمل اسبب زيادة في افرازات المهبل وكل شهر بتزيد خاصة التاسع بتزيد وايد وانا غالبا اتكون ملابسي رطبة من هالافرازات ساعات تنزل معاها ماي قليل

واحيانا يتهيء ليي لون الافراز اصير اخضر فاتح على اصفر انا طبعا ما اخلي روحي اروح المستشفى ساعات اروح تحليل البول يطلع سليم وساعات يكون عندي الالتهاب ويعطوني مضاد انتي روحي المستشفى افضل عشان ترتاحين

.. شعاع ..;10551638:
أنا بعد اليوم موعدي وزدت 3 كيلو الدكتورة تقول ليي خففي بس انا احس طبيعي يعني من بداية الحمل للحين وزني توه متغير زايد 3 كيلو

طبيعي لا؟


زوجي يقول لي وش يعني المفروض ما تاكلين؟!

جد قهرتني الدكتورة

وعطتني موعد في الفاتح ما ادري السلمانية .. وش قصته هالمكان؟

اشدراني عن دكتورتج تبيج تسوين رجيم وانتي حامل

جوفي اذا تحليل السكر طلع اوكي اي زيادة في الوزن لحدود 15 كليو طول الحمل تعتبر طبيعية بس هم اخافون ان زيادة وزنج مرتبط بالسكر فيخبرونج ان تخففي

بس انتي اكلي اللي تبين الا توج زايدة بس 3 كيلو عندج بعد 12 كيلو زعيهم على الاشهر الاربعه الجاية هههههههههههههههه

شخباركم بنات انا اليوم من الصبح رحت وديت ولدي المستفى حراارته قريب 40 والحمدلله شيكوا عليه قالوا في احتقان خفيف وقلت لها عن العوار اللي يصيده لين بيروح الحمام سوا له زراعه بول الحمدلله ماطلع فيه التهاب بس قالت يمكن خوف يحبس مايروح الحمام ويتم يعوره

بحرينية_حلوة;10552068:

انا ميودة روحي حددددددددددددددي .. ساعات أحس اني باضعف و باخليها تقولي .. بس عقب آقول لا لا مابي أعرف .. أحب المفاجآت ..

و أهم شي ان ما في أحد يحن فوق راسي الا يبي يعرف سواء من أهلي أو اهل زوجي .. من البدايه لأن قلنا لهم ان ما نبي نعرف و نبي يكون مفجاة و اللي ايي من الله حياه الله .. اهم شي الصحة و العافية .. :D

انتي بهالخطوة ريحتين بالج من أساله الناس اللي ما تخلص اذا سألوج وش بتجيبين وش اتردين تتغربلين انتي ما تبين اتخبرينهم وما تبين تكذبين او اتقولين لهم ما بقول فريحتين روج وافتكيتي

وحلو صراحة الواحد يوم الولادة بعد ما يطلع البيبي تكون مفاجئة له يا ترى انا جبت شنو بعد تعب 9 شهور هالترفس ترفس بنت او ولد وتجي لج الممرضة تقول لج مبروك جبتي ولد او بنت تكون جد مفاجئة

ومع كل هذا ما اعرف انتظر مثلج لازم اعرف شو في بطني ما اتحمل الفضول يذبحني

عي المها ون;10553326:
انا نفسج جود انا الهر اللي راح كان 59 ونزل امس اشوفه 58 انا كنت بين 56 و57
بنات انا امس حدي تعبانه ونمنا متاخر وانا متعوده اقوم اجيك على ولدي متلحف ولا لا جيكت عليه الا جسمه نار صادته سخونه وعندي مال الحراره بس منزلته حق ام ريلي وماقدرت ادق عليها الباب نزلت ادور دوا التحاميل قطيتها مالقيت الا كلبول عطيت له مع ياي خفيف بالرضعه مارضى يشربه بس تميت قاعده اسقيه ماي والصبح يوم قامت الخدامه قلت لها خلي الكالبول بالرضعه وسوي فوق حليب ابي يشربه ودشيت نمت لي شوي وقمت سويت له جمادات الحين الحمدلله شوي خفت ريلي ياب تحاميل ادول بس باسالكم يصير اعطيه التحاميل مع الكالبول ولا لا

ما يجوف شر ولدج عسى صار زين اليوم والجهال اذا يمرضون اخلون الام مو في دنيا اللة يحفضهم ان شاء اللة ويبعد عنهم المرض يارب

واذا ولدج صخن والحرارة عالية التحميلة افضل الليه بسرعه تنزل الحرارة وبعدين بعد 4 الى 6 ساعات تعطينه من الكالبول لان وايد زين واذا كانت حرارته مو وايد مرتفعه يفضل ما تستخدمين التحميلات الشراب افضل لان التحاميل تجيب اسهال للجاهل ومسكين حرارة مع اسهال تجيب له جفاف وما يصير في نفس الوقت تعطينه التحميلة و الشراب لانج جدي كأنج تعطينه جرعتين وهي خطر لان زيادة جرعات خافضات الحرارة دون المعدل الطبيعي الا هو كل 4 الى 6 ساعات تسبب تسمم للطفل هذا كلام الدكتورة

*النرجس*;10555310:
اليوم انا مقهوره ومتنرفزه والله ظلم ظلم تخيلو بنات الاسبوع اللي راح كان النت عندي في بيتي فيه مشاكل واحنا ينزلون الواجب على موقع في النت رحت للقروب اللي ادرس معهم قلتلهم وروني الواجب عشان اشوف واحل لقيته نفسه حق العام لاني عندي اوراق وكتب بنت ثانيه حق العام ورحت قعدة وحليت الواجب يعني كلها اصلح برامج بلغة الفجوال مره صعبه وجلس عليها فوق الخمس ساعات وانا اشتغل عليها مره تعبت اليوم تجي المعيده اللي تدرسني وتعطيني برنامجي اشوف الدرجه زيرو تخيلو زيرو الواجب عليه 10 درجات يعني اخذة صفر من عشره قلت لها ليش قالت انتي حاله اسئله غير عن اسئلتنا رحت اخذة الاسئله منها هي اربعة اسئلها شفت ان الاول والثانيه مختلف والثالث والرابع نفسها قلت طيب اعطيني درجات على السؤال الثالث والرابع قامت تهزئني وتخاصمني تقولي الغلطانه طيب اوكي انا ماانتبهت كويس للاسئله بس اعطيني درجه على السؤال الثالث والرابع قالت مااعطيك لانه ماركزتي على السؤالين اللي قبل وقالت انتي مو وحده اتفاهم معها يعني ايش مب ادميه انا ماتتناقشي معها مره قهرتي وقعدة طول اليوم ابكي بسببها

حتى الجنين صار متضايق انا اصيح وهو يرفس في بطني حسبي الله ونعم الوكيل

انا تعبت من دراستي انا ادرس حاسب الي تخصص تقنية معلومات شيء يطلع الشيب في الراس

ولا تنقهرين يا اختي ولا شيء درسنا احنا بعد 5 سنوات جامعه ما خلصنا الا اعصابنا حدهم زين ما انفجروا من تعامل هالدكاترة تلاقين جميع اصناف البشر في هالدكاترة في الطيب والخبيث والبخيل والمصلحجي واللعيب مع البنات ووووووووووو وانتي لازم تتعاملين معاهم وتحاولين تمسكين اعصابج معاهم

في دكاترة يا ما ظلمونا عطونا درجات اقل من حقنا وربنا بحاسبهم
وفي دكاترة من نطلب منهم اراجعزن ورقه امتحانا مرة ثانية زعلوا وصرخوا وينقصون من درجات الطالب وربي فوقهم بحاسبهم

јǿđ;10556766:
بنات رحت انصار غاليري
اشكثر زحمه
حتى زوجي سووا لهم سالفه يوم يينا ندفع
كل واحد مسوي له 3 سيدات على كيشر
يعني متى راح نخلص
بس زوجي راح وكلمهم بإنفعال شوي وصلحوا الوضع
ما ادري من منكم بالتجمع قالت مثل رامز
بالعكس مو مثل رامز فيه شي زين وشي ابد مأساه
رامز ثيابهم اشكره لو تشترينهم يبين عليهم تشيب
بس هذا غير في اشياء لو تروحين وتدخلين عمرج غير
نفس ملابس النوم واطقم الستيانات وغيره
قلت حق زوجي ياخذ له جلابيتين حق البيت
وخذيت انا طقم ستيان 2
واسعارهم اوكي على دينارين ورايح
في منهم اللي ب 700 و900 مو ذاك الزود

