تجمع الحوامل اللواتي يلدن في شهر كانون الثاني (يناير 1 )2010 الجزء الخامس

سلام بنات شخباركم

صايبني وجع راس من الزين ، سارونه البارحه ما خلتنا في دنيا من الصخونه والكحه.

وردة امل، اني اشوف الثياب اوكيه ما بتخسرينهم لأنه الصيفي كبار يعني يمديها البنوته تلبسهم:) والافرولات زينين بعد

لا تنسبن ان بالشتا البيبي على طول مقمط لنه توه صغير فبيتدفى بالقماطات واللحفه لا تحاتين، واهم شي في الشتا انش تغطين اذونه عشان ما يبرد او تلتهب.

واذا حبيتين في الشباحات اللي تحت الثياب يجون جموم طويله وبعضهم يجي متين، وشي ملمسه نفس الفوطه، تلاقين منهم في مذركير .

انتين في اي منطقه ساكنه ؟؟!! لأن الاسواق المتنقله تره عندهم فلتات بعد ورخااااص يعني اللي القطعه في سنتربوينت على دينار وشي، تلقين عندهم على خمس وثمان وكلش كلش بتوصل دينار.

بحبح، اشسويتين فيني، اليوم كله اعرج واذكرش، ما اقدر امشي احس انه فخذي اليسار منفصل عن الورچ ما اقدر اصعد ولا انزل درج واني مكتبي في الطابق الاول :(

عيوونه، روحي المستشفى وشوفي الله لا يقوله ضغط او شي ، اني يصيدني ساعات بس مو على طول.

فشوونه وجموول وكمبلايت شحوالكم :)

الكحه ذابحتني، لازم احط ايدي على راسي لما اكح ولا بينفجر :(

هلا خيو مرووم

ماتشوووووووفين شرر حبيبتي اي والله الله يسااعدج كرررررريه الالم انا كل اعررج على طول

خصوصا قعدتي بالليل عشان تكرمين الحمام اموووووووت وانا اضغط على مشيتي عشان

اوصل :confused: احس ورجي بينقص

الله يساعدناااااااا ويتمم علينا على خير ياارب

الله يعيينج على وجع الراااس اخذ بندول العاادي وان شاء الله تصيرين احسن (f)

البارحة كاان عندنا عررررررررس وااااااو كلش ماتقبلت شكلي حتى تصوير بالغصب صوورت

لو مازوجي غصبني لان شكلي مآسااه ويا خنفررتي

طبعاا دشيت العرس كل تعليقات على خشمي والكل يضحك عليي ههههههههههههههههههه

في بعضهم من زمان ماشافوني واستغربووو :o صج مادري شلون صار شكلي وخشمي

ماتوقعت الحمل يسوي جذي :tongue:

mroom;10613261:
فشوونه وجموول وكمبلايت شحوالكم :)

الكحه ذابحتني، لازم احط ايدي على راسي لما اكح ولا بينفجر :(

انا بخير الله يسلمج ....سلامتج حبيبتي من شو الكحه اكيد من تغير الجو حاسبوا على نفسكم يا بنات الحلال تعب الحمل روحه كفايه والله ...

بحرينيه عز;10613652:
البارحة كاان عندنا عررررررررس وااااااو كلش ماتقبلت شكلي حتى تصوير بالغصب صوورت

لو مازوجي غصبني لان شكلي مآسااه ويا خنفررتي

طبعاا دشيت العرس كل تعليقات على خشمي والكل يضحك عليي ههههههههههههههههههه

في بعضهم من زمان ماشافوني واستغربووو :o صج مادري شلون صار شكلي وخشمي

ماتوقعت الحمل يسوي جذي :tongue:

يا حليلج يا بحرينيه والله انا اسمع الناس يقولون جذي الوحده شكلها يتغير بس انا الحمدلله ولا تغير شي فيني شكلي جسمي مثل ما هو تصدقين خخخخخخخخخ خوفوني قالولي في الشهور الاخيره خشمج بينتفخ بس تريته ينتفخ ما انتفخ خخخخخخخ شكلها بنتي مب حلوه عشان جذي ما خسفتني خخخخخخ انشالله تكون جميله بس يا رب

بحبح اي والله وجع الرجايل، غير الشد اللي يصيدني في الليل مره وحده يألم واشوي واصيييييح من الألم ، كان يجيني شي بساره ولولو لكن مو جدي ، يقتل ويشل الحركة مره وحده.

الحمدلله ما احس جسمي تغير ، و لا خشمي، يمكن بعدين !!، وهذا اللي مشككني في روحي لأن بناتي سودوا عافيتي وكبروا الخنفره، وهالحمله للحين ماشي تغير!!

كمبرلايت، شر ما يجيش خيوه، ماادري مع اني ما اطلع من البيت حدي للدوام وبس، بس ما ادري اشفيني ، الله يستر!!

