تجهيزات واستفسارات حوامل مصر :)

يا بنات مش تنسوا تيجبوا كحول طبي عشان سرة البيبي و كمان breast pads بتوع الصدر عشان اللبن لما يسرب مش يبقع في الهدوم فاهمني؟

Boody we zady;10987436:
يا بنات مش تنسوا تيجبوا كحول طبي عشان سرة البيبي و كمان breast pads بتوع الصدر عشان اللبن لما يسرب مش يبقع في الهدوم فاهمني؟

احنا كنا لسه فعلا بنتكلم في الكحول ده اساسي طبعا، والبادز جبناها بس اللي جربوا نفس النوع قالوا طلعت بتسرب والنوع التاني انا جبته بردو وفيه قالوا عليه حلو في اول ما ولدوا بس لسه معرفتش بقي الاخبار ايه دلوقتي بعد فترة من الاستخدام وبعد ما اللبن زاد.

انتي كنتي بتجيبي انهي نوع طيب الماركة يعني وكمان بيتغسلوا ولا بيترموا

ماشاء الله يا بنات حاجة البيبيز تجنن
ايمى السليب باج تحفةةةةة ان شاء الله بودى يكون فية زى القمر

اميرةالشايات والسالوبيت حلوين اوى انا كنت جايبة لمايا منهم نفس الالوان بالظبط
الشاية الاولى تحفة بجد حاولى تخلى الشايات كلها الشكل دة لانها اسهل في اللبس كتيييير عن السالوبيت وهما مش صغيرين ولا حاجة انا فضلت البسهم لمايا والله ل 4 شهور والخامة بتاعتهم مش هيجرالها حاجة خالص

CuTie KaTkOoTa;10987473:
احنا كنا لسه فعلا بنتكلم في الكحول ده اساسي طبعا، والبادز جبناها بس اللي جربوا نفس النوع قالوا طلعت بتسرب والنوع التاني انا جبته بردو وفيه قالوا عليه حلو في اول ما ولدوا بس لسه معرفتش بقي الاخبار ايه دلوقتي بعد فترة من الاستخدام وبعد ما اللبن زاد.

انتي كنتي بتجيبي انهي نوع طيب الماركة يعني وكمان بيتغسلوا ولا بيترموا

و الله يا جميل أنا كنت بجيب ماركة pigon من كارفور هي غاليه شويه بس ممتازة و كانت مش بتترمي و كمان ضهرها مشمع و مش كانت بتسرب خالص

Boody we zady;10987564:
و الله يا جميل أنا كنت بجيب ماركة pigon من كارفور هي غاليه شويه بس ممتازة و كانت مش بتترمي و كمان ضهرها مشمع و مش كانت بتسرب خالص

طيب بصي انا جايبة فارلين وهي قطن علي بوليستر تحسيها عاملة زي الشاش كده بس مبطن او الاوبليتات بتاعة الهدوم.
والتانية بقي كوتون حاجة نسيت اسمها عاملة زي خامة الفوط والبشكير كده، دي اللي جربتها قالت بتسرب فبقول يمكن عشان طرية وحنينة بزيادة، لكن التانية ممكن متعملش كده مش عارفة، بس مشمع دي مشفتهاش لسه ، بس الواضح فعلا انها ده استحالة تسرب المشمع هايبقي عازل حلو اوي.
طيب ما تفتكريش كانت كام قطعة في العلبة وبكام كلها

بصي يا جميل أظن كانت 36 واحده ب 45 أو 50 جنيه مممممممممم أو ممكن أقل و الله ما أنا فاكرة السعر بس اللي فاكراه العدد

اميرة مصرية;10984687:
صوت العيون مرسي يا قمرة جزاكي الله خيرا:065:
انا جبت الحاجات دي من لافلي النهاردة قلت ابدأ القط حاجات خفيفة كل شوية علشان مش عايزة اتكربس في الآخر..طبعا انا النهاردة اكتشفت اني فااااااااااااااااشلة في موضوع المقاسات ده كل ماركة مقاسها غير التاني و حاجة تدوخ المهم انا هاوريكو الحاجات اللي جبتها و بالله عليكو لو في حاجة مالهاش لازمة او مش هاتنفع قولولي علشان ارجعها او ابدلها بحاجة تانية..
دي الشاية انا جبت باكيت فية اتنين مقاسهم نيو بورن بس حساهم صغيرين مش عارفة ولا يمكن انا علشان مش متخيلة حجم البيبي ممكن يكون قد ايه:02:


