زوجي يبيني اسمي بنتي اسم مب عاجبني ابدا

انا أقول لاتعبين عمرك وتدعين وتتضايقين
والله الدنيا ماتسووووووووووووووووووووووى
انا اخترت لبنتي احلى اسم وكنت ناوية وزوجي قال لي براحتك ...
ويوم جات راح وسجلها على اسم امي الله يحفظها بدون مايسألني انا وقتها تضايقت
بس عرفت انه هذا الاسم اللي كاتبه لها ربي وانه المسمي بالسماء

انتبهي لصحتك ولاتتضايقي أو تزعلي على أشياء مكتوبة
أنتي ماتعلمي الغيب وماتعلمي اذا جت وش بيكون اسمها


الله يتمم لك حملك على خير ويسعدك ولايجيب المشاكل بينكم


موفقه .....

ابا اعرف الاسم !!

عاد انا عكس الناس .. أموووت في الاسامي القديمه .. أحسها راقيه و (عريقه) .. و على قولة الناس old is gold

هلا عسولات

اشكركم من كل قلبي على تواصلكم ومحبتكم

ووقفتكم معاي اللي بالفعل غيرت شخصيتي كثييييير وماجاملكم

الموضوع انحل ورضيت بالاسم لاني تهاوشت مع زوجي واخرتها زعلته وجرحته ولمن فكرت وبعد الله ثم كلامكم والاخت العتب ماقصرت

قررت اسميها باللي هو يبي

الله يحفظها لي ويرزقني ويرزق كل محرومه

سامحوني ولاحد يزعل مني

احبكم

هدوء!;10387770:
هلا عسولات

اشكركم من كل قلبي على تواصلكم ومحبتكم

ووقفتكم معاي اللي بالفعل غيرت شخصيتي كثييييير وماجاملكم

الموضوع انحل ورضيت بالاسم لاني تهاوشت مع زوجي واخرتها زعلته وجرحته ولمن فكرت وبعد الله ثم كلامكم والاخت العتب ماقصرت

قررت اسميها باللي هو يبي

الله يحفظها لي ويرزقني ويرزق كل محرومه

سامحوني ولاحد يزعل مني

احبكم

طيب حببتي سموها اسمين اسمها الاصلي واسم تنادوها بيه اللي هوا اسم امه عشان كلكم ماتزعلوش
وربنا يهديه

الله يفرج همك يااااااااااااارب ويعطيكِ على قد نيتك..

حاولي تقنعيه والبنات كفوا ووفوا ..

وربي يقومك بالسلامه وتسمين البيبي باللي فخاطرج

انا لو مكانج لو ماقالي كنت راح اسميها عليها عشان خاطرها ويكفي بيكون لها غلا خاص عند امه وصدقني كلن يجي باسمه واذا حست انج ماتبين اسمها راح تحط بخاطرها

وه بس صادني فضووووووووول
ابي عرف الاسم

بحرينية_حلوة;10390751:

العتب .. طلعتي مخبرة سرية و احنا ما ندري :tongue:

هدوء .. الله يوفقج أختي .. بس تره للحين فينا فضول .. شنو الاسم .. لا تخافين ما بسرقه منج نفس بعض الناس :tongue: .. بس خبرينا ؟!!!

هههههههه فديتج بحرينية .... شو اسوي احب الاسماء القديمة .... يا ريت اقدر اسرقة بس ادعولي ربي يرزقني ببنت واسرقة كل ما تعشمت ببنت طلع ولد :ss: ويا شقاوة الاولاد

فديت البنات والله العظيم نعمة من الله هدوء ادب اخلاق طاعة حنان رقة سند للأم ...

باطين جبدي عيالي كل ما قلت لهم ادعوا الله يرزقنا بنت قالوا لا لا لا ما نبي بنات نبي ولد عشان نكون عصابة الله يسامحهم ...
لا نبي ولد عشان نكون عزوة لبعض ... حسبي الله على ابليسهم ...

والحمدالله صدق انج عااااااااقلة يا هدوء ... والحمدالله انك صرتي اكبر من الموقف بكثير ... واعلى من كل شيء ... الحمدالله الله يرزقج بالولد عشان يكون عزوتك يا رب وأن شاء الله يرزقج بالبنت تكون سند لج انتي بالذات .... يارب البنت والولد نعمة منك يا رب ارحمنا بحفظك لهم وتهذيب أخلاقهم وتصفية نفوسهم ...

مشكورة نجد
مشكورة هدوء
والله يرحمكم برحمته ويضلنا بظله يوم لا ظل الا ظله
العتب

فديتكن وحدة وحدة

ماقصرتوا والله ..,

وبكرة بسوي اشعه ملونه ان شاء الله بشوف ولد ولا بنت ادعوا لي بالخير

الله يرزقك الذرية الصالحة وان شاء الله ولد بس عسب يكون لج عزوه وسند في المستقبل ... وان كانت بنت حياها الله فديتها نجمة مضيئة بس ها بشرينا بصحة الجنين الله يحفظة يا رب ويقويج ويشوف الحياة ....


العتب

حبيبتي أولا الله يقوومج بالسلامه و الله ييسر علييج ولادتج :)

أنا كنت شراتج .. زوجي يبا يسمي بنتي باسم خالته الله يرحمها ~ و فالبدايه أنا ما عجبني الاسم مووليه لانه غريب شووي // لكن مع الاياام بديت اتقبل الاسم و حسيته مميز و حلوو ..

والحمدالله بنتي صار عمرها الحينه 10 شهوور .. و الكل عاجبنه اسمها ~ وفي منهم قرروا انهم يسموون مثلي //


و السموووحه ~

ياعمري ياهدوء ياريت تصيرين مثل اسمك وخذي الوضوع بهدوء

عاد انت احمدي ربك قايلك قبل تخيلي زوج اختي قالها اختاري اسم ويوم ولدت راح وسجل اسم امة بالشهادة واخت زعلت وبغت تتطلق لان نفسيتها زفت بعد الاربعين ومالقت شخص يطيب خاطرها الله يهدي زوجها .. وع فكرة اسم امة مو حلو ابد وحنا جلسنا فترة نناديها باسم الاول اللي اختي اختارتة بس هي بعدين قلبت قالت البنت بتتعقد كل شخص يناديها باسم ..

فديتها الكتكوتة صح هي اشين اخوانها بس سوالفها مررررررررة فلة ربي يحفظها

قولي لام زوجك بما انك تحبينها الله يديم المحبة
تكلم ولدها
وقولي له :
شوف اخوانك ماحد سمي علي امك
وبعدين مارح تفرح الا اذا سميت عليها !!!!

من حق الاب علي ابنه ان يختار له اسم لائق

الله يجيب بنتك بالسلامه يارب

الي يحلي الاسم صاحبه :)

يابنت الحلال صلي على النبي وان شاء الله ربي يهدي زوجك ويغير الاسم بس اهم شي لا تعلقين وتزنين على هالموضوع لان الرجال مايحبون الزززن

وربنا هو الي سماها :) لا انتي ولا زوجك

الله يعطيكم العافية ويخفف عنكم

يا الله صادتني لقافه مب طبيعيه .. قولي الاسم خخخخخ

وزين انك تراضيتو.. الله يهون عليج وتقومين بالسلامه:)

الاسم (وضحى)