التجمع الثاني للحوامل اللاتي يلدن في شهر 3 (مارس- اذار) 2010

يتصفح الموضوع حالياً: 5 (5 عضو و 0 ضيف) ‏قلب البتول, ‏јǿđ, ‏بحرينية_حلوة, ‏kenouze, ‏حنين ام

هلا بالمتجمعين اليوم شخباركم جميعا اليوم انا كلش جسمي متكسر ومو مشتهية اقوم اسوي اي شيء ان شاء اللة تتغير نفسيتي بعد اشوي اليهال طفشوني يمكن اطلع معاهم العصر نتمشى اشوي نغير جو

شقوره;10492367:
زوجي قعد يسولف وياااي واحين راح ينام


انه صراحه الاسم الي بختاره صج صج صج سر ابيه يكون مفاجأه للكل يعني يمكن جنس البيبي راح تتسرب الاخبار مني مناك فلعيله ههههههههه بس بحاول اني اخلي الاسم سكرت

يعني بقول لكم بس انتو واختي
البنت مقرره اسميهى ((فاطمة)) الولد في اسم بس صبرو اتاكد وبقول لكم

انا بعد من الاسماء اللي حاطتنهم اسم فاطمة

لا تخبرينهم شو بتجيبين خليها مفاجئة احلى

زين البراري;10493489:

بنات صباح الخير ............... اشلونكم والله من التعب

ما اقدر اقرأ الردود ..........

امس خذت تحاليل الدم وبما ان فيني الغده الخامله واكل عليه حبوب يوميا ..ارتفعت عندي وزيدو علي الجرعه بنات ادعولي ان الله يتمم علي حملي وايب بيبي صاحي وبخير ...والله يتمم على كل حامل يا رب

ما عليش شر يا اختي وربي يمشي الايام بسرعه ان شاء اللة وتجوفين ولدج بصحة وعافية

kenouze;10493675:
صباح الخير يا بنات الله يتبث حملك اختي ام البراري
انا ادا جبت بنت حسميها آلاء و ادا كان ولد صفوان

انتي شكلج قررتي الاسماء وخلصتي جدي وايد زين بس هالاسماء من مختارنهم انتي مع زوجج او انتي بروحج

يتوم;10493741:



كنت ابي اسوي رباعي الابعاد بس ما ادري ليش قلت خلة لين وصلت السابع علشان يبين اوضح ..

وبما اني مستعيلة ابي اعرف جنس البيبي فرحت مكان رخيص وقوي .. رحت شفاء الجزيرة بعشرة دينار ..

وعلى التسمية :(

انا خاطري في عبد الله .. يوسف ..

بس احنا عاداتنا وتقاليدنا يلوعون الجبد :confused:

اذا الابو اسمة حسن لازم يصير بو علي واذا الابو علي لازم بو حسن ..
واذا الابو محمد لازم جاسم ..

عاد انا لازم يصير بو عباس :confused:

يعني عباااس ... ويييييييييييييييييييييع ( استغفر الله انا ما اعيب على الاسم وشخصية هالاسم على عيني وراسي بس انا مو خاطري فية :( )

ما عليج اللحين قليل اللي يسمي بهالطريقة سمي اللي تبين واسم عبداللة وايد حلو وحتى يوسف بس عبداللة اثقل لما يسمونج ام عبداللة واللة يارب اجيب عبودي على خير

هههههههههههههههههه انا خلاص سميته عبداللة ولدج

јǿđ;10494159:
شوفي بتوقيعك 20 و3 ايام
والشهر فيه 4 اسابيع و3 ايام
ف باقي لك اسبوع الحين وتكونين بالسادس :tongue:

انتي حسبتج ان بالاسبوع 21 ادخل السادس وانا بحسبتي بالاسبوع 22 ادخل يلى مدامج بتقدميني انا قابلة بس لحد ااخرني ههههههههههه


الا اشلون تجوفون توقيعي انا ما اجوف لا توقيعي ولا توقيع اي وحدة ليش تتوقعون الخلل عندي او عند المنتدى

بحرينية_حلوة;10496120:

بنات محد قالو لها فيها توأم ؟!!! :D

ههههههههههههههههههههههه ليش انتي شاكة انج فيج توأم لا اصلا انا ما يجي في باي التوأم لان من الصوبين ما عندنا توائم يعني :down::down::down: ماشة بوزي منهم