و دي صورة الباكيت من برة



ده سالوبت كت بس مقاسه 6-9 و حاسة انه برضه صغير



و ده الباكيت بتاعه بيكون فيه 2



دول بافته و طاقية و لكلوك و جوانتي عجبوني فجبتهم تفاريح:08:



دي الفرشة و المشط من شيكو



و دي تيتينة من كانبول برضة جبتها تفاريح:083:


انا لما كنت عند الدكتور اول امبارح قالي انه احتمال كبيييير ان شاء الله ولد علشان كده المرة دي جبت اللون اللبني..عايزة كمان اسألكو على حاجة هو sail في محلات الاطفال دي هايكون امتى علشان الحاجات الشتوي تجنن بس الاولى ليا دلوقتي اجيب الصيفي بس قلت لو في تخفيضات الواحد ممكن يجيب حاجات يشيلها:02:

ماشاء الله الحاجات جميلة جدا يتهني بهم البيبي ان شاء الله

بصي انا من خلال خبرتي في بنتي وأبن أختي انا جيبت حاجات نيو بورن وحاجات من 0-3 بنتي جت صغيره كان وزنها 2كيلو ونص والحاجات كلها كانت واسعه جدا جدا جدا في المستشفي كانوا بيمسكوا لها الفانلات والسالوبيت بالبلاستر من الجنب علشان يكون مضموم علي جسمها وبعد شهر ماشاء الله وزنها ااتحسن والحاجات نفعتها

أبن أختي كان ماشاء الله 4500 واختي كانت جايبه فانلات نيو بورن ومن 0-3 وكانت مقاسه وحلوة عليه وكانت جايبه سالوبيت واحد نيو بورن لبسه شويه صغيره وبعدين بقي ضيف وكمل بالسلوبيتات من 0-3 وبعد حوالي شهر وشويه بدء جسمه يتظبط والفالانات نفعت معاه وماشاء الله فضل يلبسها لحد وهو 6 شهور

يارب أكون أفدتك

أسارير البحور;10978459:
دي صورة الشيالة ياقمر يارب تكوني عرفتيها







ودي وهي فيها البيبي







ودي ياحبيبتي صورة الكاري كوت
أكيد عرفتي الفرق بينهم كدة هو مناسب لحديثي الولادة الكاري كوت وبعد مايكبر شوية يبقى في الشيالة او الكاريير

تسلميلى يا قمر يارب انا خلاص كده اخدت بالى طيب ياريت حد من الخبرة يقوللنا الشياله تنفع للمواليد الجداد اول 3 شهور مثلا وللا نو؟لأن بجد شكلها عملى وحلو وينفع فى المشاوير احسن من الكارى كوت ونفسى اجيبها من الأول ايه رأيكم؟؟وحد يعرف بتاعة شيكو بكام؟؟

*عروس حبيبى*;10987675:
تسلميلى يا قمر يارب انا خلاص كده اخدت بالى طيب ياريت حد من الخبرة يقوللنا الشياله تنفع للمواليد الجداد اول 3 شهور مثلا وللا نو؟لأن بجد شكلها عملى وحلو وينفع فى المشاوير احسن من الكارى كوت ونفسى اجيبها من الأول ايه رأيكم؟؟وحد يعرف بتاعة شيكو بكام؟؟

حبيبتي لا متنفعش للبيبي اول 3 شهور لان ضهره ميستحملش المفروض وهو مثلا 4 شهور يكون عنده استعداد للجلوس

Boody we zady;10987625:
بصي يا جميل أظن كانت 36 واحده ب 45 أو 50 جنيه مممممممممم أو ممكن أقل و الله ما أنا فاكرة السعر بس اللي فاكراه العدد

ايه ده غريبة يا انهم كتير كده وبيتغسلوا في نفس الوقت، ده انا كل اللي بشوفه بيتغسل بيبقي عدده 6 وحدات او 4 بالكتير، لكن العدد ده 40 مثلا وكده بيبقوا استخدام مرةواحدة

OM MALK;10987812:
حبيبتي لا متنفعش للبيبي اول 3 شهور لان ضهره ميستحملش المفروض وهو مثلا 4 شهور يكون عنده استعداد للجلوس

لا في امهات كانوا جايبين شيكو تقريبا وقالوا تنفع لحديثي الولادة وبتبقي مجهزة لكده وفيه فيها مستويين وفيه فيها خمسة واللي كانت 2 بس اغلي من ال5 عشان بتاخد لغاية وزن اكبر، وكمان بيقولوا مادام ضهرها عالي وماركة اصلية بتبقي حلوة ومش بتعمل اي تشوهات ولا في الرجل ولا الضهر والله اعلم، لأن بردو في دكاترة بيأكدوا انها غلط مهما كان نوعها وشكلها، فمش عارفة الواحد يخليه في المضمون بقي وبلاش احسن من الاول

ياحوامل ابدء اجيب حاجه البيبي امتى؟ في محل اسمو ابو الرجال في الاهر حد سمع عنو كويس في حاجات البيبي الدخليه ولا لا؟

وكمان عوزين نعمل ليستا بمحتوايات شنطه الولاده واحتيجات البيبي في اول 3 شهور

رايكو يا بنات اجيب البيبي كار دلوقتي ولا ايه الاهم غير السرير

marmarena;10987855:
ياحوامل ابدء اجيب حاجه البيبي امتى؟ في محل اسمو ابو الرجال في الاهر حد سمع عنو كويس في حاجات البيبي الدخليه ولا لا؟

وكمان عوزين نعمل ليستا بمحتوايات شنطه الولاده واحتيجات البيبي في اول 3 شهور

رايكو يا بنات اجيب البيبي كار دلوقتي ولا ايه الاهم غير السرير

ابتدي من الخامس يا جميلة او السادس كده، وهنزلك الليستة دلوقتي اهو:


8 شايات نص كم مقاس 0-3

8 شاايات كم مقاس 0-3

4 سالوبيت خروج

8 سالوبيت بيت

10 بافيتات

2 كوفرتة واحدة بيت وواحدة خروج

2 بطانية واحدة بيت وواحدة خروج

1 سالوبيت مبطن

بيبرونة

بامبرز

مشط

ترمومتر

تيتينة

10 فوط قشط

مريلة رضاعة

3 بشكير

مفرش تغيير بامبرز

بادز للصدر

بانيو

حلق

قصافة

مقص ضوافر

كرسى عربية

سرير

عربية

شيالة

شامبو

شاور جيل

كريم تغيير بامبرز ( زنك - فازلين )

بودرة تلك ( مش مهمة )

لوشن

زيت

كلونيا للبيبى

وايبس

صابون اطفال

5 كاب للراس

5 لكلوك

5 شرابات

ليفة

سفنجة تتفرش فى البانيو


مستلزمات المولود المنتظر من الألف الى الياء:

الملابس:
·6 فانلات داخلية على الأقل.
ويتوقف كون الأكمام قصيرة أو طويلة على الوقت الذى ستضعين فيه مولودك. ضاعفى عدد الفانلات التى تشترينها إذا كنت ستلدين فى فصل الشتاء وتفضلين إلباس المولود فانلتين.
6 أطقم للنوم (بيجامات أو سالوبيتات) يجب أن تغطى هذه الملابس القدمين فى فصل الشتاء، ولكن تكون مفتوحة من عند القدمين فى فصل الصيف.
· 6 بافتات أو أكثر.
· قبعة للصيف أو غطاء رأس صوف للشتاء.
· 3 أزواج من الشرابات.
· 2 جاكت صوف للشتاء.
· 3 أطقم خروج أو أكثر.
·حفاضات.
اشترى كمية من الحفاضات – مقاس الأطفال حديثى الولادة - لكن لا تشترى كمية كبيرة لأنك قد تجدين طفلك بعد فترة قصيرة يحتاج للمقاس الأكبر.

المفروشات:
·2 كوفرتة أو أكثر.
اختارى أنواع خفيفة يسهل لفها حول طفلك عند حمله.
· ملاءتان وغطاءان للسرير.
· مشمع لحماية المرتبة من أى بلل.
· بشكير للحمام.
البشاكير ذات غطاء الرأس تكون مفيدة.
· فوطتان صغيرتان أو أكثر.
لتنظيف فم الطفل إذا خرج من فمه بعض اللبن.


مستلزمات نظافة الطفل:
· كحول؛ لتنظيف سرة الطفل.
· صابونة وشامبو (الأنواع الخاصة بالأطفال حديثى الولادة). (صابون جلسرين طبي )
· كريم للوقاية من الالتهابات الجلدية التى تنتج من استخدام الحفاضة.
· قطن.
· المناديل المبللة الخاصة بتنظيف قاعدة الطفل.
يمكنك أخذها معك عند الخروج حتى لو كنت تفضلين استخدام القطن والماء عند التغيير لطفلك فى البيت.

كماليات:
· إسفنجة للحمام.
· فرشاة شعر ناعمة (خاصة بالأطفال حديثى الولادة).
·قصافة أو مقص أظافر (خاص بالأطفال حديثى الولادة).
·تتينة - إذا اخترت استخدامها.
· مشمع لاستخدامه عند التغيير لطفلك.
· ترمومتر.
· قطارة.
·ناموسية؛ هذه الشبكة تحفظ مولودك من الناموس ومن أى حشرات أخرى. لا تضعى الناموسية قريبة من طفلك، فعندما يبدأ طفلك فى مد يديه أو تحريك قدميه لأعلى، قد يشدها إليه أو تقع عليه وقد تتسبب فى اختناقه. · ببرونات
·لا تشترى ببرونات كثيرة حتى تعرفى إذا كان طفلك سيحتاج لاستخدامها أم لا.
·فرشاة تنظيف الببرونات.
·أدوات تعقيم الببرونات.

مشتريات كبيرة:
·سرير للطفل: أغلب الناس يفضلون اختيار سرير يصلح للطفل لأول عامين من عمره. عند شرائك للسرير ابحثى عن نوع له جوانب ويمكن رفع أو خفض ارتفاعه أو يمكن خفض أو رفع مرتبته لكى يلائم طفلك عندما يكبر.

· عربة أطفال.
· كرسى سيارة لطفلك.
هذا الكرسى ضرورى لأمان طفلك فى السيارة.
· سرير محمول لطفلك (كارى كوت).
· بانيو بلاستيك صغير.


مشتريات اختيارية:
· جهاز الاستماع عن بعد (مونيتر).
· منضدة تغيير.
· الحمالة التى ترتديها الأم لحمل الطفل.
· لعبة موسيقية من النوع الذى يتم تعليقه على السرير لتسلية الطفل وتحفيز حواسه.
· لعب؛ لن يحتاج مولودك الصغير للكثير من اللعب لكن لعبة طرية أو شخشيخة قد تبعث على تسلية وإسعاد الطفل حتى فى الأسابيع الأولى



