تجهيزات واستفسارات حوامل مصر :)

اه يا كتكت تسلمى
ايمى ما شاء الله حلوين يتهعنى بيهم يارب
وعقبال ما تشوفيه عريس ان شاء الله
السراير دى مبتتبعش فى مصر بره بس دا الى لاحظته

لا ليه يا مورو انا اخواتي جايبين منها في مصر وبتتني وتتفرد

دموع اشتياقي;11083184:
بسم الله الرحمن الرحيم

ماشاء الله سرير عبد الله يعد معاه لغايه سنه ان شاء الله

وسعره 120 ريال
صورته فوق السرير عشان يبقي واضح:037:


ودي العربيه ماشاء الله وسعرها 170 ريال

ما شاء الله يا ايمي حلوين اوي وجمال خالص ولونهم مطقم مع بعضه، بس هو اللي تحت السرير ده عشان تحطي فيه ايه المستلزمات يعني ولا ايه؟
والعربية بردو، ودي تنفع لما يكبر شوية ولا فيها اوبشن انك تنيميه فيها وهو في سنه دلوقتي

لا مش مطقمه مع بعض همه ماركه واحده مع بعض نفس اللون

والي تحت السرير اه تحطي فيها حاجات ليه بس انا مش بحط فيها حاجه

اما العربيه اه بينام فيها فيها مستويات

طيب الاسعار ايه ان شاء الله
للسرير

في من 350 الي 500 يا جميل

دول فين يا جميله

في المولات في جراند مول فلمعادي محلات الاطفال

بنات هو مفيش اسدال شتوي ينفعنا فعلا في المستشفي وننجز.

بصى عندى اسدال قطن تقيل بس الى هو قطعه واحده
مش ايشارب وكدا
بس هو تقيل لانه فى اليف بيحررنى لانه بيكتم الهوا الحمد لله
بس برده هتحتاج بناطيل قطن واحسنلك تجيبى الى نزلت صورتهم بجد
لان الجسم بيبقا ضعيف جدا ومفيش مناعه ضد اى حاجه الحمد لله
فلازم تلبسى كويس وتقيل ان شاء الله مهما كان الجو ان شاء الله

صوت العيون;11083414:
بصى عندى اسدال قطن تقيل بس الى هو قطعه واحده
مش ايشارب وكدا
بس هو تقيل لانه فى اليف بيحررنى لانه بيكتم الهوا الحمد لله
بس برده هتحتاج بناطيل قطن واحسنلك تجيبى الى نزلت صورتهم بجد
لان الجسم بيبقا ضعيف جدا ومفيش مناعه ضد اى حاجه الحمد لله
فلازم تلبسى كويس وتقيل ان شاء الله مهما كان الجو ان شاء الله

لا البنطلونات دي لازم بجد اه ان شاء الله، كنت لسه مع حماتي علي الفون من شوية وبتقولي اه لازم تتقلي فعلا عشان بتبقي حساسة جدا وكمان بردو الجو هايبقي لسه برد يعني من الناحيتين، وقالتلي هاتي حاجة بسوستة او زراير فقلتلها ما انا لسه عايزة اشوف، عشان انا عندي جلابية حلوة اوي ومريحاني دلوقتي وصوف بس للأسف فتحتها صغيرة مش هتنفع، وهاخد الروب بتاعي اللي جبته قريب ده ان شاء الله او هشوف كان فيه كاب صوف عند ماما كده بتاعها زماااااااااااااااان بس واسع وتقيل فده ممكن لما اجي ارخج من المستشفي بقي بدل ما البس لبس خروج وكده البسه فوق القميص وخلاص، ليه والله بفكر في كذا تفكير مستقرتش اوي علي حاجة معينة.

اه بتأكد عليا ان لازم يبقي عندي عالطول في البيت عصاير والبان كتير عشان بعد الولادة وكمان كده كده مفروض يكونوا عندي دلوقتي بردو عشان التغذية وكده.

ايمان السرير حلو اووي والعربيه ده ماركه ايه ومنين جايبها من الرياض
قوللي باه ماما لاف كويسه ولا لا

اه من الرياض يا ميكوا ماركه اسمها you وسطيها حاجه كده زي العروسه تقريبا اند me

ومعرفش الماركه الي بتقولي عليها حلوه ولالا مشفتهاش علحقيقه الصراحه

يابنات عبوة بامبرز اللى فيها 10 مش حلوه خامتها مش حلوه لكن باقى العبوات تحفه ده لو حد هايجيب بامبرز ولو هاتجيبو بامبرز هاتو النوع الجديد اللى هو قطن من جوه ومن بره
وكمان انسوا موضوع الكوافيل خالص البامبرز مابيسربش يابنات نهائى
والسبرتو هاتو البخاخ افضل ومش غالى نفس سعر التانى بس افضل عشان المفروض انك بتبلى قطنه من العادى ده وتنقطيها عالسره فالافضل البخاخ ومن ناحية انه بيحرق فهو بيحرق فى الاول كام يوم كده لغاية ماتبدا تنشف وبعد كده مش هاتحرقه وبرده بعد السره ماتقع بذن الله افضلوا طهروا مكانها بالسبرتوا لمدة اسبوع كمان
وبالنسبه للفوط الصحية بتاعت النفس انا عن نفسى مانزليش دم كتير خالص فحطيطها اول يوم وتانى يوم ومارتاحتش عشان كبيره اوى فاستخدمت الاولويز فالدم ده بيختلف من حد للتانى وبرده انا ماقعدتش 40 يوم دم انا قعدت 20 يوم بس

بنات انا رايى فى موضوع الاسدال ده
اعتقد حيبقى صعب تلبسيه وتقلعيه الروب احسن
وفى ارواب بيبقى شكلها شيك اوى ومش شكل روب خالص
وتلبسى بقى ايشارب وخلاص بس الاسدال حيبقى صعب اوى

mashimaro16;11083703:
بنات انا رايى فى موضوع الاسدال ده
اعتقد حيبقى صعب تلبسيه وتقلعيه الروب احسن
وفى ارواب بيبقى شكلها شيك اوى ومش شكل روب خالص
وتلبسى بقى ايشارب وخلاص بس الاسدال حيبقى صعب اوى

لا ده انا كان قصدي من الاسدال انه يبقي بديل للقميص مش الروب :085::085::085::085: عشان بسوستة يعني وكده وفي نفس الوقت فيه ايشارب منه فيه عشان لو حصل وحد حب يدخل فجأة يعني ولا كده، الحق احطه في السريع.

بنات حد جرب كريمات الاسترتش ماركس اصلي في بنات بيقولي انم لازم الكريمات ده قبل الاولاده علشان لو طلعت الاسترتش ماركس مش بتعالج

miko85;11083979:
بنات حد جرب كريمات الاسترتش ماركس اصلي في بنات بيقولي انم لازم الكريمات ده قبل الاولاده علشان لو طلعت الاسترتش ماركس مش بتعالج

ممكن الكريمات دي وممكن زيت زيتون بس فيه دكاترة كتيرة بتقولك مش بيعملوا حاجة وهي بتروح لوحدها بعد الولادة بس بتاخد وقت شوية حسب بقي هي كتيرة ولا خفيفة، وكمان انا صاحبتي وناس كتير بتجيلهم قبل الولادة في الشهور الاخيرة عشان البطن كبرت اوي والجلد اتمدد.

miko85;11083979:
بنات حد جرب كريمات الاسترتش ماركس اصلي في بنات بيقولي انم لازم الكريمات ده قبل الاولاده علشان لو طلعت الاسترتش ماركس مش بتعالج

ميكو ياقمر انا مكنتش بدهن اي حاجه على بطني والحمدلله مطلعليش حاجه ..بس احيانا كنت بحس بحكه نتيجة الشد وكده فكنت بدهن زيت زيتون خفيف ..يعني هي طبيعة جسم ..بس كنت بدهن على صدري والنيبلز عشان الرضاعه