Daloo3t_Obooy;10494553:
صباح الخير دبدوبات :)
ماشاء الله عليكم اخر مره دخلت امس الظهر وتبارك الله مشاركاتكم تقريبا خذ لي اكثر من ساعه وشي اقراها وايد طافتني اشياء، بحاول ارد عليكم وحده وحده:

قلب البتول
مشكورة فديتج على اللسته ياخبيرتنا، وبسم الله عليج من السكر ان شاء الله مافيج الا كل خير انا بعد وايد اروح بالليل تقعدني من النومه يمكن مرتين ثلاث جذي بس الحمدلله يوم كشفت مافيني احس شي طبيعي من ضغط البيبي عالمثانة، وبالنسبة حق الشوكي شوكي انا ليحين مدمنه عليه والشي الصج اللي خاطري فيه مال اول ومافي مثله الآيسكريم الوردي بونمل اهو شوكلت بس احنا نسميه جذي ههههه اللي صج انقرض حدي باموت خاطري فيه حسوا :(

عيون المها
عاد انا ذبحتي الكشري وكل اصناف المكرونه وخصوصا الحين كله خاطري في هالاشيه بالعافيه عليج حبيبتي ...

لوليكي
صحيح كلام البنات لازم تكلمون البيببي على اساس انه بيبي بس علشان ماتنصدمون يمكن يطلع ولد، وكيف المراجعات عندك بماليزيا؟ ان شاء الله مرتاحه ومتى راح تشوفين جنس البيبي؟

شقوره
بالنسبه عن اليوع يقولون اليوع كافر بس احنا اي شي نشوفه نطرشه ببطونه انا دايما ايوع بعد واحاتي وزني يزيد الدكتورة نبهتني بما اني من حملت زدت 4 كيلو وبس من نولد نسوي ريجيم ورياضه ان شاء الله (تجمع امهات شهر مارس لما بعد الولادة خخخخخخخخخ) :)

јǿđ
ماشاء الله عليج عيني عليج باردة شكلج طباخة انا بس حدي باستا ومعجنات وحلويات، وايسكريم الواحه حتى انا خاطري فيه عيزت وانا ادور بس مافي الا القرصان متروسه البرادات منه ...

زين البراري
ماتشوفين شر اختي وان شاء الله ربي يتمم لج على خير وماتأثر الأدوية على البيبي بإذن الله ...

يتوم
حاولي تقنعينهم احس مادري شلون حرام تسمين ضناج شي انتي مب حابته قوليلهم المره اليايه ان شاء الله وانج خاطرج في اسم معين تختارينه اي شي خربطي عليهم انا اتذكر رفيجتي كانت تبي اسم واهل ريلها وبيتهم مو مقتنعين فيه قامت وقالت انها حلمت وطلع لي مادري منو في الحلم يدها مادري يدتها وقال لي سميه بهالاسم والا ترى مابتوفقين وكله يتكرر عليها الحلم على قولتها لين اقتنعوا والحين من احسن مايكون :)

حنين ام
مشكورة عمري يعطيج العافيه بس هذاني بين الشغل وبين ردودكم اتقرا ماقصرتي فديتج :)

هلا دلوعه شخبارج اليوم وش ظل ما تحبين كل شيء طلع تحبينه ههههههههههههههههههه انا قررت اروح ادور لكم هالايسكريم عشان خاطركم لا تصير شامات في اولادكم بس ها مو ببلاش الواحد ب 300 فلس عشان تأكلونهة كامل ما تخلون منه نقطة في العود بعد غالي مو رخيص ههههههههههههه

جود اشتغلي موقت عجبج الشغل واصلي ما عجبج الله وياهم :)

وحاولي صج تقولين لهم تبين الدوام من 8-4

انا دوامي جذي والحمد لله تمام .. وعلى الاقل جم ربية على قولتهم يسوون شغل :)

وخصوصاً انة راتب زوجج ما يكفي ..

بحرينية_حلوة;10496247:

هههههههههههههه لالا شكرا .. جفته واحد بس الله يحفظه و يبلغني فيه ..

