تجهيزات واستفسارات حوامل مصر :)

بصى يا جميله
هاتى الهدوم الداخليه ان شاء الله ربنا معاكى

روحى فرع للتوحيد والنور وهاتى الفلنات وانصحك بمقاس 3-6
لان مقاس 0-3 صغير اوى بجد حتى لو النونو حجمه صغير برده مش نزنقه يعنى ان شاء الله
تمام

هاتى 6 فلنات قط والواحده بتعمل 6 وشويه ماركه جونيور ماركه جميله ما شاء الله
و6 نص كم ونفس السعر ان شاء الله
وممكن تجيبى 3 او 4 كم لانك هتولدى فى الصيف تقريبا ان شاء الله صح

وهاتى بقا بتاع 10 بناطيل نفس المراكه الاتنين بيكونوا مع بعض ب 16 وريال بين
لان الواحد ب 8 وبريزه الحمد لله
لان البناطيل بتتغير كتير وبرده متجبيش اصغر مقاس

احسبيهم بقا يعملوا كام
وهاتى بتاع من 3 ل 5 بافتات اسعارهم بين 3 ونص و4 ونص كدا واختارى الى ظهرها فيه مشمع


تصدقى وتؤمنى بالله انى قريت اول كلمتين ولوقتى ببص لقيتك بتسلمى سلام خاص ربنا يكرمك يارب القلوب عند بعضها شوفتى بقا
وعلى فكره عن نفسى جيبت فلنه واحده بس قط
لانى جيبت شايات ملونه بكم حوالى 6 الحمد لله
ومش غاليه برده بتعمل من 11 ل 12 جنيه
عشان منهم فلنات محمه لانها بكباسين من تحت ومنهم للصيف ان شاء الله لوحدهم فهمانى
والفرع الجديد بتاع التوحي والنور حاجته جميله جدا ما شاء الله
الى فى كوبرى القبه الحمد لله
اكتبى دول ولما تخلصيهم اكملك
اه ومتنسيش تشترى مشمعين تغير هتلاقى الواحد ب 3 ونص هاتى انين عشان واحد بدل واحد وكدا للنضافه ان شاء الله

كتكوته بس انا حاسه ان الملايه طلعت قصيره ولا بيتهيالى

sally2007;11187319:
بسم الله ما شاء الله الله واكبر شكلة حلوة قوى ممكن اعرف جبتيه بكام اصلى شفت واحد عامل 2000 درهم وطبعا قلت انا وجوزى ده غالى موت واستحالة نجيبة بسعر ده لانه بتمن اوضه اصلا ههههههه

سالي؟ هو ايه الي ب 2000 درهم؟؟ انت يفين في الامارات نا لسا جااي من بره من محل اسمه ارض الطفوله وسراير زي بتاعت كتكت دي بالفرش بتاعها ب 250 درهم و ب300 انا في العين انتي فين؟

فتافييت السكر;11187507:
كتكوته ماشاء الله السرير جميل قوي قوي
بنات هوه دلوقتي السلوبيتات بتاعه البيبي في منها اقطان ولا الاغلب قطيفه؟

انا شارية كله اقطان يا قطة

ميرسى لكل البنات اللى ردوا عليا
توتى ميررررسى يا جميل جزاكى الله خيرًا

كتكوووووتة ميرسى يا جميل
وما شاء الله السرير بقى تحفة يستاهل التعب واللف :ok: عقبال ماتشوفى جوجو منوراه ان شاء الله :086:

ياريت لو حد عنده فكرة او اتعامل مع كارسيت ابن حلال كده سعره كويس يقولى ماركته ايه
يعنى حاجة اخرها 300 او 400 جنيه بالكتير قوى

ماحدش يعرف حاجة عن أمة الله؟ مختفية تمامًا بقالها فترة ...!!!

