قالوا لي فيني بنية وانتي وش قالوا لش؟؟تعالي شاركينا

انا عندي بنتين وفي الشهر السابع

كل مستوصف او مستشفى اروح له يقولوا مو واضح نوع الجنين

الله يكتب اللي فيه الخير

ويرزقني جنين بصحه وعافيه

واللي يجي من الله حياه الله

انا هذا ثاني حمل لي قبل كانت عندي بنوته مثل القمر
ماليه لي حياتي كلها والحين قالتلي الدكتوره ولد والحمدلله
ربي عطاني اثنين انا كنت اتمناهم عشان اريح

الله يقومن بالسلامه اني بداية الشهر الخامس قالو لي بنت الحمدلله على كل حال الله يجيبها بالسلامه وعندي 3 بنات كان خاطري بولد بس الله الوهاب يهب من يشاء الذكور ويهب من يشاء الاناث الحمدلله

انا توني في بداية الرابع واتمنى اعرف ايش فيني بس اعتقد بدري الحين اعرف... عندي بنت وولد ... فما يهمني ولد ولا بنتاهم شئ يكون سليم ومعافي ان شاء الله . تقبلي مروري .

انا لما كنت في نهاية الخامس قالت لي دكتورة السونار انها بنت وانا الان في السادس وهذا اول حمل لي فأي شي راح يكون حلووووووووو المهم تمام الخلقة والسلامة بس صديقتي قبل فترة ولدت وهي لحد الشهر الثامن تقوللها الدكتورة بنت وخبرتنا انها بنت بس بالصدفة في الثامن عند غير دكتورة قالت لها ولد وفعلا ولدت ولد وهي عندها اصلا بنت وكلهم حلوييييين.

اهم شي يجي بصحة وعافيه

انا في الخامس قالوا لي ولد وكل مرة اروح مايقولون لي شي مدري ليه

يقولون اهم شي هو بصحة وسلامة مو لازم تعرفين شنو
وتوكلت على الله بس احساسي ولد

باجر موعدي و إن شاء الله أعرف

و ربي يحفظه لي من كل شر

انه سويت سونار بالاسبوع 16 ويوم وما بين الجنس ان شاء الله بعد شهر ونص او اشهرين اعيد السونار ويبين جنس البيبي :)

كان خاطري أعرف شو جنس البيبي
وكنت أنتظر الاسبوع 16 على أحمر من الجمر
ولما رحت قالت الدكتورة ما باين أبدا
وبعدها رحت بإسبوع مع دكتورة ثانية قالت البيبي مصكر رجلة وماأقدر أشوف

وخاطري أعرف
وعسى خير إن شاء الله

أنا قالوا لي في بطني أحلى عروسه فديتها وهذا أول حملي لي وأنا مبسوطه حدي الله يجيبها بالسلامه وحشتني حبيبة ماما

انا هدا ثاني حمل لي عندي ولد الله يخليه ويحفظه وكنت احلم بشي اسمه بنت من حملي الاول احب البنات والله استجاب دعائي بنهاية الخامس رحت سويت سونار بمستشفى الامل وقالت لي بنت
الله يرزقني فيها سليمه معافاه بدون زياده او نقصان بأدن واحد احد

لحدن الان ماعرفت شنو فيني
لا توني بالشهر الثاني

الله يقومكم بالسلامة ويرزقكم شوفتهم بصحة وسلامة ..


انا توي فالشهر الثاني يعني باقي لي 3 شهور واعرف ..بس احساسي بنووتة ..وان شاء يصدق احساسي ..لان عندي ولد عسول ..خاطري فا اخت له ..والله يكتب الي فيه الخير ..

الني سويت الاترساوند في الشهر الخامس في المركز وقالو لي بنت وسويت عند فهيمة المطوع رباعي الالبعاد وملون طلع بنت وعندي ولد من قبل يعني انتظر البنت بفارغ الصبر

مبروك عليج الحمل و البنت
اني ما متاكده ليهسه بس الدكتورة شاكه انو ولد

الله يسلمكم ياعرايس ويسهل عليكم وتولدون بالسلامة ويرزقكم العيال البارين الصالحين انشاء الله
انا بعدني ما اعرف شنو فيني بس بنتي خاطرها في اخت ودائما تقول لي ماما انا ابغى اخت لاني ضايعة بين اخواني الاولاد ههههههههههههههه
وانا اقول ليها ما ما هذا مو بيدي هذا عطية من رب العالمين ادعي ان الله يعطيك اخت بس اذا جاك اخو قولي الحمد الله لان كل شىء من رب العالمين هبة وعطية نشكره ونحمده عليها يارب يرزق كل محروم

أنا للحين ماعرفت .. كان البيبي عاطنا ظهره هههه ولاعرفنا ..
إن شاء الله هالشهر أعرف ..