شوفي بالنسبه للمكالمات حبيبتي زوجك في امريكا حرام عليج السالفه فيها فواتير ويمكن الثاني الي يكلم زوجته يا انه وضعه فوق الريح على اتصالاته او شخص مهمل ومايحسب حساب الفواتير ويخطط لمستقبله
وبالنسبه لانه يقولج تامرين شي ويكلمج بسرعه ويسكر حبيبتي انتي قلتيها بنفسج معاه ربعه
في كثير رجال ومنهم خطيبي مايحبون يكلمون زوجاتهم قدام ربعهم اول شي نوع من الغيره ثاني شي في رجال وقحين يخاف عليج منهم ثالث شي في بعضهم اذا شافو يعطيج وجه وكلمج يعتبره انه ضعيف وانج حاطته خاتم بصبعك واكيد الرجال مايرضى على نفسه يطلع قدام الرجال كذا
وانا خطيبي يكلمني اذا قدام ربعه بنفس طريقة زوجك بس انا بعد ازيد منج يكلمني على اني رجال هههه
قبل كنت ازعل بس بعدين خلاص استوعبت
وخصوصا ان في رجال من يسمعون واحد يكلم زوجته حطوا اذانهم عنده مثل بعض الحريم عندنا
وثانيا هو مايبي يكلمج لانه لسا عريس جديد يعني حتى مابعد شبع منج وهو بأمريكا لحاله اذا سمع صوتج يتأثر ويشتاق ويشتاق لعلاقه حميميه يعني ""لجسمك"" ويخاف مايضبط نفسه ويروح لطريق الحرام
وواضح من كلمته " انتي تتعبين وانا اتعب""
واذا صار لج فرصه تروحين له في الاجازه الصيفيه اذا كان عنده دراسه روحي له او اجازه مثلا عندك اسبوعين اجازة عيد او حج او اي شي روحي لو مره بالسنه
وانا ماايد ان تزعجين زوجك بالاتصالات يعني تتصلين كثير الرجال مايحبون هالشي ويخليه يبتعد ويتعود ان يطنش مكالماتج
انا اشوف انه ينفر الرجال ويحاول يبتعد اكثر خليه يبتعد شوي ويرجع
انتي لازم تقرأين كتاب " الرجال من المريخ والنساء من الزهره" ياتشترينه او تقرأينه من النت
وانتي صغيره 16 سنه مو سن زواج كان خليتوها خطبه بس وخصوصا انج مورايحه معاه بس يالله الي صار صار