فتافييت السكر;11187507:
كتكوته ماشاء الله السرير جميل قوي قوي
بنات هوه دلوقتي السلوبيتات بتاعه البيبي في منها اقطان ولا الاغلب قطيفه؟

فى أقطان كتير أشكال وألوان

Miss FaTi;11188069:
ازيكم يا قمرات

معلش تقريبا مماشارككتش الا مرة من لخمة الامتحانات والدنيا

كتكوتة ماشاء الله السرير طالع بيجنن ربنا يهنيها وتتربى بعزكم

بصو بقى يا بنات

انا شوية ايام واتم الخامس باذن الرحمن الدكتورة قالتلى ولد :( باشا بس يلا كلة حلو من ربنا

المهم مفروض دلوقتى ابدء اجيب اية لان بجد مش عاررفة راسى من رجليا ومش عايزة اكركب المصاريف على جوزى لان شوية الظروف متلخبطة

كمان انا قاعدة بالعاشر من رمضان وبدرس بمدينة نصر يعنى لو فى اماكن فى المناطق دى او طنطا بردو لان اهلى هناك وبنزل كل فترة

وكان فى بنات شوفتهم جايبين حاجات داخلية للبيبى فانلات كم ونص وكت وبنطلونات بس سعر غريب وخيالى الواحد ب جنية ونص !!!

فياترى دة امن ولا اية واية نظامة

وياريت لو فى ليستة بالاولويات قبل ماالواحد يتقل حد ينزلهالى

ووربى مايحرمنى منكم يااقمرات ويسعدكم بشوفة بيبيهاتكم

وان شاء الله استفاد منكم زى مااستفدت وقت التجهيزات

سلا م خاص لصوت العيون حبيبة قلبى وماشيمارو وكل رفقاء الدرب فى التجهيزات

ربنا يتمملك على خير يارب ان شاء الله
بصى يا قمر اكتبى فى ورقة عندك الليستة بتاعت الحاجات المطلوبة وطول مانتى ماشية لو اشتريتى حاجة اشطبى من الليستة أول بأول ...
وفى مدينة نصر هتلاقى محلات كتير طبعًا تجيبى منها ...
مفيش حاجة بجنيه ونص بصراحة الا اكياس الشيبسى لكن لبس نوووووووووو هههههههههههههه
بصى الفانلات والشايات والحاجات دى تقريبا بتبدأ من 7 جنيه ...
انا رأيى تنوعى بين مقاس 0-3 ومقاس 3-6 ... النيوبورن هو اللى بيبقى صغير قوى لكن من 0-3 مش دايما بيبقى صغير وطبعا بتفرق من بيبى لبيبى .... فى بيبى بيبقى طويل وواحد بيبقى كلبوظة وواحد ممكن يبقى رفيع وواحد ممكن يبقى وزنه حلو بس رفيع ويطلع وزنه كله عضم ... بتفرق جامد وللأسف مش هنعرف غير اما نشوف .. عشان كده مبدئيا بقولك تنوعى فى المقاسات....
هتولدى فى الصيف يبقى خليكى فى الشايات او الفانلات الكت وممكن تجيبى نص ..
الكت هاتى ستة والنص بصراحة ماتكتريش يعنى لانك غالبا هتلبسى قطعة واحدة بس تحت السالوبيت عشان صيفنا حر مووووت

البنطلونات مالهاش لزمة مادام هتولدى فى الصيف.. انا جايبة ستة بس عشان هلحق حبة فى الشتا....

هتجيبى بقى لبس خارجى سواء للبيت أو الخروج ... هاتى ستة للبيت واتنين تلاتة بالكتير للخروج لأنه فى الاول مش بيخرج كتير ...
هاتى كوفرتتين .. وممكن تأجلى البطانيات لحد أما الشتا يدخل ...

فعلا يا بيبو الشايات بتاعة بابيون ب 7-9 جنيه اللى بكم كمان و مش وحشة معقولة

Miss FaTi;11188069:
ازيكم يا قمرات

معلش تقريبا مماشارككتش الا مرة من لخمة الامتحانات والدنيا

كتكوتة ماشاء الله السرير طالع بيجنن ربنا يهنيها وتتربى بعزكم

بصو بقى يا بنات

انا شوية ايام واتم الخامس باذن الرحمن الدكتورة قالتلى ولد :( باشا بس يلا كلة حلو من ربنا

تسلمي يا جميلة عقبال ما تجيبي حاجات ابنك ان شاء الله وتفرحي بيها وبه.

