تجمع بنات مصر لشهر شوال 1430 للاستفسارت عن الميك اب

emy_h;10537310:
السلام عليكم يا بنات انا حبيت اشترك معاكم
بالنسبه لعدسات فريش لوك انا جبت منها اللون البندقى والأزرق والرصاصى بصراحه خررررررررررافه جدا وكانى عينى طبيعيه جدا
انا جبتهم من مركز عدسات فى محطة الرمل ب 35 جنيه بالمحلول

مبروووك ايمي تتهني بيهم
بس قوليلي منين بالظبط واسم المحل ايه
يمكن تضرب في دماغي اجرب مع ان بصراحة بتكسف اوي اوي مش متخيلة نفسي وانا بعدسات وعمري ما هنزل بيها ولا هكون بيها ادام حد غريب بحس بغير نفسي هههههههههههه
بس اهو نعرف لما ربنا يكرمنا واكون في بيتي ابئه ادلع نفسي بئه :)

roro cat;10536629:
بصوا بقى انا هعيط مش عارفه البس العدسات لبستها امبارح بعد شد وجذب وفرك وكانت هتطقطع ولقيت عيني امر دم من اللي حصل اجي امسكها الاقيها اتقلبت اجي احطها في عيني مترداش تمسك في عيني وتفضل ماسكه في ايدي عيني طلعت على ما دخلت ولما دخلت عيني طبعا كانت احمرت وجيت اقلعها بقى زحزحتها عن مكانها اجي اطلعها مش عارفه وكانت يوووووووووم ساعدوني

يمنع وضع الصور الشخصية
http://go.3roos.com/AKTr74VwuLD"]..[/URL]

roro cat;10526237:
سؤال قومي سريع يا بنات اختكم خيبه اوي في اللينسز واول مره البسها جبتها وجيت المحلول والعلبه وحطيتهم اودامي ومعرفتش اعمل حاجه خصوصا عنيا حساسه موت قوللي بقى المفروض ايه يتعمل من الالف الى الياء والبسها ازاي واخلعها ازاي واعمل ايه بالمحلول؟ واغيره واحطه فين وكل حاجه والمفروض احط قطره قبلها او حاجه عشان عيني حساسه كله بقى يقولي اعمل ايه من الالف الى الياء وشكرا

shoshavic;10538020:

بصى الاول اتاكدى ان المحلول اللى بتستخدمية بتاع تعقيم ولا شطف

لو شطف مينفعش تحفظى العدسة فيه جوه علبتها
ولو تعقيم اشطفى وعقمى وممكن تستخدميه زى قطرة داخل عنيكى وانتى لابسه العدسات
طبعا المحاليل انواع

مرسيه خخالص هجرب بس لما حطتها لقيت عيني حمره زي الدم؟ وده حله ايه؟
ثانيا بقى المفروض احط اميكب بتاع العين والكحل الاول ولا البس اللينسز الاول؟

roro cat;10538657:
مرسيه خخالص هجرب بس لما حطتها لقيت عيني حمره زي الدم؟ وده حله ايه؟
ثانيا بقى المفروض احط اميكب بتاع العين والكحل الاول ولا البس اللينسز الاول؟

اول حاجة بتعمليها تحطي اللينسز الاول وبعدين تحطي قطره معقمه عشان الاحمرار وبعدين الميك اب
بالنسبة لمعقمات للعين روحي للصيدليه خليه يديكي معقم للعين بيناسب العدسات دا بيهدي الاحمرار في ثواني هيخلي عنيكي ابيضه زي التلج ومروقه كده

بناااات نسيت اقولكم فاكرين علبة الايشادو اللي كانت ميادة حطاها وقالت ان سعرها 80 ج من التاجره ودا شكلها



شوفت اختها هي هي نفس شكلها والوانها وكل حاجة في الزنقة ب 70 من الراجل ونزلتها معاه ل 60 ج وممكن تنزل كمان انا لما شوفتها عرفتها من الفرش والبلاشرات ولما روحت البيت اتاكدت انها هي بالظبط
انا حبيت بس اقولكم للبنات اللي من اليكس وعايزة تجيب بس اتشطرو وفاصلو :)

أنوش;10538711:
اول حاجة بتعمليها تحطي اللينسز الاول وبعدين تحطي قطره معقمه عشان الاحمرار وبعدين الميك اب
بالنسبة لمعقمات للعين روحي للصيدليه خليه يديكي معقم للعين بيناسب العدسات دا بيهدي الاحمرار في ثواني هيخلي عنيكي ابيضه زي التلج ومروقه كده

يعني في قطه بتنحط وانا لابسه اللينسزبتشيل الاحمرار؟
طب وانا كل ما البس اللينسز وارجعها العلبه اغير المحلول ؟ طب منا عايزه كل شويه اجرب كده هيخلص!!!!!! وفي طيب قطرع تنحط قبلها

coffeerose;10537661:
تتعبيني ايه يا نتي
ماتقوليش الكلام العبيط ده تاني ازعل منك:wink:

بتاع اوريفليم ممتاز جدا برضه
كلهم تقريبا جودة واحدة بس انا ريحني اوي بتاع برجوا
عموما لو جبتي اي واحد فيهم مش حتدايقي
لان بجد جودة التلاتة ممتازة

تسلمي يا كوفي يارب
طيب هو بتاع برجوا الاقيه فين ؟
يعني مزايا وفيسز ولا ممكن الاقيه في مكان برا ؟

coffeerose;10536982:
ازيكم يا بنات وحشتووووووووووني مووووووووووووت
(f)(f)(f)(f)
انووووووووووووش
مبرووووووووووووك عليكي حاجتك ياجميل
بمناسبة جارنييه
هو حد جرب اي منتجات منهم اصل فعلا زي ما بتقولي
منتجاتهم بتاعة الوش والكريمات والسكرب باين مكتسحين السوق
وهي دي جارنيه بتاعة منتجات الشعر والا غيرها
وهو المنتجات بتاعتها اصلية اللي في السوق دي والا مضروبة

تقريبا يا كوفي المنتجات بتاعت غارنيه مضروبه هى صناعه هندى
الغسول لما عملت بحث عنه وعن منتجات البشره ملقتش حد شكر فيها
الغسول مش بينظف خالص خالص وبينشف وحسيت انى لما جربته تعبلى بشرتى رغم
ان بشرتى اصلا مش حساسه
انا شفت منظف البشره بس مفتكرش ممكن اجيبه
ولقيت مزيل المكياج بتاع بروجوا في هايبرا تقريبا كان بحاجه وتلاتين
بس انا جبت غسول جونسون لازاله مكياج العين والوجه والله جميل جدا جدا حتى البودره المائيه بيشلها خالص وعارفه بمسح بعد بتونر بشرتى مبلقيشحتى اثار للبودره المائيه
بتطلع في القطنه

صباح الخير يابنات انا قولت اصبح عليكووووووا

ميادة ونوشة وكوفى ورورو بت يارورو يادى النيلة لسة وايه اللى سامعاه دا احسن حاجة تريحى عنيكى بس الاول من الاحمرار دا

جمعة طيبة عليكوا يابنات
ويارب يارب كل واحدة تتحقق دعواتها

هاعدى عليكوا تانى بس فى اوريفليم باة عشان اقولكوا الحاجة اللى هاجيبها ان شاء الله بككككراااااااا

انا بقول اجى اعزل عندكوا لاسكندرية يابت يانوشة ههههه عشان ابقى قريبة من الاماكن الحلوة اللى بتجيبلنا منها الحاجات الحلوة دى

ياختى ارووووووبة وانا خيبة ولا حاجة عندنا من دى وكل مااسأل الاقى الناس فى المحلات بيبصوا لبعضهم كانى بتكلم لاوندى او لغة غريبة غير المصرى
ولا انا يمكن قاعدة فى صحرا ولا ايه ماليش دعوااااااااا انا عاوز من دا ياحزومبل انا عاوزة من دااااا عاااااااااااااا

roro cat;10538755:
يعني في قطه بتنحط وانا لابسه اللينسزبتشيل الاحمرار؟
طب وانا كل ما البس اللينسز وارجعها العلبه اغير المحلول ؟ طب منا عايزه كل شويه اجرب كده هيخلص!!!!!! وفي طيب قطرع تنحط قبلها

بوصي يا رورو انا في قطرة برتاح ليها اوي اوي وهي زي السحر لكن للاسف مكتوب عليها مش مخصصه لاستخدامها مع العدسات اللينه فا انا بحطها الاول واستنى شوية وبعدين احط العدسات بلاقي عيني مش احمرت ولا حاجة هي اسمها prefin وسعرها 2.5 باين حاجة كده بموت فيها بستخدمها يوميا بتخلي العين زي حته التلج بس انتي ممكن تجيبي بديل ليها بحيث ينفع تستخدميه مع العدسات والصيدلي هو اللي هيفيدك

بالنسبة للمحلول لازم كل مره بتحطي ايدك في العلبة تطلعي منها العدسات تغيري المحلول لانه بيتلوث وانتي مش لازم كل شوية تجربي يعني حاولي تحطيها ولو مثلا مش عارفه اغسليها بنقطتين محلول على ايدك وحاولي تاني وهكذا لكن مش ترجعيها للعلبة الا لما تكوني خلصتي تماما وعايزة تشليها وعلى فكرة المحلول بيعد فترة كويسة وفي الاخر بيرجع حسب استخدامك

ARIGOLA;10538774:
صباح الخير يابنات انا قولت اصبح عليكووووووا

ميادة ونوشة وكوفى ورورو بت يارورو يادى النيلة لسة وايه اللى سامعاه دا احسن حاجة تريحى عنيكى بس الاول من الاحمرار دا

جمعة طيبة عليكوا يابنات
ويارب يارب كل واحدة تتحقق دعواتها

هاعدى عليكوا تانى بس فى اوريفليم باة عشان اقولكوا الحاجة اللى هاجيبها ان شاء الله بككككراااااااا

انا بقول اجى اعزل عندكوا لاسكندرية يابت يانوشة ههههه عشان ابقى قريبة من الاماكن الحلوة اللى بتجيبلنا منها الحاجات الحلوة دى

ياختى ارووووووبة وانا خيبة ولا حاجة عندنا من دى وكل مااسأل الاقى الناس فى المحلات بيبصوا لبعضهم كانى بتكلم لاوندى او لغة غريبة غير المصرى
ولا انا يمكن قاعدة فى صحرا ولا ايه ماليش دعوااااااااا انا عاوز من دا ياحزومبل انا عاوزة من دااااا عاااااااااااااا

ازيك يا جميله جمعه مباركه
وياريت لو تعرفي اى حاجه عن الكتالوج الشهر الجى تبقي تقولى محدش نزله خالص

ميااده2006;10538790:
ازيك يا جميله جمعه مباركه
وياريت لو تعرفي اى حاجه عن الكتالوج الشهر الجى تبقي تقولى محدش نزله خالص

عييينى انا يمكن حتى والله لو بابا رضى عليا كدهو انزل بعد العصر واجيبلكوا الكتالوج ولو قدرت هاصوره كمان

ARIGOLA;10538774:
صباح الخير يابنات انا قولت اصبح عليكووووووا

ميادة ونوشة وكوفى ورورو بت يارورو يادى النيلة لسة وايه اللى سامعاه دا احسن حاجة تريحى عنيكى بس الاول من الاحمرار دا

جمعة طيبة عليكوا يابنات
ويارب يارب كل واحدة تتحقق دعواتها

هاعدى عليكوا تانى بس فى اوريفليم باة عشان اقولكوا الحاجة اللى هاجيبها ان شاء الله بككككراااااااا

انا بقول اجى اعزل عندكوا لاسكندرية يابت يانوشة ههههه عشان ابقى قريبة من الاماكن الحلوة اللى بتجيبلنا منها الحاجات الحلوة دى

ياختى ارووووووبة وانا خيبة ولا حاجة عندنا من دى وكل مااسأل الاقى الناس فى المحلات بيبصوا لبعضهم كانى بتكلم لاوندى او لغة غريبة غير المصرى
ولا انا يمكن قاعدة فى صحرا ولا ايه ماليش دعوااااااااا انا عاوز من دا ياحزومبل انا عاوزة من دااااا عاااااااااااااا

هههههههههههههههههههه
انت تأمر ياجميل قوليلي بس عايزة ايه من هنا وابعتهولك
وسيبك من الناس العجيبة اللي بتتعاملي معاها دي وخليكي معايا تكسبي ههههههههههههههه

اشطة يانوشة خلاص بس اخبار الجو ايه عندكوا لحسن انا بسقع بالليل هههههههه

شوفتى اللى قولتلك عليه لسة مش حصل عااااااااااا لما اسطب انهردة الماسنجر هادخل نرغى اوكشنات احكيلك الخيبة باة بلافخر

سلام عليكوا باة

شوفوا بقى انا دخلت قلبت العدسه قولت يمكن مقلوبه لقتها شكلها طبق بردو وشكلها عادي يعني بمعنى اصح ملحظتش اختلاف بين الوشين اعا وحطتها في عيني ولقيت بقى حمار ودموع زي كل مره يعني معرفتش حاجه بردو ودخلتها بالضرب زي كل مره ومغيرتش بصراحه المحلول بقى شطفتها بيه بس العلبه خلصت خلاص اعاااااا

بنات انا عايزة اعرف ازاي اعمل فرنش مانيكير سهل و مش عايزة لون لضوافري؟ يعني يادوبك تكون بتلمع والحتة اللي من فوق دي تكون بيضا وخلاص

كمان عايزة اعرف الرسومات اللي بتتحط على الضوافر دي زي الورد والكريستال دي بتتجاب منين في اسكندرية وبتكون بكام تقريبا

amatalrahman237;10539031:
بنات انا عايزة اعرف ازاي اعمل فرنش مانيكير سهل و مش عايزة لون لضوافري؟ يعني يادوبك تكون بتلمع والحتة اللي من فوق دي تكون بيضا وخلاص

كمان عايزة اعرف الرسومات اللي بتتحط على الضوافر دي زي الورد والكريستال دي بتتجاب منين في اسكندرية وبتكون بكام تقريبا

الفرنش مانيكير ادخلي هنا وشوفي
http://forums.3roos.com/blogs/314780/blog996.html

بالنسبة للستيكرز والكريستالات موجوده في محل في الزنقة جوا قبل اخرها بشويه على ايدك اليمين هتلاقيه محل طويل كده لجوا بيبيع علب فيه علبه ب 5 وعلبه ب 10 ج :)

roro cat;10538968:
شوفوا بقى انا دخلت قلبت العدسه قولت يمكن مقلوبه لقتها شكلها طبق بردو وشكلها عادي يعني بمعنى اصح ملحظتش اختلاف بين الوشين اعا وحطتها في عيني ولقيت بقى حمار ودموع زي كل مره يعني معرفتش حاجه بردو ودخلتها بالضرب زي كل مره ومغيرتش بصراحه المحلول بقى شطفتها بيه بس العلبه خلصت خلاص اعاااااا

رورو انتي ضروري حد يكون بيعرف يحطها يوريكي ازاي عالطبيعة
العدسات ليها وش وضهر ولازم تعرفي تفرقي بينهم
وزي ما قلتلك لو مش جايه معاكي هاتي القطرة بتاعه المخدر دي
دي مش مضره هي بتخدر بس لمده 5 دقايق وخلاص والتخدير بيكون جوا يعني لما تيجي تحطي العدسة وتلمسي النني او البياض مش هترمشي عينك وكده هتلاقي نفسك بتحطيها بجرأه وبردو اسالي الصيدلي :)

يعني لو خدته الصيدليه هيعرف وشها من ضهرها؟