تجهيزات واستفسارات حوامل مصر :)

كتكوووووت(ايمى)


الست اللى انتى قولتى عليها عندها مراتب لسرير صغير كلميها واتاكدى من المقااااااس

انا شفت النهاردة شفاط كانبول بيبيز كان ب29 حسيته غالى
فى انواع شفاطات تانية كويسة؟؟ ولا كانبول ده كويس؟؟؟ّ

وشفت ماركة اسمها ok baby فى منها مشط وقصافات وشفاطات دى كويسة ولا ايه؟؟؟؟

صوت العيون;10932755:
بيبو على فكره اللفات دى للوسط والرجلين مش للنونو كله يا جميله

بجد الكلام ده :057::047::047:
عامة انا جايبااها كلفات وملايات مش هيخسروا :042:

CuTie KaTkOoTa;10932853:
اه حسب الماركة بردو شوفيها بعينك كدهن عشان فيه ماركات مقاساتها صغيرة بزيادة حتي لو نفس الشهور بتاعة ماركة تانية.
انتي قصدك علي ايه السليبينج باج بتاعة النوم اللي انا لسه حاطة صور ليها ولا علي ايه؟
ولازم تجيبي بكم يا مورو عشان هايبقي برد عليه بردو في الاول، انتي ممكن تختاري حاجة من اتنين مع الكم يا نص يا كت، لكن الكم اساسي في الاول


فعلااااا انا لاحظت الموضوع ده وحاسة انى المقاسات اللى عندى مش راكبة على بعضها :039:
:039::039:

حلو اوي الفكرة دي عشان لو بالليل عمل بيبي مش يسرب علي الملاية بس عجبتني انهم عاملين جزء لراسه، بكام بقي يا مورو.

بصى هو الاحسن لو تجيبى المشمع يبقى من ناحية مشمع والتانية قماش خصوصا مشمع الغيار يعنى

lifedrop;10935011:
كتكوووووت(ايمى)


الست اللى انتى قولتى عليها عندها مراتب لسرير صغير كلميها واتاكدى من المقااااااس

للأسف انا غلبت في موضوع المرتبة ده قعدت الف يوم السبت عليها في محلات الاطفال هي والجوانب ودخلت كمان فوقهم تاكي ويانسن وفوربد، المهم يعني في الاخر دفعت عربون في محل اطفال وهيقولوا للشركة او الراجل اللي بيوردلهم المراتب والسراير المبطنة يعملي عمولة، وادتلهم المقاسات وقلتلهم عايزاها دابل عشان هاتبقي علي سرير خشب فلازم حاجة تبقي سميكة، واشتريت الجوانب خلاص وملاية وكيس مخدة ومخدة بكسيها تانية من لافلي.
بس تسلمي يا نودي علي اهتمامك، اصلي افتكرتك مش هتدخلي عالنت خالص طول ما انتي هناك وكمان قلت اكيد مش هايبقي عندها حاجة زي كده وخصوصا اللي فهمته ان السرير الخشب بالذات بيجي مع حاجته ومش بتللاقيله خالص مرتبة دي لوحدها، كله كان بيستغرب لما اسأل.
وبيستغربوا المقاس اكتر كمان لأنه مش زي الحاجات الستاندرد بتاعتهم لا مختلف.

Eng. BoB;10935245:
انا شفت النهاردة شفاط كانبول بيبيز كان ب29 حسيته غالى
فى انواع شفاطات تانية كويسة؟؟ ولا كانبول ده كويس؟؟؟ّ

وشفت ماركة اسمها ok baby فى منها مشط وقصافات وشفاطات دى كويسة ولا ايه؟؟؟؟

انا جبت بتاعي كانبول بيبيز بردو بس ب 14.75 ، ليه بقي شوفتيه غالي كده، يمكن حجم اكبر ولا ايه :057::057: مش عارفة غريبة اوي، وبتهيألي يا بيبو الحاجات دي مش مستاهلة ماركة غالية اوي.
الماركة التانية دي بقي مشوفتهاش لسه، بس انتي المشط والفرشاة الطقم دول بالذات ممكن فعلا تجيبي منهم الغالي شوية، وبصي بردو علي الفرشاة كويس ولو ينفع تفتحي العلبة تمسكيها كده يبقي ياريت، عشان لاحظت كل ما كانت رخيصة بتبقي شعرها مش ناعم اوي يعني هاتبقي ناشفة اوي علي بيبي لسه مولود، ممكن للكبار اه، لكن الغالي تمنه فيه في ده بالذات.