dew.dew;11189681:
كتكوته بس انا حاسه ان الملايه طلعت قصيره ولا بيتهيالى

انا اللي مدخلاها تحت المرتبة عشان ابين شكل السرير حبتش اسيبها كده نازلة وتخبي شكله فهماني، بس بتاعة الطقم دي بردو اصغر من الطقم التاني اللي جبتها لوحدها، بس انا السرير عندي هو اللي كبير عن اللي موجودين في المحلات كلها للأسف، وحتي قبل ما اعمل المرتبة عمولة لفيت كتير وكله بيستغرب مقاسه اوي مع انه كان جاهز بردو بس مش فاهمة ليه، يعني هو 120 * 70 لكن اللي في السوق كله اللي عدي عليا يعني في محلات كتيرة والناس بردو البياعين وصحاب المحلات بيقولولي 120 * 60 الخشب، وبردو كنت بلاقي كل الملايات صغيرة، ما عدا التانية الجديدة البينك دي كبيرة الحمدلله الوحيدة اللي لقتها اكبر من الباقي، انا مقستهاش بس الراجل قاللي وكمان شفت شكلها لما فردها كده لقيت عرضها حلو وربنا يستر بقي وبقولك بعد كده اصلا مش هتعب نفسي في اللف والسؤال علي الملايات هفصلهم عشان ارتاح بجد عشان عرض السرير الرخم ده.

Eng. BoB;11190346:

كتكوووووتة ميرسى يا جميل
وما شاء الله السرير بقى تحفة يستاهل التعب واللف :ok: عقبال ماتشوفى جوجو منوراه ان شاء الله :086:

ياريت لو حد عنده فكرة او اتعامل مع كارسيت ابن حلال كده سعره كويس يقولى ماركته ايه
يعنى حاجة اخرها 300 او 400 جنيه بالكتير قوى

:087::087::087: تسلمي يا بيبو يا قمر، انا بصراحة مش عارفة اللي بشوفه في التوحيد والنور بيبقي ب 183 حاجة كده جراكو بس اكيد التقليد او الصيني منها، وفي هالة بردو لقيت نفس السعر كده وفيه اعلي شوية بردو لكن مبصتش تاني في حتت تانية لسه لأني مش هجيبه من دلوقتي، انتي جوزك مرضيش تجيبي من عند الست؟

مورو بالصدفة كنت معدية عن محل موندين في شارع الأهرام بس كان بيقفل يعني ولقيت في الفترينة قميص نوم بسفرة كده سيمبل وحلو وكان ب 99 وبزراير بس طبعا ولا مسكته ولا شفته من قريب لأن المحل كان بيقفل وقلت اقولك بردو عشان لو حبيتي تبصي عليه.


بنات العامرية دخلته النهاردة اللي في شيراتون وياريتني شفته من زمان ايام التجهيز كمان، المهم عنده بيجامات وجلاليب وقمصان وحاجات حلوة وكلها زراير او سوستة، وفوط الوش عنده والكوفيرتات للكبار يعني حلوة اوي وخامتها طبعا حلوة كله قطن 100 5 والعامرية معروفة، وفيه كمان لبس اطفال لقيت سالوبيتات قطيفة هناك وفيه منتجات لاسو وكارينا وجيل وحاجات كتيرة اوي.
وانا جبت من هناك تيشيرتات بنص كم ليا عشان البسهم تحت القمصان او الجلاليب في المستشفي او البيت حتي بزراير من قدام والتدويرة بتاعها مش كبيرة عشان مبردش، هما اصلا مش معمولين لتحت الهدوم بس لقتهم بزراير فقلت اجيبهم كويس.

وفيه جلاليب ظريفة عليها رسمة كارتون كده وهي قطيفة ومعاها لكلوك طقم نفس اللون والشكل.

وانا رحت الصياد اشوف جه من برا الرضاعة اللي كنت جبته مقاس اكبر ولا لسه عشان ابدل ملقتش بردو فقمت مرجعاه وجبت واحد تاني بداله من عندهم ماركة تانية ب 45 بس احسن منه عشان الكوبشة بتاعته اللي قدام دي 3 مستويات وكويس بردو، جبت واحد بس لغاية ما اجربه ساعتها واشوف اجيب تاني ولا ايه.

CuTie KaTkOoTa;11192453:
مورو بالصدفة كنت معدية عن محل موندين في شارع الأهرام بس كان بيقفل يعني ولقيت في الفترينة قميص نوم بسفرة كده سيمبل وحلو وكان ب 99 وبزراير بس طبعا ولا مسكته ولا شفته من قريب لأن المحل كان بيقفل وقلت اقولك بردو عشان لو حبيتي تبصي عليه.