ولا احنا ما عندنا توأم في العيلة .. بس قلت يمكن بالصدفة .. مافي شي غريب على الله

اي اللحين ناس وايد حتى لو ما عندهم بالعايلة يجيبون توائم لان في حبوب منشطة يشربونها تخلي فرصهم للحمل بالتوائم تزيد وناس يسوى انابيب وتلقيح صناعي ويجيبون توائم مو 2 بس الا اكثر ما شاء اللة عليهم يعني اللي خاطرة الطب تطور هههههههههههههههه بس انا ما اقدر الا على واحد في كل حملة

لوليكي;10494725:

هلا دلوعة ابوي

ما شاء الله عليكي رديتي عالجميع انا ما لحقت كتار ماشاء الله.
المراجعات منيحة الحمد لله لسا مش عارفة ايمتى رح اشوف البيبي لان المرة الماضية مابين مزبوط وخايفة كمان هالمرة مايبين ولانه المستشفى خاص فهو غالي شوي قلت بأجل عالمضمون.
احنا كنا نحكي مع البيبي على اساس ولد لاني كنت حاسة انا وزوجي بولد ولما حكت الدكتورة مو مبين منيح حكالها زوجي يعني بنت قالت يمكن ومن هداك الوقت بنحكي مع بنوتة ورحت اشتريتلها تنورة حلوة هههههه.بحكي لزوجي حتى لو ولد رح البسه اياها بالبيت ههههههههههههههههه.ال من الله منيح وان شاء الله الخلقة التامة.

اليوم طبخت منسف لبن بس استفرغت بعد الغدا على طول حاسه حالي تعبانة وزايفة معدتي.

اي اهم شيء السلامة الا بسألج شو هو منسف لبن شو مكوناته

بحرينية_حلوة
يجوز والله نعرف بعض ماتدرين الا البحرين نتفه :)
وبالنسبة عن التوائم عايلتنا ماشاء الله وايد فيها من الصوبين واولهم انا توأم ويا اخوي الله يرحمه ويغمد روحه الجنه وكنت صج اتمنى الله يرزقني بتوم بنت و ولد بس مالله كتب والحمدلله على كل حال ...

јǿđ
انا دوامي من 8 لي 3 ونص بس ساعات نتم لي 4 و5 على حسب الشغل يعني هو صج تعب شوي لو نطول عن ال3 ونص بس الحمدلله مافي اريح من جذي ...

قلب البتول
اول شي ماتشوفين شر ويعطيج العافيه شاسوي ويا هالحمال؟ (اسوي حق روحي عذر) صاير كل شي في خاطري بس عاد صج مو خاطركم في هالآيسكريم اذا تتذكرونه لاتسوون روحكم صغار مالحقتوا عليه ...

يالله انا شكلي بروح البيت مايستاهلون اتم لهم ولا دقيقه ...

بنت حسب ونسب;10494793:
هلا حبيباتي على فكرة في هالحمل ناوية انه يكون البيبي هادي الطباع

في ولدي الاول تعبت تعب ولدي وايد عصبي ومزاجه صعب وملول ويصيح وايد وفي اول ثلاث شهور شفت فيهن الموت وكرهت الامومة لانه ماكنت ارقد لا ليل ولا نهار وبعد التعب والسهر على طول داومت والحمدلله ولدي صار عمره عشر شهور وبدأ يتأقلم الله يهديه يارب العالمين

في هالحمل اولا فيني ولد الحمدلله على كل حال ... المهم ابى ولدي يكون هادي الطباع ماشاء الله تبارك الله اختي يابت ولد من اول ماولدته هالطفل عمره ماصاح ماشاء الله عليه ... مايعرف يصيح الا اذا كان يوعان
وتخيلو صار عمره شهرين وفيه مغص بس مايصيح فديته يتألم بصمت ... حتى ساعات نفكره نايم يوم نروح نشوفه ونطمن عليه نلاقيه يلعب مع نفسه ... الله واكبر الله يهديه يارب على طول

المهم اختي قالت بعطيج السر ... تخيلو شو طلع .؟؟؟؟

القران ... اختي كانت طول فترة حملها تسمع قران ومقرء واحد بس ... وماكانت تشرب منبهات كانت تكثر من ماي زمزم والعصاير والفواكة والتمر عكسي انا في حملي كنت اشرب منبهات وادمنت على اورنامين سي
وكانت حياتي اغاني في اغاني ... لدرجة انه ولدي صار يحب الاغاني ويضحك يوم يسمع اجنبي
قلت لاختي احب صوت احمد العجمي قالت لا لانه يقرأ بصوت عالي والجنين بيخاف


اللحين السؤال الجنين يسمع ولا لا ؟؟؟؟ انا في اواخر الرابع ... ابى اسمع قران وابى اشوف معجزة ايات الله على الجنين مثل اختي .... الله يخليلنا عيالنا وينبتهم الله نبات حسن ويجعلهم من الذرية الصالحة يارب العالمين

