تجمع بنات مصر فى ركن العناية بالشعر الجزء الحادى عشر

miko85;10520947:
[QUOTE=zeyood;10520864]فى حاجة كمان لو نزلتى مصر يكون احسن لان اسعار الكوافيرات فى مصر طبعا ارخص بكتير[/ا]
انا قصدي اجبها من هنا واعملها في مصر بس مش عارفه اجيب كمان علبه...انتي مش بتجي ليه تجمع الحوامل ورغيهم

اصل يا ميكو فى شعور بتحتاج اكتر من واحدة فالافضل انك تجيبها من مصر احسن يعنى الا تقولك عليه تجيبه فى وقتها وخلاص

انا بادخل بس مش متابعة قوى يعنى باحس الموضوع عبارة عن مشاكل الحمل واوجاعه وانا مش ناقصة غلب انا عايزة حاجة كده فرفشة زى الشعر والبشرة هههههه

tota katkota;10521758:
يا جماعة ممنوع الصبغة اثناء الحمل
واللى عايزة تصبغ يبقى بعد الولادة ب 6 شهور وده كلام الدكتور

انا لسه ساله الدكتور امبارح وقالى مفيش مشكلة فى الشهر الاخير
اما بعد الولادة بستة شهور ده عشان الشعر بعد الولادة بيقع بكمية كبيرة وبيبدا يعنى يتحسن لو فى عناية بعد الستة شهور دول مش عشان البيبى

*Om Mo3az*;10522001:
شكرا جدااااااااااااااا لكل البنات اللي ردو عليا وان شاء الله هجيب البيبي ليس واجربها قريب ان شاء الله

بس انا بشد شعري كويس بالسشوار والله زي ما الكوافيرة بتعمله بس في النهاية برضو بيطلع هايش مش زي ماهي بتعمله لي ولما سالت الكوافيرة قالت لي ان نوع السشوار مش قوي زي اللي عندها

طيب انا عندى البراون زى الا عند الكوافيرات بالضبط وبرضه بيطلع هايش صدقينى الموضوع كله مسكة الايد حتى لو بتكوى بمكوة رجل اصل دى برضه صنعتهم الا بياكلوا منهم عيش ما كنشى حد غلب بقى وكله بقى يعمل فى البيت

.tuleeb;10522057:
بنات كان فى وحدا قالت على المكواه بالايونات
ممكن لو حد يعرف موديللها يقولى هى ب580تقريبا
عوزاها للشعر المبلول والناشف
الله يكرمكم قولولى
وبعدين عاوزه اعرف انا ازاى هاتحكم فيها فى الشعر اللى ورا

ما هى دى الحمرا الا بيقولوا عليها تقريبا موديلها اس تى 95 - انا بتاعتى بالايونات برضه للشعر الجاف والمبلول ب 285 جنيه الاس تى 30

نانى ايه الحلو فى فاتيكا - يعنى عملك ايه عشان تقولى عليه حلو
وانا كمان بصراحة مش باحب منتجات غارنييه مش بتيجى على شعرى بس ما جربتش الصبغة هى وحشة فى ايه

ميااده2006;10519510:
ازيكم يابنات وحشتونى
نوجا عامله ايه ياقمر الف سلامه
صحيح انا جربت حمام كريم لوكن بلثوم طلع مش قد كده وخفيف بوناويلا وكارتيه احلى منه
الكيس ب6 جنيه









وجبت كاريتيه للمره التانيه لانه عجببنى ولقيتهم رخصوه في هايبر بقي ب6جنيه بدل7









وجبت بلسم الفراوله اسمه هير كير للمره التانيه اجيبه بس كنت جايبه النوع اليه بلفواكه
عجبتنى ريحته جدا فا جبته كان ب9.50تقريب

.tuleeb;10522027:
بنات انا بستعمل ماجيك اويل الازازه ب15جنيه
60ملل
وماشاء الله جامد اوى وحلو جدا وبيحسن الشعر

ايه ماجيك اويل ده لوسيون ولا حمام زيت؟

و محسن الشعر من انهي ناحيه؟:Dيعني تكثيف ولا تنعيم؟
و صورته

zeyood;10523414:
نانى ايه الحلو فى فاتيكا - يعنى عملك ايه عشان تقولى عليه حلو
وانا كمان بصراحة مش باحب منتجات غارنييه مش بتيجى على شعرى بس ما جربتش الصبغة هى وحشة فى ايه