بنات العامرية دخلته النهاردة اللي في شيراتون وياريتني شفته من زمان ايام التجهيز كمان، المهم عنده بيجامات وجلاليب وقمصان وحاجات حلوة وكلها زراير او سوستة، وفوط الوش عنده والكوفيرتات للكبار يعني حلوة اوي وخامتها طبعا حلوة كله قطن 100 5 والعامرية معروفة، وفيه كمان لبس اطفال لقيت سالوبيتات قطيفة هناك وفيه منتجات لاسو وكارينا وجيل وحاجات كتيرة اوي.
وانا جبت من هناك تيشيرتات بنص كم ليا عشان البسهم تحت القمصان او الجلاليب في المستشفي او البيت حتي بزراير من قدام والتدويرة بتاعها مش كبيرة عشان مبردش، هما اصلا مش معمولين لتحت الهدوم بس لقتهم بزراير فقلت اجيبهم كويس.

وفيه جلاليب ظريفة عليها رسمة كارتون كده وهي قطيفة ومعاها لكلوك طقم نفس اللون والشكل.

وانا رحت الصياد اشوف جه من برا الرضاعة اللي كنت جبته مقاس اكبر ولا لسه عشان ابدل ملقتش بردو فقمت مرجعاه وجبت واحد تاني بداله من عندهم ماركة تانية ب 45 بس احسن منه عشان الكوبشة بتاعته اللي قدام دي 3 مستويات وكويس بردو، جبت واحد بس لغاية ما اجربه ساعتها واشوف اجيب تاني ولا ايه.

فين ده يايمي ال عنده لاسو وجيل وكارينا
ومنتجات العامريه

miko85;11192704:
فين ده يايمي ال عنده لاسو وجيل وكارينا
ومنتجات العامريه

في مساكن شيراتون واخد ناصية ونازل لتحت كده في نفس الطريق بتاع الصياد بس قبله.
هو اصلا منفذ بيع العامرية وكاتب كمان علي اليافتة من بره جيل ودهب وحاجات كتيرة ولما دخلت لقيت المحل صغير بس مليان حاجات كتيرة فعلا.

صوت العيون;11188424:
بصى يا جميله
هاتى الهدوم الداخليه ان شاء الله ربنا معاكى

روحى فرع للتوحيد والنور وهاتى الفلنات وانصحك بمقاس 3-6
لان مقاس 0-3 صغير اوى بجد حتى لو النونو حجمه صغير برده مش نزنقه يعنى ان شاء الله
تمام

هاتى 6 فلنات قط والواحده بتعمل 6 وشويه ماركه جونيور ماركه جميله ما شاء الله
و6 نص كم ونفس السعر ان شاء الله
وممكن تجيبى 3 او 4 كم لانك هتولدى فى الصيف تقريبا ان شاء الله صح

وهاتى بقا بتاع 10 بناطيل نفس المراكه الاتنين بيكونوا مع بعض ب 16 وريال بين
لان الواحد ب 8 وبريزه الحمد لله
لان البناطيل بتتغير كتير وبرده متجبيش اصغر مقاس

احسبيهم بقا يعملوا كام
وهاتى بتاع من 3 ل 5 بافتات اسعارهم بين 3 ونص و4 ونص كدا واختارى الى ظهرها فيه مشمع


تصدقى وتؤمنى بالله انى قريت اول كلمتين ولوقتى ببص لقيتك بتسلمى سلام خاص ربنا يكرمك يارب القلوب عند بعضها شوفتى بقا
وعلى فكره عن نفسى جيبت فلنه واحده بس قط
لانى جيبت شايات ملونه بكم حوالى 6 الحمد لله
ومش غاليه برده بتعمل من 11 ل 12 جنيه
عشان منهم فلنات محمه لانها بكباسين من تحت ومنهم للصيف ان شاء الله لوحدهم فهمانى
والفرع الجديد بتاع التوحي والنور حاجته جميله جدا ما شاء الله
الى فى كوبرى القبه الحمد لله
اكتبى دول ولما تخلصيهم اكملك
اه ومتنسيش تشترى مشمعين تغير هتلاقى الواحد ب 3 ونص هاتى انين عشان واحد بدل واحد وكدا للنضافه ان شاء الله

ربنا يتمملك على خير يارب ان شاء الله
بصى يا قمر اكتبى فى ورقة عندك الليستة بتاعت الحاجات المطلوبة وطول مانتى ماشية لو اشتريتى حاجة اشطبى من الليستة أول بأول ...
وفى مدينة نصر هتلاقى محلات كتير طبعًا تجيبى منها ...
مفيش حاجة بجنيه ونص بصراحة الا اكياس الشيبسى لكن لبس نوووووووووو هههههههههههههه
بصى الفانلات والشايات والحاجات دى تقريبا بتبدأ من 7 جنيه ...
انا رأيى تنوعى بين مقاس 0-3 ومقاس 3-6 ... النيوبورن هو اللى بيبقى صغير قوى لكن من 0-3 مش دايما بيبقى صغير وطبعا بتفرق من بيبى لبيبى .... فى بيبى بيبقى طويل وواحد بيبقى كلبوظة وواحد ممكن يبقى رفيع وواحد ممكن يبقى وزنه حلو بس رفيع ويطلع وزنه كله عضم ... بتفرق جامد وللأسف مش هنعرف غير اما نشوف .. عشان كده مبدئيا بقولك تنوعى فى المقاسات....
هتولدى فى الصيف يبقى خليكى فى الشايات او الفانلات الكت وممكن تجيبى نص ..
الكت هاتى ستة والنص بصراحة ماتكتريش يعنى لانك غالبا هتلبسى قطعة واحدة بس تحت السالوبيت عشان صيفنا حر مووووت

البنطلونات مالهاش لزمة مادام هتولدى فى الصيف.. انا جايبة ستة بس عشان هلحق حبة فى الشتا....

هتجيبى بقى لبس خارجى سواء للبيت أو الخروج ... هاتى ستة للبيت واتنين تلاتة بالكتير للخروج لأنه فى الاول مش بيخرج كتير ...
هاتى كوفرتتين .. وممكن تأجلى البطانيات لحد أما الشتا يدخل ...

تسلميلى يارب

والله انك عسولة وبرتاح جدا لما اقرا اى رد ليك



تسلمى انت وبوبا على ردكم الجميل وانا نسخت الرد وحفظتة عشان ابدء واحدة واحدة اجهز فرصة دام بروح الكلية وبنزل من البيت كتير

ولو جيبت حاجة ان شاء الله هصورها واوريهالكم

وفين يا مورو الفرع الجديد بتاع التوحيد والنور دة بالظبط؟

والماركة جونيور دى من اى محل لبس اطفال وسعرها موحد ولا بيختلف من مكان لمكان؟؟

وحد يا بنات جاب الجوانتيات بتاعت البيبى عشان مش يخربش نفسة ولا ملهاش لازمة؟

Miss FaTi;11194874:

وحد يا بنات جاب الجوانتيات بتاعت البيبى عشان مش يخربش نفسة ولا ملهاش لازمة؟

انا جبت تلاتة بيبقوا مع بعض كده، عشان فعلا الخربشة وكمان عشان لو خرجت بيها والجو كان برد او حاجة لكن في البيت منش اني هلبسهملها إلا لو لقيت ايديها باردة اوي او لونها متغير.
والشرابات بقي طبعا بردو اساسية لو جبتي سالوبيتات برجل مفتوحة لكن لو مقفولين يبقي خلاص، وجبت طاقيتين قطن بردو للخروج بس متجبيش ضوف خالص عشان دي مش حلوة وبتعيي، خليكي في القطن.

والشايات افضلك من الفانيلات هتسهل عليكي اكتر في اللبس في الاول وكمان بتبقي محكمة علي البيبي ومش تقعد تطلع بره الهدوم وكده ويبرد، وخللي بالك ان مش كل الماركات المقاس فيها بيبقي اد بعضه، يعني من 0-3 هتلاقيه مختلف في ماكرة عن التانية، انتي شوفي بالنظر كده ومتجبيش حاجة صغيرة خالص ولا نيو بورن في الداخلي يعني والخروج بقي ممكن تجيبي طقم واحد بس نيو بورن او اتنين عشان لزوم السبوع يعني او لما حد يجي يشوف البيبي يبقي اللبس مظبوط عليه ومش واسع لكن متجبيش اكتر من كده عشان حرام يترموا بعد كام لبسة وخلاص.

وهاتي فوشط للقشط 6 مثلا او اربعة اظن اقل حاجة وكله طبعا لازم ويفضل يبقي قطن 100 %
وبشكير وفوطة 2 مثلا والغطاء بقي حسب الجو انتي هتلاقي خامات كتيرة، فيه كوفيرتات قطن فيه طبقة واحدة وفيه طبقتين، وفيه تريكو وفيه بطانين قطيفة، وفيه خامة كده مش قطن بس خفيفة بردو يعني هتلاقي تشكيلة فحسب ميعاد ولادتك بقي هاتي.
ولو جبتي شايات مش فانيلات متجبيش اللي بشرايط هاتي بكباسين.

