فخامه او مبالغه؟؟؟

اولا الف مبروك حبيبتى وربنا يتمم لك على خير ويسعدك
انا اشوف تتفاهمو مع ام زوجك واتفقو معاها وشوفو ايه اللى يريح الطرفين ولا انتو تكونو مضايقين ولا هما

الغالية هي كلها مسألة عادات وتقاليد وإذ هم من قرى ومن مناطق بعيدة مهي متعودة على نظام البوفيهات بتصير غريبه عليهم وعلى معازيمهم وبصراحة خلوها على راي عمتج لانها هي ام المعرس والعيب والفضايح ان صارت لا سمح الله وقدر بتكون في وجه المعرس وأهلة يعني الناس رايح يتكلمون فهم عارفين اللي راح يصير بقلك مثل يا الغالية نحن عندنا مثلا لجئ الضيف لازم تكون الذبيحة والراس موجود على الذبية يعني ينطبخ كامل طبعاً هذي عادة ولدرجة ان بعض الناس تزل وتاخذ موقف إذا ما شافت الراس وتقول فلان ما قدرني وما حشمني ويمكن هم من هذا المنطلق خاااااااصة إذا هي زوجت حد قبل كذا من عيالها وتعرف بعض العادات والتقاليد اللي يبونها جماعتهم وأهلهم وما تضهرهم بمنظر لا يحسد عليه

اقولك شيء ثاني انا مرة كنت شايلة جدة زوجي الله يرحمها لعرس هي كبيرة في السن وكان النظام نظام بوفيهات وأخدم نفسك بنفسك شو تتوقعين كان موقفها ههههههههه وش ذول الناس ما يعرفوا العيب جايبين لنا صحون صغيرة ما تكفي حد (( على البوفيهات )) هههههه فديتها والله يا فضايح خلق الله وقعدت كل ما جلسنا وقمنا تتكلم وتحوس وترجع ... انا اقولها يا جدة يا حبوتي يا امايه هذا التطور هذي اعراس اليوم ... قالت بلا تطور وبطيخ ههههه شو بتفهمين عاد حرمة كبيرة في السن وتعرفي العادات والتقاليد كيف يتمسكوا فيها الكبار في السن وكأنها مشرعة بالقرآن ...

الغالية والله نصيحة مني واسأل مجرب ولا تسأل طبيب خلي أهل المعرس يهتمون في مثل هالأمور لان لو طلع قصور والا نقص البوفيه او أي شي يخص الاكل حتى لو بسيط والله ما راح تنساها عمتك ... وراح كل عرس ومناسبة بتزوج حد من عيالها بتقول لا لا لا ما بنسوي مثل ما صار عرس فلانة (( اللي هي انتي )) انفضحنا الأكل ما كفى أو نقص

والله ابعدي عن الشهر وغني له ... الغالية أكيد عندكم في المملكة مشروع حفظ النعمة وهذي مشاريع خيرية تهتم بالأكل الزيادة بعد الأعراس وتلم الأكل وتوزعة على المحتاجين ... ةالغالية وغذا في ناس بيجوكم من مكة خلي خواتك يحطوا الاكل في صحون وحتى في أكياس حفظ الأطعمة ... ويوزعوها على التكارنه اللي حولين الحرم .... فقارى ويستاهلون الأكل


العتب

عزيزتي اولا مبروك عليج الزواج وربي يسعدك في ليلة زواجك ويجعلك احلى واسعد عروس .

ثانيا الوالدة معاها حق لأن الاسراف حرام والزواج مو أكل الزواج مشاركة الناس فرحتهم واصلا المعازيم يجون اليوم ياكلون باكر بينسون شو اكلو .

وعمتك يمكن تبي الحفلة تكون فخمة بكل المستويات ويمكن تكون متخوفة من كلام الناس.يعني هي بعد عندها وجهة نظرها وما نقدر نقول انها تبي تبالغ او تظهر نفسها قدام الناس .

طيب انتو مخططين بوفيه ل كم شخص ؟ لنفرض انكم مخططين بوفيه ل 300 شخص، افضل شي عشان ترضو الطرفين انكم تعملو بوفيه ل 200شخص وتوزيعات ل 100شخص وبكذا اولا التقسيم يكون مضبوط لأن العدد اللي نقصتوه من البوفيه بيكون بداله توزيعات وبنفس الوقت البوفيه اكبر من التوزيعات او الوجبات وبالتالي تضمنو ان الوجبات ما تنرمي .

انا بس حابه اشكركم واوضح ان هذي ليله جلوه يعني معروف عند الجميع ان هذي ليله خاصه بالبنت واهلها متكفلين بكل شي وانا بصراحه من عايله مقتدره ومو قاصرنا شي بس الاسراف حرام ... وانا اقدرهم واحترم آراءهم بس هالشي مو معناته الاسراف الاسراف حرااااااااااام والله بنتحاسب عليه

خصوصا ان الهدف هو انهم يرضون الناس والكل يدري ان هالشي مستحيييييييييييييل

عمتي صرفت قريب المليون ريال على جلوه بنتها وزواجها وفي النهايه الناس ماعجبهم وبنتها انصكت عين وانفصلت عن زوجها ...

ما ادري انا خايفه اني انفهم غلط بس بصراحه انا موقاصرني شي اقدر اجيب من احسن مطعم وكميه تكفي 1000 شخص بس ما احب الاسراف ولا المبالغه

انتوا سوا كل شي على الي انتوا تبون وبسالفة الاكل سوي مثل ماقالت عمتج
منها اتقاء للمشاكل وهي بصراحه لاتلومينها االناس اذا شافوا شي ماعجبهم او مثلا هي سوت بعرس بنتها كذا وسوت بعرس ولدها بيقوولن الناس ::شوفوا بنتها سوت كذا وكذا وزوجة ولدها ماهمتمت دفعت وماكلفوا على عمرهم ::بعد هي تخاف من الناس اذا ماسوت مثل ماسوت لبنتهم الناس بتاكلها بلسانهم


ومدام انتوا متفقين على كل شي لاتخلين سالفه مثل بوفيه ولا وجبات تعكر صفو والمزاج وتسبب مساكل
واهم شي ان انتوا عارفين ان هذا حرام وتبذير وولوودكم ماصار و حاولتوا تقنعونها وماقتنعت
يعني الله مابيحاسبكم سويتوا الي تقدرون عليه بس هي موقتنعه والله بيحاسبها

أستغفر الله الذى لا إله الا هو الحى القيوم وأتوب اليه

العتب;10438517:
الغالية والله نصيحة مني واسأل مجرب ولا تسأل طبيب خلي أهل المعرس يهتمون في مثل هالأمور لان لو طلع قصور والا نقص البوفيه او أي شي يخص الاكل حتى لو بسيط والله ما راح تنساها عمتك ... وراح كل عرس ومناسبة بتزوج حد من عيالها بتقول لا لا لا ما بنسوي مثل ما صار عرس فلانة (( اللي هي انتي )) انفضحنا الأكل ما كفى أو نقص

والله ابعدي عن الشهر وغني له ... الغالية أكيد عندكم في المملكة مشروع حفظ النعمة وهذي مشاريع خيرية تهتم بالأكل الزيادة بعد الأعراس وتلم الأكل وتوزعة على المحتاجين ... ةالغالية وغذا في ناس بيجوكم من مكة خلي خواتك يحطوا الاكل في صحون وحتى في أكياس حفظ الأطعمة ... ويوزعوها على التكارنه اللي حولين الحرم .... فقارى ويستاهلون الأكل


العتب

(y)(y)(y)

اشكرك على الرد

بس هذي مناسبه خاصه بالبنت واهل البنت يعني الناس اذا بتقول بخل مثلا بتقصدنا احنا بتقصد اهلي

عوما شكرا

الغالية كلامك حلو وتفكيرك أحلى حبيبتي ... والله يزجج الجنة الغالية على التفكير السليم بس توكلي واستخيري الله وشوفي اللي فيه الحير بقدمة الله