سرير
ناموسية
العاب للسرير
عربية للبيبي
كرسي عربيه البيبي
دولاب صغير او حاجه زي الشيفونيرة لوضع هدوم البيبي فيها
لعب للبيبي
صندوق للعب
طاولة لتبديل ملابس البيبي او مشمع للغيار
جهاز مراقبة
ادوات حمايه للابواب والفيش
لمبة سهاري
بانيو
لعب بانيو
باسكت زبالة مخصوص للبمبرز
ملايات لسرير البيبي
مشمع لحماية المرتبة من البلل
شنطة البيبي
مخده صغيرة للستخدام عنما يكبر
2 كوفيرتة
2 بطانية
2 كيس نوم
2 بشكير للحموم بغطاء راس للبيبي
2 فوطة كبيرة
6 فوط صغيرة
4 فوط للرضاعة والتجشؤ
مريلة رضاعة
6 فانلات كت مقاس 0-3
6 فانلات كت مقاس 3-6
6 فانلات نص كم مقاس 0-3
6 فانلات نص كم مقاس 3-6
6 فانلة كم مقاس 0-3
6 بنطلونات باستك عند القدم
4 شرابات
3 قفازات علشان ميخربشش نفسه
3 قبعات للصيف
3 سلوبيت داخلي بكباسين جنب الرقبة مقاس 0-3
6زيهم بس مقاس 3-6 بيبقوا كت ومن غير رجلين علشان لو خفتي علي صدره وزيهم نص كم
ممكن كمان يبقى في 2 بكم وبرجلين مقاس 0-3
4 برضو زيهم مقاس 3-6
3 طقم خروج مقاس 0-3
6 طقم خروج مقاس 3-6
ادوات نظافة>
مقص بيكون مكان القص فيه صغير اقصر من المكان اللي بيتمسك منه
قصافة
فرشة شعر
مشط
قطن طبي
قطن ودان
مناديل معطرة
بامبرز
كحول
كريم لمنع التسلخات (( زنك))
ترمومتر رقمي احسن من الزئبقي
قطارة للدوا
شفاط للانف
شامبو
بيبي اويل
بيبي لوشن
سائل استحمام للبيبي
بافتات احجام مختلفة
كولونيا للبيبي مخصوصة ليه
بيبرونة متوسطة الحجم علشان الاعشاب
حافظة حرارة للبيبرونة
تتينة بالكلبس بتاعها
دبابيس خاصة بالبيبي
2 كوب للبيبي
3 طبق خاص بلبيبي
5 ملاعق للاطفال
3 وعاء لحفظ الطعام للبيبي
كوز للحموم
> > > حاجات متعلقة بالام> >
ملابس بزراير من الامام للرضاعة
برا للرضاعه او برا يكون مريح علشان ميضغطش على صدرك
ملابس داخلية قطنية
فوط صحية
breast pads علشان وقت الخروج او نوم البيبي اللبن ميبهدلكيش هدومك
كرسي الاكل
مرجيحه
حاجات للمستشفى

الشنطة
2 جلبية مفتوحة من الامام للرضاعة
روب
2 برا
4 اندر وير
ايشارب او طرحه علشان لو اضطريتي ترضعي في وجود ضيوف
فوط صحية
فوطة كبيرة
فوطة صغيرة
شبشب
فرشة شعر
كولونيا
مناديل كلينكس ومناديل معطرة
صابونة
لبس للخروج اعتقد هوا نفسه اللبس اللي رحتي بيه المستشفى
كاميرا لتصوير البيبي مع التاكد من شحنها
موبايلك والشاحن
> > > للبيبي
بامبرز مقاس زيرو
كوفرتة
بطانية
طاقية
3 اطقم كل طقم مكون من 2 فانلة وسلوبيت وشراب
ممكن الكاريكوت او كيس النوم للخروج بيه من المستشفى

طبعا يا جميلة الليست دي بتبقي فيها كل حاجة بالتفصيل وزبزيادة كمان، يعني مش شرط تجيبي كله، بتجيبي الاساسيات منها بس اللي تقدري عليها حسب امكنياتك وحسب ظروفك في البيت وكده لن كل واحدة بتختلف فينا عن التانية بس فيه حاجات كلنا زي بعض طبعا.


شنطة الولادة بقي:


لفترة المخاض
• حلوى صلبة لمصها لتعطيك طاقة.
• مشروبات – ينصح بعصير البرتقال أو عصير الليمون.
• زبدة كاكاو لأن الشفتين تكونان جافتين خلال فترة الولادة.
• زجاجة بلاستيك برشاش مليئة بالماء لترطيب وجهك.
• مروحة يد (إذا كنت فى الصيف).
• فوطة صغيرة للوجه.
• لوشن، يمكن لزوجك تدليكك به ليساعدك على الشعور بالراحة.
• جورب وجاكت لأن بعض السيدات تشعرن بالبرد أثناء فترة المخاض.
• جهاز كاسيت وشرائط موسيقى لتساعدك على الاسترخاء ورفع روحك المعنوية.
• نقطة تركيز (شئ من بيتك لتركزى عليه أثناء المخاض مثل صورة).
• ساعة ذات عقرب للثوان ونوتة صغير وقلم لحساب الوقت بين التقلصات.

للأم
• ملابس للنوم (يستحسن الأنواع المفتوحة من الأمام لأنها عملية أكثر أثناء الرضاعة الطبيعية).
• شبشب وروب
• ستيانات خاصة بالرضاعة والملابس الداخلية الأخرى.
• فوط صحية (النوع الخاص بتدفق الدم الكثيف)، مناديل ورقية، قطن طبى.
• فرشاة أسنان ومعجون أسنان
• فوطة وصابونة
• رباط أو بنس للشعر
• فرشاة شعر ومرآة يد
• أدوات تجميل (بما فى ذلك ماكياج وبرفان لتحسين حالتك النفسية).
• كتب (قد ترغبين فى أخذ بعض الكتب الخاصة برعاية الأطفال).
• بعض الأطعمة والمشروبات التى تساعد على عدم الإصابة بالإمساك، مثل القراصية ومشروبات الأعشاب.
• ملابس لارتدائها عند العودة إلى البيت (من ملابس الحمل التى استخدمتيها منذ بضع شهور، لأن بطنك ستكون لازالت كبيرة إلى حد ما).
• كاميرا وفيلم كاميرا (للصور الأولى).

للطفل
• بعض الملابس والفانلات
• برنيطة لرأس الطفل
• حفاظات
• شرابات
• عدد من اللفف للف الطفل
• بودرة، لوشن، وصابونة (كلها من الأنواع الخاصة بالأطفال).
• شنطة إضافية لحمل هدايا الطفل عند العودة إلى البيت!
• كرسى سيارة خاص بالطفل فى هذا العمر (بالطبع لن يكون الكرسى ضمن شنطة المستشفى، ولكن تأكدى من تثبيته فى السيارة، لأن الطفل لن يكون آمناً عند العودة إلى البيت إذا لم يتم وضعه فى ذلك الكرسى الخاص به).

ميرسي يا كتكوته كتبتهم لانهم فعلا مفيدين و ياترى رنج الولاده الطبيعيه كام؟

marmarena;10988205:
ميرسي يا كتكوته كتبتهم لانهم فعلا مفيدين و ياترى رنج الولاده الطبيعيه كام؟

بتختلف حسب الدكتور والمستشفي، فيه حراميين اوي ومبالغ في اسعارهم بجد وفيه معقولين، انا عن نفسي لسه عارفة المرة اللي فاتت بس، انها بتاخد في الطبيعي 2000 والقيصري 5000

CuTie KaTkOoTa;10987837:
ايه ده غريبة يا انهم كتير كده وبيتغسلوا في نفس الوقت، ده انا كل اللي بشوفه بيتغسل بيبقي عدده 6 وحدات او 4 بالكتير، لكن العدد ده 40 مثلا وكده بيبقوا استخدام مرةواحدة

ايمي انا عندي البيجون دي و هي قصدها اللي بتترمى مش اللي بتتغسل هي عاملة زي الالويز كدة قطن و ضهرها مشمع فعلا

فعلا الباديز المشمع دي شكلها فعلا مش بتسرب بس الواحد للاسف مشفهاش قبل كده اما فارلين دي بجد معايا فظيحه

white angel 85;10989812:
ايمي انا عندي البيجون دي و هي قصدها اللي بتترمى مش اللي بتتغسل هي عاملة زي الالويز كدة قطن و ضهرها مشمع فعلا

اها طيب كانت بكام يا توتا وكام واحدة بس مش عارفة انا مستخصرة اوي اللي بيترموا دول.

دموع اشتياقي;10990132:
فعلا الباديز المشمع دي شكلها فعلا مش بتسرب بس الواحد للاسف مشفهاش قبل كده اما فارلين دي بجد معايا فظيحه

انتي جربتي فارلين كمان يا ايمي وبتسرب بردو، يعني النوعين مش نافعين :047::047::047:

الحاجه ما شاء الله جميله

بس الفرشه دى شعرها ايه معلشى




واسعار اول شايه

كمان الكوافيل البيضه منين وبكام ان شاء الله