شقوره;10483988:
حبيبتي معرض الخريف اعتقد صار له شهر احين ومددوه شهر بس تصدقين مادري ليش مو مسوين له اعلانات يمكن لان مو في ارض المعارض مودينه مجمع ستره فوق كلش
سألت السوري لمتى بتقعدون قال تقريبا لنهاية 11 المفروض بس احنى قاعدين نشوف اذا في اقبال واايد احتمال نسوي اشتراك سنوي يعني بيكملونه سنه
بس تصدقين كلش مافي احد من جذي اسعارهم كلششششش دااااون يعني الفراشات الي طايحين فيهم طيحه على 15 و18 كل سنه واخر يوم يسوونه 12 صاااير اسعارهم السنه كلهم 10 والي شوي اغلى اب 11 والفخمين وااايد الملكيين اب 25 يعني بلاش
وتصدقون يبيع السوري طقم للبيبي عباره عن فراش ومفرش وسليب باق وغطى الرضاعه وغطى الكلينكس والشنطه وبيت الطفل وبلانكتبعد ياااربي نسيت بس واااايد اغراض كل هاذى اب 35 دينار بس وصج فن صاااير لكوالتي ماله والالواان وااايد طفوليه عجبني وااايد بس كنت حابه اخذ لون على جنس البيبي ماابي محايد
افا ليش ما سمعت عنه غريبة عادتا نسمع عنه يبي لي روحة ابي فراشات
ووين في مجمع سترة فوق في مكان يعني للمعرض اهناك ؟؟؟؟؟؟؟؟؟؟؟؟؟؟؟؟؟؟؟
بنروح وبنجوف وزين يوم خبرتينا ما قصرتي