بنات البحرين ابغى دكتور ل.......!!!

ام احلى ساده
ان شاء الله اوديه ما اخليه تسلمين خيووو ..

نادو ..
عرفته الل يتقولين عنه .,,
بس الحراز هذا حق شنو ؟ نمو اطفال بعد لو غير ؟

ilshj
شوفي ساهره يمكن اساعدونش
هاذي من ساهرة ؟؟
مشووورة خيو بس ردي على سؤال بلييييز


ملاذ الفرح ..
ياريت تأخر بس ؟؟؟؟؟؟؟؟الله يستر على ولدي جان مو فيه شئ انا اللي بطيح ساكته ؟
على العموم مشكووورة ..

عروس جنان ...
المستشفيات الحكومية مواعيدها طوووووووويلة وانا حالتة مستعجلة ابي اللحق عليه ما ابي انطر اكثر ؟
تسلمين خيو ...


فطوووم...
ان شا ءالله تأخر في الكلام لا اكثر ؟ بس والله خايفة وحياتي احسها خلااااص ما لها معنى ؟


توته ..
اي اعرفه هالمركز .؟؟ قريب مننا .. بس والله خايفة يكون فيه توحد وهو ما له علاج ...
يا ربي لطفك ورحمتك ......مشكووورة خيو ..


مراوي ..
اي وانا بعد هذا اللي مخوفني ؟ وراعبني ؟؟؟ الله لا يقوله لو فيه انا اللي بروح فيها ؟
لو تعرفين دكتور علميني عنه ؟


ام حواري ..
الشر ما يجيش ولا يجي لعيالج ..مشكووورة

ام مرام ..
ان شاء الله مشكووورة يا عمري ..ما تقصرووون


سندس 84 ..
شوفي هاذي الاعراض اللي عنده :
عدم التفاعل مع الاهل
عدم النظر في عيني الام والاب
طريقه اللعب تكون مميزة

مع اعراض اخرى ..

حبيبتي لو عندج احد تعرفينه علميني اخصائي توحد او دكتور من هالنوع ..



يا ربي ترحمني وترحم طفلي وتشفيه من كل مرض ...

شكرا لكم يا بنات والله يخلي لكم عيالكم ويحفظهم من كل شر ..ما قصرتو معاي بس لو احد يعرف دكتور يعلمني الله يخليكم ..

ما عليه شر اختي بس في مواعيده وش قالوا لش الدكاتره اذا كلشي طبيعي ترى عادي اني عندي اخو ما تكلم الا لما صار 4 سنوات حتى امي تقول شكله بيطلع أغتم لكن الحين تعالي شوفي لساااانه شطوله الله يحرسه خخخخخخ
و الله يحفظ لش ولدش من كل سوء

ان يتأخر في الكلام مو مشكله بس الطفل لازم بنهاية السنه الاولى ينطق على الاقل كلام مكسر
اعتقد انش من الافضل تروحين الى اخصائي اطفال عام بعدين هو يطرشش للاخصائي الي يناسب ولدج
ما عليكم شر
شرايش في اكبر علي في القضيبيه عند خبرة طووويله

الله يعينج ويعين كل أم تحاتي ولدها و أنا مريت بهالتجربة لما اكتشفنا إن ولدنا مريض بس الحمد لله الله شافاه


اول شي تسوينه تعرضينه على طبيب أطفال عام عندج دكتور عبد الجبار العباسي في مستشفى الشفاء قريب من منازل ورويان الي في سلماباد صراحة احنا رحنا له لمشكلة بالعظام بس الظاهر انه طبيب أطفال عام المهم هو وياه عدة دكاترة فهو بيحولج للدكتور المناسب، تعامله وايد زين ويشرح لج كل شي بالتفصيل


ولا تنسين الدعاء و القرآن و التوسل احنا داومنا على الدعاء و التضرع و ماهدأت نفسياتنا إلا به



و الله يساعدج ويبعد كل مرض عن ولدج ويحفظه

هلا اختي اتوقع فيه مرض التوحد
وانا كان لي زياره حق هذي المركز
و اهما يدرسون اليهال و يخلونهم يصيرون طبيعيين
و عندهم برامج مثلا مساج تكون معاه متخصصه حق عضام الياهل مثل بعض اليهال تكون عندهم صعوبه في تحريك عضلاتهم حتى الاشياء ما يعرفون ايودونهم عدل
وفي عندهم سباحه
يعني يعتنون في الياهل صح ويدمجونه مع اليهال الغير
ومديرة المكان اجنبيه و تعرفين انتي شلون الاجانب حريصين ع شغلهم و يحاسبون على كل شي

و ان شاء الله ايب لج رقمهم

في عيادات وايد في البحرين للاطفال ..عندج الدكتور احمد محمود في لمحرق واااايد زين واذا تبين تقالبينه روحي له الصبح ...وحتى الدكتور يوسف اكبر ولازم تروحين له الصبح لانه ماتيواجد الا الصبح ويخلص دوامهم 3العصر وعيادرات وايد مال الاطفال يقدرون يفيدونج ...روحي لهم في نفس الوقت بدون مواعيد ..

الا بقولج اهو له تطعمات في المركز واكيد يفحصون الطفل السمع النطق الاكل الانتباهات وحركات الطفل اذا فيه شي اكيد بيقولون لج ..

وانشالله ماعليه الا العافيه ويطمنون قلبج

ما يشوف شر اختي وانشاء الله شيء بسيط ويطيب بس احسن شيء وديه الى دكتور اطفال وهو بيوجهش وين تروحين الى اي دكتور
وطمنينه عليه

ياارب ما عليه شر ..!!
ويكون تاخر نطق لا غير ..

بس اذا كنتي تودينه فحص مع التطعيم ما قالو لج شي ..!!
ويارب ياكريم يطمن قلبج عليه ولا يكون فيه اي شي يخووف ..

أسئل الله العظيم رب العرش العظيم ان تشفيه...

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ


الله يشافي ولدش والله يفرج عنه وانشاءالله مافيه الا كل خير

ما عليه شر

ولاازم تودينه حق أخصائي أطفال

والله يطمن قلبش يا رب

وطمنينا عليه خيوه

ماعليه شر ان شاء الله
بس لازم تروحين لدكتور اطفال متخصص يفحصه فحص شامل للسمع والبصر والتخاطب وكل شي وخليه اهو الي يدلش على الاخصائي اللي تحتاجينه بعدين
ومن خبرتي في اللف على دكاترة الاطفال ( سواء مستشفيات خاصة او حكومية وعيادات خاصة ) اشوف ان افضل دكتور بيعطيه حقه في الفحص الشامل وبيقول لش الصدق بدون لف ودوران اهو دكتور نادر دواني في عيادة الحكمة اللي في رويان البديع
اخذيها نصيحة مني انا بنتي كان عندها بعيد الشر عنكم مرض في الغدد اللمفاوية ومحد قدر يشخصه عدل ولا احد قدر يقول لي العلاج الصح خلوها حقل تجارب لحد مانصحوني بهالدكتور اللي على ايدينه شفيت تماما والحمد لله

انتي وديه حقه ولو اتصلتي وقالو ما في مواعيد روحي بدون موعد وانتظري وقولي لهم حالة طارئة واهو ما راح يخليش بالعكس دكتور فاهم ويعرف ربه زين

وربي يعطي ولدش العافية وما يشوف شر ان شاء الله

جزاكم الله خيرا محتاجه لدعواتكم

الله يسااعدج خيوووو

و يفرج عنج كل هم و كرب

و ان شااء الله ماا على البطل شر

حبوبة ما علية شر ان شاء الله ودية السلمانية عند دكتوره رحاب المرزوق اهي مالت التطور و النمو وااايد زينة واذا رحتي قولي لهم اول مره وبيعطونج موعد قريب ان شاء الله