انا صار لوحده رفيجتي موقف ومسكينة هي ما تدخلت بشيء لكنها ما كانت تريد غناء وكانت اختنا ملتزمة بارك الله فيها وتردد لا اريد ان أبدأ عرسي بمعصية ... فبارك الله فيها وأهدتها اختها فرقة دقاقات يعني بالدفي والطيران هدية ... بس وكان أهل زوجها بيون أغاني لان هذا ولدهم الاول ويبون يفرحون فيه ومن هالكلام .. طيب جت فرقة الدقاقات وادت اللي عليها وطبعا اللي يسمع الأغاني ما يغتنع بالدقاقات والطيران يبي غناء ورقص ... تقولي الاخت الكريمة انا صاري 10 سنوات وانا اسمع من عمتي عرس فلانه مالت على الدقاقات اللي جابتها اختك حتى ما فرحنا (( لا حول ولا قوة الا بالله)) طيب الحمدالله شلت عنكم صرف الفرقة وخففت عنكم وتقولون هذا الكلام تقولي والله ما مرت مناسبة عندهم ... ولا عرس الا وفرت علي نقزه ... على الفرقة خلاص تقول يمن الدقاقات ماتوا الله يرحمهم ةعمتي بعدها تذكرهم .... بس على فكرة انا حضرت العرس والعيب مب من الفرقة العيب من اهل المعرس نااااااااايمين بكل معنى الكلمة واصلا حتى الرقص ما يعرفوا يرقصوا فكيف بيصير فيه حماس ... ورقص وتشجيع والله غريبة بصراحة تقول عمتها تعلل عدم معرفة بناتها للحركة الدق كان نايم وأجئ عرس أخوهم الثاني وسوا غناء وكانت النتيجة وحدة أهل المعرس نااااااايمين وما يعرفوا يحركوا شيء بالعرس بصراحة ... والله يشهد لاني حضرت العرسين وشفت بعيوني محد قالي ...


العتب

لا الغالية ليش العرس انتوا اللي بتدفعوا تكاليفة انتوا ... انا ما اعرف كيف عاداتكم بس العرس على المعرس والله اعلم ... يعني إجار القاعة ودفع فلوس العشاء انتوا اللي بتسووه سؤال الغالية لان اللي اعرفة المعرس اللي يدفع الصالة

بس الغالية هو عرس عرس .... او عقد قرآن وبس ؟ وضحي


العتب

حبيبتي هي ليله جلوه شي يسوونه اهل البنت لها بعد ليله الحنا واحنا قررنا نسويها بصاله فخمه لاننا مانبي نسوي زواج في صاله (بصراحه مصاريف عالفاضي ) انا بلبس الثوب الابيض بس للتصوير وبعدين عالطياره

عاده هذا الشي على اهل البنت والزواج يتشاركون فيه

اها يعني بما انهم راح يشاركونكم تفاهموا الغالية على حل وسط يرضيكم كلكم ... انا افتكرت انه زواج .... ويا محلى الجلوات اللي فيها شراكة .... المهم عسب لا تبدى مشاكل انتوا في غنى عنها بس هم بعد لازم تقدرون مستوى تفكيرهم الغالية وعاداتهم وتقديرهم لانهم لو بدوان تعرفي عادات البدو وتقاليدهم ....

