قصه عن البر الوالدين قمة الروعه

اقروا القصه كامله وعطوني رايكم..والقصه انكتب باللغه العربيه الفصحى والعاميه

قال تعالى.. وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا..

فالمستشفى في قسم العنايه المركزه وفي اخره غرفه عاليمين..منظره لن تنساه حصه
"ام سالم"..لطالما جلست على احدى الكرسين الذي اشتراهما بوسالم بعدما تقدم بهما العمر..ولم يقويان على الجلوس على الأرض..وتنذف دموعها على ماخلفته لها الأيام..
اتعلمون أخوتي ماهو المنظر:
فالمستشفى وعلى السرير الذي يرقد عليه بوسالم..وتجلي بجانبه حصه"ام سالم"وشغالتها ميري التي امضت على خدمتها اكثر من 15 عاما..
بوسالم وبعد ان بقى 15 عشر يوميا في شبه غيبوبه فتح عينيه وبصوت متقطع:ام سالم
التفتت ام سالم ولم تصدق ماسمعت انه صوت بوسالم..ام سالم:لبيه بو سالم الحمدالله على سلامتك
بوسالم والدموع تملأا عينيه:ام سالم أنا كان خاطري اشوف عيالي قبل لأموت..اطمن انهم بخير واموت مرتاح..
حصه"ام سالم"بعد عمر طويل يابوسالم
بوسالم وبالكاد يتكلم:اتصليلهم بس بسمع صوتهم مب لازم يكلموني
ام سالم وتمسك بالهاتف دون ان تفكر بما تقوم به وتتصل بسالم يرن هاتف سالم ولكن لا من مجيب فسالم نائم والهاتف على الصامت..ثم حمدان وبعد عدة رنات.حمدان:الوووووووو
ام سالم بنبرة حزن:هلا أبويه اشحالك
حمدان:بخير امايه شوفيه صوتج فيج شئ
ام سالم:ابويه ابوكم يبا يسمع صوتكم..متوله عليكم..وانتوا ماتزورونه
حمدان:أمايه انا مشغول..البيت اليديد يباله امجابل..وانا راكض أثثه..ان شاء الله باجر بمر عليه..اللحين بحط راسي وبرقد تعبان..يلا تصبحين على خير
ام سالم والدمعه في عينها..وانته من اهله..وتبند.
واتصلت للباقين فهد مسافر وجهازه مغلق..ماتصلت للبنات قالت بالباجر بتتصل فيهم..
وردت لأبوسالم وقالته العيال نايمين اللحين ومحد منهم يرد..وبوسالم كان مايرد..وامه سالم تزقره مايرد حطت ايدها على جتفه..وكان جسمه بااااااااااارد خافت وبخطوات صعبه مشت بسرعه صوب الباب تشوفين ولقت نيرس هنديه..وهيه تتنافض تاشر عليها مب رايمه ترمس..راحت لها النيرس ومشوا صوب بوسالم..تقربت النيرس من بوسالم..ومسكت ايده..وشافت جهاز دقات القلب..عرفت النيرس انه بوسالم توفى..لفت صوب ام سالم..وام سالم من دخلت النيرس وهيه ماسكتت شوفيه..ليش مايرد..نزلت النيرس راسها..وقالت لها بابا موت..ام سالم من الصدمه..ماشلتها ريولها يلست على الكرسي..وارتفع عندها الضغظ..وتمت تتنافض وهيه تستغفر وتذكر ربها..خذوها لغرفه في قسم النساء..عشان ترتاح..واتصلوا على عيالها ومحد رد عليهم..لين الفجر..رد عليهم سالم وخبروه انه لازم يحضر ويوقع ويستلم جثة ابوه..
