((عندما تجدين نفسك حاملاً بلا تخطيط.. لاتحزني))

للرفع

الحمد لله على كل حال
حملت للمرة الثانية وبنتي الاولى 3 اشهر ونص
والحين حامل على الثانية بالثالث وعمر بنتي 11 شهر والحمد لله على كل حال
أخذت بالاسباب والله اراد انه بعطيني اللهم لا اعتراض لك الحمد على ما أنعمت ولك الحمد على ما أعطيت

مشكورة عزيزتي على هذا الموضوع الرائع
اعجبني اسلوبك و طرحك للموضوع
خاصة انني من هؤلاء النساء اللاتي حملن بلا تخطيط
ولكني على وشك الولادة و انتظره بفارغ الصبر

اتمنى لك التوفيق يا رب

شكرا على الموضوع تم التقييم

××

موضووع رووعه انكسااري
يعطيك اللف عاافيه

××

الف شكر يالغاليه

الله يعطيججج العاااااااااافيه

جزاكي الله خيرا
موضوع جميل

مشكوووووووووووووره يا قلبو وتسلمين على هاموضوع القيم ريحتين وجزاك الله خير

انا حامل بالشهر التاسع ... و ولدي عمره 11 شهر وشوي
الوقت اللي بيصير عمره سنة... راح اولد الثاني ان شاء الله

يعني الفرق بينهم سنة بالضبط
يعني حملت مبااااااااااااشرة بعد ولادتي والنفاس طبعا

اول ما دريت اني حامل ... كنت في حالة صدمة
كنت شوي ويجيني انهيار عصبي
وللحين اذكر شلون قعدت ابجي ليومين يمكن

بعدين رضيت بالوضع... وما خشيت خبر حملي
لأن الناس راح تدري عاجلا ام اجلا

ومثل مهو مذكور بالموضوع (( ارضاء الناس غاية لا تدرك ))
ولحد هاليوم رغم اني الحين بالتاسع ومابقى شي عن ولادتي ان شاء الله
في ناس اذا تجوفني تقول لي (( لييييييييش؟؟ ))
او حتى تسألني اسألة محرجة مثل (( ما كنتو تستعملو موانع؟؟ )) وغيره وغيره وغيره

اللي خلاني اتقبل الموضوع ان زوجي يمووووووووووووت في اليهال
وكان طاير من الفرح يوم درى بحملي (( الاول والثاني ))
يمكن كان زعلان انه بيكون تعب علي
والحمدلله يساعدني وايد ...
توى اليوم بدل حفاضة ولدي 3 مرات لانه ظهري يعورني وصرت ماقدر اشيله مثل اول

واذا افكر في ايجابيات الموضوع ...
حتى لو بتعب ... سنتين؟؟ ثلاث؟؟
بس بعدين برتااح

كان في بالي على الاقل فرق 3 سنوات بين الاول والثاني او حتى اكثر

بس اذا افكر في الموضوع اجوف ما يسوى
يعني عقب ما الوحدة يرجع رحمها وجسمها طبيعي
تحمل مرة ثانية وتعيد القصة من اول وجديد؟؟
ومو بسهولة الوحدة يرجع جسمها الا بالرضاعة الطبيعية والرياضة والريجيمات والكريمات وغيره

اذا اقول هالكلام لخواتي مثلا او صديقاتي يحبطوني يقولون لي اهم شي ما تحملين مرة ثالثة!!!
حتى لو كان مزح
ليش الناس صايرة جذيه؟؟ اذا وحدة تحمل كأنه مصيبة جتها مو كأنه نعمه من الله
والواحد لازم يحمد ربه في كل الاحوال الحمدلله رب العالمين

مشكوره خيتو ع الموضوع

والحمدالله ع كــل حـال ,, اللهم ارزق كل محروم

يسلمووووووووووووو
وربي يرزق المحرومين بالدريه

موضوع اكثر من رائع مشكورة حبيبتي ويعطيك العافية

الحمد لله على النعمة .. بس في ناس ما تقدر الصراحة فتسوي اكثر ما عندها علشان تمنع الحمل ..

موضوعش روووووووووعه

وأثر فيي لاني مريت بهالظروف من خلال حملي بولدي وبنتي لسى صغيرة


وفعلاً أول مافكرت فيه الناس وويش بيقولوا عني وأيضاً كيف بربي 2 الفرق بينهم سنتين ونصف


لكن ولله الحمد والمنه كل اللي توقعته واللي كنت خايفه منه صار عكسه


الناس وهدرتهم تركتهم على جنب ولا حطيت بالي وياهم

وعن التربيه كنت خايفه أجيب بيبي مثل بنتي حركيه ومشاغبه وأتعب معاهم

لكن رحمة من رب العالمين ولدي ولله الحمد والمنه طلع عكس أخته تماماً الحمد لله من أول ماانولد هاديء ومريحني


وبالعكس مااتخيل حياتي من دونه وندمانه على كل كلمه قلتها ان ماابغى هالبيبي

يكفي لما يناديني ماما تسوى عندي الدنيا ومافيها

وهالتجربة عطتني دافع أقوى لمواجهة المستقبل

كنت أقول سويت مانع وحملت بدون تخطيط عشان كذا ماابغاه

لكن الحين أقول مسويه مانع لكن لو حصل حمل بإرادة رب العالمين بالعكس لا بتضايق ولابزعل نفسي
لان الزعل مابيغير شيء أبداً يعني اني مااستفدت من زعلي شيء غير ان تعبت بفترة حملي اني وولدي بسبب عدم إعتنائي بصحتي

والوحده ماتدري ويش المكتوب ليها قد يكون الطفل القادم عكس الطفل الأول تماماً وبالعكس يريحها ومايتعبها
وقد يكون قدومه خير عليهم ويغير في حياتهم الشيء الكبير

قوله تعالى :{وَلاَ تَقْتُلُواْ أَوْلادَكُمْ خَشْيَةَ إِمْلاقٍ نَّحْنُ نَرْزُقُهُمْ وَإِيَّاكُم إنَّ قَتْلَهُمْ كَانَ خِطْءاً كَبِيراً }الإسراء


والحمد لله رب العالمين على أحلى نعمة ربي رزقني إياها بحياتي (جود وجواد) ربي يحميهم ويحفظهم لي من كل شر

والله يخلي لكم عيالكم ولايحرم أحد يارب

انة بقول لكم عن نفسي
حملت ببنتي الثانية وكان عمر الاولى سنة و3 شهور وكنت توني فاطمتنها من صدري تعرفون كنت طوال فترة حملي مكتئبة والناس اللي حواليني ما قصرو فيني صدق ذبحوني بتعليقاتهم وفي النهاية جت بنتي ضعيفة واااجد وللحين اعاني وياها والحمدلله ان ضعفها بس في البدن مو في العقل لما صار عمر الثانية سنة حملت ومن غير تخطيط او دراية وكنا نستخدم مانع بس كتبة رب العالمين اللحين اني حامل للمرة ال3 والله قاطة كل شي ورا ظهري واهم شي سلامتي وسلامة اللي في بطني واني اللي بتعب في التربية مو الناس يعني باختصار ماعليي من احد ومحد له شغل فيني :p
الحمدلله على النعمة غيري يتمنى واني اتضايق ليش قدر الله وما شاء فعل والف الحمدلله على كل حال
الموضوع في الصميم:thumbs_up: