ايش رايكم بتصرف زوجة زميلي؟؟؟؟

إذا الموضوع مثل ما قالت ام جنى ان في حد يوصل كلام من إدارتكم ... فالأفضل انك تخبري زوجك وهو اللي يتصرف معاها ويوقفها عند حدها لان هذي ممكن تسوي مشاكل بينك وبين زوجك ابسطها مسج تقوله فيها ... امسك زوجتك عن زوجي وهذي الجملة راح تودي وتجيب مع زوجك وإذا ما كان زوجك حكيم ممكن توصل للطلاق وخراب البيوت فمثل ما حصلت رقمك تقدر تجيب رقم زوجك وبنفس الطريقة اللي جابت فيها رقمك .... بس الموضوع ما ينسكت عليه وينحط عليه دوت لا لا لا تصرفي بإخبار زوجكِ اولا عشان ما يوصله اخبار من برع وهنا بتكون الطامة الكبرى


العتب

يا بنات احسنو الظن في الاثنين ...

الموضوع واضح ان في طرف ثالث .. يبي يشوش عليهم ... والله العالم يا حرمه عاد يا ريال...

والسوالف هذي اغلبها تجي من تحت روس الحريم

ام جنى

اولا شكرا على تفاعلكم

1) جابت رقمي من جوال زوجها لان كل موظف حاطط بجواله ارقام بقية الموطفين.

2) انا عرفت من هي لان واحدة صاحبتي تشتغل بشركة GSM حق رقمها فطلعت اللي اسم صاحب الرقم و هو زوجها فخليت زميلتي اللي تحت معاه تفتش جواله فطلع هذا رقم زوجته لا و طلع اسمها بجواله my love .

3) انا رديت عليها بمسج قلت لها انه انا متزوجة و ان زوجها هذا لا يمكن اشوفه و قلت لها احترمي نفسك و لو عندك شك بزوجك واجهي هو و حلي الوضع معاه.

4) الان احتاج تقولولي كيف اقول لزوجي لما يجي من السفر...احس مو لازم لان بيكون الموضوع برد و لا اقول لاني اقول دايما كل شئ حصل معاي وهو مسافر لما يجي كل مرة.


يا ناس الموضوع مسبب لي حزن شديد وشعور بالظلم.

العتب;10364491:
إذا الموضوع مثل ما قالت ام جنى ان في حد يوصل كلام من إدارتكم ... فالأفضل انك تخبري زوجك وهو اللي يتصرف معاها ويوقفها عند حدها لان هذي ممكن تسوي مشاكل بينك وبين زوجك ابسطها مسج تقوله فيها ... امسك زوجتك عن زوجي وهذي الجملة راح تودي وتجيب مع زوجك وإذا ما كان زوجك حكيم ممكن توصل للطلاق وخراب البيوت فمثل ما حصلت رقمك تقدر تجيب رقم زوجك وبنفس الطريقة اللي جابت فيها رقمك .... بس الموضوع ما ينسكت عليه وينحط عليه دوت لا لا لا تصرفي بإخبار زوجكِ اولا عشان ما يوصله اخبار من برع وهنا بتكون الطامة الكبرى


العتب

هذا اللي دايما يجي في بالي

مفتون;10359229:
تعرفين يمكن هو معاكم ومب معاكم لأنه متوهق في بيته.... اذا هذا اسلوبها ويا انسانه غريبه تخيلي كيف تعامل زوجها؟ واصلا من وين يابت رقمج...

هاي مريضة نفسيا انصحج تطنشين رسالتها ولا تدخلين معاها في جدال لأنه سفيهه ومثل ما قلتي سوقيه يعني الكلام ضايع وياها ..


انتي سوي عمرج كأنه ما وصلج شي .. ولو يا سألج قوليله وصلني رسايل غريبه ومسحتهم توقعت انهم بالغلط ..

ولو ردت طرشت مره ثانية خلي ريلج يتصل فيها يهزبها شوي بتسكت.. هاي ماعندها ريال يسكتها فيايه تستقوى على بنات الناس.. خلج اكبر منها ..

فعلا...انا كذه تقوعت في الاول... بس تقولي زوجي ممكن يوافق يتصل لواحدة كذه

نور_الهدى18;10358168:
يمكن زوجها هو الي حاطك براسو و هي حاسة فعشان كدا عملت معاك طلعيها من راسك و اذا كلمتك مرة تانيا قوليلها ان ما في شي بينك و بين زوجها و تتفاهم مع زوجها و مالها حق تتكلم معاك
و اذا ما سكتت قوليلها انك بتخطفيه عن جد <<<<<<<<<<<<امزح معاك لا تعمليه :D_smil1:

بس ليش بيحطني
انا براسه...اقول لك انا ما اشوفه الا مرة بالشهر اقل من دقيقتين.

foforabba;10358203:
لاتزعلي مني بس استفسار مو اكتر

لااااااا حبيبتي لا زعل و لاشي
المفروض كنت اوضح النقطة هذه من الاول

مادام هيك حبيبتي لازم تعلمي زوجك حتى لو كان الموضوع برد بلاش يعرف بالصدفه ويصير مشاكل من وراء هالقصه

والله يفرجها عليك وعلي وع جميع المسلمين

ماشاءالله كل الزملاء عندهم ارقام بعض وتفتشون في الجوالات عادي .. غريبة !


