dew.dew;11309767:
الحاجات دى شوفتها فى قسم التجهيزات
وعسل خالص
حد شاف فى منها فى مصر ولا لا
ده للبيبى الولد عشان ميعملش حمام فى البانيو
او ساعه متغيريله البامبرز
عجبنى البانيو ده حد شافه قبل كده
وده ساتر الرضاعه شكله مختلف عن الاشكال اللى بنشوفها
مش عارفه بحس ان الخليجيين مرفهين شويتين وعندهم حاجات عجيبه
بس اللى اعتقد ممكن تلاقيه هو مريله الرضاعه بس وكمان فالمحلات الكبيره زى لفلى وكدا
روميو دى;11316891:
ازيكم ياقمرات ممكن حد يعرفنى اجيب حفاضات مقاس كام ونوعها ايه واجيب اد ايه؟
وايه الشامبوهات والصابون والغسول والكريمات اللى ممكن اجيبها للبيبى
كمان البيبى بيلبس البامبرز من أول يوم ولا نستنى لحد ما السره تنشف وانا قرأت من فترة ان فيه كحل خاص للاطفال ده صحيح ولا ايه؟
ربنا ييسر لنا جميعا الخير ويتمم لنا على خير
بصى شوفى البيبى بتاعك وزنه وصل كام لحد دلوقتى لو اقل من 3ك هاتى اول مقاس لو 3 ك واكتر هاتى المقاس التانى وعموما المقاس الاول مناسب برضو لانه لحد 5ك وهيتفضلى بيه شهرين كمان
اما الانواع عندك غير بامبيرز فايينى وكان بيبى وبيبيكو وبامبى وبيبى جوى
الكميه هاتى علبتين يعنى يكون عند مثلا من 20 ل 40 حفاضه
اما الشمبوهات والحاجات ديه انا مش بحب اكتر هو المهم الشاور او الشامبو والبيبى اويل وممكن كمان صابونه وكريم الحفاضات غير كدا زياده فى رائ
وانا جيبه شاور وشامبو سانوسان والصبونه كمان وبيبى اويل جونسون وكريم الحفاضات يا زنك اوليف او او زد ده لوسيون
وجبت وقت الولاده شامبو جونسون ولسه مخلصش لحد دلوقتى
والبيبيهات تلبس عادى بامبرز اول يوم عادى جدا مش هياثر عالسره خالص
CuTie KaTkOoTa;11318126:
تجيبي الحفاضات اصغر مقاس بتاع حديثي الولادة بيكون رقم 1 غالبا وهاتي العبوة الصغيرة بيبقي فيها 20 تقريبا كل الانواع بتبقي نفس النظام وبتلبسيه عادي جدا من بعد الولادة مباشرة هما في المستشفي بيحموه ويلبسوه كله، انتي بتديهم حاجاتك وهما بيتولوا القصة دي كلها، ومتقلقيش من السرة هي بس حاولي متكتميهاش ومش تغطيها ، يعني لو البامبرز عالي اتني طرفه كده تحتها لكن الهدوم نفسها عادي عشان تنشف بسرعة وتقع.
والكحول اسمه كحول اثيلي فيه منه عادي وفيه منه سبراي.
والشامبو سانوسان بيبقي اتنين في واحد شامبو وشاور وتجيبي بتاع البيبيز مش الكيدز اوكي او تجيبي شامبو حونسون المستورد مش المصري وفيه انواع تانية بردو حلوة بس هاتبقي اغلي من دول كمان.
وصابو سانوسان بردو احسن من بتاعة جونسون.
وزيت جونسون اللي هو بيبي اويل.
وكريم الزنك بتاع التسلخات والالتهابات بتاعة الحفاض فيه منه انواع كتير حلوة شوفي انتي حسب امكانياتك وكمان انتي هتجربي الاول وتشوفي ايه اللي هايريحه وتمشي عليه عشان بتختلف من بيبي للتاني حسب طبيعة الجلد، فيه سانوسان وفي زنك اند اوليف وفيه او زد.
متجبيش الباودر.
