تجهيزات واستفسارات حوامل مصر :)

Eng. BoB;11147392:
هو انا ممكن الاقى فين برا الرضاعة غير شارمين عشان روحت امبارح وماكنتش موجودة؟؟؟؟

هتلاقي يابيبو في جويا وكمان انا جبت برا رضاعة ماركة لاسو هتلاقيه في اي محل لانجيري كويسه زي شارمن وهاتي 3 او 4 لانهم مهمين جدا واوعي تنسي البادز اللي بتمتص اللبن لانها مهمه جدا جدا وهاتي اللي بتغسل من افنت التلاته ب 80 بس هي غالية بس تحفة بجد احسن من اي نوع

lara2009;11147523:
يا بنات عاوزه اعرف احلى اماركات العالميه فى لبس الببيهات واجبها منين وايه الحاجات المفيده والحاجات اللى ملهاش لازمه

عندك ماركة مزر كير وطبعا ده في مزر كير وفيه baby gap و old navy ودول تحفة في الخامات وكل دول موجودين في محلات التصدير
والحجات اللي ملهاش لازمة الاسراف في شرا الحجات يعني جيبي كل حاجة بالمعقول لان البيبي بيكبر بسرعه

*عروس حبيبى*;11149588:
ازيكم يابنات
متشكره لمورو وكتكوت

كنت بس عاوزة اعرف من الماميهات الخبرة السلوبيتات الداخليه من 3-6 لطفل لسه مولود هتبقى واسعه ومهبله وللا شغاله يعنى

اصلى مش عاوزة اجيب حاجه0-3 وارميها بعد اسبوعين لأن كله بيقول البيبى بيكبر بسرعه فى الأول ماشاء الله,,عاوزة حاجه يستفيد بيها فترة كويسه


كمان عندى سؤال تانى الويز بتاعت البيريود اللى بالأجنحه اللى متعودين عليها حد استخدمها للنفاس؟اصلى خايفه مرتاحش فى لوتس وهاندى دول كبار كده ومتروسين قطن ومفيهمش خاصية نسيجاف

انا جبت حجات من 0ل3 وحجات من 3ل6 يعني الكمية اللي ناويه تجيبيها في الداخلي اقسميها هاتي نص الحجات من 0ل3 والنص التاني3ل6 علشان البيبي في الاول يلبس من 0 ل3 وميكونش عايم في الهدوم وبالنسبة لاولويز هاتي لوتس واولويز ماكسي الكبير ده لاول الايام بس لان بعد كده الدم بيقل خالص وهتستخدمي العادي وهاتي نوع اسمه نانا تحفة ومبيعملش حساسيه ومريح اوي استخدميه باقي فترة النفاس

*عروس حبيبى*;11150630:
طيب ياقمرات ربنا يكرمكم على الرد

عندى سؤال تانى معلش لما اجى البس البيبى فى الصيف سلوبيتات كت ونص كم بخللى رجليه عريانه كده وللا بلبسه بنطلون (وخصوصا فى الخروج)عشان انا ملاحظه ان السلوبيتات القطعه واحده بتبقى بكم ورجلين او كم من غير رجلين او كت من غير رجلين
انما مفيش كت برجلين
فلو هجيب سلوبيتات كت ونص كم فى الصيف البسها لوحدها وللا معاها بنطلون سواء لبنت او ولد جاوبونى انا محتاسه اوى(انا طبعا بتكلم على السلوبيتات الخارجيه مش الداخليه)

وهل انا فى الصيف بلبس السلوبيت عاللحم من غير فانله تحته او سلوبيت داخلى؟؟؟؟؟؟؟؟؟؟؟

البيبي بيلبس السلوبيت اللي من غير رجلين في البيت لكن في الخروج يفضل يلبس برجلين لانه معرض لتيار الهوا مهما كان
وبيلبس فانله كات تحت السلوبيت

متشكرة اوى يا قمر على ردك عليا جزاكى الله كل خير

طيب يعنى الويز ماكسى تغنى عن لوتس مش كده؟هى ماكسى دى اللى هى مش الترا صح؟
طيب الويز الترا الكبيرة تنفع لأول ايام؟
وفوط نانا بتبقى مبلوله كده من الدم وللا بتكون ناشفه زى الويز؟