هما مهمين جدا ما شاء الله عشان وسط النونو وهو صغير
وجيبت منهم الحمد لله
وبالنسبه للشفاط مش معاكم فى الموضوع دا صراحه لانه سبحان الله ربنا مخلى لبن الام منه للطفل على طول
انك بقا تطلعيه وتشيليه لوقت اى كان غلط
اكيد بيقا ليه اضرار
صح فكروا بالعقل كدا

صوت العيون;10936232:
هما مهمين جدا ما شاء الله عشان وسط النونو وهو صغير
وجيبت منهم الحمد لله
وبالنسبه للشفاط مش معاكم فى الموضوع دا صراحه لانه سبحان الله ربنا مخلى لبن الام منه للطفل على طول
انك بقا تطلعيه وتشيليه لوقت اى كان غلط
اكيد بيقا ليه اضرار
صح فكروا بالعقل كدا

لا ده احنا بنتكلم علي شفاط الانف مش شفاط اللبن يا مورو، التاني ده بيبقي استخدامه في حدود بردو، بس محدش بيجبه إلا لو فعلا احتاجه ومزنوق فيه.

ولا تفتكري بيبو قصدها علي شفاط اللبن، انا اتلخبطت دلوقتي :057::057::057:

هههههههههههههه اه شفاط الانف معلشى انما التانى لا بجد

صوت العيون;10936313:
هههههههههههههه اه شفاط الانف معلشى انما التانى لا بجد

:085::085::085: بصي التاني ممكن في حالتين اللي جايين في دماغي دلوقتي، هو اولا فيه منه الرخيص اللي هو يدوي وفيه الغالي بقي اللي بالبطارية باين ولا الكهرباء مش فاكرة المهم، انتي ممكن تكوني مثلا نازلة مشوار او في زيارة سريعة وميعاد الرضعة جه والبيبي فضحك ومش عارفة ترضعيه فين وازاي، فبتكوني ساعتها عاملة رضعة طبيعي من الجهاز ده ومخلياها معاكي بس هو له مدة محددة وبعدها ترميه، او العكس افرضي انتي نازلة تشتري حاجة وهو جاع ممكن ساعتها مامتك تديله اللبن بتاعك ده، والحالة التانية بردو بقي ان يكون الصدر افرز لبن كتير وعاملك احتقان او تاعبك وميعاد الرضعة لسه مجاش وساعتها بتقومي شافطة بس عشان الاحتقان يروح وكأن البيبي اخد ميعاد رضعته، فهمتيني، ده اللي جمعته من تجارب الامهات بس نسيت كان فيه ايه تاني، بس لغير كده يبقي دلع وغلط فعلا ومالوش لزمة، بس كده كده محدش بيجبه من نفسه بتهيألي.

اصل بصى بجد دى تقاليع فاضيه
اومال زمان كانوا بيعملوا ايه طيب
بفكر ادام شئ مشكوك فيه وغريب كدا
يبقا طظ فيه فهمانى

صوت العيون;10936232:
هما مهمين جدا ما شاء الله عشان وسط النونو وهو صغير
وجيبت منهم الحمد لله
وبالنسبه للشفاط مش معاكم فى الموضوع دا صراحه لانه سبحان الله ربنا مخلى لبن الام منه للطفل على طول
انك بقا تطلعيه وتشيليه لوقت اى كان غلط
اكيد بيقا ليه اضرار
صح فكروا بالعقل كدا

