التجمع الثاني للحوامل اللاتي يلدن في شهر 3 (مارس- اذار) 2010

بنورج يا قلبي

:D

مبروووووووووووووك التجمع الجديد

ماشاء الله صار علي واجب

سارة الله يبارك فيج

وحياج الله

حنين ام;10450224:

صباح الخير على الحلوين:o

بس حبيت اسأل عن مفارش البيبي وين تسوونهم:eek:

قلب البتول ودمعة فرح امس شريت السرير وسيده وديته بيت ابوي:wink:

بالعافية عليج اختي وربي يجيب البيبي بالسلامة وينام فية

صوري السرير لنا خل نجوفه

јǿđ;10451125:
هلا بنات شخباركم؟

انا متملله وكل شي
من امس زوجي طالع مع صديقه
جاي له من الامارات
رد الصبح الساعه 6 خذ جوازه وطلع مرة ثانية
اتصل لي الساعه 7 ونص انا كنت نايمه وما سسمعت الجوال يرن
ولا عندي رصيد حتى

حتى طبخ ما افكر اني اطبخ
منقهره منه :D

نفس الحالة جود زوجي البارحة طالع مع ربعة وما رجع الا الصبح الساعة 7
وانا حدي معصبة علية واكلمة وانا مالي نفس لانة قاهرني .. وخصوصاً انا زعلانة علية من قبل ..

Daloo3t_Obooy;10450352:
انا حاليا اتابع عند منى الشرقي وامس كنت عندها يعني مادري شلون ذيك المره وايد حسستني انه ولد وهالمره كأنها اكثر من 50% متأكده انها بنت وصج اهي وايد سريعه بس اذا تسألين فيها تجاوب وتاخذ راحتها بالكلام ...

اخ من هالحركة انا ما احبها يخلونج محتارة ما تدرين فيج ولد او بنت بس ساعات اقول يمكن اسوونها علشان نروح لهم مرة ثانية ويستفيدون منا

لوليكي;10450672:

يسلمو حبيبتي غلبتك معي :o

ولو ما عملنا شيء

بحرينية_حلوة;10450879:

صباح الخيييييييير ..

Daloo3t_Obooy .. سامحيني أمس طلعت من الدوام و ما شفت ردج .. بالعافية حبيبتي .. و عن فوزية كمال و الله قبل كنت وايد أسمع ناس يمدحونها .. بس الحين يقولون كبرت خلاص ومالها بارض .. يعني مرت ولد خالي لي الشهر الثامن و اهي تروح لها تقول لها ولد .. و في الأخير يابت بنت .. طلع ان الحبل السري ملتف على ريولها .. !

حنين ام .. انا وايد يعجبني شغل ريام اللي في الزنج يم صيدلية ناصر .. يسوون لج سات كامل ..( 2 غطاء مراضع .. غطاء سلة الخمام و انتي بكرامة يعطونج بالسلة .. فراش البيبي .. 2 ثياب البيبي هاي اللي جنه فستان خفييييف .. 2 مهاد .. كبوس ) ب 90 دينار .. هاي اللي اتذكره مادري اذا وياهم شي زيادة او لا .. و طبعا تقدرين تختارين اللي تبينه مو شرط تسوين كل شي =)

elshegra .. حياج الله أختي في التجمع و انا عن نفسي ما ودي أعرف جنس البيبي .. أبيه يكون مفاجأة ان شاء الله .. اهم شي بصحة و سلامة =)

لوليكي .. الله يعينج على روحة الحمام .. هاي أكره شي .. بس أحلى شي انج حسيتي بحركة البيبي .. انا قاعده انتظر على ناااااار متى أحس فيها =)

قلب البتول .. شخبارج أختي .. ؟!!! شنو بتطبخين اليوم ؟!!!

jod .. شخبارج انتي بعد ؟!!! ناوية تطبخين اليوم ؟!!!

<<<<<<<< قاعده اتشهى عالأكل .. مادري شفيني من الصبح :ss:

هلا بحرينية انا اليوم غذانا صالونه لحم وطلعت نص دجاج للعشاء للحين ما قررت شو اسوي فيها شاوارما او معكرونة بشاميل خلال نص ساعه بقرر لان اذا شوارما لزم اتبلها واخمرها كم ساعه

قلب البتول

اتذكر قلتي لي مرة انج تروحين حق فهيمة المطوع حق اشعة، بسألج عندها 4D؟ اشعلة ملونة والا 3D المعتاد في كل مكان؟

صراحة ناويه اروح لها يمكن بعد اسبوعين ...