الله يساعدك يا قلبي
وان شاء الله يارب يكون طفلك طبيعي اللهم تأخر في النطق

لا تنسي تطمنينا عليه يا الغلا

اقترح وديه دكتور اطفال في البدايه وهو ينصحك

أكثري أخيتي من ترديد هذه الآية فهي مجربة لكشف الهموم و الكروب : ( لا إله إلا أنت سبحانك إني كنت من الظالمين )

و هذا الدعاء :
اللهم يا من لا ملجأ منك الا اليك .. انت اولى بى منى ..بانكسارى .. بافتقارى .. بذلى .. بضعفى .. بعجزى .. فلا تكلنى الى قوه جلدى و اكشف عني كل هم و غم و اصرف عني كل ضر و بلاء .

اللهم يا فارج الهم ومنفِس الغم ومذهب الأحزان ومجيب دعوة المضطرين يا رحمان الدنيا و الآخرة ورحيمهما أنت رحماني ورحمان كل شيئ فارحمني رحمة تغنيني بها عن رحمة من سواك وتقضي بها عني الدين و تصرف بها عني السوء .

و الله يطمن قلبج و يفرحج ان شااء الله بسلاامة الولد

ماعلية شر الصغير
شوفي حبوبة اني ولدي الحين عمرة سنتين و3 شهور تقريبا
لكن بعده مايتكلم عدل
يعني يقول بس كلمات مايكون جمل
يعني مايقول امبة ماي مثلا لا يقول ماي
وله رطنة خاصة فيه يعني يقعد يخربط في الكلام
في فحص الليه لعمر السنتين قلت الى الدكتورة وحولوني على السلمانية وكشفت علية الدكتورة
وقالت لي وديه روضة لانة عرفت انه ماله اخوان في البيت فقالت محتاج جهال يلعب معاهم
فانتي اكيد بتحسين لو لاسمح الله مايسمع
يعني لو مثلا احد فتح الباب ماينتبه
او التلفزيون ماينتبه اليه
ولا ينطق ولا كلمة
يعني لا ماما ولا بابا
وعنده اخوان ولا لا يعني مو شرط اخوان احد يلعب وياه اولاد عم مثلا اولا خالة
الله يطمنش على ولدش خيووووو

انا اقول لج تروحين عند من .... لاني عند بنت من ذوي الاحتياجات الخاصه ... ولما كانت بنت اشهر لاحظت انها ماقاعده تنمو مثل غيرها من اليهال ولما صار عمرها سبع شهور عرضتها على دكتورة في عيادتها الخاصه وهي حولتنا على السلمانيه وللحين نتابع معاها بالسلمانيه واللحين بنتي عمرها 6 سنين ..

اسم الدكتور فاطمه نعمه ... هي اخصائية مخ واعصاب ... بتفحص ولدج بالعيادة واكيد بتحتاج فحوصات دم واشعه وراح تحولكم على السلمانيه تتابعون عندها هناك لانها تداوم هناك بعيادة الاطفال .... واذا لا سمح الله بان عنده اي نوع من الامراض راح تحوله على الدكتور المناسب هناك بالسلمانية ..

وعيادتها تصير بمركز الاستقلال الطبي اللي يم رويان اللي بسند .. ولا تروحين الى اي دكتور من اللي قالو لج عنهم البنات مثل الدكتوره ساهره او يوسف اكبر الخ.. لانهم مايفيدون في مثل هالحاله لانهم تخصص امراض عامه انفلونزا وغيره ... الا وحده من البنات ذكرت الدكتوره رحاب بالسلمانيه هي صح للتطور والنمو وهذي تفيدج بشنو يحتاج ولدج من مدرسه وجذي لكن السلمانيه مايخذونج من غير تحويل وماادري اذا الدكتور رحاب المرزوق عندها عياده برى ولا لا ... فنصيحه من مجربه توكلي على الله وروحي لفاطمه نعمه لانها بتسوي له فحوصات شامله على المخ واكيد بتحولكم على دكتورة رحاب وغيرها اذا تطلب الامر ...

والله يطمن قلبج عليه ...

الله يشافيه ماعليه شر