صوت العيون;10936419:
اصل بصى بجد دى تقاليع فاضيه
اومال زمان كانوا بيعملوا ايه طيب
بفكر ادام شئ مشكوك فيه وغريب كدا
يبقا طظ فيه فهمانى

احنا بنتكلم عن شفاط الأنف يا مورو
وبالنسبة لشفاط اللبن مش تقاليع فاضية ولا حاجة ولا حاجة مشكوك فيها .. انا واحدة من الناس اللى بيشتغلوا وهنزل الشغل ان شاء الله بعد 3 شهور من الولادة هعمل ايه ساعتها وانا كل يوم بنزل من الساعة 7ونص الصبح ومش هرجع البيت الا الساعة 3؟؟؟ البيبى بتاعى يموت من الجوع ولا اديله صناعى؟؟؟ اكيد شفاط اللبن هيكون أحسن حل ..
وعلى فكرة لبن الأم ممكن يتشال فى التلاجة يومين مايحصلوش حاجة وممكن يتشال فى الفريزر اسبوعين .. ولما يطلع من التلاجة يدوب يدفى بس من غير ما يتغلى ..

CuTie KaTkOoTa;10936288:
ولا تفتكري بيبو قصدها علي شفاط اللبن، انا اتلخبطت دلوقتي :057::057::057:

لا شفاط الأنف يا كتكت فعلا بس غريب قوى فرق السعر ده
كويس انى ماجبتوش

سؤالى بقى حد يعرف حاجة عن مستشفى النيل اللى فى ميدان الجيزة؟؟ ومستشفى أحمد صديق فى المنيل؟؟؟ ايه اخبارهم؟؟؟؟

صوت العيون;10936419:
اصل بصى بجد دى تقاليع فاضيه
اومال زمان كانوا بيعملوا ايه طيب
بفكر ادام شئ مشكوك فيه وغريب كدا
يبقا طظ فيه فهمانى

حماتي فعلا كل ما بتتفرج علي حاجة تقعد تضجك وتقولي انتي عرفتي الحاجات دي منين، يالهوووي عاملين لكل حاجة مليون حاجة ، ده انتوا مدلعينكم ايه اخر دلع، وجوزي يضحك ويقولها النت هو في غيره يقوموا كلهم ضاحكين.

Eng. BoB;10938968:
احنا بنتكلم عن شفاط الأنف يا مورو
وبالنسبة لشفاط اللبن مش تقاليع فاضية ولا حاجة ولا حاجة مشكوك فيها .. انا واحدة من الناس اللى بيشتغلوا وهنزل الشغل ان شاء الله بعد 3 شهور من الولادة هعمل ايه ساعتها وانا كل يوم بنزل من الساعة 7ونص الصبح ومش هرجع البيت الا الساعة 3؟؟؟ البيبى بتاعى يموت من الجوع ولا اديله صناعى؟؟؟ اكيد شفاط اللبن هيكون أحسن حل ..
وعلى فكرة لبن الأم ممكن يتشال فى التلاجة يومين مايحصلوش حاجة وممكن يتشال فى الفريزر اسبوعين .. ولما يطلع من التلاجة يدوب يدفى بس من غير ما يتغلى ..


لا شفاط الأنف يا كتكت فعلا بس غريب قوى فرق السعر ده
كويس انى ماجبتوش

بصي انا جبته من لافلي انتي مشوفتيش صورته اللي حطتها مع اخر حاجة جبتها، بصي عليه كده يمكن يطلع مختلف عن اللي انتي شوفتيه.
بيبو انتي اتأكدتي من موضوع حفظ لبن الام ده، اصل اللي سمعته انه بيقعد ساعتين باين مش يومين، اتأكدي كويس بليز، ولا يمكن قصدهم ساعتين لو بره التلاجة جايز.

