سلام عليكم والرحمة
اليوم بنتي اول يوم من الشهر الرابع وللعلم بنتي ولدتها
بالشهر السابع " خديج"
متى اقدر اعطيها ماي لاني ما اعطيها؟
ومتى اقدر أأكلها ؟
واكون لكم شاكرة
ملاحظة: اللي متأكدة من اجابتها تفيدني
بالذات اللي عندهم خدج
:)
ومشكورين
س
سندريلا الكون
عروس ركن التربية و الطفل
04-10-2009 | 07:15 AM
هلا حبيبتي
بنتك كم وزنها عند الولاده والحين
انا بنتي مو من الخدج بس اكلتها بالشهر اربع ونص
بس الماي لازم تشرب من ولادتها وانا مدري ليش ماعطيتيها ماي للحين حرام جسمها يحتاج ماي على الاقل الجو الحين حار
انشالله البنات يفيدونك
حبيبتي تقدري تعطيها ماي شوي شوي
حتى لو قطرااات..
سندريلا الكون;10381984:
هلا حبيبتي
بنتك كم وزنها عند الولاده والحين
انا بنتي مو من الخدج بس اكلتها بالشهر اربع ونص
بس الماي لازم تشرب من ولادتها وانا مدري ليش ماعطيتيها ماي للحين حرام جسمها يحتاج ماي على الاقل الجو الحين حار
انشالله البنات يفيدونك
وقت الولادة كانت كيلو و700 والحين 3 ونص
ماعطيتها ماي لانه يقولون حليب الام كفاية
المفروض تعطيها ماي من البدايه
انا عطيت ولدي من الشهر الاول ,, في البدايه رفضه بس الحين تعوود
ربي يخلي لج البنوتة
بس شيء غريب انج ماتعطينها ماي الماي مفيد للجسم والدورة الدموية حتى ولو من مكونات حليب الام موجود به ماء بس بعد لازم تعطينها علشان تتعود تشربه بعدين ماترفضه
انا بنتي خديجه اخر سابع اول يوم بثامن ولدتها ..
من شهر 4 عطيتها منقوع التمر ..
للي اهوه تمره احطها بماي الي صبح و عقب اصفيها من تمر واشربها مايها ..
و بعدين عطيتها ماي بروحه ..
ومن نص الشهر رابع بديت اوكلهاا ..
وبديت معاها بخضار اول شي جزر مسلوق و مهروس و عقب كوسا و ثالث يوم جزر و كوسا مع بعض ..
و بتدريج نوع نوع كل واحد بروحه وعقب مع بعض ..
لازم تعطينها ماي على العموم عطيها بين الرضعات
ملعقتين ثلاث عشان تتعود لان بعدين ماراح تحبه00
وبالنسبه للاكل لاتستعجلين عليها توها صغيره ابتدي معاها من السادس000
عطيها الحين منقوع التمر مره في اليوم000
واكيد عندها مواعيد واسالي الطبيب
السلام عليكم ورحمة الله وبركاته أشلونكم،،،
حبوبة أنا بنتي جبتها ثاني اسبوع من الثامن وبصراحة ما شربتها ماي إلا في الشهر الرابع وبديت أكلها بعد في الشهر الرابع وما شاء الله عليها الله يحفظها صارت مره وعمرها الحين 9 سنوات ، ما عليها شر أن شاء الله بنتج حاولي الحين تبدين اتأكلينها واتشربينها بعد كل وجبة ماي حتى لو نص ملعقة .والله في عون الجميع.
من الحين اعطيها موية لانها اذا كبرت شوي ماعاد تشربه بعدين الموية مامنها ضرر اعطيها بالملعقة على خفيف مع شوية ماء زهر
أنا ولدي خدج .. الدكتور نصحني إني ما أبدأ أأكله إلا من بداية الشهر السادس و الحمدلله الحين عمره سنه وشوي .. أما الماي فحليب الأم يروي الياهل يعني مب شرط تعطينها ...
السلام عليكم الماء ضروري لجسم البيبي حتى لو كان خديج لكن الاكل انا لاحظت ان اكل البيبي الي عمرة اربع شهور مو موجود زي اول مافية االا اكل الست شهور
بنت أختي من الخدج
انوولدت بنهااية الساابع
و كاانت أختي تعطيهاا مااي بعد الرضعاات
و بدأت اتأكلهاا من الشهر الرااابع
و ألحين الحمدلله صاار عمرهاا 3 سنواات و 3 أشهر
العمر كله ان شاااء الله !!
و لاازم تبدأين تعطينهاا مااي
و الله يخليهاا لج و تربى بعزج
إلي أعرفه إن حليب الأم يكفي لكن هذا ما يمنع إنش تعطينها ماي مرة وحدة في اليوم علشان ما ترفضه بعدين
انا بنتي عطيتها ماي من الشهر الاول
اما الاكل خلية لشهر السادس