طب انا ايام البريوت كنت واخدة على الويز التر الروز تنفع ايام النفاس ولالا ؟؟؟؟؟؟؟؟

راندا;11152449:
طب انا ايام البريوت كنت واخدة على الويز التر الروز تنفع ايام النفاس ولالا ؟؟؟؟؟؟؟؟

لا يا قمر متنفعش اللي مجربين قالوا كده، عشان الدم بيكون اكتر من البيريود، ودي بتبقي صغيرة ورفيعة، علي الاقل في اول اسبوع عشان بيبقي غزير هاتي الأنواع المخصوصة للنفاس

miko85;11150590:
الببرونات يابنات هاتجبو 120 مل ولا 200 علي طوول
وبببرونات العصير مهمه ولا لا ال بتبقي 60 مل

هاتى ياميكو ال200 لان انتى هترضعى صناعى نع الطبيعى فهتحتاجيها

ببرونات العصير دى صغيرة جدا
وعلى مايوصل لوقت شرب العصير يعنى 4ولا6 شهور ميكفيش البيبي خالص ال60 دول



يابنات متخافوش من دم النفاس مش زى ماانتو متخليلين
انا اول 3 ايام استخدمت بيبي هاندى كنت برميها وهيا اغلبها فاضية وكملت بقية الاسبوع ب فوط اسمها نانا علشان صغيرة وكملت بقية الايام بفوط ريا اليومية اللى هيا صغيرة اوى دى

*عروس حبيبى*;11151769:
متشكرة اوى يا قمر على ردك عليا جزاكى الله كل خير

طيب يعنى الويز ماكسى تغنى عن لوتس مش كده؟هى ماكسى دى اللى هى مش الترا صح؟
طيب الويز الترا الكبيرة تنفع لأول ايام؟
وفوط نانا بتبقى مبلوله كده من الدم وللا بتكون ناشفه زى الويز؟

انا ولدت قيصري وكانت اولويز ماكسي حلوة اوي معايا انتي هاتي عبوة واحده لوتس و2 الويز ماكسي وشوفي نظامك ايه لان كل واحده بتختلف عن التانيه في غزارة الدم وبالنسبة لنانا مبتكنش مبلوله بتكون ناشفه وناعمة اكتر من اولويز وخصوصا انتي محتاجة حاجة سوفت لان الفتره دي بتكون طويله وبيحصل حساسية وتسلخات وكده فانتي بمجرد ان الدم يقل تلبسي الفوط الملمس القطني وفي انواع كتير احسنهم نانا وهاتي المقاس الكبير برضه مش الصغير

miko85;11144991:
بتزعيقي ليه ههههههه
طيب جونسون ال في السعوديه بردو وحش
كمان علي فكره انا روحت بدلت السالبوتات ال كنت جايبهم بكم ورجلين جبتهم بنصف وشورت كمان
علشان هاستريح والحر كمان هههههه

بصي كل البنات العرب اللي هنا على المنتدى كانوا بيقولوا ان احسن حاجة سيباميد لانه فعلا مخصص للاطفال انما جونسون ريحة بس وغير كدة بينشف شعر البيبي
وبرافو عليكي خليكي في الصيفي انتي عايزة العيال يفطسوا ولا ايه؟

miko85;11150590:
الببرونات يابنات هاتجبو 120 مل ولا 200 علي طوول
وبببرونات العصير مهمه ولا لا ال بتبقي 60 مل

بصي هاتي 250 مل عشان اللبن و البيبرونة الصغيرة دي خليها عشان الاعشاب وهاتيها لانك حتستخدميها اكيد في الاعشاب

sweet_toota;11150650:
ندى مشمشتى ماشاء الله الحاجة رووووووووووعة مبرووووووكين عليه بس غريبة اوى انهم منزلين الاسعار اوى كدة دة السيل كدة واصل ل 80 % هو السوق اتضرب ولا اية انا سمعت انه عامل سيل 50 % بس كدة معدى الطقم نازل من 90 ل 25 درهم وااااو هو لحد امتى السيل متعرفيش؟؟؟؟؟؟؟