اللي عجبني ملابس البيبيز ولا كأنهم من ممحل رخيص
تلاقين 6 قطع على دينارين ونص
وحلوين ما شاء الله
عاد قلت الشهر الياي بروح باخذ لي
بودي معاي 40 دينار اخلص امور الملابس كلها
لأنه جد حلوين ترى بس قطع الملابس اما الغير ما تأكدت منهم
لأنه زوجي مو راضي يشتري اي شي الا يقول لزما نعرف
وهو اصلا ما يبي يعرف يبي يخلي كل شي بالتاسع
يلا خيرة مو البيبي مو راضي يفج ريوله عشان اعرف جنسه
حتى اليوم نفس الشي
الدكتورة يلست تحاول تقول ما يبين مسكر ريله

اي الزحمة وايد خاصة انه توة فاتح والناس هجوم علية

انا بعد شريت لي من الملابس الداخلية والشيلات

واغراض البيبي ما شريت ابي اعرف شنو فيني اول

هااي بنات

قلب البتول كيف الحال

عي المها ون;10556976:
انا من كثر مااشوف بالنت مستعيله ابي اسوي بطاقه نت قاعده ادش المواقع واختار الاغراض شي باخسر فوق 3000 بس قلت باتاكد من الاغراض اللي جابتهم بنت عمي عشان ماكرر بس اكثر شي ب اركز عليه ملابس 3-6 و 6-9 اما من صفر لين 3 باخذ البدلات الكامله مع كبابسيهم يمكن 3 وفستانين للكشخه هههههههههه بس لو البطاقه في يدي طيرتها في يومها

ههههه اي واللة حلو الواحد ارتب واجهز امورة بس هالفلوس اللي توقف في طريقنا

اذكر يوم كنا صغار نسوي لنا فلوس مطبوعه ونقعد نلعب فيهم عن يا زعم ان احنا اغنياء ومحد قدنا هههههههههههههه

ربي ييسر لنا ويقدرنا انا انكمل كل اللي نبي ونكمل شهورنا ونجوف احلى بيبي يوم ولادتنا سالمين وبصحة وعافية

.. شعاع ..;10558656:

شخباركم بنوتات كروشات؟

وشخبار البيبيات؟

بكرة عليي امتحان بالغصب كملت دراسة مع ان المادة خفيفة بس 3 دروس!

الله يقومكم بالسلامة

اللة يوفقج ان شاء اللة والمراجعه تعتمد على المزاج حتى لو الامتحان من درس واحد اذا المزاج واصل حدة المعلومات ما تدخل الرأس

ZM143;10558974:
شخباركم بنات وحشتوووووووني اليوم

اي واللة لكم وحشة المنتدى من الصبح مو راضي يفتح مدري اشفية كل جم يوم اقفل اللة يستر منه

شخبارج بعد شمسوية مع الامساك انا اليوم تعبت وانا بالحمام وانتي بكرامة ومن ساعه اكلت لي بسكوت بالالياف وبرتقال عشان اخفف الامساك لان اخاف اطلع لي بواسير لان بحملي قبل طلع لي بواسير وبعد الولادة في الكشف قالت لي راحوا
هم اصلا يطلعون من ضغظ البيبي على القولون اللي هو مخرج النفايات في جسمنا وكلما كبر البيبي ضاق القولون فالنفايات ما تطلع الا اشوي اشوي وتقعد في الجسم وقت لين توصل لباب الخروج واحنا اللي نتغربل عاد مع الالم بس ربي يخفف علينا ان شاء اللة

عي المها ون;10559040:
شخباركم بنات انا اليوم من الصبح رحت وديت ولدي المستفى حراارته قريب 40 والحمدلله شيكوا عليه قالوا في احتقان خفيف وقلت لها عن العوار اللي يصيده لين بيروح الحمام سوا له زراعه بول الحمدلله ماطلع فيه التهاب بس قالت يمكن خوف يحبس مايروح الحمام ويتم يعوره

يا ربي 40 حرارته مسكين هذا ساح من الحرارة اي الاحتقان متعب للياهل واجيب له كل الالم في اذنه وبلاعيمه وانفة وما بيروح الا بمضاد اكيد هم وصفوا لج انتي داومي علية و هو اهم شيء اللحين ان حرارته تنزل وكلما خف الاحتقان تنزل الحرارة لانها هي اللي ترفع الحرارة

وعسى ربي يساعدج معاه ويشافية بأقرب وقت

شقوره;10559215:
هااي بنات

قلب البتول كيف الحال

هلا هلا بشقورة تجمعنا شخبارج ترى سمحي لي توني موصلة لهالصفحة كنت اقرأ اللي فاتني


شخبارج مع البيبي اللحين اكيد الترفس زاد والبطن زاد والارداف زادوا ههههههههههه ما بقى شيء ما زاد حتى اكلنا زاد

