تجهيزات واستفسارات حوامل مصر :)

Eng. BoB;11252172:
يا جامد انت :ok:
هو لازم نعمل الرز ده؟ اصلى هخلى ماما تعملى يارز بالخلطة يا كسكسى يالاتنين
ومين احسن بقى فيهم؟
ومعلش مين شاكر ده؟:040:

بصي يا بيبو انتي ونونه :085::085::085::085:
معلش قلت اجمع هنا الرد بينكم، هو اصلا العقيقة بتبقي لحمة وفتة، بس حاليا يعني الناس بقت تعملها لحمة وكبسة جنبها او رز بالخلطة كده يعني، واه التسوية بياخدوا كده بس لو انتي جيباه من عندك، واي حاجة اضافية بقي بره الفلوس دي، وبتقوليله انتي عايزاه يفضل صحيح زي ما هو ولا نصين ولا 4 اربع ولا متقسم في اطباق مثلا.
بس كسكسي دي غريبة يا بيبو اوي مش عارفة، لكن اه مش شرط تعملي طبعا الرز عندهم، ده احنا بنسأله علي فيه حلو ولا لأ رز بلبن مثلا، فالراجل قالنا لأ مش بيعمل خالص ده حضرموت يعني وقالنا انتوا مش عايزين تعملوا حاجة في البيت خالص :085::085::085::085:

شاكر ده بقي مطعم مشويات في مصر الجديدة قديم ومعروف وحاجات جميلة اوي بردو.

فتافييت السكر;11252801:
ربنا يقومك بالسلامه ياقمر يارب
بنات انا باذن الله عاوزه ابدأ اجيب الحاجات بتاعه البيبي ان شاء الله قولولي ابدا بايه الاول وعاوزه اسالكم علي mother care انا شفته قريب مني فرع ليه هوه ده نفس اللي في ستي ستارز ولا ده حاجه تانيه؟
وسيف ستورز لقيت بردوا محل قريب مني ياريت تقولولي عن اسامي المحلات الكويسه اللي ابدا اجيب منها لو في المعادي اوك مفيش قولولي وانا هشوف الاقرب لي واروح بأذن الله

انا شفته في كارفور العبور.

m@hy;11252658:
عاااااااااااا الدكتورة غيرت الخطة وخلت الولادة بكرة ان شاء الله
ادعوووووووووووووووووووووووووووولى

:047::047::047::047: بكرة بكرة خلاص، تولدي بالسلامة يا قمر متقلقيش ان شاء الله تبقي سهلة ومش تتعبي فيها.

السلام عليكم ازيكو يا بنات وحشتنوني اخباركو ايه

أسارير البحور;11250630:



هههههههههههههههههه بصي أنا كبرت دماغي من اللي قاله الدوكتور قاللي شديها لبرة بس للأسف كان عندي جرح فيها والله وعانيت ولازلت خايفة البيبي لما يرضع توجعني وحاليا باخد مراهم علاج فلابشد ولانيلة اصلا بعد محط المراهم دي صوابعي تتزحلق ومعرفش اشدها

اما موضوع السرنجة بقى مفهمتش حاجة خااااااالص اعدت اتخيلها بردو مفهمتش

موضوع البيبي درينك اعمل ايه يعني نشتري البيبي درينك من الوقتي ولا لما نعرف طبيعي ولا قيصري ولا ايه؟؟

السرنجة كنت بجيبها ومن المكان بتاع الابره اقطعه خالص بالكاتر ويكون دايرة مفتوحة وبعد كده قلبت العمود اللي جوا ده بالعكس علشان تكون الناحية اللي في الاخر تكون نعامة ع البرست وانا بشده فخمتوا خاجة خبيبي وبالنسبة لبيبي درينك خديه معاكي احتياطي في شنطة الولادة بس خليكي جدعة وتعالي ع نفسك ورضعي البيبي علطووووووووووووووووول حتى لو كان مفيش السائل الاصفر اللي بينزل قبل اللبن بس حاولي البيبي يعمل تحفيز للثدي علشان ينزل بسرعة ان شاء الله

m@hy;11252658:
عاااااااااااا الدكتورة غيرت الخطة وخلت الولادة بكرة ان شاء الله
ادعوووووووووووووووووووووووووووولى

ربنا معاكي ياحببتي وان شاء الله ولادة سهلة

hoba555;11250801:
انا كنت بتخدم بيبي كريم و نايس بايبي
بس بيبي كريم احلي بحبه اوي
:087:

عادي القشره يا بنتي ندي اعدت فيها شويه بس بعد 6 شهور خفت
وكمنتش بعملها اي حاجه
اصلا راس البيبي طريه اويفي الاول كانت تصعب عليا اني اسرحلها بفرشه وبتاع
وسيبته طلع لوحده
وفي طريقه زيت بيبي اويل للي بنات قالولك عليا اسمع اننها برده تنفع س مجربتهاش

:087::087: بس انا سمعت اننا لو سبت القشرة وبتاخد الشعر وتنزل ده صحيح ولا ايبه انا ماصدقت لمار اتولدت بشوية شعر
[QUOTE=Eng. BoB;11252172]يا جامد انت :ok:
بصى القشرة حاجة عادية جداااا وبتحصل فى معظم الحالات اهم حاجة ان مايكونش فى احمرار ولا حكة خصوصا ورا الودان
ولو شكلها اوفر يعنى ومضايقك قوى انا قريت فى كتاب قبل كده انك ممكن تحطى زيت لوز او زيت زيتون وتسيبيه ساعتين وبعدين تسرحى بفرشة ناعمة خااااااااااالص من غير ماتحكى الراس
يا اما تسيبيها بقى تروح لوحدها

:087::087:ونفس السؤال اللي سالته لهوبا

جيرفيلد اه انا فهمت انا بردو كنت عماله اتخيل ازاى بس مكنتش جايه معايا خالص ههههههههههههههههههههه, وشكرا على الشرح والتوضيح

بنات يعنى اخلى الشايات النيوبورن البيبي كلاب دى ولا اغيرها اصلها صغنونه اوى وجبت شايات الصياد بردو نيوبورن انا خايفه ميدخلوش ف البيبي اصلا ولا انا متهيالي وحد جربهم

حد هياخد تطعيم التيتانوس ده ولا مالوش لازمه وهتاخدوا اى شهر

بنت من الزمن ده;11253981:
جيرفيلد اه انا فهمت انا بردو كنت عماله اتخيل ازاى بس مكنتش جايه معايا خالص ههههههههههههههههههههه, وشكرا على الشرح والتوضيح

بنات يعنى اخلى الشايات النيوبورن البيبي كلاب دى ولا اغيرها اصلها صغنونه اوى وجبت شايات الصياد بردو نيوبورن انا خايفه ميدخلوش ف البيبي اصلا ولا انا متهيالي وحد جربهم

حد هياخد تطعيم التيتانوس ده ولا مالوش لازمه وهتاخدوا اى شهر

ازيك ي جميل عامل ايه كنت عاوزة اسالك بخصوص التطعيم الدكتورة هنا مجبتليش سيرتهوهو بيتاخد في الشهر الكام وهل لو مخدتوش هنا ينفع اخده لما انزل مصر انا هنزل اول السابع؟؟:083:

بنت من الزمن ده;11253981:
جيرفيلد اه انا فهمت انا بردو كنت عماله اتخيل ازاى بس مكنتش جايه معايا خالص ههههههههههههههههههههه, وشكرا على الشرح والتوضيح

بنات يعنى اخلى الشايات النيوبورن البيبي كلاب دى ولا اغيرها اصلها صغنونه اوى وجبت شايات الصياد بردو نيوبورن انا خايفه ميدخلوش ف البيبي اصلا ولا انا متهيالي وحد جربهم

حد هياخد تطعيم التيتانوس ده ولا مالوش لازمه وهتاخدوا اى شهر

التطعيم اغلب الدكاترة بتوعنا مع اختلافهم يعني قالوا لأ مالوش لزمة، بس فيه بنات معانا اخدوه من نفسهم بردو احتياطي، بصي بيبو اخدته هي تقولك بقي، بس اللي اعرفه انه بيتاخد مرتين مثلا الخامس والسابع كده، او السادي والتامن.

انا جايبة الصياد من 0-3 وحساهم حلوين ومش صغيرين.

صحيح كنت في سوبر ماركت المحمل النهاردة ، ولقيت الجل بتاع فينوس ولقيت فوم بتاع نيفيا وحاجات تانية بس وزي كان خلاص حاسب وطالع فملحقتش اشوف الأسعار واركز في ايه تاني، كانوا في الجزء اللي قدام الكاشيير ده، ولقيت بردو بيبي جوي احجام كتيرة 2 و3 و4 و5 ومفيش 1 بردو بس كويس انه فيه باقي الأحجام عامة وفيه فايني وبامبي وبيبي فاين وبامبرز ونوع اوله c بس نسيته وحاجات كتيرة.

بنت من الزمن ده;11253981:


بنات يعنى اخلى الشايات النيوبورن البيبي كلاب دى ولا اغيرها اصلها صغنونه اوى وجبت شايات الصياد بردو نيوبورن انا خايفه ميدخلوش ف البيبي اصلا ولا انا متهيالي وحد جربهم

حد هياخد تطعيم التيتانوس ده ولا مالوش لازمه وهتاخدوا اى شهر

انا كنت جايبة شايات بيبي كلاب

والحمد لله وزنها منزلش كانت بتزيد كل شهر معدل حلو ماشاء الله وفضلت تلبسهم لغاية ما بقت تقريبا 6كيلو ونص تقريبا


وانا مخدتش تطعيم التيتاانوس

طب يعنى يا كتكوته بيقولو ملوش لزمه يعنى فيه منه اثار جانبيه او اى ضرر ع البيبي لو اخدناه ولا عادى بيقولو لو عايزين تخدوه خدوه براحتكوا

وعلى فكرة ياقمر هى الشايات الل من 0 ل 3 اللى انتى جايباها اكبر طبعا من النيوبورن النيوبورن بيبقى اصغر من ال 0 ل 3 عشان كده بتوعى صغننين اوى يا جميله

toty858;11254183:
انا كنت جايبة شايات بيبي كلاب

والحمد لله وزنها منزلش كانت بتزيد كل شهر معدل حلو ماشاء الله وفضلت تلبسهم لغاية ما بقت تقريبا 6كيلو ونص تقريبا


وانا مخدتش تطعيم التيتاانوس

يعنى انتى يا قمر كنتى جايبه مقاس النيوبورن ولا اكبر في الشايات

كتكوتي السكرة كبسة مين ياخالتي صلي عالنبي ياسيد ههههههههههههههههه لا الفتة حلوة اوي عشان الناس يجيلها سد الحنك على طووووووووووووووووووول

المرجيحة دي اللي تقولي عليها لما اروح اشوفها ان شاء الله ولو لاقيتها حلوة يعني خلاص اصل خامة ايه احنا عايزينها سبوع وبس اهو كله دانتيل وتل منظر للسبوع يعني أما فستان السبوع بقى روكسي ايه ياسكر ايه اللي يوديني مصر الجديدة لا بقولك عند درب البرابرة اقصد يعني بس متهيالي مفيش فساتين سبوع فيها على ماأعتقد

البيبي جوي اللي انتي شفتيه سوبر ماركت المحمل اللي في الهرم؟؟ أصل في واحد بقراه كدة الاقي مكتوب المحمل في الهرم عموما شفتي النقص في رقم واحد ازاي شكلي بقى هجيب العبوة الكبيرة وخلاص هعمل ايه والله ماقادرة الف عشان كدة هجيبها وامري لله بس ميطلعش الصيدلي معتوه بردو

سيمو مافخمتش خاجة بردو خبيبي يالخويتيييييييييييييييييييي أنا شكلي هجربها عملي كدة واطبق يمكن افهم

وأوك عالبيبي درينك هو اسمه كدة صح؟؟ طيب ماء الغريب في منه مستورد ياعيال ولا مصري بس؟؟

بنت من الزمن دى بصي متهيألي النيو بورن اللي هو الزيرو أما من زيرو لتلاتة معناها من نيو بورن الى 3 اشهر والله اعلم

انا جبتها بيبي كلاب وبصي مفيش غير المقاس دى بس متحيريش نفسك بقى والبنات هنا والله قالوا ماشاء الله كفت لولادهم لغاية اربع شهور كدة بقولك انا لما مسكتهم بيدوا على ستريتش فعادي والله
على فكرة مجبتش كتير منهم لاني اشتريت منا الفانيلات العادية بتاعت البيبي

أما بالنسبة للتطعيم بصي هقولك انا مكنتش خدته وزوجة اخويا واخويا هما اللي قالولي خديها والدكتور مقاليش سألته قاللي براحتك ودكاترة تانية تقول هو انا هولدك في زريبة!!!
المهم سيبك من الدكتور خديها انا كنت سألت في الصفح اللي فاتت البنات وكنت محتارة زيك بردو أخدها ولا لا لغاية مخدتها وصحيح اتاخرت بس خدتها في وحدة صحية أخدتها في السابع والتامن وبتاعت الوحدة قالتلي عادي لكن لو كنتي جتيلي في التامن كنت هقولك مينفعش عشان مينفعش اخدها التاسع وشرط بين دي ودي يكون شهر ممكن أكتر لكن مش أقل من شهر هي حماية ليكي وللبيبي مش ليكي بس دى احتياطي كل شيء في السليم يبقى تمام لكن لو لا قدر الله في تلوث في شيء دي تحميكي وفي الأول والأخر الحماية والحفظ من عند الله فالله خير حافظا

مش عايزة حد يضربني عالرغي أنا بقولكوا أهو انا بتكلم بضمير ياعيال والكيبورد اشتكى

نسمة الجنة وحشتينا انتي اكتر بس مشاركتك مخالفة في التجهيزات ياسكر قوليها وارزعي سؤال على طووووووووووووول ههههههههه

ماهي ياحبيبة قلبي ربنا يقومك بألف سلامة انتي والبيبي ياااااااااااااااااااااااااااارب

بنت من الزمن ده;11254190:
طب يعنى يا كتكوته بيقولو ملوش لزمه يعنى فيه منه اثار جانبيه او اى ضرر ع البيبي لو اخدناه ولا عادى بيقولو لو عايزين تخدوه خدوه براحتكوا

وعلى فكرة ياقمر هى الشايات الل من 0 ل 3 اللى انتى جايباها اكبر طبعا من النيوبورن النيوبورن بيبقى اصغر من ال 0 ل 3 عشان كده بتوعى صغننين اوى يا جميله

لا خالص دي حاجة بالعكس كويسة ليكي وللبيبي سواء هو معمول عشان اي تلوث يحصل لا قدر الله تبقوا في امان، وزي ما نونه قالتلك كده بالظبط كفت ووفت الحقيقة.
والشايات البيبي كلاب فعلا بالذات رغم ان مقاسها صغير بس كله شكر فيها في الخامة وفي المقاس بردو كفت فترة، والمقاس بقي التاني اللي موجود في ماركات تانية اللي هو 0-3 علي فكرة هتلاقيهم بردو مش بيبقوا اد بعض للأسف، فيه ماركات المقاس ده فيها صغير اوي عن ماركات تانية وغير كده كمان بتلاقي الخامة نفسها مش مرنة كده واوحش، سواء في الشايات او البنطلونات.