بصي يا سيتي اولا بيدي لمعة للشعر تحفة وكمان بيرطبه اوي من غير ما يكون ملزق وريحته حلوة اوي وبيطري الشعر دة مقارنة بباقي الكريمات اللى موجودة في مصر

والصبغة وحشة ان ملهاش لون خالص مهما جبتي من درجات مش بتلقط في الشعر ابدااااااااا ودة عن تجربه مرتين مرة على شعري ومرة على شعر مامتي في الحالتين ولا اكنر حاطة حاجة مع ان مع الشعر الابيض المفروض يعني تكون ايه ولا اجمل بس للاسف طلعت ولا اوحش هههههههههههههههههه
واللى طلعت حلوة فعلا كوليستون

على فكره يابنات انا عندى ياراشوت بجوز الهند من السعوديه يعنى مش مضروب المفروض وعادى جدا مش حاساه حلو والعلبه كان عليها اوفر زياده فى الحجم واهى قاعده عندى بقالها مده وزهقانة منها




ميكو انا جربت جارنييه كنت جايباها من السعوديه مش وحشه بس مش بتثبت مده كنت جايبه لون بنى اول ماعملته وكنت عاملاها فى البيت لنفسى بجرب كان حلو وبلمعه بس حسيته شويه كده وكله راح ملحقتش افرح باللون يعنى لسه فى بواقى فى الاطراف بس مش كله متناسق كده زى اول ماعملتها

وجايبه معايا لوريال من هناك وان شاء الله ناويه اصبغه هنا فمصر بعد الولادة بردو ماحنا زمايل حمل :-) بس مقدرش اقلك نتيجتها لانى لسه مجربتش وعلى فكره شعرى تقريبا فنفس طول شعرك والكوافيره قلتلى عاوزة علبتين وباليت سارة جربتها وبتقول حلوة وكنت هجربها فعلا بس قلت يللا نجرب لوريال ونشوف



ميادة مبروك حاجاتك ياجميل مش بقولك بلسم هير كير بالفراوله ده عجبنى ريحته جداااا بصراحه وكمان تاثيره حلو على الشعر
وسعره يعتبر رخيييييص لحجمه وتاثيرة بس يارب يفضل كده وميتغشش قدام زى كل حاجه

عندى سؤال مهممممم

كنت شايفه حد بيتكلم انه جاب جهاز البخار للبشره وبتسال عن استعماله للشعر معلش مش فاكهر كانت مين البنوته؟؟

انا عاوزة اعرف هو ممكن يستعمل للشعر ازاى اصل بتاع الوش ده حاجه كده متثبته ولا الى جبتيه للشعر والوش كان منين وبكم
لانى بجد عاوزة ادور على جهاز البخار او الكاب ده للشعر واعمله فى البيت لحمامت الكريم والزيوت لانها بتفرق طبعا بدل ماكل شويه اروح للكوافير

يارييييييت الى شافه فحته اوجربه يقولى فين ومنين وبكم ؟؟

ساااااااارة انا عايزة بخاخ تشي اللي قلتي عليه ده.. ازاي ممكن اجيبة من الغردقة؟؟؟

مارو شعرك نوع ايه اصلى كنت عاوزة اجيب كريم بارشوت

توبى بصى ممكن يختلف من حد للتانى فعلا
زى كل حاجات الشعر والبشرة

بصى انا شعرى عادى فتلته ناعمه بس جاف شويه الفتره دى حاساة مجهد شويه فاول مابحطه بحسه كويس فى ترطيب بس حاسه فى احلى منه

Didem;10430395:
اقول ايه يابابلي
اقول الله يسامحك وخلاص
يابنات بالله عليكم
اوعوا واحده تعمل اللى بابلي قالت عليه
متحطوش ميه بصل على فروه راسكم
لا الريحه راحت ولا التساقط وقف
وبجد كارهه نفسي من كتر ماريحتي وحشه وعماله احط فى زيوت عطريه وعطر عود على شعري ومفيش فايده واستخدمت شامبو ريحته نفازه ومفيش فايده وحطيت زبادي بزيت زي ماقالت ومفيش فايده
ريحتي كأنى فرخه متبله
عارفه يعني ايه تبقى ريحتك بصل
استغفر الله العظيم
اللهم انى بلغت واللى هتعمل كده الله يكون فى عونها وعون اللى عايشين معاها

ديدم حبيبتي.. ليه بس كده؟؟؟
حبيبتي البصل يعتبر قابض للمسام وانا لما استعملته بجد حسيت بفرق رهيب في شعري والتساقط.. وبالنسبة للريحة هي فعلا راحت لما عملت زباري... انت ممكت تشطفي شعرك آخر مرة بكوب ماء عليه ملعقة نسكافية بيقولوا انها بتودي الريحة والله اعلم..