Eng. BoB;10938972:
سؤالى بقى حد يعرف حاجة عن مستشفى النيل اللى فى ميدان الجيزة؟؟ ومستشفى أحمد صديق فى المنيل؟؟؟ ايه اخبارهم؟؟؟؟

وياريت كمان مستشفى الهرم ومستشفى السلام فى شارع الهرم

CuTie KaTkOoTa;10940409:


بصي انا جبته من لافلي انتي مشوفتيش صورته اللي حطتها مع اخر حاجة جبتها، بصي عليه كده يمكن يطلع مختلف عن اللي انتي شوفتيه.
بيبو انتي اتأكدتي من موضوع حفظ لبن الام ده، اصل اللي سمعته انه بيقعد ساعتين باين مش يومين، اتأكدي كويس بليز، ولا يمكن قصدهم ساعتين لو بره التلاجة جايز.

انا دورت تانى على المدة اللى ممكن نشيل فيها اللبن فى التلاجة هى كلها ايام بس فارقة من موضع للتانى ..ولو هتشيليه برة التلاجة بيبقى ساعات فعلا.. وكده كده احنا مش هنشيله ايام اخرنا يوم واحد نشفط بالليل مثلا عشان يستعمله بالنهار وخلاص

Eng. BoB;10940461:
وياريت كمان مستشفى الهرم ومستشفى السلام فى شارع الهرم

انا دورت تانى على المدة اللى ممكن نشيل فيها اللبن فى التلاجة هى كلها ايام بس فارقة من موضع للتانى ..ولو هتشيليه برة التلاجة بيبقى ساعات فعلا.. وكده كده احنا مش هنشيله ايام اخرنا يوم واحد نشفط بالليل مثلا عشان يستعمله بالنهار وخلاص

انت منين يا بووووب شكلك جارتي انا كمان عوزه اعرف :040:

Eng. BoB;10938972:
سؤالى بقى حد يعرف حاجة عن مستشفى النيل اللى فى ميدان الجيزة؟؟ ومستشفى أحمد صديق فى المنيل؟؟؟ ايه اخبارهم؟؟؟؟

اللى اعرفها مستشفى النيل مش قد كده

Eng. BoB;10940461:
وياريت كمان مستشفى الهرم ومستشفى السلام فى شارع الهرم
السلام بردو مش قد كده بص روحى اتفجى واحكمى بنفسك
انتى بتابعى مع مين؟ وساكنه فين؟

marmarena;10940945:
انت منين يا بووووب شكلك جارتي انا كمان عوزه اعرف :040:

انا ساكنة فى الشيخ زايد وانتى؟

Jumanaa;10941594:
اللى اعرفها مستشفى النيل مش قد كده

ميرسى يا جومانا على ردك عليا
هى الدكتورة بتاعتى اسمها ناهد عبد النعيم هى شاطرة جدا ما شاء الله هى عيادتها فى ميدان الجيزة وعشان هى هناك وكل زباينها من هناك فبتولد فى مستشفيات هناك برضه بس قالت انها ممكن تجيلى اى مستشفى انا عايزاها
انا طبعا نفسى اولد فى مستشفى عندنا فى زايد او اكتوبر بس انا الكام مستشفى اللى اتعاملت معاهم على قد ما هم نضاف جدا والاستاف جامد على قد ما المعاملة زفت (انا اقصد دار الفؤاد وزايد التخصصى) ... فى مستشفيات تانية بس مش عارفة ايه الكويس وايه الوحش
وانا ماعرفش اى حاجة فى الهرم للأسف
ياريت بجد لو حد يقدر يساعدنى فى الموضوع ده :033:

Eng. BoB;10940461:
وياريت كمان مستشفى الهرم ومستشفى السلام فى شارع الهرم

مستشفى السلام اللي في الهرم كويسه صاحبتي ولدت فيها مرتين ..الهرم مش اوي

دي اخر حاجات جبتها لمحمد لو حد شايف حاجة مش كويسة يقول بامانة

دي مجموعة فوط متوسطة



ودي فوط دبل صغيرة


دي التيتينة


دي البيبرونة شيكو

دي 250 مللي


دي بيبرونة نونو كدة جبتها للاول جونيور 125 مللي


دي البافيتات