تجمع بنات مصر فى ركن العناية بالشعر الجزء الحادى عشر

AnNoSha;10583168:

ميرسى ياقمر انتى فين غايبه مش بتظهرى فى تجمع البشره والله وحشتينى جدااااا:o

هيا الحنه جابت نتيجه كويسه معايا بس خوفت تفضل فى شعرى سنتين ولا حاجه ههههههههههههههههه:D

موجوده والله بس عندي برد وسخونيه متدمرة الحمدلله
عارفة انا في عمري كله عملت الحنة مره واحدة بس بفكر اكررها واداوم عليها بس الكسل بعيد عنك

AnNoSha;10580137:

يابنات الكوافيره بتاعتى قالتلى ان الحنه بتغلف الشعرايه فلما تيجى تعملى خصل او تصبغى شعرك

لو كانت عروسه يعنى اللون مش هيتظبط معاها وهيبقى لونها مش حلو

انا كمان عملتها هيا كويسه بس زعلت على موضوع الصبغه دا اوى

دي حاجة معروفة جدا والكوافيرة ما قلتش حاجة جديدة

فعلا اللى بيحط حنا يبقى مش هيقدر يعمل صبغة قبل 6 شهور

انا بصراحة بحب الوان الحنا جدا في الشعر لانها بتحسسيني ان دة لون شعري الطبيعي لكن مش بحب الصبغه لاني مش بحب الاصفرات والالوان دي بحب البنيات والاحمرات والحنا بتديني الالوان دي وكمان بتغذي

فالبنات اللى مش عندها نية انها تصبغ شعرها خلال سنه تحط حنا برحتها لكن غير كدة يبقى بلاش حنا

amatalrahman237;10578379:
خلاص انا كدة كدة ان شاء الله هروح لدكتورة جلدية الاسبوع دة واسالها بقى على بنتوجار واشوف لو عندها حل

ربنا يخليكي، ادعيلي ...... على فكرة انا هروح اعمل بيبي ليس رابع مرة دلوقتي ان شاء الله
المرتين الاولانيين كانت مش بطالة، التالتة تحفة بس خدت وقت، يارب النهاردة ماتاخدش كدة

طيب المرة الا كانت تحفة قوللى عملتى ايه بالضبط لانها استحالة تضبط معايا من غير استشوار قبلها

أنوش;10578857:
تسلمي يا قمر
بوصي خل التفاح حلو اوي بيقوي الشعر ويديه لمعه وريحة حلوة وكمان بيضيع القشرة لو في
داومي عليه في كل مره تغسلي شعرك اخر شطفه هاتي ازازه مايه وتكوني ضايفه عليها معلقه صغيره من خل التفاح المركز وصبيها على شعرك وفرروه راسك خليه يدخل ويتخلل كل شعرك ممتاز بصراحة وانا بموت في ريحته
بخصوص التغذيه اهتمي باكلك شوية يعني الفاكهه خليها شيء اساسي في يومك و اعملي ماسكات لشعرك او حمامات زيت

يعنى يبقى اخر شطفة وما اغسليش بعدها ويفضل ريحته موجودة ولا اغسله بعد ما اشطفه بخل التفاخ المخفف

banota_helwa;10579377:
السلام عليكم ياقمرات
دلوقتى انا قررت اعمل حنه مرة كل اسبوع عشان تساقط شعرى
وهعملها على الفروه بس لان شعرى طويل لحد ما وبصراحه بتعب فى غسيله
المهم انا عملت حنه امبارح بمغلى البصل والسدر بس شعرى نشف اوى اوى
اعمل ايه بقى
وفيه حاجة كمان انا شعرى اسود ومش عاوزاه ياخد لون من الحنه اعمل ايه
انا خايفه لونه يفتح او يتغير

ما تحطيش على الحنة اضافات لون وهى بالعكس حتسود شعرك اكتر لو كانت نوعها كويس دى اول حاجة تانى حاجة بقى وعن تجربة انا كنت باعجن الحنة بزبادى زى اى حد لقتها بتنشف الشعر فواحدة مرة عايشة فى السعودية قالتلى انها بتعجنها بزبدة او قشطة وقررت مرة انى اعجنها بقشدة اللبن الا بتبقى على الوش خلت شعرى الصراحة تحفة جدا بس طبعا احتاجت تتغسل كتير بس برضه انتى لو عاملة حنا حتفضلى تغسلى كل شوية فمش فارقة قوى - جربى وقوللى وان شاء الله حتدعلى