السيل بتاع الامارات والسعودية غير بتاع مصر يا حلوة عشان هناك مافيش كم الضرايب اللي عندنا فالسيل هناك بيوصل ل 90% كمان انا ماما كانت جايبالي من مزر كير المدينة سويت شيرت لمومو كان ب 60 ريال بقى ب10 ريال بعد السيل تخيلي انا جبتله بنطلون من مزر كير مصر ب45 جنيه بعد السيل و كان ب 90 جنيه قبل السيل

يابنات انا فى اسماعليه دلوقتى
لقيت فى محل اطفال كنت بلاقى ناس بتدخله قلت اشوفه لاقيته عنده سلوبيتات ماركه جونيور من3-6 جميله قوى قطيفه قطن كده والتكت اللى فى السعر مكتوب عليه بالدولار وكان مكتوب عليه 14 دولار قولتلو بكام قالى ب25 وممكن ينزل وقالى انو حاجات الاطقال عنده ماركه جونيور وشيكو استغربت اول مره اعرف ان شيكو بتنزل ملابس اطفال
والحاجات الصيفى هتنزل الشهر الجى وهيبعت مسج بالحاجات اللى هتيجى
ولقيت عنده بورت قالى بعد الخصم ب85 كان شبه اللحاف وكبير ولونه كحلى لو كان ينفع اصور اللى عنده كنت صورتو و نزلتهلكم
ولقيت اندر وير مشمع
زى بتاع صوت العيون ب 8 جنيه وحاجه
ولقيت سلوبيت نفس الرسمه والماركه اللى جابتها ام مايا من بليز مام(بس بتاعتها كانت بجامه) اثناء الخصم كانت جايبها ب37 تقريبا
لقيتها عنده ب25
ولقيت سلوبيت غريب كدا بكباسين من عند البامبرز من ورا
كان شكله غريب بس حلو

dew.dew;11154561:
يابنات انا فى اسماعليه دلوقتى
لقيت فى محل اطفال كنت بلاقى ناس بتدخله قلت اشوفه لاقيته عنده سلوبيتات ماركه جونيور من3-6 جميله قوى قطيفه قطن كده والتكت اللى فى السعر مكتوب عليه بالدولار وكان مكتوب عليه 14 دولار قولتلو بكام قالى ب25 وممكن ينزل وقالى انو حاجات الاطقال عنده ماركه جونيور وشيكو استغربت اول مره اعرف ان شيكو بتنزل ملابس اطفال
والحاجات الصيفى هتنزل الشهر الجى وهيبعت مسج بالحاجات اللى هتيجى
ولقيت عنده بورت قالى بعد الخصم ب85 كان شبه اللحاف وكبير ولونه كحلى لو كان ينفع اصور اللى عنده كنت صورتو و نزلتهلكم
ولقيت اندر وير مشمع
زى بتاع صوت العيون ب 8 جنيه وحاجه
ولقيت سلوبيت نفس الرسمه والماركه اللى جابتها ام مايا من بليز مام(بس بتاعتها كانت بجامه) اثناء الخصم كانت جايبها ب37 تقريبا
لقيتها عنده ب25
ولقيت سلوبيت غريب كدا بكباسين من عند البامبرز من ورا
كان شكله غريب بس حلو

انا ابن اختى عنده سنة ونص ومن هو عنده شهرين بنجبله هدوم ماركة شيكو على فكرة نوعيه اللبس بتاعها واقماشتها جميلة ومش بتتغير ولابتبهت

معلش يابنات اية افضل انواع الفوط طب لفترة النفاس؟اية اللويز ماكس دى العادية يعنى ولا اة ؟؟وهل فى فوط بتتباع للنفاس بس مخصوص ومنين اجيبها انا متلخبطة خالص انا كنت جبت الويز الترا وحطيتها فى شنطة المستشفى خلاص بس انتو بتقولو متنفعش ياريت تقولو لى اجيب منين نوع للنفاس بس يكون نظيف زى الالترا كدة

راندا;11157742:
معلش يابنات اية افضل انواع الفوط طب لفترة النفاس؟اية اللويز ماكس دى العادية يعنى ولا اة ؟؟وهل فى فوط بتتباع للنفاس بس مخصوص ومنين اجيبها انا متلخبطة خالص انا كنت جبت الويز الترا وحطيتها فى شنطة المستشفى خلاص بس انتو بتقولو متنفعش ياريت تقولو لى اجيب منين نوع للنفاس بس يكون نظيف زى الالترا كدة

بصي فيه لوتس وفيه بيبي هاندي وفيه اولويز ماكس دي انا مشوفتهاش بس غالبا اللي فهمته من البناتانها اكبر من الالترا، انتي هاتي الكبير الاول المخصوص ده وبعدين شوفي بقي حسب انتي هاينزل عندك كتير اوي ولا ايه وتحددي بعد كده تجيبي انهي نوع وحجم لما الاولاني يخلصوا.
انا جبت لوتس وبنات كتيرة هنا والجزء التانية جاب بيبي هاندي ودي بيقولوا انها زي اللي بيدهوالك في المستشفي.
هاتيها من الصيدلية او من محلات الورقيات والبامبرز والاطباق البلاستيك والحاجات دي او من السوبرماركتس الكبيرة

راندا;11157742:
معلش يابنات اية افضل انواع الفوط طب لفترة النفاس؟اية اللويز ماكس دى العادية يعنى ولا اة ؟؟وهل فى فوط بتتباع للنفاس بس مخصوص ومنين اجيبها انا متلخبطة خالص انا كنت جبت الويز الترا وحطيتها فى شنطة المستشفى خلاص بس انتو بتقولو متنفعش ياريت تقولو لى اجيب منين نوع للنفاس بس يكون نظيف زى الالترا كدة

بصي يا جميل في نوعين لفترة النفاس في الاول اللي هما لوتس و بيبي هاندي دول كبار وحتلاقيهم في كارفور و في محلات الورق والمناديل اللي في المنشية عشان على ما اتذكر انتي من اسكندرية

في نوع اسمه نانا هو قطن برده بس مقاس الفوطة اصغر ودا بقى عشان لما الدم يقل او لو الدم عندك مش كتير بنات كتير قالوا ان في ناس الدم عندها بيبقى زي البيريود

وفي الاولويز اللي هي للعناية الليلية دي بتبقى اكبر من العادية والماكس وفي منها الcompact وفي منها ultra فانتي شوفي اللي يريحك ودي برده دورها زي نانا يعني في اول يومين على الاقل حتحتاجي الكبار وعلى حسب طبيعتك حتكملي بالكبار ولا بالاولويز انتي بقى شوففي

بس نصيحة حتى لو الدم عندك قليل خليكي في صوفي او نانا لانهم قطن مش زي اولويز عشان بعد الشر الفترة دي ممكن يحصل فيها التهابات من الاولويز لانها مدة طويلة شوية

السلام عليكم ازيكم يا بنات
انا عايزة اعرف بس لو حد يعرف دكتور كويس فى منطقة فيصل و بالتحديد قريب من ش العشرين علشان الدكتور بتاعى سافر و مش عارفة اعمل ايه ارجو اللى تعرف متبخلش بالرد

انا قريت فى موقع اخر ان فوط اللوتس دى مش بلصق وبدون اجنحة صح ؟؟؟؟؟؟؟؟؟

راندا;11162981:
انا قريت فى موقع اخر ان فوط اللوتس دى مش بلصق وبدون اجنحة صح ؟؟؟؟؟؟؟؟؟

لا يا جميل لا اللوتس ولا البيبي هاندي ليهم لصق او اجنحة

الحاجات اللى جبتها من هالة امبارح الحمدلله
ادعولى بقى ييجى بالسلامة و يكون ذرية صالحة سليم معافى و بار بوالديه يارب

الكوفرتة




البطانية


شنطة البيبي و الكاريكوت












هكملكم فى مشاركة تانية بدل ما تضيع دى كمان

السالوبيتات

ده لكلوك بالايس كاب



دى بافتات



ده لكلوك تانى بالايس كاب
لونهم بيج مش عارفة الالوان بايظة شوية


بس خالاويص

white angel 85;11163033:
لا يا جميل لا اللوتس ولا البيبي هاندي ليهم لصق او اجنحة

بس اكيد حجمها مش هايسمحلها اصلا انها تتحرك او تتزحلق.

ايوة بس الفوطة اللى من غير لصق دى ممكن تتحرك اوتقطع انا اخاف من كدة طب الاولويز ماكس فيها لصق؟؟؟؟؟؟