بنآإت البحرين .. يالله نجهز ..

صباح الخير عليكم كلكم

مراوي
أم الحلو
مونيكا
أم السادة
عسى بس ما نسيت أحد

بنت الدوسري
موعدي على حساب الدورة 17/11
بس دكتورة فهيمة عطتني على حساب اللآلتراسوند 11/11
و الله يسهل علينا

أللور يصير على شارع الجنبية و انتين جاية من الهاي من صوب الكوبري اللي يوديش للسعودية
كأنش رايحة البديع بتشوفينه على ايدش اليسار

مو متأكدة من العسر
بتصل تالي لهم و بقولش بجم

و بجيك بعد صالون كرميلا بسأل و بنشوف

صوت الحنان هلا والله صباح النور والسرور ياربي

يلاه ان شاءلله تقومين بالسلامه والله يسهل عليج وعلي انا بعد :)

وان شاءلله اول ماتجيكين الصالون علميني لاني انا بعد محتاره بين اللي قالت عنه مراوي واللي انتي قلتي عنه

الا بسالج صوت الحنان خلاص خلصتي تجهيزاتج وبرزتي شنطه المستشفى ؟؟

انا للحين ما خلصت التجهيزات بقى علي الشوكلت ومفرش السرير حق النفاس محتاره من وين اخذ لي افكر اروح السعوديه بس مادري متى بروح

وشنطتي وشتطه البيبي للحين ما برزتها !!!

بنت الدوسري
أتصلت أللور
عندهم باكيجات أثنين لحمام كليوباترا يصلح لبعد الولادة
واحد ب 70 دينار و مسوين عرض عليه ب 30 دينار
15 ماسك منهم تبييض و تقشير و بعد حمام جاكوزي
و الباكيج الثاني 50 دينار مسوين عرض عليه ب 20 دينار
ما اتذكر جم ماسك قالت
بس أثنينهم يشملون تنظيف بشرة الوجه
و آخر شئ حمام جاكوزي + حمام مغربي

و عندهم عادي
ماسك تبييض + حمام جاكوزي ب 15 دينار

مراوي ما حصلت رقم صالون كراميللا حتى بتلكو اتصلت ما موجود

إي خيو بنت الدوسري خلصت كل شئ
بس أنتظر الفرج :D

حتى التوزيعات جهزت و الشنطة صكيتها

صوت الحنان ماشاءالله عليج شاطره احسن مني.. انا كسوله هههه

الحين هذي الباكيجات اللي عليها تخفيض لي متى يعني ؟؟؟ لاني بروح لهم عقب الولاده يعني لين طلعت من الاربعين

صباااااااااااااااااااح الخيراااااااااااااااااااااااااااااااااات يا احلى حوامل:Dصباح الخير صووته شخبار البنوته للحين ماتبي تطلع :tongue:الله يستر شكله البنات يطولون :confused:بنت الدوسررري حبيبتي عندش هوم سنتر مسوين تخفيضات روحي شوفي لش فراش وعندش الصينية صوب البلاد عندهم فراشات رخاص مثل الي يجيبونهم في المعارض وجزيرة المفارش بجد علي عندهم اشكال والوان فما له داعي اتعبين نفسش وتروحين السعودية وانتي على وش ولاده :tongue:

بنات اليوم عندي موعد في المركز بعد ساعه بكون هناك ادعوا ليي نتيجة السكر تكون زينة :ss:الله يستر :D

صباح الخير مونيكا انا شاريه من قبل مفرش من هوم سنتر لكن نوعيته مب زينه من غسلتين يحبب يصير فيه نوع الحبوب قطن ومايدفي وصراحه سعره موفيه ماخذته انا من قبل اذكر 39 دينار والكواليتي ماعجبتني مو ذاك الزود

بس بشوف اللي قلتي عنهم باقي الاماكن

ان شاءلله مونيكا مافيج الا العافيه ياربي

bent.aldossary;10533300:
صباح الخير مونيكا انا شاريه من قبل مفرش من هوم سنتر لكن نوعيته مب زينه من غسلتين يحبب يصير فيه نوع الحبوب قطن ومايدفي وصراحه سعره موفيه ماخذته انا من قبل اذكر 39 دينار والكواليتي ماعجبتني مو ذاك الزود

بس بشوف اللي قلتي عنهم باقي الاماكن

ايي عيل احسن لش تروحين المكانين الي قلت لش عنهم لانه نوعيتهم مثل الي يجيبونهم بالمعرض بس اسعارهم ارخص فيه من 10 الى 25 دينار :)

bent.aldossary;10533304:
ان شاءلله مونيكا مافيج الا العافيه ياربي

يارب دعواتكم يا بنات :D

بنت الدوسري
إي قلت لها اللي في أللور إني بحتاج اروح لهم بعد شهر و نص
الا تقول العروض مستمرة لأن هالعرض صار له فترة من قبل رمضان

و تقول هالماسكات كلها تبييض و تقشير و تنظيف للبشرة حتى لو حبوب بعد ينشالون

و بالنسبة للمفرش أني أخذت من جزيرة المفارش وش حلاوته ب 22 دينار
بستعمله للمستشفى و للبيت

مونيكا
ان شاءالله مافيش إلا الخير
طمنينا
و بنوتتي ويلي عيها دلوعة أقولها يالله متى بتجين ابي أشوفش خخخخ
حتى اولادي ميتين عليها
ولدي الكبير يقول لي ماما اولدي الصبح عشان ما اروح المدرسة و أقولهم ماما جابت لنا بنوتة خخخخخ

هلااااااااااا بنات شلوووونكم.. ما شاااء الله الواجب طووووويل ما لحقت ارد عليكم مع انه كان عندي جم تعليق..

الله يهوووووون عليكم صوت وبنت الدوسري وما ايي اسبوع الياي الا انتووا وااااااالدين.. ههههه صوت عجبني تفكير ولدج يارب تولدين الصبح لانه انا بعد يوم كنت صغيره هذي امنيتي

اممم مراوي اعتقد اللي فيها الالتهاب تحملي خيتوو منه فيه وحده من تجمع شهر 11 او 12 بسم الله عليج فقدت جنينها في الشهر الخامس بسبة الافرازات ما كانت تدري عنها.. يعني اذا كانت وايد روحي تطمني احسن..

مونيكا ان شاااء الله مافيج الا العاااااافيه لا تخافين ولا تحاتين اهم شي يكون تحت ال 7

شجعتووووووني على الصالونات عاد ويييين ووين على الولاده :( بنتم مقحلفين جم شهر بعد

ايييييي صح بسألكم احد يعرف من وين نشتري بيبي جونسون الصغار مال التوزيعات؟ انا جني قريت مره يقولون انروح المصنع بس مادري اذا احد عنده فكره يخبرني

هلا نبض قلبه
إي والله خيو اللي يشوفنا يقول ما يتفركون زين و لا يتنظفون خخخ
مقحلفة اني واجد و الخشم طبيلات و البراطم كأني ضاربة بوتكس و الوجه يلمع من الدهون

يالله ما باقي شئ و ننقشر :D

أني كله جدي لين أحمل خخخخخخخ

للأسف خيو ما عندي فكرة عن الغراش الصغار

ويلو
صح اسمش لو لا ؟ :D

جزيرة المفارش اللي رحته في جدعلي
و أنتي جاية من شارع توبلي و دخلتين شارع جدعلي
بتوصلين لبرادات الحميدية على ايدش اليسار أخذي الداور يسار
و روحي سيد سيدة لين تشوفين المحل على ايدش اليسار

إن شاءالله فهمتين لشرحي

أنزين ويلو
ما يبين انش في اي شهر احين لأن مشاركاتش ما تسمح بتوقيع
قولي لنا :D

نبض_قلبه;10533582:
ايييييي صح بسألكم احد يعرف من وين نشتري بيبي جونسون الصغار مال التوزيعات؟ انا جني قريت مره يقولون انروح المصنع بس مادري اذا احد عنده فكره يخبرني

اختي في محل اسمه روشاان في بوكوارة يبيعهم يبع الوحدة على ما اعتقد ب 800 فلس