ضروري تخبرين زوجك .. اولا لأنك بريئة ..
ثانيا لأنك متعودة تخبريه كل شيء..

اذا في المستقبل وصل الموضوع لزوجك ممكن يشك فيكِ حتى وانتِ بريئة لأنك ما خبرتيه .. يمكن يقول في نفسه ليش خبت علي دامها بريئه ... عرفتي؟

انا اشوف الحل الانسب انك تخبرين زوجك يتفاهم مع زوجها ومش معاها هي .. وما انصحك ابدا تردي على مسجاتها اذا ارسلت مرة ثانيه .. وكان المفروض ما تردي على الرساله هذه .. وخاصة ان الرد ما كان قوي وكأنك ماخذه الموضوع ببساطه ..

وعلى فكرة يمكن هي تشك في زوجها ولما فتشت جواله اخذت ارقام كل النسوان الموجوده وقررت ترسل لهم ...؟ والا انتي الوحيده اللي وصلت لها الرساله؟

انا لو منك اكلم صديقة لي عاقلة واتصل لها وهي جمبي عشان تكون شهاده لي وانتبهي تكلمي زوجها بالموضوع لانة كذا بتثبتي لها الكلام ويمكن هو اللي بيوصل لها هالاحساس
اتصلي وقولي لها الله المستعان انا فلانة وانا انسانة متزوجه و ليش رسلتي هالرسالة وخليكي هادئة مهما استفزتك وقولي لها والله العظيم اني احب زوجي ومااعرف زوجك وكنت حكلم زوجي لكن قلت اكيد في سوء تفاهم وغلطتي وانا زوجك مااعرفة واعزميها لعند اهلك مثلا
او كلمي زوجك لو حاسة انها سيئة
لا تسكتي وكانك عاملة جريمة
الله معك

عفانا الله شو هالناس !!!

اذا هي شاكة في ريلها و في تصرفاته تتفاهم وياه مب تتصل في خلق الله و تضارب!!! شو هالتصرف؟ بس سبحان الله كل انسان و اخلاقه :(

ماعليج منها و لا تفتكرين و الحمدلله يوم ان الموضوع انتهى على خير :)

و بالنسبه لزوجج انتي ادرى به ... عني انا اذا كنت مكانج ما اعتقد اخبره دام ان السالفه انتهت ..

الله يعينك عليها

طنشيها وبتتعب من الكلام الفاضي وبتبعد عنك والا كلمي زوجها وقولي له عن الموضوع

وان شاءالله خير

eternal beauty;10367273:
ماشاءالله كل الزملاء عندهم ارقام بعض وتفتشون في الجوالات عادي .. غريبة !


ضروري تخبرين زوجك .. اولا لأنك بريئة ..
ثانيا لأنك متعودة تخبريه كل شيء..

اذا في المستقبل وصل الموضوع لزوجك ممكن يشك فيكِ حتى وانتِ بريئة لأنك ما خبرتيه .. يمكن يقول في نفسه ليش خبت علي دامها بريئه ... عرفتي؟

انا اشوف الحل الانسب انك تخبرين زوجك يتفاهم مع زوجها ومش معاها هي .. وما انصحك ابدا تردي على مسجاتها اذا ارسلت مرة ثانيه .. وكان المفروض ما تردي على الرساله هذه .. وخاصة ان الرد ما كان قوي وكأنك ماخذه الموضوع ببساطه ..

وعلى فكرة يمكن هي تشك في زوجها ولما فتشت جواله اخذت ارقام كل النسوان الموجوده وقررت ترسل لهم ...؟ والا انتي الوحيده اللي وصلت لها الرساله؟

كل الزملاء عندهم ارقام بعض و حتى رقم المدراء هذا عادي فعلا بس التفتيش ادري انه قوية بس السكرتيرة اللي تحت عنده و افقت بصعوبة لما لمحت لها ايش الموضوع فدورت لما خرج من غرفته.

انا كمان فكرت اكلم زوجي يكلم حتى لو معاها اخ او اب لانه اكيد زوجها ماله كلمة قوية عليها مادام تجرات تسوي حاجة كذه بدون ما تعمل له حساب و لا ايش رايك؟؟

تقولي المفروض ما كنت ارد ؟ بس كان لازم تعرف انه عرفت من هي في زمن قياسي و هذا ممكن يخليها تفكر من 1 الى 1000 قبل ما تتصرف اي تصرف غبي ثاني لانه حتى تفاجات و قالت بعدين: كيف عرفتي من انا..و قولت لها كيف عرفت.

ايوة هي تسوي الحركة هذه لان من مدة واحدة موظفة معانا و اجنبية تقول انه فلان اتصل عليها في يوم الساعة 11 الليل و لما ردت عليه كان ساكت..اكيد هذا مو هو اكيد هي..

و مرة سمعت من البنات انه حصل ببيته مشكلة لان مرته عملت مشكلة مع واحدة قريبته لان زارت امه و هي راقدة بالمستشفى..هذا طبعا من مدة لان قلت لهم كيف ياخذ اجازة شخصية لمدة 2 ساعة و لما حد يتصل تقولو راح البنك ...فقالت لي ال سكرتيرة لان مرته دايما تتصل تقول وين هو و لو عرفت انه يروح بره تعمل له مشاكل...و لو ترد واحدة ثانية تسألها وين فلانة اللي هي السكرتيرة المسؤولة عن التلفون لان تحسب انه طلعوا مع بعض!!!!!!!

nagam;10367478:
انا لو منك اكلم صديقة لي عاقلة واتصل لها وهي جمبي عشان تكون شهاده لي وانتبهي تكلمي زوجها بالموضوع لانة كذا بتثبتي لها الكلام ويمكن هو اللي بيوصل لها هالاحساس
اتصلي وقولي لها الله المستعان انا فلانة وانا انسانة متزوجه و ليش رسلتي هالرسالة وخليكي هادئة مهما استفزتك وقولي لها والله العظيم اني احب زوجي ومااعرف زوجك وكنت حكلم زوجي لكن قلت اكيد في سوء تفاهم وغلطتي وانا زوجك مااعرفة واعزميها لعند اهلك مثلا
او كلمي زوجك لو حاسة انها سيئة
لا تسكتي وكانك عاملة جريمة
الله معك

فعلا ...انا رسلت لها بالكلام هذا و هي تعصبت لانني كنت هادية معاها...بس اعزمها لااااااااااا و 1000 لا،،انتي مشفتي اسلوب الرسايل حقها قليل عليها كلمة سوقية و لا حتى فكرت اتصل اسمع صوتها..
خلاص غالبا بكلمه لما يرجع..

Noor1979;10360052:
الغاليه ...

انا صادني موقف بالضبط نفس موقفك ... وقتها ما كنت متزوجه .... وكانت رده فعلي جداً قويه .... انا اتصلت بالحرمه الي طرشت لي مسجات ... ومسحت فيها الارض .. وقلت لها جان عندج شي امسكي زوجك ... وانا مالي اي علاقه .. فيه...

ولو شفت منج مسجات من هالنوعيه ... اشتكي عليج بالشرطه .. ,والحق في صفي ...وبدل ما تبهدلين بنات الناس .... شوفي نفسك اول..


وبما انج متزوجه .. تكلمين زوجك على طول بالموضوع وتقولين له السالفه وتخلينه هو يقرر معاج شنو الموضوع حتى لو اضطر الموضوع ان يكلمها ويوقفها عند حدها... او يكلم زوجها .....
لكن ابدا لا تسكتين عن الموضوع ... لان ممكن فعلا تتسبب لك باحراج ... ويمكن حتى تجيك العمل وتسوي لك فضيحه ذيك الساعه ... حتى لو ماكان لج ذنب... شنو بتبررين للناس ؟؟

وعلى فكره نص الي يسون هالحركه في حريم موصلين لهم هالكلام .. والله العالم من من الحريم عطتها رقمج .. وترست راسها عليج..

انصحك بالتصرف حالا..

ام جنى

ايوة هذا اللي قلت لها انه لو معاها مشكلة مع زوجها تواجه و تحلها معاه ..رسلت لها كلام واضح بس ببرود و بدون ما افقد اعصابي مع انه كان دمي يفور و هذيك الساعة كان على بالي اطلع عنوانها و اروح لبيتها امسح فيها البلاط...بس صليت على النبي و قلت الاحسن امسك اعصابي و ما احسسها انها عصبتني و ارد عليها ببرود و هذا اللي صار و فعلا هي اللي تعصبت من برودي..

بس انا ماعد افكر فيها انا افكر في نفسي كيف الموضوع مضايقني ،،لازم اخلص من ها الشعور كيف معرفش.