مرحبا بنات شخباركم؟
انا خبرتكم انه دكتورة عابدة حولتني على عيادة مجمع الخليج الطبي
حق د.هيرمينيا الصفار
ما شا ء الله عليها خبيرة بالالترا ساوند
قلت لا شنو ولد ولا بنت ! قالت لي ما يبين بس بحاول قد ما اقدر
قلبتني يمين قالت يمكن يحرك ريله شوي
وحرك وطبعاً ما بقولكم الين ما اتأكد اذا هو صح ... او ....
صج انا شفت بس بعد ابي اتأكد
وطبعا الرحم عندي وااااايد قصير .. سوت لي الترا ساوند من تحت

شوفوا الجهاز اللي ينحط بالبطن زيه بالضبط
ما دخلت شي تحت بس خلت الجهاز ذا حق البطن صوب تحت
وشفت الرحم :S
يعنيييي مررررره قريب
وبكرة خذيت موعد حق د. عابدة وان شاء الله تتحدد العمليه بأسرع وقت
وبكرة بشوفكم او ما راح اشوفكم مدري والله
يعتمد على العمليه اذا بتدخلني مباشره او اروح لها بعد بكرة
دعواتكم

وانتي الصاجه يقلب البتول

جود هاذي الدكتوره الي رحتي لهى يعني اخصائية اشعه؟؟؟ وجم تاخذ اول مره ؟؟؟ اذا اهي اخصائيه اشعه نفس فوزيه وفهيمه وارخص دلينى عليهى


تصدقون رحت احاول ابي انام مافيني نومه لان بكرا بروح اسجل ولدي فروضه وقاعده واحاتي مادري للحين فيني تردد احس ولدي للحين صغير وللحين مايعرف الغلط من الصح خايفه عليه وفي نفس الوقت يكسر خاطري لمى شفته اليوم قاعد ويه عيال عماته وعمه واهمه اول يوم فلروضه قاعدين يعبرون عن شعورهم واهو مسكين ورا الموجه ولايدري بشي كل شوي يقول لي ماما وديني روضه ويه فلانه

شنو تشورون علي بنااات ولدي تاريخ 17 بيكمل 3 سنين ولسانه ثقيل شوي يعني يتكلم بس يحرق فلكلام ومو كل من يفهم عليه لان انه عجميه وابوه لا فصايره عنده اللهجه مكسره ويقطط كلمات بلعجمي عل اوادم عسباله يفهمون له خايفه وااايد ومب جايني نوووم بليز شنو تنصحوني يابنااات اروح اسجله ولا انتظر السنه الجايه اسجله؟؟؟

قلب بتول تصدقين ماوصوا لي مضاد بس استمر على مال الحراره بس الحمدالله الحين حرارته طبيعيه وانا الحين مافيني نوده لاني نمت الظهر من التعب وكله في بالي فساتين وثياب اليهال من كثر ماشفت بالنت هههههههههه متخرعه وقاعده احسب كم باصرف اقول حق ريلي تجهيزاتي بتكلف 5000 وقعدت افكر فيها شكلي باخذ اكثر

قلب البتول;10559325:
اي واللة لكم وحشة المنتدى من الصبح مو راضي يفتح مدري اشفية كل جم يوم اقفل اللة يستر منه

شخبارج بعد شمسوية مع الامساك انا اليوم تعبت وانا بالحمام وانتي بكرامة ومن ساعه اكلت لي بسكوت بالالياف وبرتقال عشان اخفف الامساك لان اخاف اطلع لي بواسير لان بحملي قبل طلع لي بواسير وبعد الولادة في الكشف قالت لي راحوا
هم اصلا يطلعون من ضغظ البيبي على القولون اللي هو مخرج النفايات في جسمنا وكلما كبر البيبي ضاق القولون فالنفايات ما تطلع الا اشوي اشوي وتقعد في الجسم وقت لين توصل لباب الخروج واحنا اللي نتغربل عاد مع الالم بس ربي يخفف علينا ان شاء اللة

الامساك خف شوي .. بس الحين صايدني التهاب .. ويالم .. احس بحرقه لين ادخل الحمام .. ويبي لي اروح المستشفى لان يالم فضيع

صباح الخير

صباح النور ياسار 2


شخبارج اليوووووووووووم ؟؟

والحمل شلون معاج ؟؟