AnNoSha;10580137:

يابنات الكوافيره بتاعتى قالتلى ان الحنه بتغلف الشعرايه فلما تيجى تعملى خصل او تصبغى شعرك

لو كانت عروسه يعنى اللون مش هيتظبط معاها وهيبقى لونها مش حلو

انا كمان عملتها هيا كويسه بس زعلت على موضوع الصبغه دا اوى

والاهم من كده ان الشعرة الا متغلفة بالحنا لو حطتى عليها صبغة تحرقيها عشان كده ما ينفعشى صبغة وحنا مع بعض

أنوش;10580319:
دا أمر مسلم بيه ياقمر
لو بنوته عروسة وناوية تصبغ تبعد تماما عن الحنة لانها هتقلب معاها بالوان عجيبه غير انها مش هتمسك في الشعر
البنات اللي قرب فرحها تبعد عن الحنة لكن لو في وقت استخدموها كاتغذيه وابعدو عنها قبل الفرح بشهر ولا حاجة عشان مش يتضرر الشعر في الصبغة

المفروض يا انوش ان الشعر الا عليه حنا ما يتحطش عليه صبغة مش قبل 6 شهور - متهيالى شهر قليل قوى يا جميل

عاوزة اتعلم;10581534:

السلام عليكم ورحمه الله وبركاته

بجد الف شكر يا بنات على ردكو واهتمامكو
نفسي تنورونا في ركن البشرررررررررة

بقولكو ايه هو افضل حاجه لدهان الشعر الزيت ولا الكريم ؟؟

ويا ريت تقولولي مركات كويسه

انا اعرف ان الزيت للتغذية والكريم للتطرية وسهولة التسريح - يعنى الزيت يتحط على فروة الشعر والكريم على الشعرة نفسها

بنات عايزة اخد رايكم فى حاجة - انا نفسى اعمل نيولوك فى شعرى عشان ميعاد ولادتى كمان 10 ايام باذن الله وعايزة اصبغ شعرى الدكتور قالى مفيش مشكلة فى التاسع بس مش عايزة احرق المفاجاة قبل السبوع وانا عايشة فى بيت عيلة بس فى شقة لوحدى - فمش عارفة ايه رايكم اعمل الصبغة قبل الولادة ولا بعد الولادة خايفة ما كونشى فاضية بعدها او اكيد حابقى برضه لسه تعبانة
ياريت تقوللى اراكم باسرع وقت

zeyood;10583852:
بنات عايزة اخد رايكم فى حاجة - انا نفسى اعمل نيولوك فى شعرى عشان ميعاد ولادتى كمان 10 ايام باذن الله وعايزة اصبغ شعرى الدكتور قالى مفيش مشكلة فى التاسع بس مش عايزة احرق المفاجاة قبل السبوع وانا عايشة فى بيت عيلة بس فى شقة لوحدى - فمش عارفة ايه رايكم اعمل الصبغة قبل الولادة ولا بعد الولادة خايفة ما كونشى فاضية بعدها او اكيد حابقى برضه لسه تعبانة
ياريت تقوللى اراكم باسرع وقت

بعد الولادة احسن ياقمر
يعني بعد الشر عليكي هتكوني مثلا مرهقه بعدها بكام يوم لكن ان شاءالله هيجي عليكي رابع يوم وهتكوني فوقتي اعمليه قبل السبوع بيومين كده ولا حاجة وحاولي محدش يشوفك بشكلك الجديد خليها مفاجأه يوم السبوع وطبعا هيكون معاكي والدتك او اختك ودول هيساعدوكي كيتير ومسأله الصبغ يعني مش بتاخد وقت كتير انتي لو فضيتي نفسك ساعتين هتخلصي دا رأيي يعني وان شاءالله البنات تفيدك اكتر
وربنا يتمملك على خير ويرزقك بالذرية الصالحة وتكون ولادة سهلة ان شاءالله

بنات شوفو الموضوع دا عاجبني اوي

من الطبيعة.. أصنعي بنفسك محاليل ومقويات خاصة للعناية بشعرك