و انتي حبيبتي،،المسجات اللي طرشت لك كان بس شتايم ولا فيها تهديد و انتي ساعتها ما فكرتي انها ممكن تجيك الشغل و تعمل فضيحة او تكبر الموضوع و من فين جابت رقمك؟؟؟

غالبا هذي النوعية بتضرب ضرب عشوائي يعني ما في ببالها حرمة معينة اللي تلاقيها قدامها تهاوشها و خلاص.

i miss u dad;10375737:


تقولي المفروض ما كنت ارد ؟ بس كان لازم تعرف انه عرفت من هي في زمن قياسي و هذا ممكن يخليها تفكر من 1 الى 1000 قبل ما تتصرف اي تصرف غبي ثاني لانه حتى تفاجات و قالت بعدين: كيف عرفتي من انا..و قولت لها كيف عرفت.

ايوة هي تسوي الحركة هذه لان من مدة واحدة موظفة معانا و اجنبية تقول انه فلان اتصل عليها في يوم الساعة 11 الليل و لما ردت عليه كان ساكت..اكيد هذا مو هو اكيد هي..

ايوا حبيبتي المفروض ما رديتي لأنه هذه المرأه شكلها شكاكه وتدور مشاكل .. فانتِ لما بينتي لها انك عارفه هي مين.. هالشيء مش لصالحك لأنها بتشك اكثر .. يمكن ما يروح تفكيرها انك سألتي وفتشتِ حتى تعرفي منو هي.. لا يمكن تفكر دامك عرفتيها فمعناته انتِ فعلا على علاقه مع زوجها .. لأنه تفكيرها غريب دام الشك مسيطر عليها مثل ما وضحتي في كلامك اخر شيء عن اتصالاتها للسؤال عن زوجها ..

فانتِ عشان ترتاحي تجاهليها لكن ضروري ضروري تخبري زوجك حتى اذا لا سمح الله لعب الشيطان في مخها وقررت تجي الشغل وتعمل مشاكل ما تتضرري انتي.. واصلا لما تعرف انه وراكِ رجل وهو اللي يتصرف ما راح تفكر تعمل لك مشاكل .. لا برسائل ولا بحضورها .. لأنها بتعرف ان الموضوع صار جدي ..

والله يوفقك ويبعد عنك كل سوء

eternal beauty;10375951:


ايوا حبيبتي المفروض ما رديتي لأنه هذه المرأه شكلها شكاكه وتدور مشاكل .. فانتِ لما بينتي لها انك عارفه هي مين.. هالشيء مش لصالحك لأنها بتشك اكثر .. يمكن ما يروح تفكيرها انك سألتي وفتشتِ حتى تعرفي منو هي.. لا يمكن تفكر دامك عرفتيها فمعناته انتِ فعلا على علاقه مع زوجها .. لأنه تفكيرها غريب دام الشك مسيطر عليها مثل ما وضحتي في كلامك اخر شيء عن اتصالاتها للسؤال عن زوجها ..

فانتِ عشان ترتاحي تجاهليها لكن ضروري ضروري تخبري زوجك حتى اذا لا سمح الله لعب الشيطان في مخها وقررت تجي الشغل وتعمل مشاكل ما تتضرري انتي.. واصلا لما تعرف انه وراكِ رجل وهو اللي يتصرف ما راح تفكر تعمل لك مشاكل .. لا برسائل ولا بحضورها .. لأنها بتعرف ان الموضوع صار جدي ..

والله يوفقك ويبعد عنك كل سوء

شكرا عزيزتي على ردودك.

الرسايل لو تشوفيها مش ممكن بتسكتي عشان كذه عرفته انني عارفة هي مين و كيف عرفت ، انا ابغاها تحس انه ما دام انا اقدر اطلع رقمك يعني انا مش واحدة عادية و اقدر اسوي فيك اكثر مما تتوقعي و هذا اللي انا لمحت له في ردودي. بس رجاءا لا تفهمي انني حرمة مفترية و مستقوية على الناس.

ايوة انا خلاص قررت اني اكلم زوجي لما يرجع بس بدور على طريقة مناسبة..و ان شاء الله خير.

بس الموضوع ماعاد مضايقني اللي مضايقني شعوري بداخلي بالظلم و انه ليش هذا يحصل معايا!!!!لو انا غلطانة او مش مستقيمة ما كنت بالوم الا حالي بس انا ما اعطي وجه لحد في المكتب فكيف هذا يحصل.
اتمنى تكوني فهمتيني..

مرة ثانية اشكرك لمرورك و الرد

احسنتي التصرف .. ولو ما زالت رسايلها عندك احتفظي فيهم احتياط .. ولو راسلتك مره ثانية لا تردي عليها


وطبعا زوجك لازم يعرف بكل شي

اختي مافي داعي للحزن .. المفروض هي اللي تحزني عليها لانها تعاني من حالة غيرة شديدة وانتي اكيد مو الوحيدة اللي هاجمتها .. ولما تخلص منك بتدور ضحية ثانية .. الله يعينها ..ويعين امثالها

تصرفك صحيح

والواجب انك تبلغي زوجك

ولاتقهرين نفسك على ناس ماتسوى :)

موفقه اختي