بحرينيه عسل;10383640:
دعوة لكل عضوات التجمع واي عضو يمر على التجمع ان يدعو لاختنا ام نبراسي الله يتمم حملها على خير، ودعوة لكل عضوات التجمع الله يتمم لهم على خير.
بحرينيه عسل;10384192:
قمت على الساعة 7 ونص وطلعت من البيت على الساعة 8 رحت السوبرماركت خذيتلي سندوتش وعصير وجريدة ( اخت مسوي روحها مثقفة) ورحت بيتنا شوي وبعدين على الساعة تسع الا رحت جد علي وشفت محل يبيع مفارش نزلت وخذيت حق عيالي على شخصيات كرتونية وقلت بروح محلات التوزيعات الي على شارع جدعلي رحت رونا واااااااااااااااايد راقي واغراضه حلوة والتشكولت عنده راقي بس ما خذيت شيئ خبركم ابي ثيم الفراشة ( مسمار جحا) ورحت محل كأنه اسمه دولتشي في صفة رونا بس ما كان ذاك الزود بس خذيت ما عنده دب ابيض لابس فستان وردي ليش ما ادري بس عجبني وخذته وطلعت واتصل زوجي قالي وين انتي قلت اوووووووووووووووو نسيت اقولك :rolleyes: لاني دايما استذأن منه واذا طلعت هلون من صبح وهو نايم اطرش له مسج اخبره بس هالمرة نسيت ( شكل خرف الحمل) المهم ياني مغص في بطني وكنت لازم ادخل الحمام الله يعزكم :o ما بقدر اكمل على راحتي ورجعت بيتنا وبعدين رجعت لشارع جد علي بس ابتدا التعب فيني رحت المحلات الي يصرون داخل الي نطوف لهم عن طريق برادة الحميدية رحت لمحل اسمه رحيق الزهور وعجبني عنده زينة الباب على فراشات وقلت بمر عليك وقت ثاني عشان اكد الاوردر وعشان يكون معاي زوجي يشوف بعد (a)وخلاص حسيت مالي بارض اكمل لان التعب بدا فيني رحت الرفاع حق محل سو سويت حق الضيافة صج صج روعة عنده شوكليت حق ولادة حلو الكليو 12 دينار الكليوين يترسون لج صينية من النوع الكبير :eek: وشفت عندها كاكاو في عود على شكل فراشة قلت باخذ حق اليهال كتوزيعات وذقت الكاكاو عندها روووووووعة وخلاص قررت ان شاء الله اسوي عندها بس على نهاية اكتوبر بداية نوفمبر بروح اودي الصواني وبسوي الاوردر، بس بقى على المالح والتوزيعات مع الستند، وطلعت من عندها رحت بيت التنزيلات الي في سند عنده تخفيضات بس شريت فانيلات حق عيالي ما عليهم تخفيض :( تصدقون لقيت عنده بضاعة ادمز :eek: وبس بعدين رجعت البيت وماكنت قادرة اتحرك من الم سري فتميت في السرير وبعدين نزلت عشان احط لنا غدا بس ما اقدر اتحرك الا بصعوبة من الالم فشافتني ام زوجي وقلت لها عن الالم الا تقولي ليكون فيج فتق في السر :confused::confused: وما رضت احط الغدا حطته اهي وخلت الخدامة تودي فوق كالعادة اهي دايما توديه مسكينة، فخبرت زوجي عن الي قلته امه فقالي شوفيلي موعد عشان نروح نطمئن اتصلت على الدكتورة منى الشرقي خبرتني الموظفة ان ما عندها عيادة اليوم :eek: فقلت خلاص بروح مستشفى الامل لان عندهم اخصائية حمل بس محد كان في البيت امس عشان اخلي عيالي عنده محد الا الخدامة وعيالي مستحيل يقعدون معاها :confused: فأجلت الموعد يمكن اليوم اروح بس الالم خلاص راح بس مع التعب يرجع.
