بنآإت البحرين .. يالله نجهز ..

مراضع اخذي 2 وحدة صغيرة لماي والثانية وسط للحليب احتياط ويفضل يكونون زجاج واخذيهم من الصيدلية عندش ماركة ايفينت تمام واخذي جهاز تعقيم المراضع في ماركة ايفنت وفي شيكو اني سمت الثنتين الاولى في ال20 والثانية ب6 دينار.واخذي لهاية ماركة طبعا في ايفنت يجون ثنتبن مع بعض واشكال حلوة للجنسين من 0-3 طبعا البنات ماقصرو قالو اشياء وايد بس اهم شي تسجلين بورقة عشان لا تنسين شي

ايي أخذت مرضعتين بيجون

وحده صغيرة ووحده وسط

لأن بحاول أرضع طبيعي

وعن المعقم شفته وكنت باخذ بس حسيته مايسوى

أخذت الحبه الفوارة (معقم)

ومعقم المراضيع السائل من بيجون

وايد زينين أحسهم

ام السادة من وين أخذتين المعقم الحبة و السائل؟

الله يسهل عليكم

ام الساده انا بعد اقول لا تكثرين وايد من الثياب لأن البيبي يكبر بسرعة

أخذته من مذر كير

تبين اصورهم لج؟؟

وأخذذت فرشاة التنظيف بس موعاجبتني مادري

شكلي باخذ غيرها

إي خيو إذا ما عليش كلافة
حطي الصور

وش تقصدين فراشة؟

فراوله ملكية;10383714:
الله يسهل عليكم

ام الساده انا بعد اقول لا تكثرين وايد من الثياب لأن البيبي يكبر بسرعة

اممممممم

يعني كفاية الي اخذتهم

بس بكمل باقي الاغراض

وبقول لكم شخذيت وكل واحد بسعره

صوت الحنان;10383746:
إي خيو إذا ما عليش كلافة
حطي الصور

وش تقصدين فراشة؟

ان شااء لله حبابه

أقصد فرشاة تنظيف خخخخخخ

هو الحبة الفوارة تقريبا جذي شكلها



والسائل محطوط صوب المراضع مرسوم عليه برتقاله وتفاحه خخخخخ من بيجون

بصورهم وبجيبهم لكم بالأسعار

اي انا بعد اخذت الحبة الفوارة على ما اظن اسمها ميلتون هي قوطيها نص كحلي ونص ابيض

شوفي لا تاخذين وايد اهم شي التبانات اللي تحت الثياب لأن اكثر استخدامهم احسن وانتي ان شا ءالله تكون ولادتج في الشتا

لا ماباخذ ثياب وايد

أحس هالعدد زين

بس على قولتج التبانات يبي ليي بس أخذت أحتياط

وعن المعقم الحبة الفوارة

بسأل أختي عن الطريقة

لأن اشوفها تحطهم في علبة بلاستيك فيها ماي وتحط الحبة وبعدين تحط كل المراضع واللهايات

وتستخدمهم بعدين دايركت!

نزين الحبة الفوارة شلون استخدامها

مرحبا كروشات

الله يتمم لكم على خير ويعطيكم العافية على الجهد هذا

صج الوحدة تستفيد منكم

وبالنسبة للسلة انا من كم شهر شريت سلة حلوة وواسعة شوي وفيها ستاند وعجلات وتقدرين توقفين العجلات عشان لا تتحرك واذا تبين تحركينها تضغين الحبة بس يعني حلوة وسهلة ورخييييييصة واجد

شريتها ب 14 دينار من بيت التنزيلات كان في منها ازرق واخضر

حلوة حق النفاس لما تكونين في بيت الوالد وبعدين جفسيها ورجعيها بالكرتون للبيبي القادم

سعرها واجد رخيص يعني لو شريتي السرير بعد ما بكلفونج وايد اثنينهم

سيوود ترا انا من زمان اتابع بس بصمت ههههه اخيرا قررت اشارك

عن المراضع انا كنت افضل لو ماخذه وحده صغيره افنت مع البيجون الثنتين لانه عن جد الكل يمدحهم وما يسببون غازات للبيبي طريقتهم مثل صدر الام بتحصلينهم في سنتربوينت على دينارين و600 اعتقد..

اما بخصوص حبة المعقم فمحد ينصح فيها وقريت كذا مقال لاضرارها تحملي منها.. اذا مو ناويه تاخذين المعقم اتبعي الطريقه التقليديه وهي انج تفوحين الماي وتحطين فيه المراضع لمدة 20 دقيقه بعدين تطلعينهم وتنشفينهم وتحطينهم في الثلاجه لوقت الاستخدام.. الطريقه ما راح تتعبج لانه من الاساس مو ناويه ترضعين صناعي فعادي..