ما شاء الله يا كتكوته
السرير حلو اوي عقبال ما تيجي تنام فيه يارب
ميرو انا برده شفت البطانيه في كارفور امبارح ب59
مشمشكله متزعليش نفسك فدا البيبي ياسلام
صيدليات سيف ليه فروع كتيره بس مش معايا الورقه لانها مع جوزي لما يجي من الشغل هكتبلم الفروع ولاانتوقصدكم علي سيف ستورز

ام ندي;11195956:
ما شاء الله يا كتكوته
السرير حلو اوي عقبال ما تيجي تنام فيه يارب
ميرو انا برده شفت البطانيه في كارفور امبارح ب59
مشمشكله متزعليش نفسك فدا البيبي ياسلام
صيدليات سيف ليه فروع كتيره بس مش معايا الورقه لانها مع جوزي لما يجي من الشغل هكتبلم الفروع ولاانتوقصدكم علي سيف ستورز

تسلمي يا هوبا يارب.

اه قصدهم علي سيف ستورز ده اللي فهمته مش الصيدلية لأ

مشمش ام محمد;11189970:
سالي؟ هو ايه الي ب 2000 درهم؟؟ انت يفين في الامارات نا لسا جااي من بره من محل اسمه ارض الطفوله وسراير زي بتاعت كتكت دي بالفرش بتاعها ب 250 درهم و ب300 انا في العين انتي فين؟

والله لقينا سرير بسعر ده كنا فى القرية العالمية لو تسمعى عنها ولفت نظرى السرير لانها كان شكلة حلو قوى فبنسال عليها لقنه 2000درهم استغربنا جدااااااا لان كان ده اول سرير نسال علي فقلت لجوزى داحنا نشتريله اوضه كاملة اوفر هههههههه
والسرير كان شبة السراير دى جداااااااااا

بنات لسه مكتشفة من الفروع اللي مكتوبة علي شنطة محل العامرية ده، انه فرعين بس اللي في مساكن شيراتون والتاني في شارع متفرع من حسن المأمون جنب النادي الاهلي، يعني معني كده انهم مش كلهم واحد، يعني اللي عند الميريلاند ده مش تبع اللي انا روحته وفعلا تصدقوا اني لاحظن ان اليافطة بتاعته من بره مش مكتوبة عليها جيل وكده زي التاني، مكتوب العامرية وبس.

كتكوتة يسلمو اسيسسسسسسسسسسسسسديسك يا سكر

شوفو يا بنات لقيت العرض دة وانا بلف وادور على النت

لو حد عجبة حاجة يقولى وانا اعرفة منين

انا والله اول مرة اشوف العرض وقلت اوريه لكم يمكن تحبو حاجة منة

--------








ب12
وفيه سالوبيت تانى مازركير بينك فى ابيض

******************************
ب8 جنيه وتقيل وبيدفى بالامانه لحد سنه ونص(مش ماركه)

ام ندي;11195956:
ميرو انا برده شفت البطانيه في كارفور امبارح ب59
مشمشكله متزعليش نفسك فدا البيبي ياسلام

طبعا انا مش بقدر اسكت و لا اخبى فقلت لجوزى امبارح البنات جابو البطانية ارخص بكذا
قالى و ايه المشكلة مش مهم مش تعدى تقارنى بقى الاسعار انا شايف انها حلوة و تستاهل
و خلاص جبناها مش تزعلى :03::03: الحمدلله

المهم اللى جاى بقى بإذن الله علشان مش اعمل كده تانى محتاجة الف و انا مش قادرة الحقيقة و هو مش هيرضى يلف معايا بيستسهل

الدكتور النهارده اللى هو رفعت الجابرى فى برنامج العياده
واحده اتصلت وسالته عن كريم لتشقق الحلمه بعد الرضاعه
قالها انو مش بينصح بالكريم لانو بيغير ريحه الثدى اللى الطفل يعرفها فبيبتدى يرفض الرضاعه الطبيعيه
وبيقول الاحسن ان ها تعصر اثدى وتمسح باللبن على الحلمه
بعتذر منكم بطريقه الكلام بس انا قلت اقولكم زى ماقال

انا اعرف ان الطريقه دى بتستخدم لتزويد اللبن معرفش انها للتشقق