وسالم::شووووووووووووووووووووووووووو أبوي توفى..وسكر التلفون وقعد يصيح
صدت عليه حرمته:شوفيك..أبوك ريال كبير..وكانت تعبان الموت ارحم له..
وسالم يصيح مايرد عليها..واتصل على باقي خوانه..وراحو اسلتموا جثة ابوهم..ودفنوها..
والعصر ظهروا امهم من المستشفى..ومرت أيام العزى الثلاث..والاولاد وعدوا امهم انهم ماراح يقطوعونها..
ام سالم اللي خلاها تشل في خاطرها من عيالها..انه ولا واحد منهم جاملها على الاقل وقالها تعالي اقعدي عندي..
وهاي الذكرى الاليمه اللي تكرى بوسالم لام سالم..
وكالعاده
في بيت حصه,,كل يوم العصر يتجمعون حريم الفريج..مريم وعذيجه وفطيم وشيخه
عذيجه:باجر عرس حمد ولد لطيفه
حصه:هيه ماشاء الله منو بياخذ
عذيجه:بنت خديجه بنت صلوح
حصه:والنعم في بنات خديجه..أدب واخلاق ودين
مريم:صدقتي يختي..فديتها مرت وليد حاطتنها في عيونها..خديجه عرفت تربي بناتها
حصه:بارك الله فيها..
عذيجه:عاد يختي خديجه تباني استقبل وياها وانا مافيني شده..الركب عندي تعبانه
حصه:مب لازم توقفين ايلسي عالكرسي..
فطيم:وحصه صادق عذيجه ايلسي عالكرسي..خديجه ماعندها لاخوات..وحميه وحده الله يرحمها
عذيجه..يصير خير يختي..
وتدخل ميري وتحطي الفاله..والقهوه
ميري:ماما تبا شئ
حصه:اللحين مابا شئ بس قبل الاذان ب10 دقايق تعالي وديني الحمام بتوضأ
ميري:ان شاء الله ماما
ميري خدامة حصه لأكثرمن 15 سنه..وايد تحبها هيه شاله حصه..تساعدها فالسبوح ولبس ثيابها..وتسحيها..وتجهز غداها وعشاها..وتروح معاها السوق..والزيارات..ماتقصر معاها مول..
ونرجع لميلس الحريم..
فطيم:حصه أمس رحت بيت فاطمه بنت احمد عمة ولدج حمدان..بنتها ربت..وشفت مرت حمدان هناك..
حصه:هيه يختي كل خميس تزور امها..يمعتهم عندها أمها الخميس..أنا كم مره اتصل في حمدان عشان ايني يقولي أي يوم بيج الاالخميس مااقدر..وانا يختي فالشهر مره زين يمرون عليه كله عندهم أشغال.
وفطيم:لاحول ولاقوة..هذيل عيال اليوم تربينهم للغير..لا الاولاد فيهم خير ولا البنات..
مريم:لا فطيم مب كل العيال جذه فديتهم عيالي يمرون علي بين ايام الأسبوع..وكل جمعه يمعتهم عندي.
فطيم:عيالج الله هادنهم..بس هذيلا مسودين الويه..وين بيروحون من ربهم..
عذيجه..انزين سلوم دوم يشكتي من ولده العوده يطول السانه ومايحترمه..وفالمدرسه دوم يشتكون منه..يقولج ملعوز المدرسين..
شيخه تبا تخفف عن حصه:الله ماينسى عباده..والحمدالله سخرلج ميري..
حصه:والله يختي هالحرمه مابطلع من يزاها..شالتني وحاطتني..بس بعد عيالي ربيت وتعبت وسهرت وجاسيت واحد منهم افتكر فيني ميته حيه يوعانه شبعانه..انا ماباهم يرزوروني بس عالاقل تليفون يرفعونه امايه اشحالج..جان فالاسبوعين او الثلاث مره..

وقعدت حصه تصيح..كالعاه والحريم بعضهم يصيحون معاها..وبعضهم ساكتات..مب عارفين شويقولون..

وقطعت الصمت شيخه:تعوذي من ابليس حصه والله فوق ان شاء الله.. بيلاقونه في عيالهم..الله مايضرب بعصا..

وتستغفر حصه..وتدخل ميري يلا ماما بعد 10 دقايق الله واكبر..واستأذنن الحريم بيروحون..وراحت حصه الحمام تيدد..

وبعد 4 سنوات..
دق باب الجرس في بيت حصه وراحت ميري..تفتح الباب..كان راع الدكان يايب مكتوب لميري من اهلها..تفتح ميري المكتوب..وتغير ويها..راحت لحصه..حصه ((ام سالم)) تقدم بها العمر..وصار اغلبها وقتها عالشبريه..امجابله التلفزيون..
ميري:ماما انا في مكتوب من داخل بلاد..انا بابا وايد تعبان داخل مستشفى انا يريد روح..ماما يقول بابا وايد تعبان..
حصه تضايقت من سمعت كلام ميري بس بعد ماتقدر تقول لها لا لاتروحين..هاي مب بنتها..عيالها ماافتكرو فيها وهيه ماقصرت وياها..بس بعد من حقها تروح تشوف اهلها..
حصه:انزين ماعليه متى تبين تروحين بقول حق ولد عذيجه يقصلج تذكره ستسيرين وتردين..
ميري:سوفي هذا اسبوع
حصه ان شاء الله هاتي التليفون واتصلي حق عذيجه..
وكلمت حصه عذيجه وخبرتها شو تبا منها..وطرشت عند ميري فلوس التذكره توديهم بيت عذيجه..وحجز لها عقب يومين..
ووخبرت حصه ميري موعد سفرها..وفي نفس الوقت قالت لها اتصلي على بابا سالم..واتصلت ميري
سالم:الووووووو هلا امايه
حصه:هلا فيك ابويه
سالم بعد ماسلم على امه..حصه:ابويه ميري بتسافر عقب يومين اسبوعين وبترد.وأنا يتم عندك لين ترجع..تعرف محد عندي فالبيت..
سالم وهو يفكر في حرمته:ان شاء الله امايه برجع لج خبر عالعصر.
حصه وعرفت انه سالم خايف من زعل حرمته:ماعليه ابويه.يلا بحفظ الكريم وسكرت
وسالم مارجع يتصل في امه..لانه حرمته قايلته لايفتح موضوع امه معاها والا بتروح بيت اهلها..
بعد صلاة العشا عرفت حصه انه سالم مابتصل..واتصلت لفهد..وفهد كالعاده مسافر بحكم شغله..
وعقب اتصلت في حمدان وبعد السلام..ام سالم قالت لحمدان السالفه.
حمدان:ان شاء الله امايه اليوم اللي بتسافر فيه ميري..بخذج عندي..
وسكر حمدان من عند امه واتصل في سالم يخبره السالفه..
سالم::الله يهديها اميه ليش تحرجينا وتسويلنا مشاكل ويا حريمنا..
حمدان:انزين سالم واللحين شوالحل.
سالم:اسمع انتي شلها اونك بتوديها بيتك..ودها دار المسنين..وقولها انك مسافر ويوم بترد بتاخذها..
حمدان وهو يشهق..سلوووووووم مااقدر..انتي ودها..شو بيكون موقفي جدام امايه
سالم:وليش كل هذا..دار المسنين مكان لكبار السن وهناك بيهتون فيها احسن منا..اذا انته مابتوديها انا بوديها..انا مااشوف فيها شئ..
حمدان انتي كيفك بس انا طلعني منها.
ويا اليوم الي بتسافر فيه ميري..راح سالم لامه والا تفاجات المفروض حمدان اللي ياخذها قالت في خاطرها يمكن سالم راجع نفسه..وصلوا ميري المستشفى..وفالطريج
سالم:امايه انا مسافر كم يوم في شغل..وبوديج المستشفى يفحصون عليج..عشان نطمن عليج..وعقب بمر اخذج..
حصه..وليش يفحصون عليه انا الحمدالله بخير..مافيني الا العافيه
سالم وهو يتلعثم:فديتج امايه انتي الغاليه..وصحتج اتهمنا..وانا ابا اطمن عليج..وصدقيني يومين او ثلاث من ارد من السفر بي اشلج..
ام سالم:..........................
ودى سالم ام دار المسنين..وحطوها في غرفه مع حرمه قسى عليها الزمن نفس عيال حصه..
وحست حصه نفسها غريبه..وحيده ودمعت عينه تذكرت بوسالم..سندها..وترحمت عليها..
وتمت حصه ساكته طول الوقت..ومنسحده عالفراش تستغفر..ويا وقت وجبة العشى لكن حصه..مارضت تاكل كانت نفسها منسده..وحاولت معاها الممرضه ولكن من دون جدوى..ومرت عليه اول ليله وكانت تحس بوحشه..

وسالم خبر كل اخوانه انه امه في دار المسنين..وخواته وفهد احتشروا كيف ودى مهم هناك الناس شو بيقولون..
وسالم قال اللي مب عايبنه يطلعها ويستقبلها في بيته..وطبعا ولا واحد مستعد يستقبلها كل واحد منهم سكت..اهون عليهم امهم فالمستشفى ولا عندهم فالبيت منو بيجابلها..والبنات كفايه عليهم مسئولية العيال وريايلهم..

ومر على حصه أسبوع وهيه في دار المسنين وهيه تنتظر سالم ولدها أي ياخذها..وبالتحديد في يوم الاثنين الصبح..كانت حصه منسحده وتستغفر وسرحانه ..ونبها صوت أمايه..امايه..صدت حصه توقعت وحده من بناتها لكن للاسف ولا وحده منهم..شافت بنت في عمر العشربن..ابتسمت لها البنت وباست حصه على راسها
البنت:اشحالج امايه.
وام سالم خنقتها العبره:الحمدالله.
البنت:انا اسمي..هند وكل اثنين ازور هالمكان..بس اول مره اشوفج
ام سالم:انا من كم يوم هنيه..بس ان شاء الله ولدي سالم من يرجع من سفرته بياخذني
عرفت هند انه السالفه وفهمتها ونزلت راسها وهيه تقول في خاطرها..كيف يفرون امهاتهم هنيه..كيف هانت عليهم شو من قلب عليهم..وانا اللي اتمنى تكون امي حيه..تلمني بحظنها..تبوسني..تدعيلي..تسولف معاي..
وحصه تشوف هند ومستغربه شوفيها ساكته..رفعت هند راسها::امايه تريقتي..
ام سالم:لا احس نفسي منسده عن الاكل.
هند: هالكلام مايمشي عند هنوده..لازم تاكلين معاي والا تراني انا بعد مابتريق
حصه ارتاحت لهند:لا امايه فديتج..مول مالي رغبه
هند:واذا قتلج عشان خاطري.
حصه وتبتسم لهند
هند:انا يايبه معاي عصير وسندويجات
وتضحك ام سالم:انا ماباجلي غير كم ضرس ومااقدر آكل شئ ثجيل.
هند وتضحك:امايه حبيبتي هذا كرواسات لين.
وفتحت هند العصير لحصه وقعدت تقص لها الكرواسون وتاكلها وتاكل معاها
وحصه فرحانه..اول من راحت ميري تحس حد يهتم فيها..
وفعدت تسولف مع هند..ومشى الوقت وهند اللي كانت تمر على المسنين..خذاها الوقت مع ام سالم بالسوالف..وبعد مرور ساعتين..هند:فديتج امايه والله سوالفج حلوه..نستني امر على الباجين..
حصه:بارك الله فيج امايه..الله يرزقج بولد الحلال الل يسعدج ويعوضج يارب..
هند:امين يارب..وان شاء الله الاثنين الياي..بمر عليج تامريني على شئ..
حصه:على خير حبيبتي..
وروحت هند..وفي مخيلتها صورة ام سالم..كيف عيالها حرموا نفسهم من ام نفس ام سالم..
وحصه بعدها ماتدري انها في دار المسنين كانت تتحرى نفسها في مستشفى عشان يكشفون عليها..يوم الاثنين فالليل..مرت النيرس تطمن عليهم.
ام سالم:دختوره انا متى بطلع من هنيه.
النيرس:انتي يقعد منيه على طول..
ام سالم:شو تخربطين انتي بسم الله عليه بجتل نفسي بالحيا اتم هنيه على طول..
قوليلي شو اسم هالدختر مالكم بخبر حمدان خلي أي يشليني لين مايوصل سالم
النيرس:.................يلا ماما انا بيروح شوف ثاني ماما كبير.
صدت ام سالم للحرمه الي حذالها واول مره من دخلت الدار تكلمها من بعد ماروحت عنها هند ونفستها ارتاحت..