اما عن الاشياء الزياده اللي لازم تاخذينها من ثياب نوعي مو كله شباحات يمكن احد ملقوف (مثلي) ايي ويفتح القماط فلازم تلبسينها شي كيوت مثل هذا اللي شريته حق اتامي من 0-3 عباره عن قطعتين










وعن السرير اذا مو ناويه تاخذين سلة موسى اخذي cot bed اللي يصير سرير مع حواجز اذا كان بيبي وبعدها اذا كبر فوق السنتين تشيلين الحواجز منه ويصير سرير عادي.. وهذا بعد تقدرين تتحكمين في ارتفاع المنصه مادري شيسمونها اذا كان كلش صغير يكون فوق واذا كبر تنزل تحت صورته هذي









في مذركير الشايع تبتدي اسعارهم من 125 دينار بس مو خساره لانج اذا نويتي تبدلينه عقب سنتين فخلاص طلعت قيمته..

++مونيكا++;10383602:
مراضع اخذي 2 وحدة صغيرة لماي والثانية وسط للحليب احتياط ويفضل يكونون زجاج واخذيهم من الصيدلية عندش ماركة ايفينت تمام واخذي جهاز تعقيم المراضع في ماركة ايفنت وفي شيكو اني سمت الثنتين الاولى في ال20 والثانية ب6 دينار.واخذي لهاية ماركة طبعا في ايفنت يجون ثنتبن مع بعض واشكال حلوة للجنسين من 0-3 طبعا البنات ماقصرو قالو اشياء وايد بس اهم شي تسجلين بورقة عشان لا تنسين شي

مونيكا وين حصلتي جهاز التعقيم مال ايفنت اب 20 دينار :ss: ارخص شي في رويان اب 39 دينار وبعدها في سنتربوينت اب 42 ومذركير الشايع اب 45 هذا طبعا المعقهم المشهور مالهم اللي يكفي 8 مراضع ويعقم في 6 دقايق.. واحد منهم مكتوب عليه IQ 24 اللي هو كل ست ساعات يشتغل بروحه ويعقم والثاني لا انتي لازم تعقمين متى ما بغيتي وفرق السعر 5 دينار او اكثر بشوي

نبض قلبه

انه بعد افضل اغلي المراضع على النار مع ان عندي جهازتعقيم المراضع من ولادة بعلوي

اقلام
انه بعد السلة الي عندي فيها عجلات ووايد عملية وتتجفس

°• أم السآإدة •°;10375975:
بنات وين ألاقي مثل هذاا







عطوني كذا محل يتواجد فيه بالهاشكل

مو حطب!

حبيبتي هذا تحصلينه عند شيكو عندهم مثله بالظبط او تحصلينه عند لولو هايبر ماركت في قسم الملابس انه شايفه مثله بالظب طبعا سفته في فرع الرفاع

مينسا;10375987:
ام الساده الصوره مو ظاهره يمي

المهم ..

اني باقي علي 10 ايام وادش التاسع يعني احضر شنطتي من الحين لو بعد وقت

حبيبتي المفروض سكرتي الشنطه من زمان

مرحبا

حبيت اسلم واشوف يمكن اقدر اساعد>> ملقوفة

الله يتمم لكم على خير

°• أم السآإدة •°;10383198:
أني الخشبي أحسه مو عملي

اي يجفس أحسن بواااااااايد

أنزين شلون عن لثياب

شنو آخذ له بالظبط

بس أخذت الشباحات وهي الي ريولهم مصكوكه

واحس وايد قليلين

والي اشوفهم لثياب كل كشخه ومثل ماقالت مراوي مايسوى جينزات في الشهور الأولى

فشنو تنصحيني

حبيبتي باقي لج اشيااااااااااااااء وااااااااااايد هذي اللي خذتيهم مايسون شي مثلا باقي لج
1-فوانيل داخليه متنوعه مثلا حفره وأيدقصيره وأيد طويله
2-شباحات زياده خذي من اللي ريلهم مسكره احسن للبيبي وخصوصا للشتاء في بعض الانواع تجي كم وحده معا بعض
3-مهادات ولحاف
4-فوطه للاستحمام وفوط صغار
5-قبعات وجوارب للرجل واليد
6-خذي مفرش طقم معا شنطته وخذي سليب باق طقم معا الشنطه
7-ورضاعه ولهايه اذا تبين وادوات الاستحمام مثل شامبو وغيرها ............
وان شاء الله ماكون نسيت شي

حوامل حبايبي حبيت اخبركم اذا تبون غطاء الرضاعه اليوم انه كنت رايحه معا بنت عمتي تجهز وحصلت منه في محل اسمه بست مام في بوكواره وسعره 13 دينار بس الصراحه واااااااااااااايد حلو ومفيد وعملي