الحلم الأزرق;10544267:صباح الخير لكل الحوامل شخباركم وأخبار البيبيات إنشاءالله بألف خير وصحة
جود حبيبتي الله يسهل أمورش إنشاء الله
أنا أمس ما دخلت التجمع لان يوم الجمعة وأقضيه مع زوجي وبنتي يعني من الساعة 10 نقعد من النوم نتريق وبنجهز وبعد الصلاة مباشرة نطلع نتسوق ونتغذى بره بما إن بكرة بتقتح الروضات وبنتي هذي أول سنه روضه رحت أكمل لها أغراض الروضة لأني قررت ما بكمل أغراضها إلا إذا إتاكدت إن بكرة بيفتحونها وبعدين رجعت على المغرب وكنت هلكانه دشيت بس قريت المشاركات
بنات أمس كنت أقول لزوجي إن البيبي ما أحس بحركته وهو خاف إشوي وما حب إن يخوفني قال إنشاء ما في إلا الخير ولا إتحاتين بس لما نمت البارحة على ظهري حسيت مثل الضربات على خفيف وقلت يمكن يتهيأ لي بس إنتظرت إشوي والحمدلله حسيت فيها مرة ثانية ولما رجع زوجي قلت له اليوم ولدك صاير مشاغب إقول ليش قلت له إمساعة كان يرفس وستانس زوجي يقول خله يرفس وسوي جمباز المهم إيكون بخير
اللة يكون بعونج بكرى لان اذا هي اول سنه بتروح روضة يبي لج تقعدين معاها اشوي في الروضة وتخلينها اتكون مرتاحة هناك وما بترتاحين انتي الا لما ترجع البيت لان بطلين تفكرين فيها وش تسوي بالروضة بس كلها ايام وتتعود
اي الازواج وش وراهم يبون هم واولادهم يسوون اللي يبون واللي تشيل الالم كلة الام