احس يمكن لو رقدت لي جم ساعه بصير احسن، بس وين يخلوني انام

عيووونه .. اي والله جزاها الله الف خير ..حبيبتي القطعتين كبار مو نيور بورن

اي بسوي جذي اني خذيتهم هذول طقم الافرولات ب 5 او ب 5 ونص كأن

.. وما تشوفين شر بعد قلبي اني ساعات يصيدني مثلج بس مو وجع راس

الم بالجسم كأنه نايم علي كله ماحس فيه عدل



غلا .. مساء الورد ^_^


فشووونه .. عليكم السلام ورحمة الله وبركاته


تسلمين غناتي


بحبووحة .. اهلييين خلف جبدي ..

ههههه صدق مالج حل عجل



ام فووفي .. ههههه الظاهر ناكل عن يوم احنه كنا متوحمين

لان ما كنت آكل عدل لمدة 5 الشهور الاولية كل ترجيع

.. ثانكس حبيبتي اني راح ابتدي في المهم لان الميزانية ما تسمح

وبخلي الحفايظ و المناديل و قطن الاذن والميزان بعد لنهاية الشهر الثامن يشتريهم زوجي

.. الرضاعات عندي ثنتين صغار بلاستيك فباخذ 2 متوسطين للحليب كزاز

اما عن الحلمات اني احس كلامج صحيح لان رقم 0 اولردي بكونون ع الرضاعات

وبكون عددها كافي فبشتري رقم 1 اما عن اللهايات ومقسمة الحليب هم بخليها شكلي

لنهاية الشهر الثامن

اممم والملابس قلت بشتري افرولات 7 من 0 - 3 بس

::

تسلمين حبيبتي ام فووفي لانك اضفتي اشياء بعد كنت غافلة عنها

كتبتها لج مني احلى (f)



جموولة .. مساء الخيراات ويييينج مختفية ما تبينين ضاربة رايبوووون :tongue:



مروووم .. عليكم السلام اهلين مروومة ما تشوفون شر انتي وبنوتج

الله يقومكم بالسلامة ويشافيكم ان شاء الله

حبيبتي شريت من الاسواق المتنقلة لين قلت بس من الشباحات ههههه

لان ماركااتهم اوكي و اسعارهم تمام عندي واجد ملابس داخلية


بحبوووحة .. ما تشوفين شر يالغالية

كلنا من وصلنا الاشهر الاخيرة ماتم شي فينا صاحي ههههه

يلا ماباقي شي ونشوفهم بين ايادينا خل نتحمل عشانهم

.. ههههههههههه الله يقطع بليسج لازم الخشم يكبر يصير يضحك :o

سلام عليكم كرووشات هاو از ايفري بودي


الاااي واخيرا تغيرت صورة التيكر بتاعي ^_^


weeks to Go 11


كروشااات امس قعدت اصيح من الم الظهر


يجيني بالنص وماعرف انبطح على اي مكان ولا اقدر اقعد


ومرة وحدة ويصيدني شد في البطن حسيت روحي بموت


اهئ اهئ


.. ..


بنات ادعو لي تستوي شقتي في اسرع وقت

وقبل شهر محرم الحرام ابي اعدل غرفة النونو قبل لا اولد

واجد احااااااااتي

وروود، ان شاء الله تتيسر اموركم وتجهز الشقة قبل محرم يا رب :)

مساء الخير
..

بحبح
فشفش
قطور
مرورم
ام فوفي
..
شكرا على ردودكم حبيباتي الشر ما يجيكم ان شاء الله
:)

ثانكس مروووم لانج ما نسيتيني من الدعاء

.. الااااي اليوم بروح اشتري ثياب لمريووومه

الحمد لله ربي ما ينسى عبده

بنات دعواتكم بروح اليوم باذن الله مذر كير وسنتر بوينت يارب الاقي الاسعار معقوله يااااااااااااارب

فدووونه .. كلنا مثل الحال هع هع الله يسهل ويتمم يارب

..

دمووعي .. اني اظمن لج اسعارهم معقولة ^_^

بنات كرووشات حبيت اسألكم

قاعدة اخطط لغرفة مريوومة

اني من زمان اخترت الصبغ بكون بيج

لان الكبت والسرير بعد راح يكونون بيج

هل يناسب اللون الوردي ويا البيج ؟! تتوقعون

اني شفت هالصور واجد عجبتني







وراح اخلي كل شي سمبل ماحب الزحمة خخخ

بقولكم ع الترتيب وانتو طبعا ساعدوني

اول ما تدخلون الغرفة في الوجه الكبت وبعدين شوي ع اليمين النافذه بخلي صوبها السرير

والكبت طبعا بخلي داخله سلال في درجين والدرج الوسطي بخلي فيه ثياب جذي

و طبعا الصوب الثاني للتعليقات

وبحط زيج بالوسط وردي << ما تحب الاشياء الدفشة

وبس حاليا هذا اللي خططت اليه بحاول ادور صورة مثل ترتيبي وبوريكم

::

تقريبا غرفة البيبي مافيها اشياء بس السرير والكبت والباقي العابها

والاضافات الجمالية هي اللي تخلي الغرفة تطلع حلوة

الله يسهل اموركم ان شاء الله
:)

السلام عليكم ورحمة الله وبركاته ،،

وااااو مره مره هدارين خخخخخخخخخ الي كم يوم الاحق وراكم ومن اجي برد تجيني النومه والتعب
الله يعين بس

الان بحاول ارد على كل الي اذكره انتظرونا هع هع