monsaf;10411041:
والله العظيم طبهم ما ينوصف بالفشل
يعني شوفي برمضان يوم تمرضت ونمت مستشفى بعيد الشر عنكم
اقوله دكتور كتفي يموتني هو يفحص بطني اقوله هنا ما اكو الم بس بكتفي يقولي لا الالم كله من بطنج
تخيلي سحب دم حتى من بطني
والله لما طقت روحي منهم وانزل عليه نزله عدله ما خليت له هو ومعاه 7 اطباء متدربين بقى وراها يومين يمر من باب الغرفه الي اني بيها وما يدخل كان يدخل عليه دكتور غيره ومن يريد يسويلي شي يقولي راح افحص هل مكان وافحص بطنج يمعودين والله مو بطني كتفي الي يئلمني
لكن الشكوى لله
وهذه مختصر
تخيلي ورب البيت 9 سنين علاج هنا بهولندا خربوني بيها كنت حامل عن طريق الكلوميد وحملت بتوأم واول مره شافوهم بالسونار بعدها يقولي البرفسور ماكو اجنه اقوله مستحيل اني احس بيهم والصور عندي مالت السونار الاول ومبينين يقولي واذا طلعتي على ظمانتج
قاله زوجي والحل قاله تراجعني بعد اسبوع ولما راجعته طبعا هل وقت كله ميته خوف لان اول حمل وتوني فرحانه بيه المهم هم فحصني قال ماكو هسه تدخلين مستشفى وتعالي شوفي البجي والقهر موتوني
وثاني يوم عمليه ناظور واني حامل بالشهر الثالث عساس يتاكدون ان الاجنه بالرحم ولا لا وهل عمليه بنج عام ونفخ واني ما كنت افهم بهل امور وشيقولون اقولهم اي ما عندي خبره
وبعد العمليه اجا عليه اني وزوجي توني فاتحني البنج قالي الاجنه اثنينهم موجودين بالرحم وحالتهم زينه
بعدها بدى عندي نزف حاد ما الحق على نفسي
ورى اسبوع رحت له وقبلها كنت مسويه تحليل دم طلع هرمون الحمل نازل للصفر
يعني راح الحمل
ومن بعدها ما شفت العافيه
ابر وهرمونات
لما زاد وزني صرت فيل
وانقطعت الدوره
وكلما رحت لهم قالو لي اضعفي وتحملين
كلها تقولي ارفعي عليهم قضيه
بس رفعت عليهم قضيه عند رب العالمين هو ياخذ لي حقي منهم لانه ما يضيع حق احد سبحانه
وما ودي بمحاكم وقضايا ولا ودي اخسرهم رغم انهم خسروني اغلى شي
لكن العوض على الله سبحانه
شفتي شلون طب فاشل وهذه كانت بدايه خربطه جسمي وهرموناتي من كثر الابره الي ضربوها ببطني وكلها هرمونات
حسبنا الله ونعم الوكيل
والله وجعتى قلبى
شفاكى الله وعافاكى
وعوضك خيرا مما فاتك
ماعندى كلام أضيفه والله