هديتي للمنتدى ....اللي جد حبيته..

مشكوررررررررره اختي ماتقصرين

معليش حبيت اسألك عن الطريقه الصحيحه لمكياج العين الصغيره

وكمان اذا مافيها تعب تعلميني كيف اخلي المكياج يثبت لوقت طويل يعني مثلا في الزواجات او المانسبات الكبيره

راح اكون لك شااااااااكره


تحياتي

انشا الله نستفيد من خبراتك وشكرا لك..

حبيبتي عبوووره...
حياج الله معنا... وانشالله تعجبج الطريقه...:up:

شوفي حبيبتي...
من خبرتي مع العيون...كل العيون محتاجه للكحل الصغيره والكبيره...
لكن اذا حبيتي تكبرين عيونج ...بعد ماتحكلينهم بالكحل الاسود من فوق وتحت ، طبعا من برع حبيبتي يعني الخط اللي ورا الرموش...بعدها هاتي قلم ابيض وخطي بالعين داخل ويفضل انج تغمجينه عشان يكون واضح...وصدقيني بتحسين انها وسعت...وبعدين المسكارا عشان توضح العين وتكبر..
واذا حبيتي تضيفين لمحه جماليه ...:shy::shy:
بالفرشاه اختاري شدو وردي او بنفسجي او حتى بني محمر ، وظللي خط الكحل الاسود الخارجي... الموجود تحت الرموش السفلى...ووزعيه بثقه..نصيحتي لج..لا تخافين وانتي تظللين كوني واثقه...وصدقيني المكياج فن يعني اي طريقه صح..لا تكونين متشدده...واذا ازعجتج حبات الشدو اللي بتتناثر على الوجنتين...هاتي اسفنجه امسحيها على البودره المضغوطه ...وامسحي الوجنتين...
ملاحظه:
البودره اللي تستخدمينها تحت العين يفضل ان تكون افتح من البودره المنثوره على الوجه لكي تعطي شكل احترافي اكثر... وتبرز مكياج العين...وصدقيني بيطلع رووووعه...:up:

اما بالنسبه لتثبيت المكياج....تابعيني ...انشالله راح انزلكم موضوع عن طريقه التثبيت مفيده...صحيه...سهله


:shy: عبوره...جربي الطريقه... وبشريني...اوكي:up:

[MARQ=RIGHT]اي لاينر[/MARQ]

وله هلا وغلا.... ومشكوره على المرور..:shy:

حبيباتي... اكيد كل وحده فينا تتمنى انها تكون نجمه الحفل..في كل مناسباتنا السعيده...
ودايما يكون المكياج هو اهم المشاكل... دايم نخاف يسيح... او يدهن...
تفضلو هالوصفه الحلوه...والسهله جدا ...
اول شي..
اغسلي وجهج بالماء الدافي وهاتي فوطه (منشفه) صغيره وكوني منقعتها في ماء حار نوعا ما.. وبعد ماتغسلين وجهج بالماء ، اعصري الفوطه وضعيها على وجهج واضغطي عليها بشويش.. الى ان تبرد.. ثم بنفس الفوطه افركي الوجه بشكل مقنع...يعني مب بليونه ولابقوه وتصلخين عمرج لا..بشكل معقول... راح تلاحظين ان الخلايا الميته طلعت على الفوطه..
بعدها.. اغسلي الوجه بماء عادي...
ثم هاتي ثلجه وحركيها على الوجه والرقبه لا تثبتين بمكان واحد..لا ، حركيها بشكل دوائر الى ان تذوب..
الحين..:shy:
هاتي تونك... من اي ماركه تحبينها.. لكن للنصيحه هاتي تونك( لوريال ) الاخضر..او اي تونك انت تستعملينه ومرتاحه له... بللي قطنه بالتونك وضعيها على الوجه والرقبه...كوني كريمه ..يعني شبعي الوجه..
(( عشان المسام تشبع ، فلا تتفاعل مع المكياج ولا تفرز اي عرق او دهن)) بعد ما تضعينه..خلي وجهج 3 الى 5 دقايق يشرب التونك وينشف ويريح شوي..
وبس.. بعدها ضعي المكياج... وانشالله راح يدوم ويدوم ويدوم...من غير اي منقصات..
الطريقه مجربه.. وانا مااستغني عنها..لي ولزبايني..
والله يوفقكم جميعا حبيباتي..
اللي تبي تسأل لا تستحي.... امرو وتدللو..:up:

اختكم.... دووووم:shy::cool2::D2:up:

[MARQ=RIGHT]اي لاينر[/MARQ]

السلااام عليكم

شاكرة لج وعندي طلب لو سمحتي صديقتي عندها عرس قرررررررررريب جداً ومحتاجه منج نصيحه كيفبه وضع المكياج علماً بانها تعاني من بشرة باهته
ورموش ضعيفه وعيون صغيرة وتعاني من الضعف :)
اتمنى مساعدتك شاكرة لك

مشكوره حبيبتي بس حبيت اسالك عن البودره


اللي علبتها دائريه وتستخدم بتبليل الاسفنجه

بالماء وآنه استخدم اللي لونها اخضر علشان شو

تستخدم يعني شنو فايدتها


:shy:

ياهلا والله أي لاينر .. شايلينك لوقت عووووزه



بس بسألك .. لو كنتي تعرفين طريقه تكحيل العين من الداخل زي نوال الزغبي في اللي تمنيته .. اللون الفيروزي .. يخلي لمعه في العين


كل ماجربت أسويها .. يجي اللون في رموووشي قولي لي لو في

نوعيه كويسه وماتمسك في الرموش .. أرجو أن تفيديني



كمان .. ودي أعرف اللون اللي يحطونه قبل الروج يخلي لون الشفايف واحد


تقبلي تحياتي عسى بس ماكثرت الأسئله ..

عزيزتي اي لاينر مشكورة على المساعدة
بس عندي استفسار , بالنسبة للماء الحار اللي في الفوطة ونمسح به الوجه أعتقد انه ضار لان دكتورة قالت لي انه الماء الحار مضر بالبشرة يؤثر على الكولاجين اللي تحت الجلد فلازم دائما نغسل ويهنا بالماء البارد ...

بعد عندي سؤال:
شو أحلى البشرة لما تعطي لمعه ولا لما تكون مات( بدون لمعه )
سؤال ثاني : عندي مناسبة وخاطري يكون جسمي يلمع بس مب برونزي
وعفوا للاطاله ومشكوره

انا عندي سؤال لو سمحتي اي لاينر بدي اسألك عن طريقة تقليم الحواجب الي بتخليها تكون طبيعية وشو اسم ماركة القلم المجربتي مع الرقم انا حواجبي لونهن بني وشعري تقريبا بني فاتح على اشقر شوي شو بتشوفي المناسب الي وشكرا حبيبتي

مراحب اختي اي لاينر
ماقصرتي يالغاليه على كل المعلومات فادتني كثير انتي من جد فنااااااااااانه وعندك خبره

على العموم انا عيوني مو صغيره سألت لأختي انا عيوني وسط لاكذا ولاكذا

المهم تراني مانعطى وجه لأن اسألتي كثيره

فديتك ابغاك تقوليلي شلون احط تدرجات الظل لأن فستاني لونه اورجني بس غامق شوي وورق لونه زيتي
اذا مافيها كلافه

اخيرا ياليت ماتطولين بطريقة التثبيت للمكياج(طراار ويتشرط)

تحياتي ياااااااااااااكثر أسالتي
:o :D

آآآآآآآآآآآآآسفه غلى الغلطه اللون اورنجي
:o :o :o

تحياتي

يعطيك العافيه

حاليا" ماعندى سؤؤؤال



تحياتى

Okokعزيزتيحياج الله معانا...وانشالله اقدر افيدج..:shy:
بالنسبه لموضوعج..
بالنسبه للبشره الباهته (( لازم تعتني بها..وتحاول انها ترطبها..هذي المشكله تعاني منها العديد من البنات.. والسبب اهمال البشره)) المهم انصحيها انها تستخدم ماسكات مرطبه ويفضل انها تتابع طبيب الجلد..
بالنسبه للعيون الصغير... اهم شي الكحل الابيض بالداخل عشان يعطي ايحاء انها كبيره وواسعه... وتحاول تبتعد عن الالوان الغامجه.. وطبعا الرموش..انصحها انها تركب رموش صناعيه للعرس.. راح تعطيها شكل حلو وراح تلفت الانتباه للعين حتى لو كانت صغيييره..:up:

وانشالله اكون قدمت لج المطلوب .. ولا تترددين بأي سؤال حبيبتي.. وحياج الله..

اي لاينر

عزيزتي بدور الحب...هلا وغلا:shy::cool2:
البودره اللي تسئلين عنها اسمها المعروف ((سمر كيك))... وانا انصح بها للسهرات والاعراس لانها تعطي شكل حلو وتشد البشره... يعني تخفي التجاعيد وعيوب البشره خاصه اذا حطيتي عليها بودره مضغوطه...اما اللي باللون الاخضر تستخدم للاماكن الغامجه.. يعني اذا كنتي تعانين من منطقه داكنه شوي او لونها يختلف عن لون بشرتج ..تحطين منها وفوقها طبقه اللون اللي راح تستخدمينه للبشره كلها.. لكن نصيحه.. لا تستخدمينها لانها تحتاج لشخص خبير..جاولي تستخدمين اللون اللي يناسبج منها..سواء البيج او الوردي..والله يوفقج..:up:
اي لاينر

عزيزتي الجوري.. هلا والله...نورتينا..:shy:

لتكحيل العين باللون المطلوب.. انصحك بماك لانهم منزلين قلم كحل للعين بالوان عديده..وهو ضد الماء..ويعطي نتيجه حللللوه...
حاولي وانتي تكحلين العين ان تكون ايدج جامده ولا ترجف عشان ما ينزل اللون على الرمش..اما بالنسبه للشفايف..الحل سهل..:shy:
حطي عليها كريم الاساس اللي على الوجه يعني لما تحطين كريم الاساس حطي بعد على شفايفج..وفوقه طبقه من البودره..بعدها ارسمي شفايفج ولونيها..وراح تلاحظين ان لونها واحد...والروج راح يطووووول...
والله يوفقج...
واذا جربتي بشريني ...حياج الله ونورتينا..:up:
اي لاينر

JAKOOB هلا حبيبتي..:shy:
:shy::cool2:
بالنسبه للماء الحار ماراح يضر.. لان الغرض منه البخار اللي راح يطلع من الفوطه لما تحطينها على الوجه مما يساعد على تنظيف البشره والمسام المسدوده.. ولا راح يكون بالدرجه اللي تحرق الوجه...صدقيني الطريقه مضمونه..وبعدها راح تستخدمين الثلج اللي راج يصقل البشره بشكل حلو..
اما بالنسبه للبشره..المات او اللماع GLOOSY
هذا الشي راجع لج .. يعني اذا انتي حابه اللوك المات او اللماع..
لكن بالنسبه للموضه.. الدارج الحين هو المات... حتى في الارواج.. المات المات والمات..
نصيحه.. اللوك اللماع غير صالح للبشره الدهنيه.. راح تطلع بشكل دهني واضح..
اما بالنسبه للسؤال الاخير مافهمت.. خاطرج جسمك يكون يلمع..؟؟ ممكن توضحين لي عزيزتي؟..
واذا عندج اي سؤال تفضلي ... انا في الخدمه..
حياج حبيبتي...:up::up:
اي لاينر

Nesrin عزيزتي:cool2:
تقليم الحواجب مش من اختصاصي للاسف ... ماقدر افيدك.. لكن حبيبتي اذا حبيتي تعرفين انا احب استخدم قلم شانيل للحواجب...او كلارنس.. وانصحج بهم..واللون اختاري بني غامق اعقد راح يطلع حلو عليج..
واتمنى اني افدتج.. لا تترددين في اي سؤال..
الله يوفقج يالغاليه..
اي لاينر:shy: