تجمع الحوامل اللواتي يلدن في شهر كانون الثاني (يناير 1 )2010 الجزء الخامس

فدوة لعيونه;10444262:
مرحباا
شكلكم ماشالله خلصتو كل اغراضكم :)

انا بعد تقريبا خلصت بس باقي لي قميص المستشفى وشكلي باخذه من ام محمد بس مشكلتها ان اذا باخذ لون فاتح , اذا احط يدي تحت القطعه احسه شفاف, باجوف اذا مره ثانيه بتييب اشيا احلى وخلقها مايشف .
وباقي لي اغراض الحمام حق البيبي والقطن وشفاطة الحليب .

وباقي لي التوزيعات والضيافه وشويه جلابيات .

انا شريت الفراش مع الشنطه من ام محمد الصراحه انا مااحب شغل التطريز والدانتيل وهالاشيا احب شغلات اليهال فشريت واحد اوف وايد مع بيج ع زرافه كيووووت حدده .

وبالنسبه للضيافه حق السويت عجبني كاب كيك وحده اتسويه في الحد
وهذي شغلها

http://www.flickr.com/photos/38510850@N08/page2/

°• أم السآإدة •°;10444512:
أمممم

هذي بعض الأغراض الي خذيتها






طقم جونسون





مراضع زجاج بيجون وحده متوسطه ووحده صغيرة





فوط صغنوونه





اسفنجه سبورت للبيبي






كلينكس البيبي ،، أعواد الأذون ،، الفرشاه والمشط من بيجون ،، مقص الظافر من بيجون ،، أسفنجه سبوح ،، طقم الأستحمام من بيجون ،، أسفنجه الفودر








العلبة المقسمة من بيجون ،، حلمات سمول من 0-3 من بيجون ،، مرضعه كيوته وصغنطوطه ومرضعه شوي عودة بلااستييك ،، أسفنجة تنظيف المراضع ،، الحب الفوارة للتعقيم المراضع ،، سائل تنظيف المراضع ولهاية كيوته


ووووبس

:D

العين مليانه;10449249:
ما شاء الله
هالتجمع اللي انا فاتحته طبعا فاتحه خير ههههههههههه>> بدينا بالمذله خخخ
اشوف رجع النشاط احسن من الاول
عقبال التجمع العاشر يااااارب

:)

ام فوفي;10448781:
الله يسلمكم يابنات ويجزاكم الف خيييييييير ردودكم فرحتني كثييير والله ، ياقلبي انتم صدق خوات (قلب) :)

بالنسبة لي الحمدلله النزيف خف كثييييييير والابر اللي يعطوني استفسرت منها ثاني لما رحت اخذ
الثانية وقالت لي الطبيبة المناوبة انها لرئة البيبي مثل ماقلتوا ، قالت لي علشان لو ولدتي يكون البيبي
مستعد ومكتمله الرئة عنده ، وانا رحت للمستشفى اللي انا اراجع فيه وهو خاص لكن لاني جاية بدري
الساعه 7 الصباح فما لقيت الا الطبيبة المناوبة وكانت مررة نفسيتها شينها الله يسامحها والله انها بس
كشفت علي وطلعت مرة ثانية لغرفتها والله ان زوجي يكلمها بالتلفون علشان يتطمن علي وعلى البيبي
تخيلوا البروودد كييف !!!!!! وانا دمعتي يالله امسكها من خوفي على البيبي :(

ودكتورتي حاولت اقدم الموعد ولا قدرت اقرب موعد كان الاسبوع الجاي وانا بالاصل عندي موعد معها الاربعاء
الصباح ان شاء الله اقول لها كل شي وتطمني لاني ارتاح معها مررة .

الله يجزاكم خير ويخليكم لاحبابكم ويفرحكم بشوفة اطفالكم سالمين معافين لاتنسوني انا وولدي
من دعوتكم بظهر الغيب تكفوون والله ان نفسيتي تعبت وخاايفه مررة من الولادة المبكرة مااحب اقضي
نفاسي بدون ولدي الله لايقوله يااارب :(

mroom;10447220:
سؤال ، بنات متى ودكم تولدون، يعني اي ساعه من اليوم ؟؟؟، انا ودي الليل او الفجر مثل لولي وقت أذان الفجر :)

QTR.9;10447280:
بنااات انا يصيدني شد عضلي في رجلي لدرجه اني اصارخ يذبح الشد يتم ثواني ويروح شوي شوي هالشي طبيعي وخصوصا لي كنت نايمه يجيني هالشد ,, الله يعين وتمر هالشهور على خير ..

ام فوفي;10450310:
ماشاء الله عليك ياعروس اغراض البنوته مررة حلوين ، الله يجيبها بالسلامة وتشوفينها لابستهم

اخر بطانية زهرية انا اخذت مثلها بس أزرق وأخذت معها الأفرول اللي جاي طقم معها
ليه مااخذتيه انتي ؟؟ او ماعجبك ؟؟

عروس نجدية;10450284:

بنات عشان خاطر عيونكم صورت لكم اغراض البيبي واتمنى تستفيدو من اللي شريت

على فكره للحين ماكملتهن بس هذي اول مشتريات لبنوتتي :)

من سنتر بوينت لقيت عليه تخفيض قبل اعرف ان اللي ببطني بنوته
بس مالقيت معه ملف حلو وشريت له أبيض :)

هذي مجموعه شريتها من نكست احب هالماركه احسها عمليه وماتنكرف بالغسل
شريتها ب120 ريال :)

بربتوزات عشان سر البيبي اول الأربعين شريت منها 3 و3عاديات من سنتر بوينت برضو :)

فوط استحمام وحده كامله والثانيه لتغيير الحفاظ وانتو بكرامه :)

هذي بعض الرضاعات ومصاصه وحلمات ومقص اظافر
وباقي ماشريت مجموعة الحمام وفرشة وووو إلخ ...:tongue:

هذي مخده عشان الرأس لين وينعدل بهالفتره واذا كبرت اقدر احط لها ذيلين او جديلتين:D هههههههه:wink:

هذا بلاستيك لتغيير الحفاظ وانتو بكرامه :)

هذي آخر شيء
بطانيتين بيضاء ووردية ومهاد فخم عشان الضيوف مو للكرف :D

وسلامتكم

وان شاء الله تعجبكم مشترياتي لبنوتتي اللي مالقيت لها اسم للحين :cool:

بحرينيه عز;10450572:
عروس نجديه حساافة مو ظاهرة وياي الصور :(

نسيت اقولكم صباح الخيرر :tongue:

اي والله عيوووووونه انتي صااجه ماشاء الله تجمعج عاامر صارر ان شاء الله دوووم(a)

انا بعد مروم خاطري اولد بنص الليل عشان مايدش الصبح الا اانا صحيت وفرفشت وجهزت

غررفتي :cool:

يالله باركووووووو ليي دشيت الاسبوع 28 (a)(a)(a)