أسارير البحور;11254471:
كتكوتي السكرة كبسة مين ياخالتي صلي عالنبي ياسيد ههههههههههههههههه لا الفتة حلوة اوي عشان الناس يجيلها سد الحنك على طووووووووووووووووووول

المرجيحة دي اللي تقولي عليها لما اروح اشوفها ان شاء الله ولو لاقيتها حلوة يعني خلاص اصل خامة ايه احنا عايزينها سبوع وبس اهو كله دانتيل وتل منظر للسبوع يعني أما فستان السبوع بقى روكسي ايه ياسكر ايه اللي يوديني مصر الجديدة لا بقولك عند درب البرابرة اقصد يعني بس متهيالي مفيش فساتين سبوع فيها على ماأعتقد

البيبي جوي اللي انتي شفتيه سوبر ماركت المحمل اللي في الهرم؟؟ أصل في واحد بقراه كدة الاقي مكتوب المحمل في الهرم عموما شفتي النقص في رقم واحد ازاي شكلي بقى هجيب العبوة الكبيرة وخلاص هعمل ايه والله ماقادرة الف عشان كدة هجيبها وامري لله بس ميطلعش الصيدلي معتوه بردو

:085::085::085::085::085: خلاص نمشيها فتة، يبقي انتي اعمليها في البيت بقي وهما عليهم التسوية لو حبيتي، اه فعلا هي حلوة اوي عشان السبوع واول فرجة للناس كده شكلها كميل اوي، ماما كانت عمالة تقولي لو عاوزاها هاتيها كانت عجباها اوي :013::013::013:
لكن فساتين هناك لأ مفيش لبس خالص، هي كلها مستلزمات وبس، يمكن بقي تلاقي في العتبة نفسها في محلات أطفال ولا حاجة، بس علي فكرة طقم السبوع ده او الفستان هتلاقيه في محلات أطفال كتيرة اكيد فيه جنبك اصلا بس انتي مخدتيش بالك.
انا مش بروح الهرم خالص طريقنا مختلف نهائي :085::085::085::085::085:
انا رحت المحمل فرع في مصر الجديدة بردو قريب من الحلمية وجسر السويس..

بنات في عروض في كارفور نازلة علي لبس الأطفال سواء المولودين أو الكبار شوية لغاية كام سنة يعني.
وفيه لينا باديهات هاي كول او عادية مفتوحة ب 12 وفيه بنطلونات اللي هي شبه بتاعة اديداس دي او بنتاكور ب 30 وفيه لبس كتير، انا شفته في السايت بس مروحتش يعني.

dew.dew;11253474:
يابنات انا روحت نجمه التوحيد والنور اللى فى اسماعليه
طبعا ده تقليد التوحيد والنور الاصلى

بس ملاقتش استك واسع فى المقاسات الكبيره
كلهم صغيرين فجبت بنطلون ترنج رجالى شتوى ومن جوه ناعم قووووىالراجل قلنا قطن ميه فى الميه ب37 جنيه
واستكه مريح بس تانيت الاستك عشان البنطلون طويل وبرده حلو ممش مضيقنى وبرباط

فيابنات اشترو بنطلونات رجالى وابقوا اديهم لجوازكو بعد كده
واتفقت انا وجوزى ابقى اديهوله

ده البنطلون اللى قولتلكم عليه الللى ب37 جنيه

بصراحه نجوم التوحيد والنور اسعاره عبيطه قوى
حاجات الاطفال من 2 الى 10 جنيه
بقوله عايزه شايات طلعلى بشرايط قولتلو لا عيزاها بكباسين
قالى لا الحاجات دى تلاقيها فى القاهره :085:
وملقتش بنطلونات قطن غير ماركه اريج بس اكبر واحد ضيق عند الاستك
المهم ليه فروع اكتبهلكم
فى اسماعليه طبعا فى فرعين بما انى انا الوحيده اللى فى اسماعليه فا مش هكتبهم