انا لما جربت ماء البصل نفع معايا.. واكيد كل واحده فينا ليها طبيعة شعر غير التانية ومحدش حيعرف طبيعة شعرك غيرك..

يعني حرام تظلميني.. يعني مثلا التوم بالرغم من انه نفع مع البنات كلها الا انه معملش اي حاجة في شعري بالمرة بالرغم من مواظبتي عليه.. انا بقولك كده عشان اللي يمشي معايا مش شرط يمشي مع غيرك.. انتي لازم تعقليها الأول وتتوكلي..

المهم عشان تتخلصي من الريحة.. بلاش تربطي شعرك كتير.. سيبيه مفرود وجربي النسكافيو او دوري في النتي على حل..

وانا بعتذر لو كانت تجربتي منجحتش معاكي بس انا نقلت تجربتي الخاصة واللي بجد كانت ممتازة معايا..

المهم مش حتعزمينا على الفرخة المتبلة؟؟؟؟ :tongue:

mariam87;10524068:
ايه ماجيك اويل ده لوسيون ولا حمام زيت؟

و محسن الشعر من انهي ناحيه؟:Dيعني تكثيف ولا تنعيم؟
و صورته

دا زيت يا مريومه للشعر وبيتحط يوم ويوم
هاصورهولك حاضر بس انا رميت الكرتونه هاصورلك الازازه:oوان شاء الله يومين تلاته وهاجيب وحدا جديده هصوره اول ماجيبها

هو ياستى حسن شعرى جدا طراه وفرده لان شعرى كان بئا عامل زى شعر الافارقه والله العظيم وتحسيه محروق وكان اما يتبل ميا فين وفين اما يتشرب الميا من كتر مهو حقير وناشف:Dدلوئتى الحمدلله ماشاء الله رجع زى الاول قرب اوى يحسن دا لانى بقالى 15يوم بس بستعتمل الزيت وبدهن بيه جدور الشعر بس
غطاه بيتشال ويتحط غطا تانى ببوز كدا شبه البزازه:cool:وبدهن فروة راسى بجد مالوش حل
والصور اول مااختى تصحى ان شاء الله

baata;10522511:
ماشي يانوجا من الاخر بيبي ليس الحمرا هي اللي هتنفع معايا عشان انا شعري طويل و مموج
ع فكره يا
the dream 203
المشط ده حرام انا بقولك بس ياقمر وتقبلي كلامي ياحبيبتي

(y)(y)(y)(y)(y)(y)(y)
حرام فعلا

لان فى جزء فى ايه مزكور فى القران بتقول
روؤسهم كأسنمة البخت
واسنمه جمع سنام اللى هو سنام الجمل المنطقه اللى بتبئى عاليه فيه

ربنا يباركلك يا بطه

ناني فيبس;10523335:
احسن كريم تصفيف في مصر بجد هو فاتيكا تحفة



صبغة جارنيه وحشة جدااااااااااااااااااا

انا جبت فاتيكا ولا عمل اى حاجه فى شعرى مجرد ريحه وخلاص بس هو الشعور والاجسام بتختلف اكيد يا نانى اثر عندك اثر حلو
انا بقول تجربتى ب س والله مش عوزاكى تزعلى يا نانى ربنا يعلم انا بحبك ف الله(f)

ونصيحه يابنات متبوظوش شعركم بالصبغه دا بتشيب الشعر بدرى
هاتو الماسكرا الملونه

marool;10526344:
توبى بصى ممكن يختلف من حد للتانى فعلا
زى كل حاجات الشعر والبشرة

بصى انا شعرى عادى فتلته ناعمه بس جاف شويه الفتره دى حاساة مجهد شويه فاول مابحطه بحسه كويس فى ترطيب بس حاسه فى احلى منه

مارول انتى شعرك زى شعرى نا بردو شعرى كدا

وماجيك اويل ظبطه وفى كمان كريم روتاج حلو بس بيطول على ما يبان اثره

يا بنات عاوزه شامبو للشعر يكون حلو غير بانتين

دوف حلو و وهيربل

marool;10525553:
على فكره يابنات انا عندى ياراشوت بجوز الهند من السعوديه يعنى مش مضروب المفروض وعادى جدا مش حاساه حلو والعلبه كان عليها اوفر زياده فى الحجم واهى قاعده عندى بقالها مده وزهقانة منها




