موفقه ياقلبي
بما إنك طلبتي اراءنا وملاحظاتنا خدي عندك بس بدون زعل لأنوا بصراحه كتير يطلبوا
أراء وبعدين يزعلوا :
بعد إزنك الأفكار حسيتها مرررررره عاديه حاولي تميزيها وتبدعي أكتر وأكتر
النت مليان أشكال وألوان ممكن تستفيدي من الأفكار الموجوده فيه مو تقليديها
حسيت من الصور إنك أعتمدتي على طريقه علبه فاضيه وحطي تحفه جوتها
ولفيها بشريطه وربك سامع الدعاء يعني ممكن حسيتها مره بسيطه ومش
متعوب عليها..
حاولي نفس التحفه لو كانت جدا بسيطه ضيفي عليها إضافات ولوحطيت معاها
شوكولاته برضوا ضيفي عليها إضافات
وحاولي دايما في إستخدامك للعلب لاتكون شفافه جيبي اللي تجيكي ملونه
سماوي_ سكري_ بنكي
ولاتقيدي نفسك بالألوان السماوي والبنكي اخترعي من عندك ألوان ودخلي كزا
لون مع بعض ترا مافي احلى من شغل اليد وأفكارنا..
بالنسبه للورود والشرايط نوعي دايما فيها ودخلي الستراس عليها أو على
الشوكولاتات وكان لو حبيتي فكره جديده ي بيعملوها كتير: بيغلفوا
الشوكولاته بنفسهم بورق ملون ويزينوها بإكسسوارات اشكال والوان وحاولي
تستخدمي خامه [COLOR=magenta](الجوخ) تراها تجنن مررره في إستخداماتها وتقدري تزيني فيها
الشكولاتات بالشكل اللي تبغيه.
دي شويه أفكار يااارب تعجبك وطبعا البعض مها صور شخصيه
والبعض الأخرلأخوات في عده منتديات لكم مني كل الإحترام والتقدير
وسامحوني لأني عرضت الصور وتسلم يداتكم على الشغل الحلو
لأنوا عن جد متعوب عليه عشان كده من حقهم يطلبوا عدم نسب
الفكره لغيرهم
هادي الصوره زي فكره الشراريب البيبي تبعك
هادي فكره تعليقه ادعيه ممكن تحطيها مع توزيعات مره حلوه
توزيعات كوكيز و ممكن تحطي فيها حلويات للأطفال بدل الكوكيز لو ماقدرتي
وهاد شكل المرطبان اللي جواتوا الكوكيز
ستاند توزيعات ممكن يكون لكل التوزيعات وطبعا تزينيه بطريقتك الحلوه
وأفكارك الأحلى وتعمليه بالحجم اللي تبغيه وتلونيه عند النجار
وأكتفي بكده لو حبيتي أكتر ممكن أنزلك صور
موفقه حبيبتي
ياقلبي عليك والله انا اللي تعبتك
يالغاليه
حبيبتي لاتقولين زعلتوا او ما زعلتوا
لانا عارفين انا تونا مبتدئات بهالمجال
وتونا في بدايه الطريق ونبغى مين يوجهنا
عجبتني افكارك مره
خاصه تبع الاذكار والكوكيز والشرابات للاطفال
المخدات عجبتني احسها تصلح توزيعات للحج او لرمضان
طيب اش رايكم بهالفكره في المخدات
اني احشيها مكسرات بدل القطن طبعا مخدات صغيره ومن فوق احط المسبحه والشرايط ومصباح صغير يعني ديزاين
؟؟
؟؟
[/COLOR]