بحرينية_حلوة;10451093:

Daloo3t_Obooy .. انا هالأيام كله يصير خاطري في الباستا مالت يم يم .. مللت ريلي مسكين :tongue:

بس المشكله ان دوامي في سار .. ما يوصلون لنا :(

و دوامي لي 5 .. :confused: انتي وين تشتغلين ؟!!!

* ردي بالخاص اذا ما تبين علنا =)

حاولي ما تأكلين اكل من مطاعم وايد قد ما تقدرين انا اول ما تزوجت غذانا وعشانا من مطاعم لان ما كان المطبخ مستوي ومن جهز قلت خلاص ما ابي من مطاعم تتمللين من اكلهم ومو صحي وكلما يسألني زوجي شو تبين نشتري اقول له كيفك وخاصة لما تجيبين عيال ما تحبين اتأكلينهم من برى هو صح متعب الوحدة تسوي غذاء وعشاء لان ساعات احس روحي ما اطلع من المطبخ بس لما ولدي وزوجي اقولون لي طبختي حلوة استانس واقول يسوى التعب

جود ويتوم : خلوا الزعل عنكم انا انحطيت في مثل مواقفكم خاصة في شهر رمضان كان يتأخر وايد للصبح واذا يجي ازعل واسك البوز بس بعدين افكر واخاير نفسي اجوف انه مسكين بين كل فترة يطلع مع ربعه طلعه لصبح وكفاية علية دوام للمغرب ما يجوف احد الاقي نفسي بعدين حسيت بغلط لما لمته على تأخيرة

بس انا اللي ما احبة في لرجال ان عندهم تلفونات ساعات احسهم ينسون ان عندهم ليش ما يتصلون اطمنونا عليهم اذا تأخروا

يتوم;10451400:
نفس الحالة جود زوجي البارحة طالع مع ربعة وما رجع الا الصبح الساعة 7
وانا حدي معصبة علية واكلمة وانا مالي نفس لانة قاهرني .. وخصوصاً انا زعلانة علية من قبل ..

يقهرون الرياييل تو خليت اختي تطرش لي رصيد
واتصلت عليه مسوي عمره زعلان على شنوووو :ss:
المفروض انا اللي ازعل .. الا اقوله ايلس مع رفيجك
لا ترجع بس ابي السيارة لأنه بروح بيت هلي
وانت ما تهمني تراك .. الا يقول افا ما اهمج
قلت ايه عادي ما تهم قال اوكي .. قلت باي وسكرت الخط
رد دق مرتين ما رديت عليه

لوليكي;10451153:

بحرينية_حلوة

ان شاءالله رح تحسي بحركة البيبي قريبا حركته حلوه بس احيانا بتوجع :(

اه من روحت الحمام مابحبها زايدة عندي بالليل وبالنهار.انا بالليل بخاف اقوم والضو مطفي احيانا بصحي زوجي عشان يفتحلي الضو .هاد الخوف صاير معي من جديد.!!!!!!!!!!!!!!

انا بعد اخاف من الظلام بس انشغل ليت النوم انت بعد ركبي لج ليت نوم اصفر لان اسوي اضاءة اكثر من بقية الالوان انا عقدة الخوف من الظلام عندي من يوم انا صغيرة وللحين ما انحلت تعالي جوفيني اذا انقطعت الكهرباء عنا في الشقة بسرعه بسرعه اخذ عيالي واطلع برى اقعد بالسيارة

&#1112;&#511;&#273;;10451512:
يقهرون الرياييل تو خليت اختي تطرش لي رصيد
واتصلت عليه مسوي عمره زعلان على شنوووو :ss:
المفروض انا اللي ازعل .. الا اقوله ايلس مع رفيجك
لا ترجع بس ابي السيارة لأنه بروح بيت هلي
وانت ما تهمني تراك .. الا يقول افا ما اهمج
قلت ايه عادي ما تهم قال اوكي .. قلت باي وسكرت الخط
رد دق مرتين ما رديت عليه

انا عن نفسي حتى لو زعلت ما اقدر احقره يتصل يرن كم رنة اقول ما برد بس ما اقدر