يا خبره انت :ok:
صوت العيون;11319802:
افستان الحمد لله
فستان الحمد للسالوبيت الحمدللهسلاملا اله الا الله سيدنا محمد رسول الله
حلو قوى ده انا كنت هجيب زيه بس اترددت مش عارفه ليه رغم انه عجبنى
وكان فى كمان اطقم شورت وكات جبت منها 2 واحد كات وواحد حمالات تحفه بجد عسولين قوى كان الواحد ب 9 وده من التوحيد والنور اللى فالنعام
ومبروك عليكى ويارب تشوفى النونو بيهم يارب
روميو دى;11320053:
جزاكى الله خيرا ياصوت العيون وكيوت كتكونه وربنا يقومنا كلنا بالسلامه يارب
انا قرأت ان سانوسان كويس وفيه ناس تانيه قالت انه مش ناسب اولادهم
بس رينا ييسر والاقيه فى الصيدليات هنا
معلش ياقمرات انا فى العادى باستعمل فوط سندريلا بس مش عارفه هل فيه فوط مخصوص لفترة النفاس
ولا استخدم العاديه وخلاص واذا فيه هالاقيها فالصيدليات عادى ولا ممكن متكونش موجوده
بصراحه انا بدأت اقلق من الحاجات دى وخصوصا انى مرحتش للدكتور من فترة كبيرة
ومحددتش ميعاد الولادة تبع وضع الجنين الحالى بس باقول لنفسى ممكن اروح خلال الاسبوع ده
معلش يا قمرات طولت عليكم وشغلتكم بقلقى
معلش يا روميو هو التاسع رخم والواحده صبرها يخلص معل هانت خلاص
ومتقلقيش من اى حاجه بجد وموضوع الفوط الصحيه انا استعملت نوع اسمه لوتس حلو قوى وكنت جيباه من محل بييع منتجات ورقيه وحفاضات اطفال ومساحيق وكدا
وعلى فكره مش سانوسان اللى ممكن متريحش كل الناس كل المنتجات حتى الحفاضات مش كل طفل زى التانى وبيختلف اللى بيريح ده عن التانى
أسارير البحور;11322143:
ايمي بقولك بالنسبة لجونسون انتي قولتيلي هاتي حاجة كدة للمستشفى وخلي الغالي في البيت عشان المستشفى هتخليني اعيط عالحاجة ههههههههههههه المهم انا كنت قلتلك اني الحمد لله جبت حاجة سانوسان تمام كدة
فاشتريت شاور جونسون وزيت جونسون صغيرين عشان المستشفى وللأسف مصري اصلا المستورد دوخت عليه في صيدليات كتييييييييييييييير اوي ولا العزبي ولا سيف عندهم ولا اي حد وانتي لاقيتيه عندك في مصر الجديدة بس هو مش موجود والله بجد يجرى حاجة لو استخدمنا جونسون للبيبي المصري دى في المستشفى؟؟
انا جبت شاور يؤدي غرض الشامبو وشاور بنفس الوقت عادي كدة؟
فوط القشط بقى مش دي اهميتها انه لما البيبي بعد الرضاعة نحطها على كتفنا ونشيل البيبي كدة يقوم يعمل حاجات عليها ولا مش كل مرة؟؟
ولو دي أهميتها اجيبها منين ياكتكوتي قريب مني هل في منها في التوحيد والنور بس شرط يكون ليها شكل عشان حاساها شبه الفوط الصجية كدة ههههههههههههه :085::085::085:ولو في الشارع الناس تقول ايه البت البجحة دي!!!!!:085::085::085:
عادى يا اسارير انا برضو جبت شامبو جونسون وعادى يعنى رجعت بيه مخدهوش وله حاجه والحمد لله كان كويس مع نانو وبرضو البيبى اويل جونسون رغم انى مش بحبهم خالص
اما فوط القشط بجد انتو طيبين قوى وفكرين عيال اليومين دول بيسمعوا الكلام هتحطى الفوطه وتقوليله اقشط هنا يا ولد ويسمع الكلام ويقشط هنا يا حلاوه
دول عيال اخر زمن انتى ممكن تفضلى تكرعى فيه سنه وفالاخر تفقدىالامل وهوووووب تلاقيه قشط لوحده هههههههههههههه فى اى حته وعلى اى حاجه عادى جدا
فانا شايفه انها ملهاش لزمه قوى خصوصا ان فى اطفال مش بتقشط
والفوط العاديه عشان تمسحى وشه مثلا او تخليها جمبك لما يقشط تمسحيله ماشى لكن متقنعونيش ابدا ان الفوط ديه العيال هتقشط عليها لما نحطهلهم :096::085:
CuTie KaTkOoTa;11322794:
بنات انا بيبي اويل اللي عندي بالكاموميل عادي ولا هايبقي حساس مع بشرة البيبي ولا مش بتفرق؟
لاعادى يا كتكت انا بتاع نانو كاموميل
صوت العيون;11323324:
تسلمى يا جميلهعاوزة اعرف ايه الفرق بين كريم الزنك للتسلخات وبودره التلج جونسون ان شاء الله
البودره زى ماقالوا البنات غلط لانها بتسد المسام سواء للكبار او الصغار
والكريم احسن عشان فيه زيت زيتون وزنك وده حلو للجلد
hoobie;11323408:
لا ياقمر عادي اصلا جونسون الكاموميل ده بتاع الاطفال حديثي الولاده وميزته ملوش ريحه قويه وده احسن على جلد البيبي .. وممكن برضه تبقى تجربي بيبي اويل سانوسان جامد اوي لانه عباره عن زيت زيتون و زيت صويا وزيت لوز وملوش ريحه اوي برضه ..والكاموميل خديه انتي استعمليه ( انا بقى طمعت في السانوسان وسبت جونسون لمحمد :D )
ممكن يا هوبى تقوليلى جبتيه منين وبكام بيبى اويل سانوسان
روميو دى;11323570:
اوكى ياقمر هاخد بالى بأذن الله وربنا ييسر الخير
مورو ماشاء الله الحاجات جميله ربنا يباركلك فيها وتفرحى بيها وهيا لابساها
يابنات ايه الفرق بين جونسون المصرى والمستورد لانى مش عندى غير المصرى
ومش عايزة اشتريه ولسه هاشوف سانوسان وربنا ييسر والاقيه بأذن الله
ميرسى ياهوبى انا مش كنت عارفه ليه مش بنستخدم الباودر والبيبى اويل افضل منه ليه
الجونسون المصرى اى كلام خالص لكن المستورد اصلى وهو بيبان من ضهر الازازه مك الكود لو اوله من الشمال 6 يبئا مصرى لو رقم تانى يبئا مستورد
وانا عموما مش بحبها سواء كدا او كدا اى حاجه غير جونسون اريح لانى بسمع كلام كتير وحش عن جونسون
[
=bright bride
هى بتدور على دكتور قريب من المقطم