ام سالم:الغاليه شو اسم هالدختر..
ام عبدالله وكانت اصغر سن من ام سالم:فديتج هذا مب دختر نحنا في دار العجزه
ام سالم والصدمه تربط السانها..معقوله معقوله سالم يفرني في دار العجزه..وليش انا شو سويت فيهم لهم..عمري ماثقلت على واحد منهم..عشان طلبت منهم اتم عند واحد منهم اسبوعين..وين باقي عيالي ليش ماافتكروا يسألوني عني..وانسدحت ام سالم وصدت الصوب الثاني..وام عبدالله حست انه عيال ام سالم جاذبين عليها..اما ام سالم الله يعلم بالنار اللي في يوفها..تمت طول الليل تصيح..على كثر الحره اللي فيها بس مافكرت تدعي عليها..شوفوا قلب الام..

الصبح..
نشت ام عبدالله..عشان تتريق..وصدت صوب ام سالم..ولكن ام سالم للحين ماقامت..ولا صلت الفجر..ولا الضحى..وام عبدالله حطت فبالها اكيد مانامت طول الليل والحرمه تعبانه..حتى ماخلت النيرس توعيها من النوم..
واذن الظهر..
ام عبدالله..ام سالم الغاليه اذن الظهر نشي جان تصلين
ام سالم:............................................. .
وتمت ام عبدالله تزقر حصه..وحصه ماتجاوب..ودقت عالجرس ويت النيرس وقالت لها انه حصه ماترد..وراحت النيرس تشوف حصه..
النيرس تهز حصه على خفيف وتوعيها..حطت النيرس ايدها على راس حصه وكان جسم حصه بااااااااااارد..فجت النيرس عيونها منصدومه..حصه ماتت..كيف وامس ماكان فيها شئ..
سملت حصه روحها لبارئها..بعد مااستغنوا عنها اغلى ماعندها فالدنيا..
وميري لغى سالم رجعتها..وصديقات ام سالم..سألوا عنها لين عرفوا انها في دار العجزه..ولكن بعد فوات الاوان بعد مامات حصه..في وحدتها..
واستلموا اولادها جثتها بقلوب ميته..ودفنوها..والسؤال كيف رقدوا عيالها هاي الليله..وبعد كل اللي سوه في امهم وابوهم..
وهند كانت تعرف قصه حصه كامله..ولما رجعت بس اسبوع وعرفته انها ماتت..صاحت هند كانها فقدت أمها للمره الثانيه..كانت هند طول هالفتره تنتظر يوم الاثنين عشان تزور حصه..وجهزت لها الهدايا..والريوق عشان تتريق معاها ويسولفون ويا بعض..

ومرت السنين..
وكبروا عيال حصه..وكبروا عيالها..
سالم كانت مصيره نفس مصير امه..كما تدين تدان..وعند باب المستشفى عرف سالم انها دار العجزه..وهذيج اللحظه اجهش فالبكاء..تذكر ابوه اللي ماتت وقلبه عليهم..تذكر امه اللي فرها عشان خاطر حرمته..واليوم حرمته بنفسها تأمر عياله يفرونه في دار العجزه..بحكم انها حرمه كبرت فالسن وماتقدر ترعى ريلها..

حمدان توفت حرمته..وتزوجوا عيالها..وخلى عليه البيت مابقى له الا خادم يخدم وكانت معاملة الخادم سيئه مع حمدان..مارحم كبر سنه..ولكن حمدان في كل لحظه يتذكر والديه..ولكن بعد شو تذكرهم..الام ماتت حسره..والاب مات مريض..وللاسف مات حمدان ودفنوه الجيران والعيال ادوا واجب العزا..ومن ثم كل واحد لبيته..

فهد فقد عياله في حادث..وتشلل اصبح قعيد عالكرسي..وترعاه حرمته..اللي تتذمر من رعايته وتحسسه انه ثقيل عيالها..اما الثروه اللي جمعها من وراء سفارته..فزوجته ماسكثرته عليه تعالجيه فيه..

البنتين..

سلامه..تزوج عليها زوجها..وفرها وياعيالها فالبيت الجديم..العيال تزوجوا..وسلامه ماعندها دخل..وعيال يسالون عنها..مثل مانشغلت عن سؤال امها انشغلوا العيال عن السؤال عنها..ويمر اليوم واليومين بدون اكل وكانت تعز عليها نفسها تطلب من عيالها..وكل ماتذكر امها وابوها تصيح ندوم..وحست بحسرتهم..وراحت بنفسها لدار المسنين..عالاقل تلاق لقمه وناس تتكلم وياهم..

عزه..توفى ريلها وعاشت عند واحد من اولادها..اللي بني لها غرفه فالملاحق ويا الخدامه..واذا مر عليها فالاسبوع مره وحده تحمد ربها..والاكل يوصلها لين غرفتها..مع الخدامه..


هالقصيده كتبتها ام لولدها بعد ماعقها في دار المسنين ثلاث سنوات

قصيده في بر الوالدين

وين انت ‏يا حمدان امك تناديك .. ‏وراك ما تسمع شكايا وندايا

‏يا مسندي قلبي على ‏الدوم يطريك .. ‏ما غبت عن عيني وطيفك سمايا

‏هذي ثلاث سنين والعين تبكيك .. ‏ما شفت زولك زاير يا ضنايا

‏تذكر حياتي يوم اشيلك واداريك . .. ‏والاعبك ‏دايم وتمشي ورايا

‏ترقد على صوتي وحضني يدفيك .. ‏ما غيرك احدٍ ساكن في ‏حشايا

‏واليا مرضت اسهر بقربك واداريك .. ‏ما ذوق طعم النوم صبح ومسايا

‏ياما عطيتك من حناني وبعطيك .. ‏تكبر وتكبر بالأمل يا منايا

‏لكن ‏خساره بعتني اليوم وشفيك .. ‏واخلصت للزوجه وانا لي شقايا

‏انا ادري انها ‏قاسيه ما تخليك .. ‏قالت عجوزك ما ابيها معايا

‏خليتني وسط المصحه وانا ‏ارجيك .. ‏هذا جزا المعروف وهذا جزايا

‏يا ليتني خدامة بين اياديك .. ‏من ‏شان اشوفك كل يوم برضايا

‏مشكور يا ولدي وتشكر مساعيك .. ‏وادعي لك الله ‏دايم بالهدايا

‏حمدان يا حمدان امك توصيك .. اخاف من تلحق تشوف الوصايا

‏اوصيت دكتور المصحه بيعطيك .. ‏رسالتي واحروفها من بكايا

‏وان مت لا ‏تبخل علي بدعاويك .. ‏واطلب لي الغفران وهذا رجايا

‏وامطر تراب القبر بدموع ‏عينيك .. ‏ما عاد ينفعك الندم والنعايا