تجهيزات واستفسارات حوامل مصر :)

Eng. BoB;10963162:
هو شارمين عنده جلابيات وبيجامات؟؟؟؟؟؟

أه عنده يابيبو

Eng. BoB;10964029:
وعايزة اعرف كمان لو سمحتوا نوع وايبس كويس

ايزى كير وماكس تاتش دول اسعارهم فى حدود 9 جنيه لل80 منديل لو عايزه حاجه اسم يبقى جونسون وسانوسان

كتكوت
بما انك بتروحى الصياد كتير مشقتيش عنده ملايات حلوه لسرير البيبى وسعرها كمان لو تعرفى؟

hoobie;10964877:
عندك جيل بس مش عارفه مكانه فين بالضبط في حاجات حلوة اوي اوي داخلي وبيجامات ..بيجامات من سن 3شهور بحاجه وستين وحاجه وسبعين بس انا شخصيا لو مشوار قريب بخرج محمد بيهم عادي ..والمهد حلو برضه وعندك بقى عمر افندي في حاجات كويسه واسعاره معقوله ..ده اللي فاكراه دلوقتي

تسلمي يا هوبي يا جميلة.

Jumanaa;10965279:
كتكوت
بما انك بتروحى الصياد كتير مشقتيش عنده ملايات حلوه لسرير البيبى وسعرها كمان لو تعرفى؟

ما انا فعلا لسه هروح ان شاء الله واشوف لأني محتاجة اجيب اتنين كده تقريبا، واللي شفتهم في محل هالة صغيرين بس مسألتش علي سعرهم بقي، ومكونش حلوين كمان شكلا يعني.
فهدور لسه في كذا حتة ولو لقتي حاجة كويسة هقولك.

اميرة مصرية;10965194:
شكلي كده مش هاخده معايا تاني:039:.. ده انا حتى اتكسفت اقول للدكتور يقولي على بديل لللبوس علشان مش هاعرف آخده ليضحك عليا :040:

:085::085::085::085::085::085::085::085::085::085:

بنات انا لسه راجعه من بره كنت بشوف سرير النونو وروحت التوحيد والنور بصراحه معجبتنيش الخامات حسيتها خفيفه شويه والسرير ممكن يتقلب بالنونو فا قولت اما اروح حتت تانيه


نزلت بقى روحت فى محل كدا فى السيده زينب لمستلزمات الاطفال بس عنده كل حاجات النونو انا اول مره اشوف المحل دا بس تحفه بصراحه وحاجته روووووووووووعه هو اه فى السيده زينب بس يا بنات فى فرق كبير اوى والله بين اللى شوفته فى التوحيد والنور واللى شوفته عنده


السرير تحسوه تقيل وحت انا مقدرتش والله اشيله ولا وهو مفرود ولا وهو ملموم على بعضه والحلو اللى فيه بقى ان الناموسيه بتاعته مش من على طرف السرير كدا وبس لا دى من الوسط وتتفرد الناموسيه يمين وشمال عشان اعرف اجيب النونو من السرير من اى حته مش لازم يبقى من جهه واحده عشان خاطر الناموسيه المتثبته دى

وبيتقلب من تحت يبقى هزاز يعنى بيبقى ثابت على الارض عادى والنونو نايم ولما يصحى عايزه تلاعبيه تقلبيه مرجيحه او يبقى يعنى هزاز

وفيه فتحه من تحت عشان النونو يدخل ويخرج منها

ايه تانى؟؟
اه طبعا بقى الحاجات العاديه 3 مستويات والحوارات دى كلها طبعا موجوده

انا لسه برضه جايبه سرير لعبد الله بس جميل ما شاء الله هبقي وارهملكم وسعره مش غالي ب120 ريال بس هوه لفتره موقته مش كبير بس جميل

اما محلات السيده جميله جدا يا بسبس وفي محل اسمه كرنفال جبت منه حاجت بودي لما كنت في مصر

طيب عناوينها ايه المحلات دى بالظبط بالمترو ان شاء الله

تقريبا يا ايمى هو كرنفال دا اللى روحته اللى جمب القسم مش كدا؟؟؟


بصى يا مورو هو بعيد عن المترو شويه انتى ممكن تركبى المترو تنزلى محطه السيده زينب وتركبى تاكسى قوليله قسم السيده زينب هينزلك قدا القسم هتلاقى على اليمين كدا 3 محلات اطفال وعلى الشمال جامع السيده زينب

بس بصراحه الحاجات حلوه اوى اوى

تمام يعنى 3 محلات دول الى فيهم اللبس والسراير طيب السرير بكام
والاسعار عمتا فى اللبس ان شاء الله

ايوووووه يا بسبس هوه يا جميل

كويس يعنى اسم محل منهم كرنفال

اه كرنفال تحححححفه

كوباية مايه;10963967:
دى بقى شوية حاجات من اللى اخواتى جابوها ودى جايبينها من شارمين يا بنات على فكره

دا سالوبيت عسول خالص وطبعا كله قطن


دا بردو سالوبيت تانى


دى بقى يا بنات عباره عن بيجامه داخليه تتلبس تحت الهدوم بس دى كبيره شويه يلبسها وهو عنده سنه ان شاء الله


دا ترنج بردو من هناك وفى منه الوان كتيره جايبينها عسوله خالص



ودا على بعضه


دى بقى شايه اخويا عجبته اوى فا جابها وقالى هو انا مش فاهم هى ايه دى بس عجبتنى الفيونكات :085::085::085:




دى بقى شايه بردو بس عاديه بكباسين


والشايات دى جايبين بقى بردو منهاابيض والوان فى منها ساده خالص لون واحد جايبين لبنى وكحلى واخضر

دا بقى سالوبيت بردو بس قطن نفس خامه الشايات بس اتقل شويه ودا بيتلبس تتقيل تحت الهدوم وممكن يتلبس لوحده فى البيت



دى بقى يا بنات اسمها كوافيل للسره ودى عشان تتلبس فوق البامبرز اول شويه عشان السره وانا جيبالكوا صورتها وهى مقفوله ومفتوحه وعلى فكره بتتقفل ببتاع كواتش كدا من الجمب مش عارفه اسمه ايه :040:



ودى فيها الوان كتييييييييييير بس هما جابولى 4 بس عشان هما لاول اسبوع بس


دا كمان ترينج بيت


ودا وهو على بعضه




وفى الوانات بقى وعلى فكره دول من شارمين وانا معايا هنا الكتالوج لو عايزنى انزلكم صوره قولولى بس بسرعه قبل ما اسافر ومعرفش انزلكم حاجه وانا هروح دلوقتى اجيب شوية حاجات وهجيبلكم التقارير من القاهره اخييييييييييييييييرا :093::093::093::093::093:


وياريت تقولولى رأيكم يا بنات وتجبروا بخاطرى ربنا يجبر بخاطركم

نسيت اقلكم فى صوره فوق عند حاجات بابا وماما فيها جزمه صغنونه دى هما جايبينها بردو لوحده بس عسوله خالص

ماشاء اله الحاجت جميله يابسبس وتحفه وشارمين حاجته نضيف انا كنت جايبه من عنده معظم حاجت مازن وكملت من عند محل فى روكسى تحفه برده اسمه بيبى لاند باب كان بيجبلى منه وان صغيره :087::087::087:

على فكرة منادييل ماكس تاتش سيئة للغاااية

ايزى كير معقولة

وكمان مناديل بامبرزحلوه

صوت العيون;10965929:
تمام يعنى 3 محلات دول الى فيهم اللبس والسراير طيب السرير بكام
والاسعار عمتا فى اللبس ان شاء الله

اه يا مورو
اللبس عليه خصم دلوقتى على فكره 10 و 20 و30 % والسرير انا جيبته لغايه سنتين ونص

جيبته ب 250 هو كان ب 270

وفى لغاية 390 ودا بياخد لغايه 4 سنين

دموع اشتياقي;10965947:
ايوووووه يا بسبس هوه يا جميل

:ok::ok::ok::ok:

الحاجات حلوه قوي يابسبس جعلهم الله ملبوس الصحه والعافيه امين يارب العالمين

قوليلي يابسبس السراير منين؟

طيب ممكن صورة السرير يا بسبس

نسيت اقولكم سألت امبارح في هالة بردو علي البيبي فون، قاللي اللي موجود دلوقتي ب 550 وده نطاقه 400 متر، وكان فيه اقل بس خلصان عنده ساعتها، والجوانب جاتله وفيه ب 135 وفيه ب 145.

بنات خلوا بالكم عشان انتوا كده هتقلوبها تشات هنا، وهيتقفل في الاخر، فخلوها اسئلة واجوبة وبس، خليكم فاكرين