المنصوره:
اول شارع السكه الجديده تقاطع ش بور سعيد اعلى حلوانى الفيومى

عين شمس:
70 شارع احمد عرابى تقاطع مصطغى حافظ(مش عارفه بقصدو عين شمس اللى فى القاهره ولا فين لان فى مناطق فى اسماعليه نفس اسماء مناطق مصر واسكندريه بس اللى يعرف عين شمس هو اللى يعرف)




اه روحت صيدليه لقيت بيبرونه بيجون بلستك مضروب صينى ب19 جنيه
اول ماقالى صينى قولتوا شكرا


دى الحاجات اللى عندى الصيفى من 0:3 شهور
بس عند ماما واخدت الحاجات الكبيره معايا مصورتهاش كسلت اطبقهم تانى
طلعتلكم فوق السرير عشان اصور:013:
ماشاء الله

وعندى سلوبيتات نيوبورن اصغر من اللى مكتوب عليها من 0:3 وكلهم ماركه جونيور
لما اروح عند ماما هبقى احطهلكم جنب بعض واصوره ان شاء الله

dew.dew;11255123:

عين شمس:
70 شارع احمد عرابى تقاطع مصطغى حافظ(مش عارفه بقصدو عين شمس اللى فى القاهره ولا فين لان فى مناطق فى اسماعليه نفس اسماء مناطق مصر واسكندريه بس اللى يعرف عين شمس هو اللى يعرف)

دى الحاجات اللى عندى الصيفى من 0:3 شهور

شكلهم من بعيد حلو اوي يا ندي والوانهم رقيقة والطواقي كميلة اوي ما شاء الله.
عين شمس دي فعلا في القاهرة انا عارفة الشارعين دول بس مش شاطرة اوي في الوصول ليهم :085::085::085:

احمد عرابي ده اصلا شارع حيوي جدااااااااااا ومليان محلات بغباء ومتعرفيش تحطي رجلك فيه من كتر الزحمة بتاعة الناس والمحلات، بس هو شعبي شوية، بس طبعا هتلاقي فيه اسعار حلوة جدا بالمقارنة بالمناطق التانية.

البنطلون فعلا النوعية دي بتبقي حلوة اوي اوي وانا بستريح فيها بردو.

CuTie KaTkOoTa;11255152:
شكلهم من بعيد حلو اوي يا ندي والوانهم رقيقة والطواقي كميلة اوي ما شاء الله.
عين شمس دي فعلا في القاهرة انا عارفة الشارعين دول بس مش شاطرة اوي في الوصول ليهم :085::085::085:

احمد عرابي ده اصلا شارع حيوي جدااااااااااا ومليان محلات بغباء ومتعرفيش تحطي رجلك فيه من كتر الزحمة بتاعة الناس والمحلات، بس هو شعبي شوية، بس طبعا هتلاقي فيه اسعار حلوة جدا بالمقارنة بالمناطق التانية.

البنطلون فعلا النوعية دي بتبقي حلوة اوي اوي وانا بستريح فيها بردو.

عسل ياكتكوته:072:
خلاص اجبلك من هنا لو عايزه



انا هشرح الصوره
اطقم سلوبيتات بالطواقى بالبفته الطويله اللى بتتحط على كتف الام
طواقى فردانى
سلوبيتات فردانى
ملايات
لفات رقيقه انواع والوان
لفات دبل فيس تقيله
جلاليب بالفه بتاعتهم احتمال اخلى واحد منهم للسبوع ان شاء الله
حزام عريض مش عارفه لى اييه اللى هو باين فى الصوره حدوده كحلى تقريبا بتاع الوسط بس مش عارفه استخدمه ولا لا
بفتات
بيجامه شرت
سلوبيتات داخليه


بس كل دول ماشترتهمش لمتهم من اخواتى:093:


انا كده فاضلى شايات وفوط قشط وفوط صغيره وبشكير وبافتات وحاجات الصيدليه ليا وليه ان شاء الله
وجلابيه عاديه او اتنين اللى ببطلون عشان فى المستشفى يلبسهالو ولما اروح ماما هتغيرله وتحميه عشان مش بيبقى نضيف قوى والبسه بقى سلوبيت على نضافه
اجيب اييه تانى؟؟؟
تفتكروا فى حاجه ناقصه:042:

اه اغطى البيبى فى الصيف وهو نايم باييه
بلفه الدبل فيس؟؟؟؟؟؟؟؟

dew.dew;11255318:
عسل ياكتكوته:072:
خلاص اجبلك من هنا لو عايزه

:085::085::085::085: تسملي يا نودي، حلوة اوي هشرح الصورة دي :085::085::085:

dew.dew;11255331:
اه اغطى البيبى فى الصيف وهو نايم باييه
بلفه الدبل فيس؟؟؟؟؟؟؟؟

اه او ممكن اللي بتبقي طبقة واحدة كمان، انتي حسب الجو عندك في المنطقة والشقة لأنها بتختلف من حد للتاني، وكمان لازم تدرجي الغطاء مش تخففي فجاة او تتقلي فجأة.

CuTie KaTkOoTa;11253896:
بصي يا بيبو انتي ونونه :085::085::085::085:
معلش قلت اجمع هنا الرد بينكم، هو اصلا العقيقة بتبقي لحمة وفتة، بس حاليا يعني الناس بقت تعملها لحمة وكبسة جنبها او رز بالخلطة كده يعني، واه التسوية بياخدوا كده بس لو انتي جيباه من عندك، واي حاجة اضافية بقي بره الفلوس دي، وبتقوليله انتي عايزاه يفضل صحيح زي ما هو ولا نصين ولا 4 اربع ولا متقسم في اطباق مثلا.
بس كسكسي دي غريبة يا بيبو اوي مش عارفة، لكن اه مش شرط تعملي طبعا الرز عندهم، ده احنا بنسأله علي فيه حلو ولا لأ رز بلبن مثلا، فالراجل قالنا لأ مش بيعمل خالص ده حضرموت يعني وقالنا انتوا مش عايزين تعملوا حاجة في البيت خالص :085::085::085::085:

شاكر ده بقي مطعم مشويات في مصر الجديدة قديم ومعروف وحاجات جميلة اوي بردو.

ا.

ميرسى يا ايمى على ردك
انا بفكر فى الكسكسى عشان العيلة عندنا كلهم بيحبوه وماما ما شاء الله بتعمله حلو قوووووووى بس لسة مش عارفة بالظبط هعمل ايه ربنا يسهل

بنت من الزمن ده;11253981:


حد هياخد تطعيم التيتانوس ده ولا مالوش لازمه وهتاخدوا اى شهر

بصى يا قمر التطعيم مفيد ليكى وللبيبى مالوش اى اضرار خالص .. بس عادة الناس مش بتطعمه لان لمستشفى لما بتبقى نظيفة مش بيبقى فى تلوث لا قدر الله ممكن يحصل بس هو وقاية بصراحة عشان مفيش حاجة مضمونة فى البلد دى
انا لما قولت للدكتورة قالتلى الكلام ده لما تولدى فى مزرعة انا هولدك فى مستشفى بس براحتك لو عايزة تاخديه خديه
وهو بيبقى فى اول حمل جرعتين الفرق بين 28 يوم .. ممكن تاخديه من الخامس .. انا اخدته فى السابع والتامن .. وماينفعش تاخديه فى التامن والتاسع كده متأخر قوووووى
انا اخدته فى الوحدة الصحية (مكتب الصحة) ... روحت وفتحت ملف عشان البيبى كمان يتطعم عندهم .. التطعيم ببلاش هناك ..
وممكن تطعمى فى اى مستشفى حكومة او صيدلية بس انا قولت مكتب الصحة آآمن حاجة فى التطعيمات