والله يعينكم الغالية

و الله اختي انا تحملت اشياء وضربات بسيطه بس هالشي قلبي معورني عليه لان معارفنا واهلنا قليلين بس معارفهم واهلهم كثار

والعدد اللي طلبوه حق التذكارات والوجبات يقولون 500 على الاقل وهالشي حرام لانهم لحد الحين ماقررو بيعزمون او لاء كيف نجهز على اي اساس ؟؟؟

مشكوره على ردك

الله يبارك لج يارب ويخليكم لبعض
شوووفي حبيبتي عندنا بالبحرين
في بعض الاعراس ماتكون فيها بوفيهات
وحطووون من كل نوووع وصنف اكل ع طاولت الحظور
يعني قناج عيش وووورق عنب والخ
تكون ع طاولت المعازيم والفلبينيات هم اللي يحطونه
يعني منها تريح المعازيم من القومه والقعده
ومنها توفير
اقترحي عليها هالاقتراح يمكن تقتنع ويقنعكم
وبشوف لج افكار ثانيه وبرد عليج

اختي ممكن اقولج وجهه نظري

احس انكم بتقللون من قدر المعازيم ااذا سويتو وجبات

يعني يا يكون الاكل على الطاولات (( سيرفس )) يعني الفلبينيات هم اللي يقدمون الاكل للناس

او بوفيه وما اعتقد الناس جايين عشان ياكلون هم جايين يوجبونكم ويقدرونكم صح ولا لا


واذا انتي قلتي كل شي في وجهكم بليله الجلوه خلاص سوو الشي اللي يبيض وجيهكم قدام العرب

ولاتخلون حد ينقد عليكم ..

وربي يتمم لج على خير

واول شي الف مبروك والله يتمم لك على خير ,,,

شوفي المعازيم كم عددهم ,,, مثلا اذا كان عدد المعازيم 300 سوي بوفيه لعدد 150شخص ,,,

والوجبات ل 200 شخص ,,,

وانا عندي فكره اذا عجبتك ,,, اوكي ,,, مثلا اذا زادت الوجبات عندكم لاترموها ,,, وزعوها على جيرااانكم وخالاتك وعماتك مثلا بحيت انو ماينرمي الاكل طبعا الاكل النظيف ,,,

طبعا احنا من عادتنا وتقاليدنا اكراااام الضيف بكل مانستطيع وبشكل يليق بالضيف ,,,

احنا مرررره كانت عندي ابوي عزيمه ومسوين الذبايح جاهزه في الرز ومقصطره بقصدير وماينفتح القصدير الى على السفره ,,, عرفتي
اول مافتحو القصدير اكتشفو انو الطباخ مااحط الراس ,,, والله العظيم شالو التباسي من قدااااااام الضيوف ورجعوها للمطعم وهاذا اليوم كانت بتصير مشكله بين ابوي والطبااااااخ وكانت بتوصل لشرطه ,,, ونفس السالفه من نفس الطباااخ صارت مع زوج بنت عمتي ,,,


الله يقدم لك الي فيه الخير والله يتمم لك على خير ياااااااارب

مشكورين على ردودكم

اختي دانو كرز واختي قلب قطر انا اقترحت نفس الشي اللي قلتوه ... بس للاسف عمتي مصره على الوجبات ... انا احس ان الطريقه اللي قلتو عليها راقيه ومريحه للناس الناس جايه تتونس بس والله تعبت وانا احاول اقنعها بس ما اقتنعت
ام يارا شكرا على ردك بس انا حسي ان هالشي ماراح يكون مرتب .. ما احس انه مناسب لوضعنا خصوصا ان المعازيم اغلبهم من طرف عمتي

الف مبروك الزواج ...
عندنا بمسقط الي توزع علب في عرسها ويكون بداخلها الاكل فهذا من اقل الناس مستوى

ويجي بعدها التقديم مثل ماذكرت صحون كبيره وتمري عليهم

اما ارقى شي يكون على الطاوله مقبلات مثل الفتوش والحمص والبابا غنوج وورق العنب واللبنه والكبه وهالشغلات من اول الحضور يعني من الساعه 8 وعالساعه 11 او 11 ونص يفتحون البوفيه من عشا وحلويات وعصاير وبكذا الناس ماراح تتذمر من الجوع والانتظار وتصبر نفسها بالمقبلات

طالما انت حارمه نفسج ليلة العرس الكبيره وتجولين ام زوجي اصرت على الجلوه خلاص سوي بوفيه ارقى وافضل بدل هالمعلبات الي بيكون شكلها مو مناسب ابد