ميكو انا جربت جارنييه كنت جايباها من السعوديه مش وحشه بس مش بتثبت مده كنت جايبه لون بنى اول ماعملته وكنت عاملاها فى البيت لنفسى بجرب كان حلو وبلمعه بس حسيته شويه كده وكله راح ملحقتش افرح باللون يعنى لسه فى بواقى فى الاطراف بس مش كله متناسق كده زى اول ماعملتها

وجايبه معايا لوريال من هناك وان شاء الله ناويه اصبغه هنا فمصر بعد الولادة بردو ماحنا زمايل حمل :-) بس مقدرش اقلك نتيجتها لانى لسه مجربتش وعلى فكره شعرى تقريبا فنفس طول شعرك والكوافيره قلتلى عاوزة علبتين وباليت سارة جربتها وبتقول حلوة وكنت هجربها فعلا بس قلت يللا نجرب لوريال ونشوف



ميادة مبروك حاجاتك ياجميل مش بقولك بلسم هير كير بالفراوله ده عجبنى ريحته جداااا بصراحه وكمان تاثيره حلو على الشعر
وسعره يعتبر رخيييييص لحجمه وتاثيرة بس يارب يفضل كده وميتغشش قدام زى كل حاجه

صح احنا زمايل حمل ههههه....خلاص اتوكل علي الله واجيب لوريال وكويس انك حزرتيني من غارنييه وهاجيب عليتين ان شلء اللع اصلي العلبه 40 مل بس...

marool;10525749:
عندى سؤال مهممممم

كنت شايفه حد بيتكلم انه جاب جهاز البخار للبشره وبتسال عن استعماله للشعر معلش مش فاكهر كانت مين البنوته؟؟

انا عاوزة اعرف هو ممكن يستعمل للشعر ازاى اصل بتاع الوش ده حاجه كده متثبته ولا الى جبتيه للشعر والوش كان منين وبكم
لانى بجد عاوزة ادور على جهاز البخار او الكاب ده للشعر واعمله فى البيت لحمامت الكريم والزيوت لانها بتفرق طبعا بدل ماكل شويه اروح للكوافير

يارييييييت الى شافه فحته اوجربه يقولى فين ومنين وبكم ؟؟

لو ليكي حد في السعوديه يخليه يحبهوللك من السعوديه من صيدليات النهدي وانا ان شاء الله هاسالك جوزي بكام متهيلي شوفته عنده

Bubbly;10526373:
ديدم حبيبتي.. ليه بس كده؟؟؟
حبيبتي البصل يعتبر قابض للمسام وانا لما استعملته بجد حسيت بفرق رهيب في شعري والتساقط.. وبالنسبة للريحة هي فعلا راحت لما عملت زباري... انت ممكت تشطفي شعرك آخر مرة بكوب ماء عليه ملعقة نسكافية بيقولوا انها بتودي الريحة والله اعلم..

انا لما جربت ماء البصل نفع معايا.. واكيد كل واحده فينا ليها طبيعة شعر غير التانية ومحدش حيعرف طبيعة شعرك غيرك..

يعني حرام تظلميني.. يعني مثلا التوم بالرغم من انه نفع مع البنات كلها الا انه معملش اي حاجة في شعري بالمرة بالرغم من مواظبتي عليه.. انا بقولك كده عشان اللي يمشي معايا مش شرط يمشي مع غيرك.. انتي لازم تعقليها الأول وتتوكلي..

المهم عشان تتخلصي من الريحة.. بلاش تربطي شعرك كتير.. سيبيه مفرود وجربي النسكافيو او دوري في النتي على حل..

وانا بعتذر لو كانت تجربتي منجحتش معاكي بس انا نقلت تجربتي الخاصة واللي بجد كانت ممتازة معايا..

المهم مش حتعزمينا على الفرخة المتبلة؟؟؟؟ :tongue:

اه صح ريحه البصل وحشه جدا بس اكيد نتيجه البصل مش هاتجيب من اول مره فعلا مع المدوامه بينبت الشعر وبيوقف التساقط وفي ناس كتير كانت عامله مواضيع عنه كتير هنا في المنتدي
ووبنت خالتي كانت بستخدمه نبتلها شعرها والله بس الوحشش ريحته وحشه جداا ...انا مره عاملته البيت كله اشتكي هههه