زهرة السعادة;10384473:خرف علي النت الظهر و لا قدرت ارد عليكم :ss:
احين برد عليكم كلكم :wink: >> عاشوا الشطار :o >> احد يمدح نفسه :tongue:
زهرة السعادة;10384512:
الله يسلمج من كل شر(f)
مبروك التجهيزات .. و اخيراً :tongue:
ملبوس العافية ان شاء الله لج و لها
و بانتظارج و بانتظار الصور :wink:
زهرة السعادة;10384606:
مشكورة حبيبتي على الرد (f)
و ان شاء الله قد ما اقدر اطول بسجودي (a)
و ربي يتمم لنا على خير و نولد كلنا طبيعي :wink:
زهرة السعادة;10384612:
الله يسلمج من كل شر
و التفاصيل و الصور نزلتهم :wink:
بحرينيه عسل;10384685:
يالله بنات اخليكم الحين اشوفكم بكرة إن شاء الله بس وصلو الصفحات 10 على الاقل
زهرة السعادة;10385030:
عيونج الاحلى :wink:
الله يسمع منج وان شاء الله اجمعين (f)
زهرة السعادة;10385289:
هلا حبيبتي (f)
الحمد لله بخير .. انتي شخبارج ؟؟ و البيبي ؟؟
شرايج فيني ؟؟ شاطرة له ؟؟
كبرت الخط عشانج :wink:
هههههههه
فديتها اللي مستغربة من وجودي (f)
خبرج كمل شهر رمضان و رجع دوامي الاولي
يعني 5:30 اكمل دوامي .. فكل يوم قاعدة على قلبكم :tongue:
زهرة السعادة;10385294:
فديتها اللي عارفة مكانتها :wink:
زهرة السعادة;10385326:
الله يعينج عليها ان شاء الله
و الله اجوف اختي نفس حالتكم بالضبط :rolleyes:
و هي حامل نفسنا صار لها 4 اشهر و ولدها متعبنها عدل :ss:
بس حاولي قد ما تقدرين اتفهمينها الموضوع
و الله يساعدكم ان شاء الله (f)
ههههههههه
اللي في البطن يضحك :D
ساعات يسووي نفس الحركات
ما تجوفين الا دبة تناقز مني و مني :wink:
الله يتمم على الف خير لنا اجمعين ان شاء الله
زهرة السعادة;10385336:
الله يبارك بحياتج (f)
ما شاء الله .. اسم وايد حلو :wink:
ربي يجيبها بالف سلامة ان شاء الله
زهرة السعادة;10385079:
تسلم لي الغلا اللي مخلتني على راحتي :wink:
احسن لج ما تحبين الكاكاو بس انا احبه :tongue:
و البيبسي ما منه فايدة نهائياً .. انا ما اشربه الا قليل عدل (a)
اي خلي وجباتج فواكه .. و سلطة روب بعد تمام :wink:
ان شاء الله ما يطلع لها .. و اذا طلع يكون في مكان مخفي (a)
اسم الله عليج من الصدمة .. بس امزح :tongue:
>> انا لو ازيد مرة وحدة 5 كليو اموت :ss:
زهرة السعادة;10385422:بنات كتبت رد ويش طوله (i)
على مشكلتي اللي صارت لي قبل يومين
و يوم قريب النهاية .. انمسح كل شي :confused:
احين بمشي البيت
باجر اقول لكم :(
زهرة السعادة;10385133:
ما شاء الله
عن جد حلوووووين (y)
تتهنى فيهم البنوتة ان شاء الله (f)
و بانتظار الجديد :wink:
مخرخشة;10385199:
إيييييييييي نفس بعض شكلنا :cool:
ياللا عيل طرشي لي الرقم ومن وين ؟؟!!
مخرخشة;10385205:
إيييي علشان مانتعب في الولادة أصلا :tongue:..