اولا مبروك الولد الجديد اللي بيصير صديق ولدج وبيسوون حزب عليج ههههههههههههههههههههه لان اولادي جدي صاروا ربع وتعالي يخططون ضدي هههههه وهذا الحلو في لما تجيبين ولدين او بنتين وراء بعض يصيروا ربع

واختج صادقة القرأن يطمن القلوب ويهدي النفوس وانتي على طول سوي مثل ما خبرتج اختج وخففي من المنبهات انا عموما ما احب انواع القهوة بس اشرب شاي مرة او مرتين في الاسبوع بس اولادي بالليل وهم صغار ما يناموا بسهولة

اتوقع للوراثة بعد دور انتي وابوهم لما كنتوا صغار شنوا كنتوا سألي اهلج يمكن كنتي انتي يوم صغيرة صياحة وما تخلين فريجكم انامون هههههههههههههههه وولدج طلع عليج

والجنين يسمع تقريبا من الاسبوع 17 فلا تخافين بيسمع اللحين

بحرينية_حلوة;10496356:

قلب البتول .. شكله راح خاطرج فيها !!! :wink:

انزين لي بتدورين الآيسكريم .. دوري اللي قالت عنه دلوعة بو نمل هههههههه اللي اهوه ابيض مادري وردي فوقه جوكليت و قطع بسكوت دوائر صغيرة ..
و بالمرة المهرج اللي كان خشمه علوج :D
و آيسكريم القلب الأبيض اللي وسطه وردي

و بس اذا تذكرت شي باقولج :tongue:

هذا الاسكريم اللي وردي فوقه جوكلت انقرض من زمان هذا اللي سواة يبي لنا الاذية بس سواه كم سنه وخلانا ندمن علية وراح شالة من الاسواق

ياي يا يتوم ذكرتيني بأيام المدرسة كنت اشتري من المقصف اسكريم المهرج واسكريم القلب والحلو اللي فيهم انهم كلهم حليب في حليب

خلاص قررت اسوي جولة في البرادات واذا حصلت بخبركم ههههههههههههه

Daloo3t_Obooy;10496344:
بحرينية_حلوة
يجوز والله نعرف بعض ماتدرين الا البحرين نتفه :)
وبالنسبة عن التوائم عايلتنا ماشاء الله وايد فيها من الصوبين واولهم انا توأم ويا اخوي الله يرحمه ويغمد روحه الجنه وكنت صج اتمنى الله يرزقني بتوم بنت و ولد بس مالله كتب والحمدلله على كل حال ...

јǿđ
انا دوامي من 8 لي 3 ونص بس ساعات نتم لي 4 و5 على حسب الشغل يعني هو صج تعب شوي لو نطول عن ال3 ونص بس الحمدلله مافي اريح من جذي ...

قلب البتول
اول شي ماتشوفين شر ويعطيج العافيه شاسوي ويا هالحمال؟ (اسوي حق روحي عذر) صاير كل شي في خاطري بس عاد صج مو خاطركم في هالآيسكريم اذا تتذكرونه لاتسوون روحكم صغار مالحقتوا عليه ...

يالله انا شكلي بروح البيت مايستاهلون اتم لهم ولا دقيقه ...

اي قومي البيت اذا خلص دوامج ليش قاعدة المفروض قبل ما يخلص الدوام اتكونين جاهزة من تدق الساعه مشيرة الى نهاية الدوام اتكونين مشغلة السيارة هههههههههههههههههههههههههههههههههه هذا ان دل دل على حبنا للعمل هههههه

كيف حالكم يا بنات انشاء الله بخير أختي قلب البتول الأٍسماء طبعا اخترتها انا و زوجي وحتى من قبل ما احمل
أما عن سالفة القران فهي أكيدة أنا عن نفسي مسجلة في دار لحفظ القرآن الحمد لله هدا عامي الثاني و حفظت ما تيسر ومن يوم ما حملت و أنا أحفظ بصوت عالي لما اكون في بيتي لأسمع للجنين ويطلع لي يا رب من حفظة القرآن
أختي جود فرصة العمل هدا فرصة لا تعوض حاولي تقنعي زوجك بشتى الوسائل لكن أهم شي أنو يكون راضي من قلبه و الله يسهلك في اللي فيه الخير صلي استخارة و ربي هيسهلك الأمور